Morgunblaðið - 26.04.2003, Qupperneq 24

SUÐURNES
24 LAUGARDAGUR 26. APRÍL 2003 MORGUNBLAÐIÐ
Opið virka daga frá kl. 9-18 og laugardaga frá kl. 12-16.
Mazda6 bíll ársins í Austurríki, Belgíu, Danmörku, Frakklandi, Finnlandi, Litháen, Írlandi, Skotlandi, Svíþjóð og annað sætið í kosningu á bíl ársins í Evrópu og Gullna stýrinu í Þýskalandi.
Mazda6 kom best út í skoðanakönnun Autocar hjá 25.000 breskum bíleigendum.
Hundrað bíltegundir voru í úrtakinu og þar á meðal margfalt dýrari lúxusbílar.
Komdu, skoðaðu og reynsluaktu Mazda6 og þú munt skilja þessar niðurstöður.
– að dómi breskra bíleigenda!
Mazda6 bestur
Verð frá kr. 2.150.000*
Verðið miðast við fernra dyra, beinskiptan bíl með 1,8 l vél.
FJÖLMENNI tók þátt í skrúðgöngu
skáta og skátamessu í Safn-
aðarheimilinu í Sandgerði á sum-
ardaginn fyrsta.
Skátafélagið Heiðabúar stóð fyr-
ir skrúðgöngunni frá skátaheim-
ilinu að Safnaðarheimilinu ásamt
undirdeildum sínum, Stafnbúum í
Sandgerði og Bergbúum í Garði.
Lúðrasveit frá Tónlistarskóla
Reykjanesbæjar lék í göngunni.
Meðal gesta í skátamessunni var
Ólafur Ásgeirsson, skátaforingi
Íslands, og sæmdi hann nokkra
skáta heiðursmerkjum. Jafnframt
voru vígðir fjörtíu nýir skátar og
fór vígslan í fyrsta skipti fram í
Safnaðarheimilinu. Að athöfn lok-
inni var gengið í skátaheimili Stafn-
búa þar sem ýmislegt var til
skemmtunar.
Morgunblaðið/Reynir Sveinsson
Fánaberar úr skrúðgöngu skáta á sumardaginn fyrsta með Birni Sveini
Björnssyni sóknarpresti.
40 nýir skát-
ar vígðir
Sandgerði
FRÍSTUNDAHELGI í Reykja-
nesbæ var sett formlega við athöfn
í skrúðgarðinum við Tjarnargötu í
Keflavík í gær. Árni Sigfússon
bæjarstjóri naut aðstoðar Jóns
Þórs Gylfasonar, nemanda í Heið-
arskóla, við að senda friðarmynd á
vængjum blöðru upp í himininn,
með ósk um frið í heiminum.
Öllum grunnskólabörnum í
Reykjanesbæ var boðið að taka
þátt í verkefninu Friður í Reykja-
nesbæ. Máttu þau teikna eða mála
myndir út frá orðinu friður. Bárust
1.300 myndir og hafa þær allar ver-
ið hengdar upp í íþróttasalnum í
Myllubakkaskóla. Áður hafði verið
fyrirhugað að myndirnar yrðu
hengdar upp á snúrur í skrúðgarð-
inum en sunnlenska rokið sá til
þess að það væri ekki hægt.
Þegar Árni Sigfússon setti Frí-
stundahelgina sagðist hann þora að
fullyrða að þessi sýning væri eins-
dæmi á landinu, ef ekki í öllum
heiminum.
Myndirnar verða seldar á morg-
un, á 100 krónur hver mynd, og
rennur andvirði þeirra til Ung-
lingadeildar Rauða krossins sem
ráðstafar peningunum til stríðs-
hrjáðra barna.
Fjölbreytt dagskrá er á frí-
stundahelginni víða um Reykja-
nesbæ. Dagskrána er meðal annars
að finna á vef Reykjanesbæjar,
www.reykjanesbaer.is.
Til styrktar stríðs-
hrjáðum börnum
Reykjanesbær
Morgunblaðið/Svanhildur Eiríksdóttir
Árni Sigfússon og Jón Þór Gylfason sáu um að senda út friðarboðskapinn.
ÁRNI Sigfússon bæjarstjóri boðar
til fimm funda með íbúum Reykja-
nesbæjar á næstunni.
Á fundunum verður meðal annars
fjallað um helstu verkefni í bænum á
sviði umhverfismála, gatnafram-
kvæmda, skólamála, félagsþjónustu,
ferðaþjónustu, menningar, íþrótta
og tómstunda. Þá verður farið yfir
framkvæmdir í hverfum og tekið við
ábendingum íbúa um það sem betur
má fara. Til að auðvelda íbúum að-
sókn og umfjöllun um næsta ná-
grenni eru haldnir fundir á fimm
stöðum sem hér segir:
Íbúar í Innri Njarðvík eru boðaðir
á fund mánudaginn 28. apríl í Safn-
aðarheimili Innri-Njarðvíkurkirkju.
Fundað er með íbúum í Njarðvík,
þriðjudaginn 29. apríl í Njarðvíkur-
skóla. Íbúar í Höfnum eru boðaðir í
Sædýrasafnið 30. apríl.
Fundað verður með íbúum í Kefla-
vík, sunnan Aðalgötu, mánudaginn 5.
maí í Holtaskóla. Og með íbúum í
Keflavík, norðan Aðalgötu, miðviku-
daginn 7. maí í Heiðarskóla.
Allir fundirnir hefjast klukkan 20.
Íbúafundir
með bæjar-
stjóra
Reykjanesbær
Í TILEFNI af lögregludeginum, sem
er í dag, verður opið hús á lögreglu-
stöðvunum í Keflavík og Grindavík.
Stöðvarnar verða opnar almenningi
frá klukkan 11 til 17. Boðið er upp á
kaffi og starfsemin kynnt.
Opið hús hjá
lögreglunni
Keflavík/Grindavík
NÝR flygill í eigu Listasafns
Reykjanesbæjar verður vígður með
tónleikum sem haldnir verða í sýn-
ingarsal safnsins í Duushúsum í dag.
Hefjast tónleikarnir klukkan 15.
Björk Guðjónsdóttir, forseti bæj-
arstjórnar, ávarpar gesti.
Fram koma listamennirnir Bryn-
hildur Ásgeirsdóttir, Ragnheiður
Skúladóttir og Dagný Þórunn Jóns-
dóttir, en þær eru allar kennarar við
Tónlistarskóla Reykjanesbæjar,
sem og Jónas Ingimundarson píanó-
leikari.
Þau flytja ma. tónlist eftir Anton
Dvorák og Edward Grieg.
Nýr flygill
vígður á tón-
leikum
Reykjanesbær
♦ ♦ ♦