Morgunblaðið - 22.01.2003, Blaðsíða 52
A
SIAN Dub Foundation heimsótti
Ísland á Reykjavík Music Festi-
val árið 2000 og sama ár kom út
platan Community Music, sem
var lofuð mjög. Sveitin, eða öllu
heldur hópurinn, er um margt sérstakur en
rætur hans liggja í samtökum sem heita ein-
mitt Community Music og eru í London.
Tveir meðlima unnu þar sem kennarar en
markmið samtakanna var að fá ungt fólk frá
ólíkum áttum til að vinna saman að tónlist.
Þetta var árið 1993 og í kjölfar námskeiðsins
varð sveitin til og er platan nýja fjórða breið-
skífa hópsins.
Tónlist A.D.F. er kröftug samsuða ólíkra
tónlistarstefna sem endurspegla viðhorf og
speki stofnlima hennar; rokk, hipp-hopp,
tæknó, pönk, ragga, döbb og indversk tónlist
eins og bhangra og bollywood. A.D.F. er
hörku tónleikaband og ofurpólitískt og kallar
það sveitir eins og Public Enemy og The
Disposable Heroes of Hiphoprisy fram í hug-
ann.
Þá eru meðlimir virkir í málefnum tengdum
rasisma og eðlilega eru málefni tengd asísk-
um innflytjendum í Bretlandi þeim ofarlega í
huga.
Brandari að vera asískur
Þið verðið þéttari og öruggari með hverri
plötu, virðist vera?
„Já, það mætti segja það. Ég er ánægður að
hún hljómi þannig.“
Þrátt fyrir allnokkra bið eftir þessari plötu
þá hafið þið haft nóg að gera frá því að Comm-
unity Music kom út?
„Jú, mjög. Við erum búin að flækjast út um
allan heim. Við fórum til Kúbu m.a. og spil-
uðum þá undir myndinni La Haine í Barbic-
an-höllinni í London árið 2001 í tengslum við
verkefnið „Only Connect“.“
Hvernig myndir þú sjálfur lýsa nýju plöt-
unni? Þið eruð með tvo gesti, Sinéad O’ Conn-
or og Ed O’Brien (gítarleikara Radiohead).
Eruð þið að sækja á einhver ný mið?
„Já ... það eru þarna nokkrir hlutir sem við
höfum ekki reynt okkur við áður. Það eru lög
með sterkum kvenröddum og svo erum við að
rannsaka bhangra-tónlistina svolítið. Þá er
titillagið nokkuð hefðbundið dansklúbba-lag.“
Gætirðu upplýst lesendur Morgunblaðsins
um ástand mála í Bretlandi, hvað asísk-
ættaða íbúa landsins varðar?
„Hlutirnir hafa breyst nokkuð. Asísk-
ættað fólk er til muna sýnilegra í dag en það
var. Þegar ég var að alast upp í enda áttunda
áratugarins og í upphafi þess níunda var það
brandari að vera asískur – þetta var upp-
spretta skrýtlna. Þannig er það ekki í dag. En
ástæður rasismans eru enn til staðar – ójafn-
ræði, fátækt og ranghugmyndir. Þá hefur 11.
september sett strik í reikninginn, múslímar
og litað fólk hefur orðið fyrir aðkasti í kjölfar-
ið. Þannig að það mætti segja að við höfum
farið tvö skref áfram og tvö skref aftur á bak.“
„Gott“ og „slæmt“
Það eru ekki margar sveitir að gera sömu
hluti og þið. T.d. hvað pólitíkina varðar, þá
virtist þetta vera hálfgerð tíska fyrir ca. tíu
árum ...
„Tíska er eitthvað sem við vitum ekkert
um. Við höfum engan áhuga á slíku. Við vitum
ekki hvað er „inni“ eða „úti“, við pælum hins
vegar mikið í því hvað er „gott“ og „slæmt“.“
Værir þú til í að sjá fleiri hljómsveitir taka
afstöðu eins og þið?
„Já ... en á sama tíma gagnrýnum við ekki
fólk fyrir að gera það ekki. Maður á að
„skrifa“ um það sem manni er næst hverju
sinni. Við erum að tala um hluti sem við erum
að velta fyrir okkur frá degi til dags.“
Nú er mikið talað um eitthvað sem menn
kalla „Asian underground“ í menningu og list-
um í Bretlandi?
„Að kalla þetta „Asian underground“ er
töluverð einföldun og grefur undan marg-
breytileikanum sem er að koma fram. En það
er vissulega mikið að gerast núna hjá fólki
sem er af asísku bergi brotið í Bretlandi, það
er rétt.“
Hvað er svo fram undan hjá ykkur?
„Við leggjumst í ferðalög. Það verður gott
að komast út og komast í tengsl við ólíkt fólk
og breiða út boðskapinn um leið.“
Pólitíski tónlistarhópurinn Asian Dub Foundation
er upprunninn í Bretlandi og hefur vaxið að styrk
með hverju ári og hverri plötu. Arnar Eggert Thor-
oddsen ræðir við gítarleikarann Chandrasonic um
Enemy of the Enemy, nýjasta verk hópsins. Asian Dub Foundation, 2003.
