Morgunblaðið - 22.01.2003, Blaðsíða 45
ÍÞRÓTTIR
MORGUNBLAÐIÐ MIÐVIKUDAGUR 22. JANÚAR 2003 A 45
ÞAÐ var ekki bara í Viseu, þar sem
riðill Íslands fer fram, sem allmiklir
hnökrar voru á framkvæmd heims-
meistarakeppninnar í handknatt-
leik. Mönnum þótti nóg um þegar
rafmagnið fór af þegar hálf níunda
mínúta var til leiksloka og komst
ekki á fyrr en að rúmum hálftíma
liðnum. Blaðamönnum danskra og
sænskra dagblaða þykir fram-
kvæmd mótsins ekki vera upp á
marga fiska þar sem landslið þeirra
leika, í bænum Sao Joao de Madeira
skammt frá Portó.
Ole Ravn, blaðamaður BT,
skrifar m.a. í blað sitt í gær: „Marka-
taflan var óvirk, leikklukkan einnig
og liðin svo slök að ekki sæmir
heimsmeistarakeppni. Þannig hófst
HM í handknattleik í þessum litla
bæ,“ segir Ravn í grein sinni um
fyrsta leik D-riðils þar sem mættust
Brasilía og Alsír. „Það eru þrjú ár
liðin síðan Portúgölum var úthlutað
keppninni og því er ekki til of mikils
mælst að ýmis tæknileg atriði væru í
lagi. En því miður þá er það ekki svo
og viðkvæðið hjá heimamönnum er,
það sem ekki er í lagi dag kemst í
lag á morgun eða hinn.“
Ravn segir að öll umgjörð leiksins
hafi verið fábreytt og framkvæmd
hans fyrir neðan allar hellur enda
hafi liðið ein klukkustund og fimm-
tíu mínútur frá því hann hófst og þar
til flautað var til leiksloka. Reyndar
hafi verið um 1.000 skólabörn á með-
al áhorfenda. Þau hafi sett sinn svip
á leikinn í íþróttahöll sem tekur um
5.000 áhorfendur með því að styðja
við bakið á Brasilíu. „Leikurinn var
hins vegar hroðalega lélegur og
minnti á leik í dönsku 2. deildinni
frekar en kappleik á HM. Steininn
tók úr þegar fullskipað lið Brasilíu
brá á það ráð að taka markvörð sinn
með sem sjöunda mann í sóknina.
Það endaði með að hinn seinheppni
markvörður sendi boltann beint í
hendur leikmanns Alsír sem þakkaði
fyrir sig með því að kasta boltanum í
tómt markið.“
Blaðamaður Jyllands-Posten
tekur í sama streng og félagi hans á
BT þegar hann lýsir viðureign Bras-
ilíu og Alsír um umgjörð leiksins á
háðulegan hátt. Hann segir m.a.:
„Það er eitt af grunnatriðum hvers
handknattleiksmanns að geta gripið
boltann og sent hann skammlaust
frá sér aftur. Á löngum köflum í
leiknum voru leikmenn liðanna ekki
einu sinni með þessi atriði á hreinu.
Brasilía lék 3/2/1 vörn sem var lík-
ari götóttu sigti en nokkru öðru. Als-
írbúar sýndu hins vegar nýjar hliðar
í handknattleiksíþróttinni þegar
þeir stilltu fjórum leikmönnum upp
við miðjuna og hugðust verjast þar.
Þeim varð ekki kápan úr því klæð-
inu og leikurinn varð tómt rugl.“
Þá gerir blaðamaður óspart grín
að því að hvorki leikklukka né
markatafla hafi verið í lagi allan
leikinn. Tekur hann reyndar fram
að önnur markatafla hússins hafi
virkað í um hálfa mínútu í fyrri hálf-
leik og þegar það átti sér stað hafi
það nærri því slegið leikmenn Bras-
ilíu og Alsír endanlega út af laginu.
Í hinu sænska Aftonbladet segir
m.a. að erfitt sé fyrir erlenda gesti
að taka keppnina alvarlega þegar
heimamenn geri það ekki. Svíar léku
við Egypta á sama stað og Alsír og
Brasilía. Blaðamaður Aftonbladet
segir að auk þess sem nær engir
áhorfendur hafi verið á leikjum rið-
ilsins þá hafi verið hrollkalt í íþrótta-
höllinni, markatafla og leikklukka
hafi ekki komist í gang fyrr en kom-
ið var nokkuð fram í þriðja og síð-
asta leik dagsins – milli Dana og
Slóvena. Þá hafi sænska landsliðið
verið stöðvað fyrir utan íþróttahöll-
ina af öryggisvörðum sem hafi neit-
að að hleypa því inn fyrr en eftir
nokkurt stapp.
Hvað
segja
blöðin?
SÆNSKUM blaðamönnum
þykja Portúgalar ekki
standa sig sem skyldi við
að halda heimsmeist-
arakeppnina í handknatt-
leik. Í Aftonbladet er m.a.
fjallað um fyrirkomulag
keppninnar sem þykir ein-
kennilegt og m.a. sagt að
mótið sé hreinlega
„katastrofa“, enginn viti
hvert skal halda í leiki 16
liða úrslitanna og í raun
geti það verið verra upp á
framhaldið að lenda í
fyrsta sæti síns riðils í
fyrstu umferð en verða í
þriðja sæti, ef úrslit inn-
byrðisleikja verði óhag-
stæð. Úrslit sumra leikja
bæti síðan gráu ofan á
svart og meðal annars er
bent á fjörutíu marka sig-
ur Íslands á Ástralíu því til
staðfestingar.
