Morgunblaðið - 04.03.2003, Page 14

VIÐSKIPTI/ATHAFNALÍF
14 ÞRIÐJUDAGUR 4. MARS 2003 MORGUNBLAÐIÐ








 

 
   

     
   




!!


" #!

" 






 $"!


%&

&&


&


%!

!
' "

(%&
  "

 $"!%%)
% 
#
*!"
% 
%!

!
"
%&
)
+

$!
$,!
 

&
- 

 $"!%#!)
%!



$!

 $"! 
" !.!

!
%!
+
!
/
*!
.!

*! 0!*

 
1
2 

-

%!

     

      




 




    
   

ÍSLANDSBANKI er áhugaverðari
fjárfestingarkostur á alþjóðavett-
vangi en Landsbanki og Búnaðar-
banki vegna þess að eignaraðild að
bankanum er dreifð. Þetta segir
Garth Leder, hlutabréfasérfræðingur
hjá fjárfestingarbankanum Fox-Pitt,
Kelton sem gerði hlutabréfagrein-
ingu á Íslandsbanka nýverið. Í
skýrslu Leders segir að virði Íslands-
banka sé vanmetið nú og að líkur séu
á að gengi bréfa í bankanum muni
hækka á næstunni.
Leder sagðist í samtali við Morg-
unblaðið alltaf vera á höttunum eftir
fjármálafyrirtækjum sem hann telur
vera áhugaverða fjárfestingu. „Ís-
landsbanki er vel rekið fyrirtæki í
vaxandi hagkerfi. Það er sjaldgæf
samsetning nú til dags,“ segir Leder.
Fox-Pitt, Kelton (FPK) er dóttur-
félag svissneska tryggingafyrirtækis-
ins Swiss Re sem er
eitt það stærsta á
sínu sviði í heimi.
FPK er fjárfesting-
arbanki sem sér-
hæfir sig alfarið í
rannsóknum og greiningu á fjármála-
fyrirtækjum. Leder telur Íslands-
banka vera mjög áhugaverða fjárfest-
ingu. „Þetta er mjög jákvæð skýrsla.
Íslandsbanki skilar hagnaði, kostnaði
bankans er vel stýrt, fyrirtækið er vel
rekið og stundar ekki mikil hluta-
bréfaviðskipti. Eina raunverulega
áhættan felst í því hversu lítið ís-
lenska hagkerfið er og háð tiltölulega
fáum atvinnugreinum. Bankar geta
verið vel reknir en þeir eru alltaf háð-
ir því hagkerfi sem þeir starfa í.“
Í samanburði við aðra banka í Evr-
ópu stendur Íslandsbanki vel að vígi.
„Gengi hlutbréfa í bankanum hefur
verið að hækka á undanförnum árum.
Í Evrópulöndum, þ.m.t. á öllum Norð-
urlöndum, hafa flest fjármálafyrir-
tæki hins vegar lækkað verulega í
verði.“
Ókostur að hafa
kjölfestufjárfesta
Þessi greining á Íslandsbanka er sú
fyrsta sinnar tegundar sem gerð er á
íslensku fjármálafyrirtæki. Skýrslur
sem þessar eru unnar til að benda á
áhugaverða kosti fyrir alþjóðlega
fjárfesta. Leder sagði við Morgun-
blaðið að hann vonaðist til að skýrslan
yrði til þess að vekja áhuga á Íslands-
banka hjá stórum
fjárfestum úti í
heimi. Hann hefur
einnig kynnt sér
aðra íslenska banka
en segir dreifða
eignaraðild Íslandsbanka einkum
gera hann að vænlegum fjárfesting-
arkosti á alþjóðamarkaði umfram
hina bankana. „Ég hef skoðað Lands-
banka og Búnaðarbanka einnig.
Helsti munurinn á þeim og Íslands-
banka er sá að markaðsvirði þeirra er
lægra og viðskipti með þeirra bréf eru
minni. Þetta gerir það erfiðara fyrir
alþjóðlega fjárfesta að kaupa bréfin.
Íslandsbanki hefur enga kjölfestu-
fjárfesta þannig að öll þeirra bréf
geta gengið kaupum og sölum. Flestir
aðrir bankar í Evrópu hafa einn eða
tvo stóra hluthafa sem minnkar það
hlutafé sem hægt er að eiga viðskipti
með,“ segir Leder.
Útlit fyrir hækkun á gengi
bréfa í Íslandsbanka
Í skýrslunni, sem ber heitið
„Breaking the Ice“ stendur að sann-
gjarnt hlutabréfaverð (e. fair value) í
Íslandsbanka sé 7,10 krónur á hlut
sem er tveimur krónum eða tæpum
40% yfir núverandi gengi. Lokagengi
bréfa í Íslandsbanka var 5,10 krónur
á hlut í Kauphöll Íslands í gær og
markaðsvirði bankans er nú um 46
milljarðar króna. Samkvæmt skýrsl-
unni ættu fjárfestar að geta gert sér
vonir um hækkun á gengi bréfa í
bankanum á næstunni. Í því sam-
hengi er verðið 6,5 krónur á hlut nefnt
sem það gengi sem skýrsluhöfundar
nota sem svokallað markgengi
(e.target price) sem fjárfestar ættu að
nota sem viðmið. Þess er þó ekki getið
hvenær hugsanlegt sé að verð á hlut í
bankanum fari svo hátt.
Skýrslan gerir ráð fyrir auknum
tekjum og hagnaði hjá Íslandsbanka
á næstu árum og að sú aukning verði í
takt við vöxt í íslenska hagkerfinu.
FPK mælir þannig með kaupum í Ís-
landsbanka og gerir ráð fyrir að
hagnaður á hlut í bankanum geti auk-
ist um 10% á næstu árum.
Hlutabréfagreining Fox-Pitt, Kelton á Íslandsbanka
Vel rekið fyrirtæki
í vaxandi hagkerfi
LOÐNUKVÓTI vertíðarinnar hefur
verið aukinn um 50 þúsund tonn og er
því nú orðinn um 765 þúsund tonn.
Endanleg niðurstaða loðnurannsókna
síðustu vikna mun liggja fyrir á allra
næstu dögum og verður þá tekin
ákvörðun um hvort að kvótinn verður
aukinn enn frekar.
Mokveiði hefur verið á loðnumið-
unum síðustu daga og langt gengið á
loðnukvóta flestra skipa og nokkur
eru reyndar búin með kvóta sína. Um
55 þúsund tonnum var bætt við loðnu-
kvóta vertíðarinnar í síðustu viku en
þar var um að ræða eftirstöðvar þess
aflamagns sem skip frá ríkjum Evr-
ópusambandsins, Noregi og Græn-
landi áttu óveitt í landhelginni 15.
febrúar sl. Samkvæmt upplýsingum
úr sjávarútvegsráðuneytinu var 50
þúsund tonnum bætt við kvótann nú í
upphafi vikunnar til að koma í veg
fyrir að veiðar stöðvuðust þangað til
endanleg niðurstaða loðnurannsókna
liggur fyrir. Heildarkvótinn er því
orðinn um 765 þúsund tonn. Fyrir-
fram var gert ráð fyrir að kvóti ver-
tíðarinnar yrði 1.040 þúsund tonn, að
meðtöldu því sem erlendum skipum
er heimilt að veiða, en aðeins er út-
hlutað tveimur þriðju kvótans uns
niðurstöður loðnurannsóknaleiðang-
urs í upphafi ársins liggja fyrir.
Samkvæmt samantekt Samtaka
fiskvinnslustöðva er nú búið að veiða
um 636 þúsund tonn af loðnu á vertíð-
inni og því um 130 þúsund tonn eftir
af úthlutuðum kvóta.
Á heimasíðu Haraldar Böðvarsson-
ar hf. á Akranesi kemur fram að skip
félagsins eiga nú eftir um 7.000 tonna
loðnukvóta en ákveðið hefur verið að
þau haldi ekki til veiða á ný fyrr en út-
lit er fyrir að loðnuhrognavinnsla geti
hafist, nema þá aðeins ef um kvóta-
aukningu verður að ræða. Hrogna-
fylling loðnunnar virðist nú vera í
kringum 20% og því verður ekki mjög
langt að bíða þar til hrognavinnsla
getur hafist.
50 þúsund tonn-
um bætt við
loðnukvótann
Morgunblaðið/Skapti Hallgrímsson
Endanleg úthlutun liggur fyrir
á allra næstu dögum
BYGGÐASTOFNUN hefur auglýst
hlutabréf í ýmsum félögum að nafn-
virði um 1.188 milljóna króna til sölu.
Rúmur helmingur þeirrar upphæð-
ar, alls 650 milljónir króna að nafn-
virði, er bundinn í fjárfestinga- eða
eignarhaldsfélögum.
Að sögn Aðalsteins Þorsteinsson-
ar, forstjóra Byggðastofnunar, er
um að ræða fasta liði í starfsemi
stofnunarinnar. „Það er áskilið í lög-
um um Byggðastofnun að árlega
skuli auglýsa öll hlutabréf hennar til
sölu,“ segir Aðalsteinn.
Spurður um mögulegt markaðs-
virði þess hlutafjár sem nú er aug-
lýst til sölu segist Aðalsteinn ekkert
geta sagt. Auglýst sé eftir tilboðum
og það ráðist því af þeim hversu hátt