Tvö skref áfram –
tvö skref aftur á bak
Ný plata frá Asian Dub Foundation
Enemy of the Enemy kemur út 3. febrúar
næstkomandi.
arnart@mbl.is
52 MIÐVIKUDAGUR 22. JANÚAR 2003 MORGUNBLAÐIÐ
DV
Frábær mynd frá leikstjóra L.A.Confidential
þar sem rapparinn EMINEM fer á kostum í
sínu fyrsta hlutverki.
ÓHT Rás 2
Yfir 57.000 áhorfendur
Sýnd kl. 8 og 10.05.
H.K. DV
GH. Vikan
SK RadíóX
SV. MBL
GH. Kvimyndir.com
Sýnd kl. 6.10.
H.TH útv. Saga.
Sýnd kl. 5.40, 8 og 10.15. B i 14
Sýnd kl. 6, 8 og 10.
Sýnd kl. 6. ísl tal
Kl. 6. Une Hirondelle a Fait
Le Printem - Stúlkan frá París
Kl. 8. La Répetition -
Æfingin
Kl. 10. Beau Travail-
Gott Starf
HL MBL
Kvikmyndir.is
Sýnd kl. 8 og 10.15.
Kvikmyndir.com
HJ. MBL
Kvikmyndir.is
Sýnd kl. 10. B.i. 16. Forsýnd kl. 8.
ÁLFABAKKIÁLFABAKKI/ EFLAVÍK
ÁLFABAKKI KRINGLAN AKUREYRI / KEFLAVÍK
/ / /
Sýnd kl. 4, 6, 8 og 10. / Sýnd kl. 7, 9 og 10. / Sýnd kl. 8 og 10. / Sýnd kl. 8 og 10.
/ / /
Robert DeNiro, BillyCrystal og Lisa Kudrow
(Friends) eru mætt aftur í frábæru framhaldi af
hinni geysivinsælu gamanmynd AnalyzeThis.
/ /
E I N N I G M E Ð Í S L E N S K U T A L I
KEFLAVÍK
EIN allra athyglisverðasta popp-
plata síðustu ára verður að teljast
meistaraverk Portishead frá 1994,
Dummy. Á henni vann sveitin með
tónlistarstefnu sem kölluð hefur
verið „trip-hop“ (Tricky, Massive
Attack) á um margt nýstárlegan
hátt, t.d. var tónlistin furðulega að-
gengileg og rataði þannig um víðan
völl, líkt og Björk Guðmundsdóttir
hefur gert með sína tónlist. Vinnu-
semi Portishead hefur hins vegar
verið í öfugu hlutfalli við mikilfeng-
leik hennar og næsta plata kom
ekki út fyrr en 1997 og olli jafn-
framt dálitlum vonbrigðum. Síðan
hefur ekkert nýtt efni borist frá
sveitinni, ef frá er talin hljóm-
leikaplatan Roseland New York frá
1998.
Það er því fagnaðarefni að söng-
spíra sveitarinnar, Beth Gibbons,
gaf út sólóplötu seint á síðasta ári
og kallast hún Out of Season. Á
henni vinnur hún með tónlistar-
manninum Paul Webb, sem kallar
sig Rustin Man en hann var áður
meðlimur í framsæknu poppsveit-
inni Talk Talk, sem á ekki síður
glæsta tónlistarsögu að baki en
Portishead.
Gibbons og Webb hafa verið vinir
lengi, allt síðan sú fyrrnefnda sótti
um að fá að hjálpa Webb við verk-
efnið ’O’rang, band sem hann stofn-
aði eftir að Talk Talk sofnaði svefn-
inum langa.
Einnig kemur Adrian Utley,
Portishead-vinur, að málum og
meðlimir í tónleikaútgáfu Port-
ishead, trymbillinn Clive Dreamer
og píanóleikarinn John Baggott að-
stoða einnig. Lee Harris og Simon
Edwards, sem störfuðu með Talk
Talk á sínum tíma, hjálpa líka til en
sá er hljóðblandar er Phill Brown,
en hann vann meðal annars að frá-
bærum plötum Talk Talk, Spirit of
Eden og Laughing Stock og hefur
unnið með jafn ólíkum listamönn-
um og Bob Marley, Dido, Bark
Psychosis, Joan Armatrading,
Captain Beefheart og Herbie Han-
cock. Þá gaf hann út plötu sjálfur
árið 1998, eignuð Allinson/Brown
hvar hinn sjaldheyrði leiðtogi Talk
Talk, Mark Hollis á m.a. innslag.
Á Out of Season fellir Gibbons
sérstaka rödd sína að lágstemmd-
um, rómantískum og stundum
myrkum stemmum og er útkoman á
stundum ægifögur. Hér er farið frá
tölvutöktum og trip-hoppi og dufl-
að við lífrænni nótur, heyra má
áhrif frá Nick Drake, Joni Mitchell,
Nico, Billie Holiday og Nina Sim-
one. Andrúmsloftið er hljótt og
nakið þar sem dulmögnuð rödd
Gibbons er í forgrunni.
Þá er gaman að segja frá því að
Beth okkar er um þessar mundir að
vinna að nýrri Portishead plötu
ásamt Geoff Barrow, fóstbróður
sínum í þeim herbúðunum.
Á öðrum stað
Beth Gibbons, söngkona Portishead, gefur út sólóverk
Beth Gibbons er á innhverfu nótunum á Out of Season.