Morgunblaðið - 04.03.2003, Qupperneq 40

40 ÞRIÐJUDAGUR 4. MARS 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík
Sími 569 1100

Símbréf 569 1329
Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ var lyginni líkast að hlusta á
Ingibjörgu Sólrúnu Gísladóttur um
daginn, þegar hún gerði lítið úr
hugmyndum Davíðs Oddssonar um
skattalækkanir. Ingibjörg lét eins
og málflutningur Davíðs væri ekki
trúverðugur því hann hefði haft 12
ár til að lækka skatta og þetta væri
bara kosningabragð. Með þessum
málflutningi sínum treystir Ingi-
björg á að kjósendur muni fátt af
því sem gerðist í gær og ekkert af
því sem gerðist í fyrradag. Stað-
reynd málsins er auðvitað sú að
ríkisstjórn Davíðs Oddssonar hefur
lækkað skatta bæði á einstaklinga
og fyrirtæki, en á sama tíma hefur
R-listi Ingibjargar Sólrúnar bæði
hækkað skatta og lagt á nýja.
Eftirminnilegt er til að mynda
þegar R-listinn notaði tækifærið og
hækkaði útsvarsprósentu Reykja-
víkurborgar á sama tíma og ríkið
lækkaði tekjuskattsprósentu sína
um áramótin 1998/1999. Þetta
framferði R-listans kallaði á hörð
viðbrögð verkalýðshreyfingarinn-
ar, sem benti á að skattahækkunin
rýrði kaupmáttinn og kæmi verst
við þá sem minnst hefðu.
Það sem er ekki síst athyglisvert
við þessa skattahækkun Ingibjarg-
ar Sólrúnar og R-listans er að hún
var ákveðin haustið 1998, skömmu
eftir borgarstjórnarkosningar.
Fyrir kosningar hafði R-listinn
haft í frammi svipaðan málflutning
og Samfylkingin nú og gefið til
kynna að honum væri treystandi í
skattamálum. Hann hafði meira að
segja gengið svo langt að lofa
skattalækkun. Helgi Hjörvar, sem
þá var borgarfulltrúi fyrir R-
listann og í framboði til borgar-
stjórnar ásamt Ingibjörgu Sólrúnu,
sagði orðrétt í sjónvarpsviðtali að
eitt af forgangsverkefnum R-
listans yrði „lækkun gjalda á Reyk-
víkinga“. Eftir kosningar var þetta
loforð sem sagt efnt með hækkun
útsvarsprósentunnar.
Nú eru Ingibjörg og Helgi aftur í
framboði á sama listanum, hann í
fjórða sæti og hún í því fimmta í
Reykjavíkurkjördæmi norður, og
aftur láta þau í það skína að þau
séu ekkert fyrir skattahækkanir og
vilji jafnvel lækka skatta. Og aftur
munu sjálfsagt einhverjir trúa því
að mark sé takandi á því sem þau
segja fyrir kosningar.
HELGA ÁRNADÓTTIR,
háskólanemi.
Helgi og Ingibjörg
hækka skatta
Frá Helgu Árnadóttur:
MIG rámar í ruglingslegar blaða-
greinar eftir Glúm nokkurn Jón
Baldvinsson að nafni, er sagður var
sonur núverandi sendiherra Ís-
lands í Finnlandi. Maður að nafni
Glúmur Baldvinsson, ryðst fram á
ritvöllinn í Morgunblaðinu sl.
föstudag (21. febr.) þar sem hann
ræðst á Halldór Blöndal, forseta
Alþingis, sem leyfði sér að gera at-
hugasemdir við fræga ræðu for-
sætisráðherraefnis Samfylkingar-
innar.
Lesendur Morgunblaðsins skilja
það eflaust að mér er þvert um geð
að hafa orðrétt eftir Glúmi eina ein-
ustu setningu úr skítkasti hans svo
ég læt nægja að segja það um
fyrstu málsgreinina að hún er skot-
held sönnun þess að maðurinn veit
ekkert hvað hann er að tala um. Í
þeirri veiku von að einhverju tauti
verði komið við manninn ætla ég að
telja upp nokkur stórvirki sem
Halldór Blöndal stóð fyrir sem
samgönguráðherra og geta ekki
talist annað en risastór skref í átt
til framtíðarhagsældar þjóðarinn-
ar: Geirsgata, Sæbraut, breikkun
Ártúnsbrekku, Bústaðavegar og
Gullinbrúar, (margar fleiri sam-
göngubætur á höfuðborgarsvæðinu
mætti telja upp og snertu ekki síst
okkur atvinnubílstjórana), Hval-
fjarðargöng, Breiðbandið, Flug-
stjórnarmiðstöðin, frjáls símafyrir-
tæki o.s.frv. o.s.frv. Í stuttu máli:
Halldór Blöndal telst fremsti sam-
gönguráðherra þjóðarinnar og er
persónulega ábyrgur fyrir 5-10%
árlegum hagvexti og framförum
sem jafnvel Samfylkingin gæti ekki
eyðilagt, þótt hún (hamingjan
hjálpi okkur) kæmist til valda.
Glúmur fer svo langt út um þúfur
í næstu málsgrein greinar sinnar,
þar sem jafnvel Osama bin Laden
er dreginn inn í umræðuna, að það
er borin von að nokkru viti verði
fyrir hann komið. Ég nenni þessu
því ekki lengur. Það má benda hon-
um á það að Samfylkingin og gamli
Alþýðu-flokkurinn geta vart talist
sama fyrirbærið. Alþýðubandalags-
liðið varð ofaná í þessu samkrulli,
einu gildir hvað þetta fólk kallar
sig eða flokkinn, eðli forystusauð-
anna er ávallt hið sama: Blekkja
óupplýsta fólkið til að kjósa sig að
kjötkötlunum, svo veislan á kostn-
að skattgreiðenda geti haldið
áfram. Nytsömu sakleysingjarnir
falla alltaf fyrir sama orðagjálfrinu.
Mig langar að síðustu að vara
þessa atvinnukjaftaska við: Sam-
kvæmt ævafornum ritum er það
grafalvarleg synd að afvegaleiða
fólk með lygum. Refsingin við því
er fall í helvíti linnulausra þján-
inga. Ég vona að þið farið að sjá að
ykkur. Ef fólk er bólusett af ein-
hverjum sökum gegn stuðningi við
Sjálfstæðisflokkinn ætti það að
mínu mati frekar að styðja Fram-
sóknarflokkinn en Samfylkinguna.
PÁLL P. DANÍELSSON,
Vogatungu 25, Kópavogi.
Ósvífin árás
á mikilmenni
Frá Páli P. Daníelssyni: