Morgunblaðið - 22.01.2003, Blaðsíða 18

HÖFUÐBORGARSVÆÐIÐ
18 MIÐVIKUDAGUR 22. JANÚAR 2003 MORGUNBLAÐIÐ
FORELDRAR í Staðahverfi segjast
langþreyttir á aðgerðarleysi borg-
aryfirvalda varðandi uppbyggingu
skólahúsnæðis í hverfinu. Þeir segj-
ast hafa verið dregnir á asnaeyr-
unum í málinu og nýjar áætlanir um
uppbyggingu í borginni beri það
ekki með sér að yfirvöldum sé al-
vara með að byggja skóla í hverfinu
á næstu árum. Boðað hefur verið til
borgarafundar um málið næstkom-
andi mánudag.
Sem kunnugt er hefur skóli fyrir
hverfið verið starfræktur í bráða-
birgðahúsnæði að Korpúlfsstöðum
frá árinu 1998. Að sögn Bergþóru
Valsdóttur, formanns foreldraráðs
Korpuskóla, er mikil ólga meðal
foreldra vegna málsins. „Fólki
finnst það hafa verið svikið um sinn
hverfisskóla samkvæmt deiliskipu-
lagi. Það tók meðvitað þá ákvörðun
að búa aðeins út úr borginni en sá
það sem mikilvægt atriði að þarna
yrði leikskóli og grunnskóli. Hvor-
ugt er komið.“
Jón Bender, foreldri sem átti sæti
í hönnunarhóp vegna nýja skólans,
tekur undir þetta. Þau segja að það
sem hafi fyllt mælinn núna sé að í
drögum að byggingaráætlun borg-
arinnar fyrir árið 2003 sé einungis
gert ráð fyrir fimm milljónum
króna í hönnun Staðaskóla. „Það
getur ekki þýtt neitt annað en að
þeim er ekki nein alvara með fram-
kvæmdirnar,“ segja þau. Ljóst sé að
með slíkri áætlun sé ekki ætlunin að
standa við áður gefin loforð um að
nýr skóli verði tilbúinn ekki seinna
en 2005 eða 2006.
12 eða 14 skólar á undan
Þá hafi Stefán Jón Hafstein, for-
maður Fræðsluráðs Reykjavíkur,
sagt á fundi með fulltrúum foreldra
í nóvember síðastliðnum að búið
væri að ákveða að ljúka fyrst þeim
framkvæmdum sem liggja á borð-
inu áður en hafist verður handa við
nýjar. „Það eru framkvæmdir á
borð við Klébergsskóla og Hlíð-
arskóla, framkvæmdir sem hafa
dregist von úr viti og nú á að taka
til í því,“ segir Bergþóra. „Að okkar
mati er óviðunandi að klúður á ein-
um stað í borgarkerfinu verði til
þess að aðrir séu bara látnir bíða –
við erum í raun og veru að súpa
seyðið af annarra manna klúðri.“
Jón bætir því við að á þessum
sama fundi hafi sterklega verið gef-
ið í skyn að ekki væri víst að skólinn
færi inn á fimm ára áætlun um upp-
byggingu því 12 eða 14 aðrir skólar
væru taldir meira þurfandi. „Það
eru hins vegar skólar,“ segir Berg-
þóra. „Þeir hafa hitt og þetta sem
við erum ekki með því við erum í
bráðabirgðahúsnæði.“
Í því sambandi benda þau á að
fjölmargt við núverandi húsnæði
svari ekki kröfum um skólabygg-
ingar. „Það er ekki nægjanlega
stórt, hvorki vindhelt né vatnshelt,
ekki með aðgengi fyrir fatlaða, þar
er ekki salur, ekki kennslustofa fyr-
ir heimilisfræði, ekki aðstaða fyrir
verklega raungreinakennslu, ekki
möguleikar á mötuneytisaðstöðu og
ekki íþróttaaðstaða. Börnin þurfa
því að fara langar leiðir til að kom-
ast í íþróttatíma.“
Börnin þurfi þannig að matast í
venjulegum kennslustundum vegna
þess hve langur tími fari í það að
koma sér í og úr íþróttatímum. Það
stytti aftur kennslutímann og þann-
ig séu börnin í raun ekki að fá fulla
kennslu.
Að þeirra mati hafa foreldrar al-
gerlega verið dregnir á asnaeyr-
unum í málinu. Skipan hönn-
unarhóps vegna skólans síðastliðið
vor hafi einungis verið til að slá
ryki í augu foreldra og halda þeim
góðum fram yfir kosningar. Þau
telja að málið hefði aldrei verið
dregið svona lengi ef skólanum
hefði upphaflega verið komið fyrir í
lausum kennslustofum í stað Korp-
úlfsstaða og benda á Ingunnarskóla
í því sambandi. „Hann er núna í
miklum forgangi af því að hann er í
bráðabirgðahúsnæði. Við erum líka
í bráðabirgðahúsnæði en það heitir
Korpúlfsstaðir og er í byggingu
sem er annars eðlis en færanlegar
kennslustofur, sem þó eru að mörgu
leyti hentugra skólahúsnæði. Hver
er munurinn, spyrjum við?“
153 leikskólabörn
en enginn leikskóli
Málið nær einnig til uppbygg-
ingar leikskóla í hverfinu en að
sögn Bergþóru eru 153 börn á aldr-
inum 0–5 ára í hverfinu samkvæmt
nýjustu tölum frá Hagstofunni. Þau
segja engan leikskóla á svæðinu en
Ingibjörg Sólrún Gísladóttir borg-
arstjóri hafi gefið skriflegt loforð
um að leikskóli verði kominn í
hverfið næstkomandi haust. Hins
vegar bóli ekkert á framkvæmdum
í því sambandi.
