Morgunblaðið - 22.01.2003, Blaðsíða 11

FRÉTTIR
MORGUNBLAÐIÐ MIÐVIKUDAGUR 22. JANÚAR 2003 11
BJÖRN Guðmunds-
son, fyrrverandi flug-
stjóri hjá Flugleiðum
og formaður Félags ís-
lenskra atvinnuflug-
manna um árabil, lést á
Landspítalanum 19.
janúar síðastliðinn.
Björn fæddist í Grjót-
nesi í Presthólahreppi í
N-Þingeyjarsýslu hinn
16. júní 1926. Foreldrar
hans voru Þórey Böðv-
arsdóttir húsmóðir og
Guðmundur Björnsson,
bóndi og skjalavörður.
Björn lauk gagnfræða-
prófi frá MA árið 1945 og flugmanns-
prófi til almenns flugs auk loftsigl-
inga frá Air Service Training í
Englandi árið 1948. Ári seinna varð
hann flugmaður og síð-
ar flugstjóri hjá Flug-
félagi Íslands, síðar
Flugleiðum. Á starfs-
ferli sínum vann hann
að félagsmálastörfum
fyrir Félag íslenskra
atvinnuflugmanna og
var formaður félagsins
á árunum 1971 til 1974
og 1975 til 1979. Eftir
að flugmannsferli
Björns lauk árið 1989
hóf hann störf á skrif-
stofu Félags íslenskra
atvinnuflugmanna og
vann þar til dauðadags.
Björn lætur eftir sig eiginkonu, Þor-
björgu Guðmundsdóttur, og þrjú
uppkomin börn, barnabörn og
barnabarnabarn.
Andlát
BJÖRN
GUÐMUNDSSON
FRIÐRIK Sophusson, forstjóri
Landsvirkjunar, segir að ítalska
verktakafyrirtækið Impregilo hafi
ekki sett fram neina fyrirvara í til-
boði sínu í Kárahnjúkavirkjun, en
sumir andstæðingar virkjunar-
framkvæmda hafa haldið því fram.
Friðrik segir að í tilboðinu séu
gefnar ákveðnar forsendur, t.d. um
að ákveðinn hluti mannskaps sem
kemur að verkinu sé íslenskur og
ákveðinn hluti komi annars staðar
að. Einnig sé þar að finna verklýs-
ingu á því hvernig þeir hyggjast
vinna verkið. Hann vill ekki ræða
nánar einstaka þætti samningavið-
ræðnanna enda geti það spillt fyrir
þeim á þessu stigi.
Skipst á fyrirspurnum
Sem kunnugt er hljóðaði tilboð
Impregilo í stíflu og aðrennslis-
göng við Kárahnjúka upp á 44
milljarða króna. Tilboðið var sex
milljörðum undir kostnaðaráætlun.
Friðrik segir að hvorugur aðili
hafi sett fram neinar kröfur, farið
hafi verið yfir einstaka þætti til-
boðsins og skipst á fyrispurnum
um hvaða áhrif það hafi á tilboðið
ef menn vilji breyta einstökum
þáttum þess til hækkunar eða
lækkunar.
„Við höfum verið að óska eftir
svörum við ákveðnum atriðum og
þeir hafa líka lagt fram hugmyndir
og spurt okkur og svona gengur
þetta fram og til baka,“ segir Frið-
rik.
Friðrik segist ekki eiga von á að
viðræðum við ítalska fyrirtækið
ljúki fyrr en eftir mánaðamót. Mál-
ið sé flókið og mikil vinna að fara
yfir alla þætti þess.
Viðræður Impregilo og Landsvirkjunar
Hvorugur
setur fram
neinar kröfur
NORSKIR útgerðarmenn hafa reif-
að samskiptin við Ísland innan sinna
raða í tengslum við hugsanlegar að-
ildarviðræður við ESB, segir Audun
Maråk, framkvæmdastjóri samtaka
norskra útgerðarmanna.
„Samvinna Íslands og Noregs er
eðlileg ef báðar þjóðirnar ætla sér að
sækja um aðild að Evrópusamband-
inu,“ sagði Maråk í norska ríkisút-
varpinu (NRK) í gær en tók jafn-
framt fram að hugmyndir Norsku
utanríkismálastofnunarinnar
(NUPI) um svæðisbundna fiskveiði-
stjórnun Noregs og Íslands á Norð-
austur-Atlantshafi væru alveg nýr
vinkill í málinu.
