Morgunblaðið - 22.01.2003, Blaðsíða 20
SUÐURNES
20 MIÐVIKUDAGUR 22. JANÚAR 2003 MORGUNBLAÐIÐ
UMBÓTAÁÆTLANIR sem beinst
hafa að því að bæta námsárangur
nemenda grunnskólanna á Reykja-
nesi hafa skilað árangri í stærðfræði
en síður í íslensku.
Meðaleinkunnir grunnskólanna á
Suðurnesjum voru lægstar yfir land-
ið í þremur samræmdum prófum og
fjórum sem tekin voru í haust, að því
er fram kom í skýrslu Námsmats-
stofnunar sem sagt var frá í Morg-
unblaðinu í gær. Einkunnirnar voru
áberandi lágar í íslensku, bæði í 4. og
7. bekk og einnig var meðaleinkunn-
in lægst á Suðurnesjum í stærðfræði
í sjöunda bekk. Aftur á móti komu
skólarnir á vel út í stærðfræði í 4.
bekk, meðaltalið á Suðurnesjum var í
því tilviki jafnt því sem best gerðist
yfir landið.
Þess ber að geta að árangurinn er
ákaflega mismunandi milli skóla,
jafnvel milli skóla innan sama bæj-
arfélags eins og í Reykjanesbæ.
Þannig eru meðaleinkunnir í sumum
skólanna yfir landsmeðaltali í ein-
stökum greinum en langt undir ann-
ars staðar.
Unnið að umbótum
Árangur nemenda á Suðurnesjum
hefur lengi verið í slakara lagi í þess-
um greinum, þegar litið er á með-
altalstölur. Eiríkur Hermannsson,
fræðslustjóri Reykjanesbæjar, segir
að á undanförnum árum hafi verið
unnið að ýmsum verkefnum til að
reyna að bæta námsárangur í þess-
um greinum sérstaklega. Segir Ei-
ríkur að árangur hafi náðst í stærð-
fræðinni en síður í íslenskunni.
Segist hann hvorki hafa skýringar á
því né almennt á því hvers vegna
meðaleinkunnir á Suðurnesjum séu
lágar miðað við önnur svæði lands-
ins.
Eiríkur vekur athygli á að sérstök
áhersla sé lögð á móðurmáls- og
lestrarkennslu í leik- og grunnskól-
um í starfsáætlun fræðslusviðs
Reykjanesbæjar fyrir árið 2003. Þar
kemur fram að sérstök áhersla verð-
ur lögð á móðurmálskennslu og efl-
ingu málþroska leikskólabarna og í
þeim tilgangi á að leggja hljóðkerf-
isvitundarpróf og málþroskapróf fyr-
ir öll leikskólabörn. Unnið verður að
markvissri málörvun og örvun les-
þroska í náinni samvinnu við for-
eldra. Í umfjöllun um grunnskólana í
starfsáætluninni kemur fram að
móðurmálskennsla verður í brenni-
depli í Reykjanesbæ á komandi ár-
um. Sérstök rækt verður lögð við
móðurmáls- og lestrarkennslu upp í
gegnum allan grunnskólann og efl-
ingu málþroska skólabarna. Ætlast
er til að allir grunnskólar geri sér-
staka áætlun um eflingu kennslu
móðurmáls.
Spennandi rannsóknarverkefni
Gunnar Þór Jónsson, skólastjóri
Heiðarskóla í Keflavík, hefur heldur
ekki einhlítar skýringar á námsár-
angri á Suðurnesjum. Segir að það
hljóti að vera spennandi rannsókn-
arverkefni að fást við, til dæmis hver
þáttur uppeldis og heimilanna sé og
svo skólanna og kennslunnar. Hann
nefnir að tiltölulega hátt hlutfall leið-
beinenda við kennslu á Suðurnesjum
geti haft áhrif en skýringanna sé þó
örugglega að leita í mörgum sam-
verkandi þáttum í umhverfi fólksins
og menningu.
Sveitarfélögin á Suðurnesjum hafa
fjárfest verulega í húsnæði og búnaði
grunnskólanna á undanförnum árum
og víðast hvar eða alls staðar er ytri
aðbúnaður með því sem best gerist.
Eiríki og Gunnari ber saman um að
það sé ekki nóg. Menn verði að setj-
ast yfir þessar tölur og átta sig á því
hvað gera þurfi til viðbótar. „Ég vona
að þetta hafi þau áhrif að starfsfólk
og nemendur skólanna bíti á jaxlinn
og herði sig,“ segir Eiríkur.
Gunnar bendir á að skólarnir í
Reykjanesbæ séu að koma sér upp
nokkurs konar vinaskólasambandi
við grunnskóla í Reykjavík. Valdir
hafi verið skólar sem hægt er að læra
af og vonast hann til að slík samvinna
geti orðið til að bæta árangur skól-
anna.
Meðaltal einkunna í samræmdum prófum lægst á Suðurnesjum
Árangur hefur náðst í stærð-
fræði en síður í íslensku
Morgunblaðið/Þorkell
Heiðarskóli er nýjasti skólinn í Reykjanesbæ og börnin virðast vera ánægð þar.
Reykjanes
VERKEFNIÐ Nýsköpun 2003,
sem er samkeppni um viðskipta-
áætlanir, heldur námskeið í Reykja-
nesbæ í byrjun febrúar. Farið verð-
ur yfir helstu atriði sem þarf að
hyggja að við gerð viðskiptaáætl-
unar.
Verkefnið Nýsköpun 2003 var
kynnt á fundi í Reykjanesbæ í gær.
Fram kom að námskeiðið verður
haldið þriðjudaginn 4. febrúar í
fundarhúsnæði Reykjanesbæjar í
Kjarna, Hafnargötu 57, og stendur
frá klukkan 17.15 til 20.30. Fyrirles-
ari verður G. Ágúst Pétursson,
verkefnisstjóri samkeppninnar.
Þátttakendur greiða 1.500 krónur
fyrir kaffi og léttan málsverð í hléi
en að öðru leyti er þátttaka ókeypis.
Í fréttatilkynningu kemur fram
að einfaldast er að skrá sig á heima-
síðu verkefnisins sem er www.ny-
skopun.is og fá skráðir þátttakend-
ur sent leiðbeiningahefti og
geisladisk með reiknilíkani og ýms-
um fyrirlestrum sér að kostnaðar-
lausu.
Ekki krafist
sérstakrar reynslu
Á námskeiðinu verður farið yfir
helstu atriði sem þarf að hyggja að
við gerð viðskiptaáætlunar. Ágúst
fjallar um lausnina (viðskiptahug-
myndina) og þörf fyrir hana, mark-
aðsgreiningu og markaðssetningu
og sölu. Lítið er farið yfir fjármálin
enda fá allir þátttakendur ítarleg
gögn og líkan til stuðnings við fjár-
hagskafla viðskiptaáætlunar. Síðan
er talsvert fjallað um undirbúning
og verklag við gerð viðskiptaáætl-
ana og að síðustu er fjallað lítillega
um ferli fjármögnunar og fjárfesta-
umhverfi.
Fram kemur í fréttatilkynningu
að þátttaka í námskeiðinu og raun-
ar keppninni í heild kallar ekki á
sérstaka reynslu eða menntun.
Mestu skipti áhugi og trú á hug-
myndir sínar. Þá eru fyrirtæki
hvött til að taka þátt. Vaxandi nauð-
syn sé á þekkingu í gerð viðskipta-
áætlana innan fyrirtækja því fjár-
málastofnanir geri nú orðið ríka
kröfu um að fyrir liggi viðskipta-
áætlun.
Reykjanesbæjar styður framtak-
ið og hvetur fólk og fyrirtæki til að
huga að þessum möguleika. Árni
Sigfússon, bæjarstjóri Reykjanes-
bæjar, segir að ekki leiki vafi á því
að óbeislaður kraftur sé á Suður-
nesjum. „Ef okkur tekst að virkja
hugmyndir fólks og setja þær í rétt
mót sem er viðskiptaáætlun er það
einn þátturinn í því að auka at-
vinnumöguleika og fjölbreytni á
svæðinu,“ segir Árni.
Liður í Evrópukeppni
Í samkeppninni eru veitt pen-
ingaverðlaun fyrir bestu viðskipta-
áætlanirnar sem berast í keppnina.
Allir sem senda viðskiptaáætlun
keppa jafnframt um að verða í hópi
fjögurra aðila sem keppa fyrir Ís-
lands hönd í sérstakri Evrópu-
keppni hugmynda. Einnig geta
keppendur sent stutta hugmynda-
lýsingu og þannig freistað þess að
komast fyrir Íslands hönd í Evr-
ópukeppnina þótt ekki sé tími til að
skrifa fullbúna viðskiptaáætlun.
Að Nýsköpun 2003 standa Ný-
sköpunarsjóður atvinnulífsins,
KPMG, Háskólinn í Reykjavík,
Morgunblaðið, Íslandsbanki og
Byggðastofnun. Auk þess eru Sím-
inn, Eimskip, Samherji og Nýherji
stuðningsaðilar keppninnar. Skila-
frestur viðskiptaáætlana og/eða
hugmyndalýsinga er til 31. maí
2003.
Nýsköpun 2003 heldur námskeið í Reykjanesbæ í gerð viðskiptaáætlana
Mestu skiptir að hafa
áhuga og trú á hugmyndum
Ljósmynd/Víkurfréttir
Nýsköpunarverkefnið kynnt. F.v. G. Ágúst Pétursson verkefnisstjóri, Hall-
dór S. Magnússon, forstöðumaður hjá Íslandsbanka, Una Steinsdóttir, úti-
bússtjóri Íslandsbanka í Keflavík, og Árni Sigfússon bæjarstjóri.
Reykjanes
REYKJANESBÆR notar tæpan
milljarð króna til framkvæmda á
þessu ári. Kom það fram á opnum
kynningarfundi Árna Sigfússonar
bæjarstjóra með verktökum.
Fundurinn var haldinn til að
kynna verktökum á svæðinu hvaða
framkvæmdir eru framundan hjá
sveitarfélaginu. Hyggst Árni halda
slíkan kynningarfund árlega og segir
eðlilegt að gera það þegar búið er að
samþykkja fjárhagsáætlun ársins.
Á fundinum vakti bæjarstjóri máls
á auknu atvinnuleysi á Suðurnesjum.
Hann segir í samtali við Morgun-
blaðið að sveitarfélög geti hraðað
framkvæmdum þegar svo standi á og
það sé Reykjanesbær að gera nú.
Til framkvæmda á árinu er áætlað
að verja 998 milljónum króna og er
stór hluti þeirra fjármuna tengdur
framkvæmdum í Helguvík. Stærstu
einstöku liðirnir eru sprengingar á
klöpp á lóð fyrirhugaðrar stálröra-
verksmiðju í Helguvík, 250 milljónir.
Hluti grjótsins fer í sjóvarnir sem
áætlað er að kosti 110 milljónir og
grjótvörn í Njarðvík.
Hluti framkvæmdanna í Helguvík
er háður áformum IPT um byggingu
stálröraverksmiðju þar. Unnt er að
byrja á fyrsta áfanga sprenginganna
því grjótið fer í grjótvarnargarð í
Njarðvík sem er á hafnaáætlun.
Stjórnendur fyrirtækisins hafa
frest fram eftir maímánuði til að
leggja fram tryggingar fyrir lóðar-
framkvæmdunum en Árni segir að
þeir stefni að því að ganga fyrr frá
málinu. Fyrr en það hefur verið gert
verður ekki byrjað á seinni áfanga
sprenginganna.
Árni átti viðræður við stjórnendur
IPT um áramótin og segir hann að
undirbúningur virðist ganga vel.
Verja
milljarði
til fram-
kvæmda
Reykjanesbær
HUNDAEIGENDUR hafa óskað
eftir því við bæjarstjórn að fá afgirt
hundasvæði í Reykjanesbæ, þar sem
þeir geti hist og viðrað hundana.
Fram kemur í erindi fulltrúa
hundaeigendanna að þeir hafi farið
með hundana á svæði milli Garðs og
Keflavíkur en búið sé að loka því.
Óskar fulltrúinn eftir því að fá afgirt
svæði þar sem hægt yrði að sleppa
hundunum. Tekið er fram að rusla-
tunnur þurfi að vera á staðnum en
hundaeigendur geti sjálfir smíðað
þjálfunartæki. Settar eru fram hug-
myndir um ákveðin svæði í Njarðvík.
Bæjarráð Reykjanesbæjar fól
bæjarstjóra að ræða við hundaeig-
endur um málið.
Óska eftir
hunda-
svæði
Reykjanesbær
VSÓ ráðgjöf ehf. átti lægsta tilboð í
eftirlit með fyrsta áfanga tvöföldun-
ar Reykjanesbrautar. Bauðst fyrir-
tækið til að vinna verkið fyrir 15,5
milljónir kr. sem er tæp 85% af
kostnaðaráætlun Vegagerðarinnar.
Næst lægsta tilboðið kom frá
Línuhönnun hf., 16,6 milljónir kr.
Val bjóðanda fer fram á grundvelli
hæfnisvals og verðs. Þau tvö fyrir-
tæki sem áttu lægstu tilboðin voru
jafnframt með hæstu einkunn í
hæfnismatinu, eða 44 stig.
Lægstu til-
boð í eftirlit
Reykjanesbraut
♦ ♦ ♦