Morgunblaðið - 05.04.2003, Blaðsíða 27

ERLENT
MORGUNBLAÐIÐ LAUGARDAGUR 5. APRÍL 2003 27
Samkeppnin er öllum opin. Forsætisnefnd Vestnorræna
ráðsins velur þrjá vinningshafa. Nöfn verðlaunahafa
verða tilkynnt á ársfundi ráðsins sem haldinn verður að
Eiðum, Færeyjum, hinn 15. ágúst 2003. Vestnorræna
ráðið áskilur sér rétt til að hafna öllum tillögum ef sýnt
þykir að engin þeirra kemur til greina.
Hannið og sendið inn tillögur að merki fyrir Barna-
og unglingabókaverðlaun Vestnorræna ráðsins
1. verðlaun DKK 6.000
2. verðlaun DKK 3.000
3. verðlaun DKK 1.000
Tillögur skulu berast eigi síðar en 20. maí 2003
til Vestnorræna ráðsins, Austurstræti 14, 5. hæð,
IS-150 Reykjavík, Ísland
Barna- og unglingabókaverðlaun Vestnorræna ráðsins,
að upphæð 60.000 danskar krónur, voru fyrst veitt árið
2002, þegar Andri Snær Magnason og Áslaug Jónsdóttir
hlutu verðlaunin fyrir Söguna af bláa hnettinum. Þá
voru einnig tilnefndar færeyska bókin Kuffa eftir Brynhild
Andreasen og grænlenska bókin Sialuarannguaq eftir
Jörgen Petersen. Verðlaunin eru veitt annað hvert ár
og verða næst afhent á ársfundi Vestnorræna ráðsins
sumarið 2004 sem fram fer á Grænlandi.
Sigurvegarinn 2002:
Sagan af bláa
hnettinum
www.vestnordisk.is
vestnordisk@althingi.is
Sími 563 0732
Fax 563 0735
Allar hugmyndir eru vel þegnar en vonast
er til að merkið endurspegli á einhvern
hátt barna- og unglingabókmenntir
vestnorrænu landanna, Grænlands, Íslands
og Færeyja. Merki bókmenntaverðlaunanna
verður notað í margvíslegu samhengi til
kynningar á verðlaununum, svo sem í
auglýsingum, tilkynningum o.fl.
LJÓST er að alls 80 manns hafa nú
látist af völdum HABL, nýs heil-
kennis alvarlegrar og bráðrar
lungnabólgu, sem talið er að hafi
komið fyrst upp í Kína. Þar hafa nú
nær 1200 manns fengið sjúkdóminn
og 46 látist.
Einnig hafa 17 látist í Hong Kong
og sjö í Kanada. Að sögn BBC hafa
2.270 manns smitast til þessa en
langflestir eða um 90% ná sér aftur
eftir um það bil viku veikindi. Al-
þjóðaheilbrigðismálastofnunin,
WHO, hefur gefið þeim sem ætla að
ferðast til Hong Kong eða Guang-
dong-héraðs í Kína, þar sem HABL
hefur einkum herjað, það ráð að
fresta ferðalaginu. Ekki er alveg
ljóst hvernig veikin berst milli
manna en vísindamenn óttast að hún
geti stundum borist með andrúms-
loftinu.
Íslendingar ekki á heimleið
BBC segir að bandarísk stjórn-
völd hafi gefið sendiráðsstarfsmönn-
um sínum í Peking kost á ókeypis
farmiða heim ef þeir óski þess. Eiður
Guðnason, sendiherra Íslands í
Kína, segir í samtali við Morgun-
blaðið, að þetta sé rétt en hann hafi í
fyrradag heimsótt bandaríska sendi-
ráðið og fengið að vita að enginn
starfsmannanna hafi þegið boðið. Að
sögn Eiðs er ekki mikill ótti ríkjandi
í borginni vegna HABL.
„Í Peking gengur lífið sinn vana-
gang,“ sagði Eiður og bætti við að
ekki væru neinar ráðagerðir um að
íslenskir starfsmenn yfirgæfu land-
ið. Hann var nýlega í Hong Kong,
þar sem um 20 Íslendingar eru bú-
settir. Sagði hann að þar hefði borið
nokkuð á gagnrýni á stjórnvöld sem
sökuð væru um að hafa brugðist of
seint við sjúkdómnum. Enginn Ís-
lendinganna væri hins vegar á heim-
leið vegna HABL.
Heilkenni alvarlegrar lungnabólgu
Vitað að
80 hafa
látist 2&& &3 ()& *
2-& ((#$ )&
4
&$$& 3 
51
$&& +
! (2 ( *) (*
)&-& 
67-& (
)
& (
/(-& (
/
&
-& (
*(&%7
)#'
*

