Morgunblaðið - 22.01.2003, Blaðsíða 2
FRÉTTIR
2 MIÐVIKUDAGUR 22. JANÚAR 2003 MORGUNBLAÐIÐ
BUSH HVIKAR HVERGI
George W. Bush Bandaríkja-
forseti segir óþarfa að gefa vopnaeft-
irlitsmönnum Sameinuðu þjóðanna
meiri tíma til að stunda vinnu sína í
Írak, öllum eigi að vera ljóst að Sadd-
am Hussein Íraksforseti hyggist
ekki afvopnast. Tony Blair, forsætis-
ráðherra Bretlands, segir hins vegar
að sá mikli þrýstingur, sem írösk
stjórnvöld mega nú sæta, sé farinn
að segja til sín. Saddam hafi ekki eins
sterk tök á stjórnartaumunum í Írak
og áður.
Nýr vegamálastjóri
Jón Rögnvaldsson hefur verið
skipaður vegamálastjóri frá 1. mars
nk. og til næstu fimm ára, í stað
Helga Hallgrímssonar sem þá lætur
af störfum fyrir aldurs sakir. Jón er
63 ára og hefur verið aðstoðarvega-
málastjóri frá árinu 1995.
Hryðjuverk í Kúveit
Bandarískur ríkisborgari lést í
skotárás í grennd við Doha-herstöð-
ina í Kúveit í gærmorgun en Banda-
ríkjamenn segja árásina hafa verið
hryðjuverk.
Greinileg offjárfesting
Sigurður Jónsson, fram-
kvæmdastjóri Samtaka verslunar og
þjónustu, segir greinilegt að offjár-
fest hafi verið í verslunarhúsnæði á
höfuðborgarsvæðinu. Afleiðingarnar
hafi verið að koma fram undanfarna
mánuði, m.a. í miðbæ Reykjavíkur en
þar hefur verslunum fækkað nokkuð.
Lífskjör batna
Davíð Oddsson forsætisráðherra
sagði á Alþingi í gær að lífskjör þjóð-
arinnar myndu batna í kjölfar fyr-
irhugaðra stóriðjuframkvæmda á
Austurlandi. Ef grípa þyrfti til sér-
stakra aðhaldsaðgerða vegna Kára-
hnjúkavirkjunar og álvers við Reyð-
arfjörð yrðu slíkar aðgerðir einungis
tímabundnar. Ávinningurinn af fjár-
festingunni væri hins vegar til langs
tíma.
Samtímalistasafn samþykkt
Borgarráð hefur staðfest samning
er felur í sér samvinnuverkefni
Reykjavíkurborgar og Péturs Ara-
sonar um að opna almenningi aðgang
að miklu safni innlendra og erlendra
samtímalistaverka í eigu Péturs og
konu hans, Rögnu Róbertsdóttur.
MAGNUM SRT-8
CRUISER FJ GENGUR AFTUR
FJALLASPORT Í SVÍÞJÓÐ
JEPPAHORNIÐ
DRIFLÆSINGAR
SJÁLFSKIPT VECTRA
CITROËN C8
Alhliða
lausn í
bílafjármögnun
Suðurlandsbraut 22 540 1500
www.lysing. is
Þjónustuaðili fyrir öryggis- og
þjófavarnarbúnað frá DIRECTED
VIPER á Íslandi
FLATAHRAUNI 31 • HAFNARFIRÐI
SÍMI 555 6025 • www.kia.is
K IA ÍSLAND
Bílar sem borga sig!
Yf ir l i t
Í dag
Sigmund 8 Viðhorf 32
Viðskipti 12/13 Minningar 33/37
Erlent 14/17 Bréf 40
Höfuðborgin 18 Kirkjustarf 41
Akureyri 19 Staksteinar 42
Suðurnes 20 Dagbók 42/43
Landið 21 Fólk 48/53
Listir 22/25 Bíó 50/53
Forystugrein 28 Ljósvakamiðlar 54
Umræðan 26/32 Veður 55
* * *
STURLA Böðvarsson samgöngu-
ráðherra hefur skipað Jón Rögn-
valdsson í stöðu vegamálastjóra frá
1. mars nk. og til næstu fimm ára, í
stað Helga Hallgrímssonar sem þá
lætur af störfum fyrir aldurs sakir.
