Morgunblaðið - 16.02.2003, Blaðsíða 8

FRÉTTIR
8 SUNNUDAGUR 16. FEBRÚAR 2003 MORGUNBLAÐIÐ
Þér verðið að fara aftast í röðina, herra. Þeir hafa forgang sem ráða yfir fiskimiðum.
Sjóstangaveiðifélag Reykjavíkur
Mega moka upp
fiski í þrjá daga
Sjóstangaveiði er ekkieinungis frístunda-gaman einstaklinga
og hópa. Í landinu eru
starfrækt átta sjóstanga-
veiðifélög sem standa sam-
an að kappsfullu Íslands-
móti þar sem ekkert er
gefið eftir. Það nýjasta er
síðan, að Sjóstanga-
veiðifélag Akureyrar eftir-
lét Hafró nýverið aflatölur
sínar með þeim skilaboðum
að þær gæfu vísbendingar
um ástand fiskistofna ekki
síður en togararöll. Lárus
Einarsson er formaður Sjó-
stangaveiðifélags Reykja-
víkur og hann svaraði
nokkrum spurningum
Morgunblaðsins.
– Ætlið þið að fara að
dæmi norðanmanna og af-
henda Hafró veiðitölur?
„Við gætum vel gert það.
Þetta eru veiðitölur fjölda báta sem
fara mjög víða á afmörkuðum
svæðum á grunnslóðinni. Þetta eru
tölur sem gefa mjög góðar upplýs-
ingar um stöðu mála myndi ég
halda. Síðustu þrjú árin höfum við
t.d. séð miklu meira af fiski á okkar
slóðum.“
– Hvernig fara þessar veiðar
fram?
„Það eru átta starfandi sjó-
stangaveiðifélög í landinu og sam-
an höldum við Íslandsmót. Þetta
eru því alls átta mót, hvert félag
stendur fyrir einu móti sem stend-
ur í tvo daga, og algengast að fé-
lagar í einstökum félögum fari á
kannski þrjú mót á hverri mótaröð,
enda er það heildarveiði þriggja
bestu veiðitúranna sem telur á Ís-
landsmótinu. Sumir eru þó gler-
harðir og mæta á mörg mót þó svo
að þessu fylgi talsverður kostnað-
ur. Auk þessa halda félögin eitt
innanfélagsmót, bara fyrir sig, auk
þess að halda úti öflugu félagslífi.“
– Hvernig er skipulagið?
„Það eru alls konar strangar
reglur, t.d. að það má ekki nota
fleiri en þrjá króka á stönginni, en
hvað uppstillingar varðar, þá er
skipt upp í fjögurra manna lið.
Hins vegar fara engir tveir úr
sama liðinu saman á bát, þeir dreif-
ast á fjóra báta með liðsmönnum
annarra liða og það eykur á
spennuna. Það getur gengið mikið
á. Skipstjórarnir eru ekki undan-
skildir, þeir keppa innbyrðis og
sumir eru svo harðir að þeir læðast
út á fjörð eða flóa kvöldið eða nótt-
ina áður og líta á veiðislóðirnar.
Síðan þegar ræst er út snemma
að morgni, þá þykjast menn sigla
hingað og þangað, en snúa af leið
þegar þeir halda að enginn sjái til
og stundum hef ég grun um að far-
ið sé yfir leyfilegu hraðamörkin!
Þetta er þó í dálitlu gríni sagt, því
sannast sagna eru öryggiskröfur
afar mikilvægar og eru að verða sí-
fellt mikilvægari og
rúmfrekari í allri okkar
umræðu.“
– Eru bæði konur og
karlar í þessu sporti?
„Já, bæði kynin. Við
erum kannski fleiri karl-
arnir, en það er talsvert
af konum og nauðsynlegt að þær
séu með.“
– Hver vinnur svo?
„Þeir sem veiða mest og það rík-
ir mikil spenna þegar aflinn er veg-
inn, það get ég sagt þér. Loft er
lævi blandið. Það liggur við að fisk-
ar séu röntgenmyndaðir og ég efa
að hvergi liggi önnur eins gögn um
einstaka þorska og ýsur.“
– Það hafa nú heyrst allhressi-
legar veiðitölur af þessum móts-
dögum hjá ykkur, eru þetta lögleg-
ar veiðar?
„Já mikil ósköp, við erum inni í
þessu úthlutunarkerfi. Hvert sjó-
stangaveiðifélag fær úthlutað
þremur dögum. Tveir fara í Ís-
landsmótið og sá þriðji í innan-
félagsmótið. Þessa þrjá daga meg-
um við moka fiski upp úr sjónum
eins og við mögulega getum.“
– Ég geri ráð fyrir að það sé
hressilega tekið á því?
„Já, og þar kemur ævinlega
fram séríslenskt fyrirbæri. Menn
fara á sjó tvo daga í röð, eru í
hörkuvinnu frá klukkan sex að
morgni til klukkan tvö að degi,
skemmta sér síðan saman, en skilja
svo ekkert í því hvað þeir eru
þreyttir þegar heim er komið!“
– Hvað eruð þið að veiða, bara
þorsk og ýsu?
„Nei, nei, það er miklu fjöl-
breyttara og það er fjölbreytnin í
aflnaum sem er iðulega rós í
hnappagat manna í dagslok. Þess
eru jafnvel dæmi að menn setji út
um leið og losað hefur verið frá
bryggju til að geta bætt sandkola
og marhnút við tegundafjöldann
sinn. Sumir eru jafnvel með silung-
astangir og örsmáa króka til að
bæta sandsíli við aflann. Við fáum
auk ýsu og þorsks, ufsa, keilu,
löngu, lúðu, rauðsprettu, síld, síli,
steinbít og karfa. Í fyrra veiddist
meira að segja sjóbleikja.“
Eruð þið sem sagt bara í þessu
fyrir keppnina?
„Nei, þetta er líka frábær fé-
lagsskapur. Ég skal
nefna dæmi um góðan
félagsskap og það er
hann Ríkarður Ingi-
bergsson. Síðastliðið
sumar keppti hann á
Akureyri og kom norð-
ur með Ella lúðubana.
Karlinn veiddi samtals 600 kg dag-
anna tvo, fékk sér hóflega „í tána“,
fór á dansleik á Akureyri að kvöldi
seinni dagsins, skrapp svo með
mér út í Svarfaðardal í morguns-
árið eftir fimm klukkustunda
svefn, en sagði svo við mig uppúr
hádegi að hann þyrfti að drífa sig í
bæinn af því að hann ætlaði að
skreppa á gömlu dansana fyrir
sunnan þá um kvöldið. Ríkarður
varð níræður í ágúst síðastliðnum.
Það er ekki lítils virði að þekkja og
fá að umgangast slíka menn.“
Lárus Einarsson
 Lárus Einarsson er fæddur í
Reykjavík í september 1949.
Hann er húsasmíðameistari og
sjálfstætt starfandi verktaki sem
kemur mikið að hafnargerð.
Hann er á öðru ári sem formaður
Sjóstangaveiðifélags Reykjavík-
ur. Eiginkona hans er Lára
Kristinsdóttir og eiga þau þrjú
börn, Einar (’75), Stefán (’68) og
Lárus (’82)
… liggur við
að fiskar séu
röntgen-
myndaðir
SENDINEFND Samfylkingarinnar
ræddi við fulltrúa þingflokks norska
Verkamannaflokksins um hugsan-
legar sameiginlegar kröfur sem Ís-
land og Noregur gætu átt gagnvart
Evrópusambandinu ef til aðildarum-
sóknar kæmi. Á sameiginlegri ráð-
stefnu sem fram fór í Osló á föstudag
skiptust fulltrúar flokkanna á upp-
lýsingum og skoðunum um samning-
inn um Evrópska efnahagssvæðið og
stöðu hans og framtíð Íslands og
Noregs innan Evrópu.
„Markmiðið með þessari ráð-
stefnu var fyrst og fremst að ræða
framtíð EES-samningsins og stöðu
þessara tveggja landa innan Evrópu
sem er að mörgu leyti lík,“ sagði
Bryndís Hlöðversdóttir þingflokks-
maður Samfylkingarinnar. „Það má
segja að EES-samningurinn standi
og falli með þessum tveimur löndum
og þá sérstaklega Noregi sem er ansi
stór hluti af EES-svæðinu.“
Bryndís sagði sjávarútvegsmál
aðallega hafa verið rædd ásamt
neytendamálum. Hún sagði Ísland
og Noreg skoða hvort það væru
hugsanlega einhverjir sameiginlegir
fletir sem löndin gætu átt gagnvart
Evrópusambandinu sem snúa að
sjávarútvegsmálum og þá ekki síst
til að styrkja samningsstöðu sína
gagnvart Evrópusambandinu.
„Þetta var mjög innihaldsríkur og
góður og fundur. Við erum einu
Norðurlöndin utan Evrópusam-
bandsins og það er mjög mikilvægt
að reyna að átta sig á stöðu þessara
landa í því samhengi,“ sagði Bryndís.
Hún sagði Halldór Ásgrímsson
hafa fyrir nokkru viðrað hugmynd
um það hvernig Norður-Atlantshafs-
svæðið gæti orðið sérstakt stjórn-
sýslusvæði þar sem þau ríki sem að-
ild ættu fengju sjálfstjórn. „Þá
hugmynd eru utanríkismálastofnun
Noregs og Alþjóðastofnun Háskóla
Íslands að skoða núna ásamt út-
færslu á samstarfi.“
Sendinefnd Samfylkingarinnar ræddi við
fulltrúa norska Verkamannaflokksins
Sameiginlegar
kröfur Íslands og
Noregs ræddar
STJÓRN Sambands íslenskra spari-
sjóða hefur ákveðið að beina því til
sparisjóða innan sambandsins að
breyta útreikningi vaxta á verð-
tryggðum reikningum þannig að
þeir séu reiknaðir frá og með deg-
inum eftir innlögn, en til þessa hafa
vextir verið reiknaðir frá næstu
mánaðamótum eftir innlögn.
Breytingin tekur gildi um næstu
mánaðamót 1. mars. Jafnframt er
gert ráð fyrir því að sérstakar verð-
bætur innan mánaðar verði reiknað-
ir þannig að miðað sé við hækkun á
vísitölu neysluverðs síðastliðna tólf
mánuði.
Fram hefur komið í fréttum í
Morgunblaðinu að innlagnir á verð-
tryggða reikninga í sparisjóðunum
og Íslandsbanka hafa ekki borið
vexti innan mánaðar heldur frá
næstu mánaðamótum eftir innlögn á
undanförnum árum. Aftur á móti eru
reiknaðir vextir á innlagnir á verð-
tryggða reikninga í Búnaðarbanka
og Landsbanka frá deginum eftir
innlögn og hefur það verið þannig
um árabil.
Íslandsbanki mun einnig
breyta vaxtaútreikningi
Íslandsbanki hefur þegar tilkynnt
að hann muni breyta vaxtaútreikn-
ingi á verðtryggðum reikningum sín-
um frá og með næstu mánaðamót-
um.
Þá kveða reglur Seðlabankans á
um að reikna skuli sérstakar verð-
bætur innan mánaðar á verðtryggða
reikninga. Þær hafa verið óbreyttar
eða nánast óbreyttar hjá öllum ofan-
greindum bankastofnunum nema
Búnaðarbankanum síðastliðin fimm
ár þrátt fyrir að verðbólga hafi
sveiflast mikið á ofangreindu tíma-
bili eða frá því að vera rúmt 1% á ári í
það að vera tæp 10%.
Eins og fram hefur komið í frétt-
um ætlar Fjármálaeftirlitið að skoða
þessi mál í framhaldi af fréttaflutn-
ingi Morgunblaðsins. Er þess að
vænta að niðurstaða þeirrar vinnu
liggi fyrir innan nokkurra vikna.
Sparisjóð-
irnir breyta
vaxtaút-
reikningi