8&-& () (()*
8&-& *
9

&-&3 )
/
& 
/& &
-$3 '+
:-& +# )
!$&&
(
&
 (

&

(&;(<!
/=>+&"&7
 &

&$
&
& &&

 




 /  B?" C( $$
#**
.






 
 !
"# 

,- RÁÐSTEFNAN um framtíð Evr-
ópu, eins og „stjórnlagaþing“ Evr-
ópusambandsins (ESB) er kallað,
lagði til í gær að í því ígildi stjórn-
arskrár ESB sem þingið er nú með í
smíðum, verði ákvæði sem geri aðild-
arlöndum kleift að segja sig úr sam-
bandinu.
Fulltrúarnir 105, sem sæti eiga á
ráðstefnunni og eru frá öllum núver-
andi og tilvonandi aðildarríkjum
ESB, munu nú ræða þessa tillögu í
samhengi við heildartillögu að fram-
tíðarstjórnarskrá fyrir sambandið
sem á að liggja fyrir í sumar.
Í ákvæðisdrögunum er kveðið á
um, að hvert aðildarland ESB geti
sagt sig úr sambandinu „í samræmi
við eigin stjórnlög“.
Jean-Luc Deheane, varaforseti
ráðstefnunnar, útskýrði að ákvæðið
væri sérstaklega smíðað til að koma
til móts við efasemdarmenn um Evr-
ópusamrunann sem kærðu sig ekki
um að „læsast inni“ í ESB.
Það var Valery Giscard d’Estaing,
forseti ráðstefnunnar, sem í fyrra
setti hugmyndina um úrsagnar-
ákvæði fyrst á flot, en í núgildandi
stjórnlögum ESB er slíkt ekki að
finna.
Úrsögn úr
ESB gerð
möguleg
Brussel. AFP.
FRANSKA dagblaðið Le Monde
höfðaði á fimmtudag meiðyrðamál á
hendur höfundum og útgefendum
bókar þar sem blaðið er vænt um
hræsni og hlutdrægni. Í stefnunni
fer blaðið fram á eina milljón evra
(um 83 milljónir kr) í skaðabætur.
Bókin heitir „Hið hulda andlit Le
Monde“, og er eftir blaðamennina
Pierre Pean og Philippe Cohen og
hefur verið á metsölulistum frá því
hún kom út fyrir mánuði.
Í stefnunni segir að „finna megi
meiðyrði á hverri einustu síðu“ bók-
arinnar og því sé í stefnunni lögð
megináhersla á kafla þar sem gefið
sé til kynna að blaðið hafi farið fram
með glæpsamlegum hætti. Í bókinni
er því haldið fram að Le Monde hafi
haldið verndarhendi yfir morðingj-
um Caludes Erignacs, héraðsstjóra
Korsíku. Þá er haldið fram að blaðið
hafi gert tilraun til að setja mark sitt
á frönsk stjórnmál og þjóðfélag.
Meðal annars hafi blaðið rekið her-
ferð til stuðnings forsetaframboði
Edouards Balladurs 1995 og stutt
Lionel Jospin „eins og reipið styður
hengdan mann“ 2002.
Ritstjórar Le Monde hafa lagt sig
fram um að bera til baka þær ásak-
anir, sem fram koma í bókinni, en
gagnrýnendur segja að þeim hafi
ekki tekist að hrekja einstakar ásak-
anir með sannfærandi hætti.
Le Monde
í meið-
yrðamál
París. AFP.
STRÍÐ Í ÍRAK
SIR Christopher Meyer, fyrrver-
andi sendiherra Bretlands í Wash-
ington, segir að Tony Blair, forsætis-
ráðherra Bretlands, hafi talið
George W. Bush Bandaríkjaforseta
á að hefja ekki stríð í Írak skömmu
eftir hryðjuverkin 11. september
2001. Þetta kemur fram í heimilda-
mynd sem sýnd var í PBS-sjónvarp-
inu bandaríska í fyrrakvöld.
Sendiherrann fyrrverandi segir að
menn í bandaríska hernum hafi
fyrstu dagana eftir hryðjuverkin
lagt fast að Bush að láta til skarar
skríða gegn Saddam Hussein. Þegar