Í frétt ríkisútvarpsins norska seg-
ir að hugmyndir NUPI um sameig-
inlega fiskveiðistjórnun Íslands og
Noregs hafi komið norskum útgerð-
armönnum nokkuð í opna skjöldu en
samtökin séu einmitt að vinna að því
þessa dagana að móta stefnu sína
vegna hugsanlegrar aðildar að ESB.
Samskiptin oft verið stirð
Maråk segist að vísu vera jákvæð-
ur gagnvart því að menn setji fram
nýjar og óhefðbundnar hugmyndir á
þessu sviði en engu að síður sé nauð-
synlegt að þær dragi dám af þeim
raunveruleika sem blasi við. „Miðað
við það sem ég þekki til þeirra sem
sitja í rannsóknarhópnum efast ég
um að þeir hafi til að bera nógu góða
þekkingu í málefnum sjávarútvegs-
ins. Og ég hugsa að í Háskólanum á
Íslandi þekki menn betur til málefna
sjávarútvegsins en hjá NUPI hér í
Noregi.“ Þá minnir Maråk á að sam-
skipti Íslendinga og Norðmanna á
sjávarútvegssviðinu hafi ekki alltaf
verið slétt og felld; þá gangi fisk-
veiðistefna Íslendinga meira eða
minna þvert á þá stefnu sem bæði
Noregur og ESB hafi lagt sig eftir.
Grundvöllur fyrir samvinnu land-
anna sé heldur ekki mjög góður þeg-
ar horft sé til afstöðu Íslands í
Smugudeilunni, um veiðar við Sval-
barða, í Norðaustur-Atlantshafsfisk-
veiðinefndinni og á fleiri sviðum.
Samstarf eðlilegt ef báð-
ar þjóðir sækja um aðild
Sameiginlega
fiskveiðistjórnun
í Norðaustur-
Atlantshafi til
skoðunar
GAGNRÝNI Lyfjastofnunar á starfsaðferðir
lyfjafræðinga í apótekum, sem kemur fram í bréfi
sem stofnunin sendi frá sér, á engan veginn rétt á
sér, segir Sigríður Pálína Arnardóttir, formaður
Lyfjafræðingafélagsins og starfandi lyfjafræðing-
ur í apóteki.
Í bréfinu segir að ekki geti talist fagleg vinnu-
brögð er apótekari bendi sjúklingi á að hann þurfi
að greiða minna fyrir lyfjaglasið ávísi læknir
stærri skammti af lyfinu. Ef læknir ávísar stærri
skammti og sjaldnar greiðir sjúklingur minna fyr-
ir lyfið en ef lyfseðill er gefinn út oftar og til
skemmri tíma í hvert sinn. Munurinn getur numið
nokkur þúsund krónum.
Sigríður Pálína segir mjög algengt að fólk sem
komi með lyfseðla inn í apótek hafi ekki hugmynd
um hvaða reglur gilda um lyfjaverð, þ.e. eftir því
hvort um sé að ræða 30 daga skammt eða 100 daga
skammt.
Mikill verðmunur
Lyfjaverð er almennt reiknað þannig að sjúk-
lingur greiðir fasta upphæð af lyfjaskammti, sama
hvort hann sé til 30 daga eða 100 daga, t.d. 1.700
krónur og síðan hlutfall af þeirri fjárhæð sem um-
fram er. Þá er einnig oftast þak á því gjaldi sem
sjúklingur greiðir fyrir lyf og ef reiknað verð fer
upp fyrir það, greiðir Tryggingastofnun ríkisins
þá upphæð auk hlutfallsins á móti sjúklingi. Sem
dæmi má nefna greiðir sjúklingur 2.693 krónur
fyrir einn stauk af nefúðanum Nasonex sé ávísað
30 daga skammti en ávísi læknir 100 daga
skammti, eða þremur staukum, greiðir sjúkling-
urinn einungis 1.650 krónur fyrir staukinn. Mun-
urinn á verði stauksins er því 1.043 krónur.
Sigríður Pálína segir það oft koma fyrir að apó-
tekari hringi í lækni til að athuga hvort breyta
megi lyfseðli sem honum þykir óeðlilegur.