Í fyrrnefndum hönnunarhópi hafi
komið til tals að byggja saman leik-
skóla og grunnskóla í hverfinu
þannig að nýta mætti saman
ákveðna grunnaðstöðu fyrir báða
skólana. Foreldrar hafi í sjálfu sér
ekki tekið illa í þá hugmynd. „Hins
vegar er ljóst að grunnskólabygg-
ingin rís aldrei árið 2003. Hvernig á
að leysa þetta og hver verður lausn-
in?“ spyr Bergþóra. „Verður það
bráðabirgðaleikskóli í bráðabirgða-
skipulagi? Við erum orðin svolítið
leið á þessu og erum að velta því
fyrir okkur hvað „bráðabirgða“
tekur langan tíma.“
Jón og Bergþóra eiga von á góðri
mætingu á borgarafundinn á mánu-
dagskvöld enda brenni málefnið
mikið á foreldrum. „Þetta eru ekki
fáir aðilar sem eru í krossferð
vegna málsins heldur finnum við,
kjörnir fulltrúar foreldra, þrýsting-
inn frá þeim því það er stöðugt
spurt að því hvenær skólinn komi,“
segir Bergþóra.
Fundurinn verður haldinn í
Korpuskóla og hefst klukkan 20.00
á mánudagskvöld en framsögu-
menn munu allir koma úr hópi for-
eldra.
Morgunblaðið/Sverrir
Bergþóra Valsdóttir og Jón Bender segja foreldra í Staðahverfi hafa verið dregna á asnaeyrunum varðandi upp-
byggingu skólahúsnæðis. Fundur verður í Korpuskóla á mánudag og eru borgarfulltrúar boðaðir á fundinn.
Foreldrar í Staðahverfi hafa boðað til borgarafundar um skólamál en óánægja er með stöðu mála
Segja borginni
ekki alvara með
skólaframkvæmdir
Grafarvogur
SUNNUHLÍÐARSAMTÖKIN
hafa óskað eftir því að fá til ráðstöf-
unar land sem er sunnan og vestan
bygginga Sunnuhlíðar við Kópa-
vogsbraut. Hafa samtökin hug á að
nýta landið til uppbyggingar hjúkr-
unarheimilis með 90 rýmum og er
stefnt að því að framkvæmdir hefj-
ist ekki síðar en árið 2007.
Sunnuhlíðarsamtökin eiga og
reka hjúkrunarheimili með 72 vist-
rýmum fyrir aldraða og dagvist fyr-
ir 18 aldraða vistmenn í grennd við
Kópavogshæli. Byggingar samtak-
anna voru reistar á síðustu 20 árum
með stuðningi ríkisins, Kópavogs-
bæjar og fleiri aðila. Þá hafa sam-
tökin reist 108 íbúðir fyrir aldraða.
Segir í bréfi Guðjóns Magnússon-
ar, formanns Sunnuhlíðarsamtak-
anna, til Kópavogsbæjar að hag-
kvæmasti kosturinn varðandi
uppbyggingu hjúkrunarrýma í
bænum sé augljóslega að gera það í
tengslum við núverandi hjúkr-
unarheimili. Þar sé fyrir ýmis stoð-
þjónusta, svo sem eldhús, sjúkra-
þjálfun, skrifstofa, yfirstjórn og
fleira. „Eini möguleikinn á stækkun
hjúkrunarheimilisins er í vestur þar
sem sambýli fyrir fatlaða er í dag.
Það er því afar áríðandi að Sunnu-
hlíð verði tryggt land vestan við nú-
verandi hjúkrunarheimili til fram-
tíðaruppbyggingar,“ segir í bréfinu.
Í samtali við Morgunblaðið segir
Guðjón að fréttir af hugsanlegum
kaupum Kópavogsbæjar á því landi
sem heilbrigðisráðuneytið hefur til
umráða á umræddu svæði hafi orðið
til þess að ákveðið var að óska eftir
lóð fyrir stækkun hjúkrunarheim-
ilisins. Hann segir hugmyndina vera
þá að byggja 90 rýma hjúkrunar-
heimili sem byrjað yrði á ekki
seinna en árið 2007. Upplýsingar frá
Félagsþjónustu Kópavogs bendi til
að þörf sé á vistunarrýmum í bæn-
um en miðað við að þessar áætlanir
standist ætti þörf Kópavogsbúa fyr-
ir hjúkrunarými að vera fullnægt
árið 2010.
„Við erum sjálfseignarstofnun og
þurfum langan tíma til að fjármagna
þessar framkvæmdir sem við höfum
verið í,“ segir Gunnar. „Ríkið hefur
borgað 40 prósent og við höfum
þurft að ná í 60 prósent og okkur
hefur tekist það. Við erum nýbúin
að klára stækkun og viljum halda
áfram og ég tel að það sé mjög hag-
kvæmt fyrir sveitarstjórnir og yf-
irvöld í landinu að svona áhuga-
mannafélög standi að slíku.“
Hann segir um fyrstu skref að
ræða af hálfu Sunnuhlíðarsamtak-
anna og að ekki hafi verið leitað eft-
ir viðræðum við heilbrigðisráðu-
neytið eða aðra vegna málsins enn
sem komið er.
Óska eftir lóð fyrir 90
rýma hjúkrunarheimili
Sunnuhlíðarsamtökin hyggja á
stækkun húsnæðis árið 2007
Kópavogur
MEÐ BLAÐINU Í DAG
Blaðinu
í dag fylgir
sérblaðið Bílar
Mörkinni 3, sími 588 0640
Opið mán.-fös. kl. 11-18,
lau. kl. 11-15
Húsgögn
Sérpantanir
Stórhöfða 21, við Gullinbrú, s. 545 5500.
www.flis.is
netfang: flis@flis.is
lím og fúguefni