verð fáist fyrir bréfin. Enginn frest-
ur til að leggja fram tilboð er gefinn
og að sögn Aðalsteins eru bréfin í
raun alltaf til sölu, að því gefnu að
viðunandi verðtilboð fáist. Hann seg-
ir stofnunina hafa orðið vara við
áhuga á bréfunum í gær, en þau voru
auglýst til sölu í Morgunblaðinu á
sunnudag. Engin tilboð hafa þó enn
borist í hlutafé félaganna 56.
Flest félögin, eða 36, sem Byggða-
stofnun á hlut í og vill nú selja starfa
í ferðaþjónustu eða iðnaði. Nafnvirði
hlutabréfa í félögum í ferðaþjónustu
eru um 130 milljónir króna og um
200 milljónir eru bundnar í hlutafé í
iðnaðarfyrirtækjum og litlu minna,
um 190 milljónir króna, í sjávarút-
vegsfyrirtækjum. Nafnvirði þess
hlutafjár Byggðastofnunar sem
bundið er í sjö fjárfestinga- og eign-
arhaldsfélögum um landið er rúmar
650 milljónir króna.
Byggðastofnun
selur hlutafé fyrir
1,2 milljarða
PHARMACO hefur á síðustu mán-
uðum unnið að því að leggja niður
óarðbæra framleiðslu á stungulyfj-
um á Möltu og byggja í staðinn upp
aðstöðu til að fullpakka lyfjum fyrir
ESB-markað. Forsætisráðherra og
viðskiptaráðherra Möltu heimsóttu
verksmiðju Pharmaco á Möltu síð-
astliðinn föstudag ásamt föruneyti
og kynntu sér fyrirætlanir fyrirtæk-
isins.
Að sögn Róberts Wessmans, for-
stjóra Pharmaco, mun pökkunarað-
staðan á Möltu styðja enn frekar við
fyrirhugaðan vöxt samstæðunnar.
Samkvæmt áætlunum Pharmaco er
gert ráð fyrir að 7 lyf fari í sölu á
árinu 2003 inn á markaði félagsins og
eru breytingarnar á Möltu liður í að
ljúka þeim undirbúningi. Unnið hef-
ur verið að því að uppfæra aðstöðuna
á Möltu þannig að hún standist ítr-
ustu kröfur arðbærustu markaða
Pharmaco.
Eitt stærsta
fyrirtækið á Möltu
Að sögn Steinþórs Pálssonar,
framkvæmdastjóra Pharmamed á
Möltu, var Eddie Fenech Adami, for-
sætisráðherra Möltu, mjög ánægður
með heimsóknina og lýsti því yfir að
henni lokinni að hann og ríkisstjórn
Möltu byndu miklar vonir við starf-
semi Pharmaco þar í landi. Með hon-
um í för voru auk embættismanna og
blaðamanna Josef Bonnici viðskipta-
ráðherra.
„Pharmamed er eitt stærsta fyr-
irtækið á Möltu og sú uppbygging
sem hefur átt sér stað bæði hjá
Pharmamed og Delta R&D er eitt-
hvað sem skiptir atvinnulíf og efna-
hag Maltverja miklu máli til lengri
tíma litið,“ segir Steinþór. „Pharma-
co er mjög sýnilegt á Möltu og hefur
sala á vörum Pharmaco undir merkj-
um Delta gengið vel.“
Enn betri staða ef
Malta gengur í ESB
Þjóðaratkvæðagreiðsla um inn-
göngu Möltu í Evrópusambandið
mun fara fram 8. mars næstkomandi.
Í tilkynningu frá Pharmaco segir að
líkur séu taldar á að inngangan verði
samþykkt. Gangi það eftir muni
Pharmaco fá enn betri stöðu til að
þjóna lyfjamörkuðum Evrópu og
raunar um heim allan. Með inngöngu
Möltu í ESB sé ekki lengur þörf á að
framkvæma lokaprófanir á Íslandi á
lyfjum sem framleidd séu Möltu.
Áætlanir Pharmaco gera ráð fyrir
að efla mjög þróun nýrra samheita-
lyfja og stefnt er að því að félagið
þrói að meðaltali 11-13 ný lyf á ári.
Þróunarfyrirtækinu Delta R&D á
Möltu er ætlað stórt hlutverk á því
sviði en þar starfa nú um 30 sérfræð-
ingar við þróun samheitalyfja.
Ráðherrar á Möltu heimsækja verksmiðju Pharmaco
Áform um aðstöðu til
pökkunar lyfja á Möltu
Eddie Fench Adami, forsætisráðherra Möltu, á tali við Steinþór Pálsson,
framkvæmdastjóra Pharmamed, í verksmiðju Pharmaco á Möltu.