Morgunblaðið - 05.04.2003, Blaðsíða 29
AKUREYRI
MORGUNBLAÐIÐ LAUGARDAGUR 5. APRÍL 2003 29
MYNDIR náðust af manni sem
braust inn í Sparisjóð Svarfdæla á
Dalvík í fyrrinótt en rannsókn máls-
ins stendur yfir að sögn lögreglu á
Dalvík.
Sparisjóður Svarfdæla er í Ráð-
húsinu á Dalvík og var rúða brotin á
norðurhlið hússins með því að kasta í
hana stórri gangstéttarhellu. Við
rúðubrotið fór öryggiskerfi spari-
sjóðsins í gang og var lögreglan ræst
út, en engin næturvakt er hjá lög-
reglu á Dalvík. Þegar á staðinn var
komið um 5 mínútum síðar var þjóf-
urinn á bak og burt. Að sögn lög-
reglu var hann innan við mínútu inni
í bankanum og hafði ekkert upp úr
krafsinu.
Þeir sem geta einhverjar upplýs-
ingar gefið um málið eru beðnir að
hafa samband við lögreglu á Dalvík.
Reyndi innbrot í
Sparisjóð Svarfdæla
Morgunblaðið/Guðmundur Ingi
Brotist inn í Sparisjóð Svarfdæla í
Dalvík í fyrrinótt.
Brotist var inn í Sparisjóð Svarf-
dæla á Dalvík í fyrrinótt.
HINIR árlegu Kaffitónleikar Kórs
Akureyrarkirkju verða haldnir í
Safnaðarheimili Akureyrarkirkju á
morgun, sunnudaginn 6. apríl, kl. 15
að lokinni messu kl. 14 þar sem kór-
inn syngur einnig.
Á tónleikunum flytur kórinn tón-
list eftir Áskel Jónsson og Pál Ísólfs-
son og mun með því heiðra minningu
þeirra. Einnig munu félagar úr kórn-
um syngja einsöng.
Auk kórsöngs og einsöngs verður
að venju boðið upp á glæsilegt kaffi-
hlaðborð.
Stjórnandi á tónleikunum er
Björn Steinar Sólbergsson.
Aðgangseyrir er 1.000 krónur en
500 krónur fyrir ellilífeyrisþega.
Kaffitónleikar
NÝR kór, Kvennakórinn Embla,
hefur upp raust sína á föstunni með
þremur tónverkum eftir barokk-
snillingana Bach, Telemann og
Pergolesi. Tónleikarnir verða í Ak-
ureyrarkirkju í dag, laugardaginn 5.
apríl kl. 17. Flytjendur með kórnum
eru Hildur Tryggvadóttir sópran,
Elvý Hreinsdóttir mezzósópran og
Kammersveit Akureyrar.
Kvennakórinn Embla var stofnað-
ur 1. september 2002 og er skipaður
konum úr S-Þingeyjarsýslu og Ak-
ureyri. Markmið kórsins er að flytja
klassíska og nútíma tónlist fyrir
kvennaraddir. Stofnandi og stjórn-
andi er Roar Kvam.
Aðgangseyrir á tónleikanna er
1.500 krónur.
Kvennakórinn
Embla með
tónleika
♦ ♦ ♦
Kosningaskrifstofa Sjálfstæð-
isflokksins í Ólafsfirði verður opn-
uð á morgun, sunnudaginn 6. apr-
íl, kl. 15.00. Kosningaskrifstofan
er í gamla ÁB-skálanum. Skrif-
stofan verður síðan opin öll kvöld
frá kl. 20.00–22.00.
Umsjónarmaður skrifstofunnar er
Magnús Brandsson.
Á MORGUN
KÓR Menntaskólans við Hamrahlíð
verður á ferðinni í Eyjafirði næstu
daga. Í dag, laugardag, syngur kór-
inn í Námunni í Hrísey kl. 17.30 og
er þetta í fyrsta sinn í 35 ára sögu
kórsins sem hann heimsækir eyjuna
að sögn Þorgerðar Ingólfsdóttur
kórstjóra.
Á sunnudagsmorgun kl. 11 syngur
kórinn við messu í Möðurvallakirkju
í Hörgárdal. Á sunnudagkvöld kl.
