Morgunblaðið - 16.02.2003, Blaðsíða 48

48 SUNNUDAGUR 16. FEBRÚAR 2003 MORGUNBLAÐIÐ

  
          
      
     
 
  






  BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ er ekki logið á þá Vestfirð-
ingana. Hvarvetna þar sem þeir
leggja hönd á plóg munar um þeirra
framlag. Kraft, áræði og dugnað
hafa þeir til að bera í stórum stíl í
genum sínum, hugsanlega meiri en í
öðrum landsmönnum. Er kannski
eitthvað til sem kalla mætti vest-
firska genið?
Hvað sem um það má segja, er
handknattleiks- og ættfræðiáhugi
þjóðarinnar í mikilli uppsveiflu þessa
dagana. Það má því vel segja frá því
á þessum vettvangi, að ættarsér-
fræðingar okkar hér vestra benda nú
þráfaldlega á það, sem satt er, að
þrír af lykilmönnum landsliðsins í
handknattleik eru ættaðir héðan að
vestan. Fyrst skal frægan telja Ólaf
Stefánsson. Hann er m.a. ættaður úr
Keldudal, Meðaldal og Hólum í
Dýrafirði. Svo skal nefna horna-
manninn snjalla, Einar Örn Jónsson.
Hann á ættir að rekja í Haukadal í
sama firði. Og sá skotharði Patrekur
Jóhannesson er ættaður af Barða-
strönd og úr Arnarfirði. Rúsínan í
pylsuendanum er svo sú segja sér-
fræðingarnir, að sjálfur landsliðs-
þjálfarinn, Guðmundur Þ.Guð-
mundsson, er Ísfirðingur í föðurætt
og í ætt hans bregður meira að segja
fyrir Þórdísi Jónsdóttur, móður Jóns
forseta, lesa menn í DV.
Síst af öllu ættum við Íslendingar
að ala á miklum metingi milli lands-
hluta. En heilbrigður metnaður er
bara af hinu góða. Og ekki veitir
Vestfirðingum af að tjalda öllu sínu í
samanburðarfræðunum. Það hefur
til dæmis verið sagt að hafi menn
heyrt getið um sjómenn sem borið
hafa af, þá eru þeir oftar en ekki
Vestfirðingar eða þá af vestfirskum
ættum. Á það jafnt við um farmenn
sem fiskimenn. Er ekki tímabært að
taka saman Vestfirðingaskrá um þá
Vestfirðinga sem skarað hafa fram
úr á ýmsum sviðum?
HALLGRÍMUR SVEINSSON,
Hrafnseyri.
Ekki er logið á þá
Vestfirðingana
Frá Hallgrími Sveinssyni:
HVER er Le Monde-flóttamaður-
inn? spyr Páll Magnússon, sá
starfsmaður Íslenskrar erfðagrein-
ingar sem flettir ofan af gagnrýni
eins og einkaspæjarar fletta ofan af
morðmálum. Hvar er Le Monde-
flóttamaðurinn? spyr Páll Magnús-
son. Var hann einn að verki? Hverj-
ir standa á bak við hann?
Steindór J. Erlingsson vísinda-
sagnfræðingur liggur undir grun.
Páll Magnússon hefur þegar upp-
lýst að Steindór hefur „vafasöm
tengsl“ við Háskóla Íslands, líf-
fræðideildina, einmitt þá deild sem
sér um krufningar.
Var það Steindór sem flúði land
og birtist á forsíðu Frakklands
frægasta … og sagðist vera á flótta
undan „grundvallarmannréttinda-
brotum ríkisstjórnar Íslands“?
Er hann maðurinn sem stakk af
með eigin sjúkraskrár í brúnum
bréfpoka undir hendinni? spyr Páll
Magnússon undir rós.
„Við þurfum að ná þessum manni
og sjúkraskrám hans,“ sagði
ónefndur fulltrúi Íslenskrar erfða-
greiningar sem vildi ekki láta nafns
síns getið en framburður hans var
skringilegur. „Le Monde-flóttamað-
urinn er hættulegur samfélaginu.
Við megum ekki láta það spyrjast
út að einhver hafi sloppið úr landi
með persónulegar upplýsingar.“
Ríkisstjórnin, bankarnir og fyrr-
um stærsta fyrirtæki landsins, Ís-
lensk erfðagreining, eru á harð-
kúluhöttunum á eftir Le
Monde-flóttamanninum.
Ég neita því ekki að maður svitn-
ar við tilhugsunina. Ég verð nefni-
lega að gera játningu: ÉG ER LE
MONDE-FLÓTTAMAÐURINN.
Ég er landflótta sakamaðurinn sem
Le Monde skrifaði um á forsíðu að
væri á flótta frá Íslandi vegna þess
að „þar er hæðst að grundvallar-
réttindum svo einkafyrirtæki
græði“. Það var ég sem þoldi ekki
við á Íslandi vegna þess að persónu-
frelsi mitt var vanvirt. Ég gat ekki
búið hérna lengur vegna þess að
sjúkrasaga mín var höfð að féþúfu
manna með undarlegan framburð.
Það var ég sem flúði hlutlausu fjöl-
miðlana sem dáðust að þjófnaðinum
og þáðu síðan starf sem verðir
fengsins. Það var ég sem gat ekki
hugsað mér enn eitt árið á Íslandi
með gerspilltum forsætisráðherra
sem virðir rétt sjúklinga einskis og
afhendir vinum sínum milljarða af
því að „upplýst samþykki (þjóðar-
innar) skiptir engu máli“.
Já, það var ég. Ég er Le Monde-
flóttamaðurinn. Og samt bý ég
hérna ennþá og fór aldrei neitt. Ég
bjó allan tímann á Íslandi og nú –
þegar spilaborgin er hrunin; gagna-
grunnurinn ekki enn orðinn til, Ís-
landsmet í peningasóun liggur fyr-
ir, Alþjóðasamtök lækna krefjast
upplýsts samþykkis, Íslendingar
eru langt frá því að vera eins-
leitasta þjóð í heimi og fjöldi manns
hefur tapað stórfé á hlutabréfa-
markaðnum – þá magnast raddirn-
ar út um allt þjóðfélagið, ekki bara
sú rödd sem kallar sig Mannvernd,
nei raddirnar um allt þjóðfélagið
sem hrópa hærra og hærra: Ich bin
auch, Ich bin auch … liggja undir
grun.
ÞORVALDUR LOGASON,
Skjólbraut 7, Kópavogi.
Le Monde-
flóttamaðurinn
Frá Þorvaldi Logasyni: