Morgunblaðið - 22.01.2003, Blaðsíða 49
HÁTÍSKUVIKAN í París með hönnun
fyrir næsta vor og sumar hófst á mánu-
dag og er sýningum Valentino, Christ-
ian Dior, Versace og Jean Paul Gaultier
lokið.
Ímyndunaraflið fær oftast að njóta
sín til hins ýtrasta á hátískusýningunum
enda geta flestir einungis ímyndað sér
að eignast hátískuflík, þar sem þær
eru dýrar. Flíkurnar minna oft jafn-
mikið á listmun og nothæfa flík en
raunverulega listin er sú að finna jafn-
vægið þarna á milli.
Harðkjarnarómantík hjá Dior
John Galliano heimsótti Asíu í sýn-
ingunni fyrir Christian Dior. Sýn-
ingin var með leikhúsbrag, ævin-
týraleg og var menningarstraum-
um úr austri og vestri blandað
saman. Notaðist hann m.a. við kín-
verska dansara og sirkusfólk í sýn-
ingunni.
Galliano hefur sjálfur lýst sýning-
unni sem „harðkjarnarómantík“ en
hún var litaglöð og fötin efnismikil.
Stjörnurnar hrífast af Valentino,
sem kemur ekki á óvart því hann
hannar klæðileg föt með gamaldags
glæsibrag, sem eru eins og sköpuð fyr-
ir rauða dregilinn.
Hátískusýning hans var engin und-
antekning og voru fötin glæsileg og
kvenleg og sótti hönnuðurinn inn-
blástur til Indlands.
Gaultier á heimavelli
Jean Paul Gaultier er á heimavelli
hvað hátískuna varðar. Hann kann að
blanda saman því fáránlega og fal-
lega.
Innblásturinn sótti hann til Forn-
Grikklands og Atlantis. Neðansjáv-
arbragur var á litunum og gyðjur á
sýningarpöllunum.
Versace-sýningin var óvenjuleg því
áhorfendum var boðið til verslunar
Versace í París þar sem sýndir voru
tíu kjólar á gínum. Því gafst tækifæri
fyrir viðstadda að skoða kjólana náið
en sýningin einkenndist af dökkum lit-
um næturinnar.
FÓLK Í FRÉTTUM
MORGUNBLAÐIÐ MIÐVIKUDAGUR 22. JANÚAR 2003 49
Hátíska næsta vors og sumars í París
Jean Paul Gaultier
Dior
A
P
Valentino
Austræn áhrif
Versace