20.30 verða tónleikar í Akureyrar-
kirkju og á mánudag verður sungið í
þremur skólum á Akureyri, MA,
VMA og Brekkuskóla. Um 80 ung-
menni taka þátt í ferð kórsins, kór-
félagar og hljóðfæraleikarar. Á efn-
isskrá tónleikanna er fjölbreytt
kórtónlist eftir innlend og erlend
tónskáld, m.a. Björgvin Guðmunds-
son, Pál Ísólfsson, Jón Þórarinsson,
Þorkel Sigurbjörnsson, Händel og
Bach.
Kór Menntaskólans
við Hamrahlíð
Tónleikar
norðan heiða
AÐSTANDENDUR snjó-
brettagleðinnar á Ak-
ureyri nú um helgina
hafa þurft að hafa tölu-
vert fyrir því að byggja
stökkpallinn í Gilinu á
Akureyri en þar verður
snjóbrettakeppni í kvöld
kl. 21.00. Þeir hafa þó
notið liðsinnis fjöl-
margra aðila og flestir
verið tilbúnir til að
leggja þeim lið, svo
þessi atburður geti orð-
ið að veruleika. Keppn-
isbrautin er samsett úr
gámum, brettum, timbri
og heyrúllum en of-
análagið verður ís og
snjór, sem sóttur verður
upp í Hlíðarfjall í dag.
Finnst ýmsum það
skrýtið að hægt sé að
sækja í snjó upp í fjall,
því þar hefur verið snjó-
laust meira og minna í
vetur.
Það er mikið mál að byggja snjóbrettabrautina í Gilinu á Akureyri
Gámar, bretti, timbur
og heyrúllur í brautinni
Morgunblaðið/Kristján
Þátttakendur í snjóbrettastökkkeppninni sem fram fer í Gilinu á Akureyri í kvöld
ættu að fá ágætis lendingu því búið er að raða um 50 heyrúllum um áætlaðan lend-
ingarstað en rúllurnar verða svo þaktar snjó úr Hlíðarfjalli. Þeir Jón Heiðar Andr-
ésson t.v., Aðalsteinn Möller og Sigurður Jósefsson voru að vinna við brautina í gær.
RÚMLEGA 700 umsóknir bárust
um sumar- og afleysingastörf hjá
Akureyrarbæ. Þetta er fjölgun um-
sókna um 10% á milli ára en Jónína
Laxdal launafulltrúi hjá Akureyr-
arbæ sagðist allt eins hafa átt von
á enn fleiri umsóknum í ár. Um er
að ræða fjölbreytt störf hjá öldr-
unardeild, búsetudeild, sem og við
aðrar stofnanir og deildir bæjarins.
Jónína sagði að þetta væri þó mesti
fjöldi umsókna um sumar- og af-
leysingastörf frá árinu 1997 og
helgaðist af erfiðu atvinnuástandi.
Hún sagði að ekki lægi endan-
lega fyrir hversu margir yrðu
ráðnir til starfa en að fjöldinn gæti
orðið í kringum 300 manns. Jónína
hafði sjálf undir höndum tæplega
500 umsóknir en einnig voru um-
sóknir um störf sendar til búsetu-
deildar og öldrunardeildar. Hún
sagði að mun fleira atvinnulaust
fullorðið fólk hefði sent inn um-
sóknir að þessu sinni og að margir
væru tilbúnir að hefja störf strax.
Af þessum tæplega 500 umsóknum
sem Jónína hafði undir höndum
voru um 290 umsóknir frá fólki
eldra en 20 ára. Hún sagði að
þarna væri um breytingu að ræða
frá síðustu árum, þegar umsókn-
irnar voru flestar frá fólki á ald-
inum 17–20 ára.
Mikil ásókn í sumarstörf
hjá Akureyrarbæ
Rúmlega 700
umsóknir bárust
HAGNAÐUR af rekstri Fóður-
verksmiðjunnar Laxár á Akureyri
nam rúmum 16 milljónum króna á
síðasta ári en árið áður var 3,4
milljóna króna tap af rekstrinum.
Velta síðasta árs var 355 milljónir
króna og jókst um tæp 14% á milli
ára, vegna aukinnar sölu innan-
lands. Heildareignir félagsins í árs-
lok námu um 190 milljónum króna,
heildarskuldir voru um 50 milljónir
króna og eigið fé rúmar 138 millj-
ónir króna. Eiginfjárhlutfall var því
73,2%. Tilgangur félagsins er fram-
leiðsla og sala á fóðri, aðallega til
fiskeldis.