„Lyfjaafgreiðsla getur verið mjög náin sam-
skipti milli læknis, lyfjafræðings og sjúklings. Góð
samvinna milli stétta getur stuðlað að lækkun
lyfjakostnaðar,“ segir Sigríður Pálína.
Þá segir hún það koma fyrir að lyfjafræðingur
taki eftir því að sjúklingur komi í hverjum mánuði
með sams konar lyfseðil, mánuð eftir mánuð.
Lyfjafræðingur segi gjarnan slíkum sjúklingi frá
því að hann gæti átt rétt á því að læknir ávísaði
skammti til 100 daga í stað 30 og að það myndi
spara sjúklingi bæði fyrirhöfn og kostnað. Þá komi
það einnig fyrir að lyfjafræðingur fari fram á það
við lækni að afgreiddur sé stærri skammtur af lyf-
inu en segir á lyfseðli. Þá sé lækni stundum bent á,
í þeim tilvikum þar sem ekki er heimild fyrir lög-
um að skrifa stærri en 30 daga skammt, að sjúk-
lingur gæti átt rétt á lyfjaskírteini. Þetta eigi t.d.
við sum magalyf en lyfjaskírteini veitir sjúklingi
undanþágu frá reglum og því megi ávísa á lyfið 100
daga skammti.
Í bréfi Lyfjastofnunar segir að kvartanir hafi
borist frá læknum um afskipti starfsfólks lyfja-
búða af lyfjameðferð sjúklinga. Sigríður Pálína
segist aldrei hafa heyrt um að læknir hafi brugðist
illa við símhringingu frá lyfjafræðingi þar sem
spurt er hvort breyta megi lyfseðli. Hún segir þátt
lyfjafræðings í lyfjameðferð sjúklings mikilvægan
þar sem hann hafi að loknu fimm ára háskólanámi
öðlast sérþekkingu á lyfjum og verkun þeirra.
Sigríður Pálína segir lyfjafræðinga aðgengi-
legri sjúklingum en lækna og eðlilegt sé að apó-
tekarar veiti upplýsingar um verð á lyfjum. Regl-
ur um greiðsluþátttöku ríkisins í lyfjakostnaði séu
flóknar og því eigi fólk erfitt með að átta sig á
þeim. „Lyfjafræðingar eru vel í stakk búnir til að
veita þessar upplýsingar til viðskiptavina og
lækna,“ segir Sigríður Pálína.
Formaður Lyfjafræðingafélagsins segir stærð lyfjaávísana skipta miklu máli
Vísa á bug gagnrýni um
leiðbeiningar um lyfjaverð
sig á Tjörninni þegar ljósmyndari Morgunblaðsins
átti þar leið hjá. Er hann öðrum iðkendum vetrar-
íþrótta góð fyrirmynd, með hjálm á höfðinu, því ís-
inn er harður ef maður dettur eða rekst á skauta-
hlaupara í ærslunum.
KULDINN, sem hefur hrjáð landsmenn síðustu daga,
hefur sínar jákvæðu hliðar. Tjörnina í Reykjavík
hefur til dæmis lagt og geta ungir sem aldnir nú
brugðið þar á leik, farið á skauta eða látið draga sig
á sleða. Þessi ungi sleðamaður virtist kunna vel við
Morgunblaðið/Kristinn
Brugðið á leik á Tjörninni
RÍKISSTJÓRNIN samþykkti
í gær, að tillögu dóms- og
kirkjumálaráðherra, að verja
einni milljón króna til svokall-
aðs V-dags (Vinnings-dagsins).
V-dagurinn var haldinn í
fyrsta skipti á Íslandi 14. febr-
úar í fyrra og þann dag voru
formlega stofnuð samtök sem
hafa það að markmiði að vinna
gegn ofbeldi á konum á Ís-
landi.
Hinn 14. febrúar nk. verður
V-dagurinn haldinn hátíðlegur
í annað sinn hér á landi.
V-dagurinn hefur nú verið
haldinn víða um heim en að
honum standa alþjóðleg sam-
tök sem kennd eru við hann
og stofnuð voru í Bandaríkj-
unum 1998.
Markmiðið með hinum ís-
lenska V-degi er það sama og
á hinum alþjóðlegu V-dögum,
að vekja fólk til umhugsunar
um kynferðisofbeldi gegn kon-
um og breyta hugarfari fólks
varðandi nauðganir.
Milljón
til V-
dagsins