Jón var í hópi sex umsækjenda sem
sóttu um stöðuna.
Jón er á 64. aldursári og hefur
verið aðstoðarvegamálastjóri frá
árinu 1995. Hann hefur starfað hjá
Vegagerðinni allar götur síðan árið
1966. Hann er með próf í bygging-
arverkfræði, með vega- og brúar-
gerð sem sérgrein, frá tækniháskól-
anum í Stuttgart í Þýskalandi.
Fimmti vegamálastjórinn
Jón Rögnvaldsson er fimmti
vegamálastjórinn frá því að fyrst
var skipað í stöðuna árið 1918. For-
veri þess starfs var embætti lands-
verkfræðings sem fyrst var sett á
laggirnar árið 1893. Miðar Vega-
gerðin við það sem upphafsár í sögu
sinni og er því í raun 110 ára á
þessu ári. Sigurður Thoroddsen
eldri var fyrsti landsverkfræðing-
urinn og gegndi starfinu til 1904.
Eftir það voru Jón Þorláksson og
síðar Thorvald Krabbe í embætti
landsverkfræðings, eða til ársins
1917 að embættið var lagt niður. Ári
síðar var skipað í stöður vegamála-
stjóra annars vegar og vitamála-
stjóra hins vegar. Fyrsti vegamála-
stjórinn var Geir G. Zoëga, sem var
í embættinu í nærri 40 ár, eða til
ársins 1956. Þá tók Sigurður Jó-
hannsson við og var vegamálastjóri
næstu 20 árin. Árið 1976 var Snæ-
björn Jónasson skipaður vegamála-
stjóri og gegndi hann embættinu til
ársloka 1991. Frá ársbyrjun 1992
hefur Helgi Hallgrímsson verið
vegamálastjóri hjá Vegagerðinni en
lætur sem fyrr segir af störfum
vegna aldurs 1. mars nk. er Jón tek-
ur við.
Jón Rögnvaldsson skip-
aður vegamálastjóri
Morgunblaðið/Þorkell
Jón Rögnvaldsson, nýr vegamálastjóri, tók í gær við skipunarbréfinu úr
hendi Sturlu Böðvarssonar samgönguráðherra. Hann hefur störf 1. mars.
HARALDUR Örn Ólafsson undir-
býr nú enn einn fjallaleiðangur í
tengslum við sjötindaleiðangur sinn
og hyggst ganga á áttunda tindinn í
sjötindagöngunni, hversu undarlega
sem það kann að hljóma. Skýring-
anna er að leita í því að tveir tindar
eru viðurkenndir sem einn hátind-
anna sjö og fjallgöngumenn geta val-
ið á milli þeirra þegar kemur að því
að klífa hæsta tind hverrar heims-
álfu.
Um er að ræða hæsta tind Ástr-
alíu, Kosciuszko 2.228 m og
Carstensz Pyramid 4.884 m, hæsta
tind Eyjaálfu. Sá síðarnefndi er
langtum erfiðari uppgöngu og
hugðist Haraldur klífa hann haustið
2001, en varð frá að hverfa vegna
stjórnmálaólgu í Nýju-Gíneu. Fór
hann þá til Ástralíu og gekk á Kosc-
iuszko en hélt fast við þá áætlun að
klífa Carstensz þótt síðar yrði.
Haraldur heldur því utan 15. febr-
úar og stefnir á að ná tindinum þann
24. Tindurinn er hömrum girtur og
útheimtir töluverða klettaklifur-
kunnáttu. Hann telst tæknilega erf-
iðasti tindurinn í röðinni. Haraldur
stundar nú æfingar en slæst í hóp er-
lendra klifrara þegar út er komið.