Aðalfundur Laxár var haldinn í
gær og kom fram í máli Valgerðar
Kristjánsdóttur framkvæmdastjóra
að gert sé ráð fyrir mikilli fram-
leiðslu- og veltuaukningu á þessu
ári. Áætluð framleiðsla ársins er
11.900 tonn, sem er aukning upp á
rúmlega 250%, og að veltan verði
775 milljónir króna og aukist um
tæp 220% á milli ára. Framleiðslu-
geta verksmiðjunnar er 18.000 tonn
á ári.
Framleiðla síðasta árs nam 4.640
tonnum á móti 4.270 tonnum árið
2001. Hins vegar dróst fóðursalan
heldur saman milli ára og munar
þar um Færeyjamarkað. Engin sala
var til Færeyja á síðasta ári en árið
áður voru seld þangað rúm 1.900
tonn. Innanlands var mest selt til
Sæsilfurs í Mjóafirði eða rúm 1.500
tonn. Markaðshlutdeild Laxár á
innanlandsmarkaði er áætluð 70%.
Bjartsýni ríkjandi og starfs-
mönnum fjölgað með vorinu
Valgerður sagði að verð á laxi
hefði fallið hratt árið 2001 og hald-
ist lágt síðan en þrátt fyrir það ríki
bjartsýni í greininni. „Nú er fyr-
irhuguð veruleg aukning í Mjóafirði
og ný stöð í Reyðarfirði, báðar í
eigu Samherja. Við hjá Laxá erum
bjartsýn og trúum að árið 2003
verði gott. Nú eru næg verkefni
framundan fyrir verksmiðju félags-
ins en Samherji hefur snúið öllum
sínum fóðurkaupum til Laxár. Útlit
er fyrir að unnið verði á tveimur
vöktum í sumar. Fiskeldi er að
aukast og eru menn að skoða ýmsa
möguleika í þeim efnum,“ sagði
Valgerður í árskýrslu sinni. Hjá
fyrirtækinu starfa nú 10 manns en
stefnt er að því að ráða fjóra nýja
starfsmenn í vor.
Í mars á síðasta ári keypti Síld-
arvinnslan í Neskaupstað hlutabréf
í Laxá og varð um leið meirihluta-
eigandi með rúmlega 66% hlut. Ak-
ureyrarbær á rúmlega 20% hlut í
félaginu en alls eru hluthafar 21.
Fóðurverksmiðjan Laxá
skilaði hagnaði á síðasta ári
Gert ráð fyrir
mikilli framleiðslu-
og veltuaukningu
Lóð - Vöruhús – Til sölu
Nú er til sölu atvinnuhúsnæði á góðum stað á Oddeyri
Húsið er staðsett við Laufásgötu á Akur-
eyri. Grunnflötur hússins er um 360 fm.
Lofthæð er góð, tvennar innkeyrsludyr
eru á austurstafni hússins. Geymsluloft
er yfir öllu húsinu, hluti þess er steyptur
en hluti úr timbri. Eigninni fylgir stór lóð
sem býður upp á mikla möguleika.
Tilboð óskast
Allar frekari upplýsingar eru veittar á
Fasteignasölunni Byggð (Björn),
s. 462 1744 og 462 1820,
s. 897 7832 (Björn),
fax 462 7746.
STJÓRNARKJÖR
Eining-Iðja auglýsir hér með eftir listum eða tillögum um menn í
stjórnarsæti vegna kjörs stjórnar og trúnaðarráðs fyrir starfsárið
2003-2004 að viðhafðri allsherjaratkvæðagreiðslu.
Samkvæmt því ber að skila lista skipuðum formanni, varaformanni
og ritara ásamt 65 manns í trúnaðarráð, tveimur skoðunarmönnum
reikninga og einum til vara eða tillögum um menn í eitthvert, ein-
hver eða öll stjórnarsætin, sem kjósa skal til. Hverjum framboðs-
lista eða tillögu skulu fylgja meðmæli minnst 80 fullgildra félags-
manna.
Listum eða tillögum ber að skila á skrifstofu félagsins á Skipagötu
14, Akureyri, eigi síðar en kl. 12.00 á hádegi mánudaginn 14. apríl
2003.
Akureyri, 4. apríl 2003.
Stjórn Einingar-Iðju.