Blair hafi rætt við Bush í Camp Dav-
id, sveitasetri forsetans í Maryland,
nokkrum dögum síðar hafi honum
tekist að telja forsetann á að leggja
fyrst til atlögu við hryðjuverkasam-
tökin al-Qaeda og stjórn talibana í
Afganistan.
„Þetta var skoðun Tony Blairs:
Hvað sem þú gerir í Íraksmálinu
ættir þú að einbeita þér að brýnasta
verkefninu og það er að uppræta al-
Qaeda og setja talibanastjórninni úr-
slitakosti,“ sagði Sir Christopher.
Að sögn sendiherrans fyrrverandi
ákvað Bush að „bíða með Írak þar til
seinna“. Eftir að stjórn talibana var
komið frá völdum hafi Blair sagt
Bush að leita þyrfti friðsamlegra
lausna á Íraksdeilunni áður en her-
valdi yrði beitt gegn Saddam.
Sir Christopher sagði að Tony
Blair hefði boðist til þess að reyna að
telja leiðtoga Evrópuríkja á að
styðja hernað gegn stjórn Íraks.
„Blair sagði: Ef þið viljið gera þetta
upp á eigin spýtur hafið þið hern-
aðarmátt til þess, en við teljum að
jafnvel stórveldi eins og Bandaríkin
þurfi að gera þetta með bandamönn-
um,“ sagði sendiherrann fyrrver-
andi.
Blair sagður hafa
talið Bush á að
seinka stríðinu
NÆSTUM tvö þúsund danskir
múslimar báðu fyrir friði í Írak á
ráðhústorginu í Kaupmannahöfn í
gær. „Við biðjumst venjulega ekki
fyrir utandyra á föstudögum,“
sagði Imam Fatih Alev við þá sem
komnir voru saman á torginu. „En
staðan í Írak er svo alvarleg að við
verðum að sýna samstöðu okkar
[með fólkinu þar].“
Bænastundin stóð í um klukku-
stund og fór vel fram, að sögn lög-
reglunnar. Þetta er í fyrsta skipti
sem múslimar halda bænastund á
Ráðhústorginu en um 3% Dana eru
múslimatrúar.
AP
Beðið fyrir friði á
Ráðhústorginu
ÞRÍR liðsmenn hersveita Breta og
Bandaríkjamanna, ófrísk kona og
bílstjóri hennar, biðu bana þegar
sprengja sprakk í bifreið sem stödd
var við eina af eftirlitsstöðvum
bandamanna í Írak. Svo virðist sem
um sjálfsmorðsárás hafi verið að
ræða.
Atburðurinn átti sér stað við eft-
irlitsstöð norðvestur af Bagdad í
fyrrakvöld, um 18 km frá Haditha-
stíflunni, um 130 km frá landamær-
um Íraks og Sýrlands. Í yfirlýsingu
yfirstjórnar hersveita bandamanna
var ekki tekið fram að um sjálfs-
morðsárás hefði verið að ræða en at-
burðurinn líktist mjög einni slíkri 29.
mars sl. þegar leigubílstjóri
sprengdi bifreið sína í loft upp fyrir
framan eftirlitsstöð bandamanna
nærri borginni Najaf, með þeim af-
leiðingum að fjórir bandarískir her-
menn biðu bana.
Sögðu íraskir ráðamenn þá að
vænta mætti fleiri slíkra árása.
Verðlaunuðu þeir fjölskyldu
sprengjumannsins ríkulega með
fjármunum.
Í yfirlýsingu yfirherstjórnarinnar
í gær sagði að ófrísk kona hefði stig-
ið út úr bifreiðinni og byrjað að „æpa
af ótta“. Í þann mund hefði bifreiðin
sprungið í loft upp með þeim afleið-
ingum að þrír hermenn, sem komið
höfðu aðvífandi, biðu bana og tveir
til viðbótar særðust. Konan beið
einnig bana, sem og bílstjóri bifreið-
arinnar.
Þrír hermenn féllu
í sjálfsmorðsárás
As Saliyah í Katar. AFP.