Stefnir á
hæsta tind
Eyjaálfu
ARNAR Jónsson leikari fagnaði
sextugsafmæli sínu í gær og lék
um kvöldið í Veislunni á Smíða-
verkstæði Þjóðleikhússins, en
leikritiðfjallar einmitt um sex-
tugsafmæli sögupersónunnar,
Helga Klingenfeldt-Hansen.
„Einhverjum fannst það sniðug
hugmynd að skella afmælum
okkar Helga ræfilsins saman,“
sagði Arnar þegar leikhúsgestir
klöppuðu honum lof í lófa að
lokinni sýningu.
Stefán Baldursson, þjóðleik-
hússtjóri og leikstjóri Veisl-
unnar, færði Arnari blóm og
hélt ræðu honum til heiðurs.
„Arnar er afburðaleikari sem
hverju leikhúsi er mikill fengur
í. [...] Hann er einn þeirra leik-
ara sem með leik sínum getur
fengið mann til að gleyma stað
og stund og gangast full-
komlega á vald þeirrar persónu
sem hann er að túlka í það og
það skiptið,“ sagði Stefán. Þá
sungu áhorfendur afmælissöng-
inn og hrópuðu ferfalt húrra
fyrir Arnari.
Í leikritinu kemur ýmislegt
heldur óskemmtilegt í ljós úr
fortíð afmælisbarnsins, Helga
Klingenfeldt-Hansen. Að-
spurður sagði Arnar að hann
væri „töluvert mikið feginn“ að
þetta var ekki hans afmæli.
„Það þarf kannski fremur geðs-
lega persónu til að leika þetta
hlutverk. Kannski hefði nú
aldrei orðið svona uppákoma í
minni veislu, ég ætla að vona
ekki,“ bætti hann við. Veislan
hans var haldin í anddyri
Smíðaverkstæðisins að lokinni
„Veislunni“.
Þórhildur Þorleifsdóttir, eig-
inkona Arnars, börn þeirra
hjóna, tengdabörn og barna-
barn voru meðal áhorfenda, en
einnig forseti Íslands, biskup
Íslands og borgarstjóri auk fjöl-
margra úr leikhúsheiminum.
Arnar segist ánægður með af-
mælisdaginn. Hann hafi verið
ákaflega tíðindalítill miðað við
atburðina í leikritinu, en mjög
góður.
Morgunblaðið/Þorkell
Arnari var klappað lof í lófa að lokinni sýningu. Hér er hann ásamt Ingu Maríu Valdimarsdóttur, Hilmi Snæ Guðnasyni og Tinnu Gunnlaugsdóttur sem
leika með honum í Veislunni. Áhorfendur sungu afmælissönginn fyrir afmælisbarnið og hrópuðu fyrir honum ferfalt húrra.
Haldið upp á tvöfalt sex-
tugsafmæli í „Veislunni“
TVÖ aðsóknarmet voru sett í Fjölskyldu-
og húsdýragarðinum á nýliðnu ári. Aldrei
hafa jafnmargir gestir heimsótt garðinn í
október- og desembermánuðum. Alls heim-
sótti 208.961 garðinn á síðastliðnu ári sem
er annar mesti fjöldi á ári frá því opnað var
árið 1990. Tíu ára afmæli nautsins Gutt-
orms dró að sér 4.000 gesti í október, en alls
komu 8.490 í þeim mánuði. Veðurblíðan í
desember dró síðan að sér 7.737 gesti.
Það er helst að frétta af Guttormi að
hann hlaut sár á klauf vinstri fótar um síð-
ustu helgi. Guttormur, sem er tæpt tonn að
þyngd, er talinn hafa stigið á klakabrot sem
skarst inn í klauf hans. Töluvert blæddi og
haltrar Guttormur því næstu daga. Dýra-
læknir skoðaði Guttorm og gaf honum
pensilín.
Aðsóknarmet
í Fjölskyldu-
garðinn