Morgunblaðið - 22.01.2003, Blaðsíða 17

ERLENT
MORGUNBLAÐIÐ MIÐVIKUDAGUR 22. JANÚAR 2003 17
Mazda6, bíll ársins í:
Austurríki, Belgíu, Danmörku, Frakklandi, Finnlandi,
Litháen, Írlandi, Skotlandi, Svíþjóð
og annað sætið i kosningu á bíl ársins í Evrópu og Gullna stýrinu í Þýskalandi.
Komdu og reynsluaktu þessum margverðlaunaða bíl.
HJÁLPARSTOFNANIR Sameinuðu
þjóðanna telja að hungursneyð vofi yf-
ir hartnær sjö milljónum af 11,4 millj-
ónum Simbabvebúa vegna þurrka og
efnahagslegrar óstjórnar.
Efnahagur Simbabve er í kaldakoli,
verðbólgan er nú 200% og um 70%
vinnufærra Simbabvebúa eru án at-
vinnu. Hefur þurrkum verið kennt um
hungursneyðina en margir segja Ro-
bert Mugabe, forseta landsins, eiga
mesta sök á ófarnaðinum vegna þess
að hann hafi eyðilagt landbúnaðinn
með því að taka bújarðir af hvítum
bændum og afhenda þær stuðnings-
mönnum sínum sem kunni ekki að
reka búin.
Fergal Keane, fréttaritari breska
útvarpsins BBC, kynnti sér hörmung-
arástandið í Simbabve nýlega í þriðju
ferð sinni á einu ári til landsins. Hann
þóttist vera venjulegur ferðamaður til
að komast hjá því að lögreglan eða
njósnarar Mugabe stöðvuðu hann.
Þeir sem staðnir eru að því að taka
myndir án leyfis í Simbabve eiga yfir
höfði sér tveggja ára fangelsisvist.
Keane sá soltna Simbabvebúa bíða í
röðum við kirkjur þar sem naumum
matarskömmtum var úthlutað. Aldrað
fólk og börn voru með einkenni lang-
varandi vannæringar.
Margir Simbabvebúar hafa yfirgef-
ið heimili sín til að leita að mat og at-
vinnu og í dreifbýlinu keppir fátæk-
asta fólkið við villidýr um villtar
plöntur sem menn leggja sér aðeins til
munns í harðæri.
Samt eru mörg bændabýlanna,
sem hefðu getað séð þessu fólki fyr-
ir matvælum, auð vegna þess að
hvítir bændur hafa verið hraktir frá
þeim og þeir sem fengu jarðirnar
hafa ekki hafið búrekstur.
Stjórnarandstæðingar
pyntaðir
Mugabe stjórnar landinu með
harðri hendi og eftir því sem efna-
hagsástandið versnar eykst kúgun-
in. Í höfuðborginni, Harare, eru
andstæðingar hans pyntaðir, þeirra
á meðal þingmenn og mannrétt-
indalögfræðingar.
Að sögn fréttastofunnar AP var
þingmaðurinn Job Sikhala handtek-
inn í vikunni sem leið og sakaður
um að hafa tekið þátt í því að
kveikja í rútu ríkisrekins flutninga-
fyrirtækis í Harare. Hann sagði
lögregluna hafa barið hann og gefið
honum raflost. Sikhala var leystur
úr haldi eftir að hafa komið fyrir
rétt og er nú á sjúkrahúsi vegna
pyntinganna.
Mannréttindalögfræðingurinn
Gabriel Shumba hefur sömu sögu
að segja. „Þeir gáfu mér raflost á
kynfærin, tærnar, munninn og
sögðu: þetta er kjafturinn sem þú
notar til að verja mannréttindi.“
Keane segir að allir sem hann
ræddi við telji að breytingar verði á
stjórnarfarinu. Spurningin sé að-
eins hvort þær verði með friðsam-
legum hætti eða blóðsúthellingum.
Hungursneyð vofir
yfir Simbabvebúum
Kúgunin eykst eftir því sem
efnahagsástandið versnar
Reuters
Beðið í röð eftir matvælum í dreifingarmiðstöð í Buhera.
ÞÓTT milljónir manna svelti í Simbabve fór
Robert Mugabe, forseti landsins, í versl-
unarferð til Singapúr nýlega og kom heim
með raftæki og annan
varning sem fyllti fimmtán
farangurshandvagna, að
sögn suður-afríska dag-
blaðsins Sunday Tribune.
Greg Mills, for-
stöðumaður Alþjóða-
málastofnunar Suður-
Afríku, kvaðst hafa orðið
agndofa þegar hann sá all-
an þennan farangur
merktan Mugabe á flug-
vellinum í Singapúr þar sem forsetinn var á
ferð með eiginkonu sinni og átta manna föru-
neyti. „Það gekk fram af fólki sem sá Mugabe
að hann skyldi taka sér frí og fara í versl-
unarferð til Austurlanda á meðan svo margir
svelta í Simbabve vegna stefnu hans,“ sagði
Mills.
Áður hafði suður-afríska dagblaðið Sunday
Times birt frétt um hálfs mánaðar versl-
unarferð upplýsingamálaráðherra Simbabve,
Jonathans Moyo, til Jóhannesarborgar. Blað-
ið fylgdist grannt með innkaupum ráðherr-
ans og sagði hann hafa fyllt lúxusjeppa sinn,
Mercedes-bifreið og tvo tengivagna af ýms-
um munaðarvarningi og matvælum.
Moyo varð æfur yfir þessari frétt og lýsti
Suður-Afríkumönnum sem „skítugum og
ruddalegum villimönnum“. „Guð hjálpi þess-
um mönnum ef þeir halda að þeir geti stjórn-
að afrískri endurreisn,“ sagði Moyo. Thabo
Mbeki, forseti Suður-Afríku, tók þessa sneið
til sín þar sem hann hefur oft talað um „afr-
íska endurreisn“ í ræðum sínum um nýja
samstarfsáætlun um þróun í Afríku, NEPAD.
Suður-Afríkustjórn mótmælti ummælunum
harðlega við sendiherra Simbabve. Hermt er
að Mugabe hafi ávítað Moyo, enda lítur hann
á Mbeki sem öflugasta bandamann sinn.
Agndofa yfir
kaupæði
Mugabes
Robert Mugabe