Þá er spurt hvers megi
þá vænta í Túnis þegar
HM fer þar fram – úr því
Evrópuríkið Portúgal geti
ekki staðið betur að mál-
um en raun ber vitni. Tún-
is var tekið fram yfir
Þýskaland þegar komið
var að vali á leikstað fyrir
HM 2005, þrátt fyrir að
Þjóðverjar hafi lagt fram
ábyggilegar áætlanir um
að halda glæsilegustu
heimsmeistarakeppni sög-
unnar.
HM-keppnin
er „katastrofa“
MAGAKVEISA herjar á sænska landsliðið
í handknattleik í Portúgal og kom m.a. í
veg fyrir að Tomas Svensson og Mattias
Franzén gátu ekki tekið þátt í leiknum við
Slóvena í gær, en leiknum töpuðu Svíar,
29:25. Kveisunnar varð í fyrrinótt og voru
Magnus Wislander og hinn ungi leik-
maður, Kim Andersson, settir í einangrun.
Þegar leið á gærdaginn var ljóst að mark-
vörðurinn Svensson hafði einnig gripið
pestina og félagi hans, Franzén. Franzén
og Andersson fóru þar með ekki með lið-
inu á leikinn en Wislander og Svensson
fóru. Svensson sat á bekknum allan leik-
inn. Wislander kom inn á í síðari hálfleik
en var ekki nema skugginn af sjálfum sér.
Orsök magakveisunnar er ekki þekkt enn
sem komið er en hennar hefur ekki orðið
vart á meðal annarra þjóða sem búa á
sama hóteli og sænska landsliðið.
Magakveisa
hrjáir Svía
Mathias Franzén
Danir voru svo bjartsýnir þegarþeir mættu til leiks á HM og
reyndar nokkru fyrir mótið var þeim
farið að dreyma um gullverðlaun.
Víst er að þrátt fyrir sigurinn í gær-
kvöld komust a.m.k. einhverjir leik-
menn liðsins niður á jörðina með
leiknum við Brasilíu. Fyrir viður-
eignina hentu danskir fjölmiðlar
gaman að framgöngu brasilíska liðs-
ins gegn Alsír í fyrradag. Þóttu
Brasilíumennirnir algjörir byrjend-
ur og lítt til þess fallnir að standa í
danska liðinu. Aðeins ein rödd í her-
búðum danska liðsins varaði við
bjartsýni, það var rödd hornamanns-
ins Lars Christiansen, sem sagðist
vel muna eftir vonbrigðunum með
leikinn á móti Alsír á HM á Íslandi
1995 þegar danska liðið vanmat and-
stæðing sinn illilega og var sent heim
í kjölfarið með skottið á milli lapp-
anna.
Að þessu sinni var það varamark-
vörðurinn Peter Nörklit sem bjarg-
aði andliti Dana. Hann kom í markið
í upphafi síðari hálfleiks og varði
sem berserkur, einkum þegar líða
tók á leikinn. Í fyrri hálfleik var við-
ureignin í járnum og Danir voru að-
eins einu marki yfir í hálfleik, 11:10.
Fljótlega í síðari hálfleik tóku Bras-
ilíumenn leikinn í sínar hendur og
náðu m.a. þriggja marka forskoti,
16:13. Var þá brúnin á Dönum heldur
tekin að þyngjast. Sóknarleikurinn
var í molum gegn framliggjandi 3/2/1
vörn Brasilíumanna. Um síðir tókst
að koma lagi á sóknina og Dönum að
komast inn í leikinn og jafna, 20:20,
þegar rúmar tíu mínútur voru til
leiksloka. Þá sigldi danska liðið fram
úr án þess að vottur af meistarabrag
væri yfir liðinu, ef marka má um-
sagnir danskra netmiðla í gærkvöld.
Þeir sögðu að hið eina jákvæða við
leikinn hafi verið að fleiri áhorfendur
hafi mætt en á viðureigninni við
Slóvena í fyrrakvöld.
AP
Ólafur Stefánsson skorar mark gegn Grænlendingum í Viseu í gær. Hann hefur farið rólega af stað
á HM – skoraði eitt mark úr vítakasti gegn Ástralíu, en 4/1 mörk í gærkvöldi.
Danirnir í basli
DANIR lentu í kröppum dansi er þeir mættu Brasilíu í gærkvöld og
máttu þakka fyrir að knýja fram sigur á lokakafla leiksins, 28:24,
eftir að hafa verið marki yfir í hálfleik, 11:10, og þremur mörkum
undir þegar síðari hálfleikur var nærri hálfnaður. Hressileg og fram-
liggjandi vörn Brasilíu sló danska liðið algjörlega út af laginu um
tíma.
MÖRK, mörk og aftur
mörk. Íslendingar settu
markamet á HM er þeir skor-
uðu 55 mörk gegn Ástralíu í
sigurleik í Viseu, 55:15. Þjóð-
verjar hafa aftur á móti unn-
ið leik með mestum mun á
HM, eða 42 mörkum – 46:4
gegn Lúxemborg á HM 1958
í Þýskalandi.
Sigurður Bjarnason varð
fyrstur til að rjúfa 50 marka
muninn á HM og Íslendingar
settu met í að skora mörk úr
hraðaupphlaupum í leik, alls
32 mörk!
Mestur munur sem vitað
er um í leik er 84 marka
munur. Það eru Sovétmenn
sem eiga það met frá 1981,
er þeir rústuðu liði Afganist-
an á móti herliða í Miskolc í
Ungverjalandi, 86:2.
Mörk og
aftur mörk