Morgunblaðið - 05.04.2003, Blaðsíða 58
58 LAUGARDAGUR 5. APRÍL 2003 MORGUNBLAÐIÐ
UNDANFARIÐ hafa Austfirðingar
orðið fyrir aðkasti vegna náttúru-
spjallavilja, áltrúar og auðhringa-
dekurs.
Alkunna er að þeir hafa verið
dregnir á asnaeyrunum fram og aft-
ur um hálendið. Þeir hafa misst fisk-
veiðiheimildir sínar og aðal-áltrúnað-
argoðið er flúið frá þeim til framboðs
í Norður-Reykjavík samanber þessa
skammdegisvísu í orðastað kjósanda
þar.
Bráðum mætast stálin stinn
strax og lengir daginn.
Mömmukvótakóngurinn
kominn er í bæinn.
Í andlegum keng, illa klæddir og
skæddir og með hungurvofuna í
dyragættinni eru alltof margir til-
búnir að falla fram og tilbiðja kölska
sjálfan, bara ef hann gefur þeim salt í
grautinn. Esaú seldi Jakobi frum-
burðarrétt sinn fyrir baunadisk, Júd-
as sveik Jesú fyrir þrjátíu silfurpen-
inga og Ingibjörg Sólrún laug að og
vanvirti R- listafólk fyrir von um
meiri völd.
Getum við krafist þess að Jón og
Gunna fyrir austan séu síður flas-
fengin eða gædd meiri siðferðis-
þroska en áðurnefndir einstakling-
ar?
Við umhverfisverndarfólk og and-
stæðingar Kárahnhjúkavirkjunar,
a.m.k. þriðjungur þjóðarinnar, eig-
um að beina spjótum okkar í rétta
átt, að ríkisstjórnarflokkunum, því
þar er ekki hvítt að velkja.
Þeir meina okkur þjóðaratkvæði í
vor, gerum því komandi alþingis-
kosningar að þjóðaratkvæða-
greiðslu.
Framsóknar- og Sjálfstæðisflokk-
ur eru rúnir trausti í þessu efni og
um Samfylkinguna sem umhverfis-
verndarflokk þarf ekki að tala, og
allra síst eftir að Ingibjörg Sólrún
gerðist þar innsti álkoppur í búri.
Vinstri grænir hafa einir flokka
staðið bjargfastir og einhuga gegn
Kárahnjúkavirkjun. Stórsigur þess
flokks í vor er nú helsti raunhæfi
möguleikinn til vinnings í þessari or-
ustu.
Aftur austur vegna bréfs Jóhönnu
frá Vaðbrekku í Mbl. 7. febrúar.
Ég er hræddur um að það verði til
lítis fyrir Mið-Héraðsmenn að hlaupa
undir pilsin hjá Framsóknarmad-
dömmunni eða biðja Smára Geirsson
og Friðrik Sophusson að hjálpa sér,
ef jarðskjálftar og eldgos hrinda af
stað álíka ógnarflóði í Jöklu og gerð-
ist 1934 og Kárahnjúkastífla brestur.
Að slíkt geti ekki gerst þýðir eki að
segja okkur Vestfirðingum eftir fár-
viðri og snjóflóð, Vestmannaeyingum
eftir gos, Sunnlendingum eftir jarð-
skjálftana eða Mývetningum eftir
Kröfluelda.
Við lifum í landi þar sem náttúru-
öflin hafa verið, eru og munu ávallt
verða í aðalhlutverki.
Og að síðustu, tilvitnun í austfirska
sögu.
Að „týnd sé æra“ og „töpuð sál“
tel ég enga byrði
fyrir þá sem elska ál
austur á Reyðarfirði.
INDRIÐI AÐALSTEINSSON,
bóndi, Skjaldfönn við Djúp.
Til varnar
Austfirðingum
Frá Indriða Aðalsteinssyni:
MIKIÐ hefur verið rætt um skatta-
mál að undanförnu og það einkenni-
lega við þessa umræðu að þessu
sinni er að hún er óvenju skiljanleg.
Nánast hver sem getur áttað sig á
þróun skattbyrðarinnar undanfarin
tvö kjörtímabil án þess að vera með
próf í hagfræði. Þegar allt kemur til
alls er þetta spurning um grundvall-
arspurningu í pólitík: Hvernig skipt-
um við gæðunum?
Ég hef enga ástæðu til að rengja
tölur sem birst hafa í fréttatímum að
undanförnu og samkvæmt þeim er
greinilegt að bilið milli ríkra og fá-
tækra er að aukast. Ef við skoðum
þau 10 prósent framteljanda sem
raðast í þann hóp sem lægstar hafa
tekjurnar hafa tekjur þess hóps
hækkað um 60,8 prósent frá árinu
1995. Þetta eru um 5.400 framtelj-
endur með 1.710 þús. kr. í heildar-
tekjur á ári að meðaltali eða um 143
þúsund krónur á mánuði.
En skoðum þá tekjur þess hóps
sem tilheyrir þeim 5 prósentum sem
mestar tekjur hafa. Þetta eru um
2.700 framteljendur með 18.178 þús.
kr. í heildartekjur á ári að meðaltali
eða um 1,5 milljónir á mánuði. Sem
sé; tekjur þessa hóps hafa hækkað
um 134 prósent frá árinu 1995.
Tekjur hinna hæstlaunuðu hafa
hækkað ríflega tvöfalt meira en
tekjur þeirra lægstlaunuðu. Launa-
munurinn sem var sjöfaldur árið
1995 en nú orðinn tífaldur. Með öðr-
um orðum: Bilið hefur verið að
aukast milli þeirra ríkustu og fátæk-
ustu.
Svona er Ísland í dag og þetta ger-
ist ekki af sjálfu sér. Ört stækkandi
gjá á milli hinna efnameiri og hinna
efnaminni er afleiðing pólitískra
ákvarðanna. Svona samfélag vilja
fæstir og við getum breytt þessu –
strax í vor.
GUÐJÓN EGILL
GUÐJÓNSSON,
Skólavörðustíg 30,
101 Reykjavík.
Þeir ríku
verða ríkari
Frá Guðjóni Agli Guðjónssyni,
stjórnarmanni í Samfylkingar-
félaginu í Reykjavík:
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.