Morgunblaðið - 21.05.2003, Blaðsíða 4

FRÉTTIR
4 MIÐVIKUDAGUR 21. MAÍ 2003 MORGUNBLAÐIÐ
TAP Flugleiða á fyrsta fjórðungi
þessa árs nam 1.345 milljónum
króna en tap félagsins á sama tíma-
bili í fyrra nam 1.553 milljónum
króna. Flugleiðir tekjufærðu 300
milljóna króna tekjuskatt á fyrsta
fjórðungi þessa árs, en á sama
tímabili í fyrra var engin tekju-
skattsfærsla hjá félaginu. Tap fyrir
skatta var því 1.645 milljónir króna
í ár, en 1.553 milljónir króna í
fyrra. Tap hefur jafnan verið af
rekstri Flugleiða á fyrsta fjórðungi
ársins.
Rekstrartekjur drógust saman
um tæpar fimm hundruð milljónir
króna milli ára og námu 6,4 millj-
örðum króna á fyrsta fjórðungi
þessa árs. Rekstrargjöld án af-
skrifta lækkuðu um tæpar sex
hundruð milljónir króna og námu
7,3 milljörðum króna.
32% fækkun farþega
yfir Norður-Atlantshaf
Samdráttur var í flutningum yfir
Norður-Atlantshaf, farþegum yfir
hafið fækkaði um 32% og farþega-
tekjur minnkuðu á föstu gengi um
330 milljónir króna.
Í fréttatilkynningu frá félaginu
kemur fram að bókanir í millilanda-
flugi næstu mánuði séu töluvert
undir markmiðum og minni en á
sama tíma í fyrra. Staða bókana
fyrir sumarið hafi verið betri en í
fyrra fyrir stríðið í Írak, en inn-
streymi bókana hafi stöðvast þegar
stríðið hófst. Þess sjáist þó merki
síðustu daga að markaðir séu að
taka við sér. Ástæða sé til að hafa
nokkrar áhyggjur af rekstri Ice-
landair næstu mánuði og óhjá-
kvæmilegt sé talið að halda áfram
að þróa rekstur félagsins í átt til
einföldunar og verulegrar lækkun-
ar kostnaðar.
Tólf mánaða þróun jákvæð
Í tilkynningunni segir að Ice-
landair vinni nú eftir áætlun um að
lækka kostnað í rekstrinum um 1,5
milljarða króna og ætli að hrinda
þeirri áætlun í framkvæmd á næstu
12 mánuðum. Ekki er fyrirhugað að
fækka leiðum eða breyta flugflot-
anum, en meðal þess sem verið er
að skoða er aukin sjálfvirkni, ekki
síst í miðasölu.
Hagnaður Flugleiða fyrir vexti,
skatta, afskriftir og flugvélaleigu á
tólf mánaða tímabilinu aprílbyrjun í
fyrra til marsloka í ár var 7,9 millj-
arðar króna samanborið við 4,9
milljarða ári áður. Þessi skilgrein-
ing hagnaðar, EBITDAR, gefur til
kynna þá fjármunamyndun sem
stendur á móti fjárhagslegum
skuldbindingum félagsins. Fjár-
binding í rekstrinum að meðtöldum
eignfærðum leiguskuldbindingum
hefur lækkað um 15 milljarða
króna á sama tímabili vegna lækk-
unar flugvélaleigu og lækkunar á
gengi Bandaríkjadals, en nær allar
skuldir Flugleiða eru í Bandaríkja-
dölum.
Í fréttatilkynningunni segir að í
fljótu bragði bendi þessar tölur ein-
dregið til þess að rekstur félagsins
hafi verið að vænkast, en á móti
komi samdráttur í eftirspurn sem
byrji ekki fyrr en undir lok þessa
tímabils og virðist ætla að vera við-
varandi næstu vikur að minnsta
kosti.
Bréf Flugleiða hækkuðu um 1,1%
í gær og var lokaverð þeirra 4,65.
Flugleiðir með
1.345 milljóna tap
Rekstrargjöld
drógust hraðar
saman en
rekstrartekjur
Listasafns Íslands. „Það er eðlilegt að aðilar snúi
sér til okkar, fagþekkingin er til í Listasafni Ís-
lands til að gera svona rannsóknir,“ sagði Ólafur
aðspurður um hlutverk safnsins í rannsókn á
uppruna málverka.
„Við verðum að meta svona verkefni eftir okk-
ar aðstæðum. Það eru gífurlega mörg verkefni
sem hafa hlaðist upp að undanförnu, ekki síst
vegna þeirra miklu rannsókna sem við höfum
borið ábyrgð á út af lögreglumálinu. Það er
margt sem bíður. Við höfum okkar fyrstu skyld-
LISTASAFN Íslands getur ekki sinnt rannsókn-
arbeiðni Smiðjunnar listhúss á 13 áður óþekkt-
um verkum Nínu Tryggvadóttur vegna mikilla
anna. Smiðjan ætlaði að opna sýningu á verk-
unum en þar sem verk Nínu Tryggvadóttur hafa
komið við sögu í málverkafölsunarmálinu svo-
kallaða, þótti öruggara að ganga úr skugga um
uppruna þeirra.
Vegna anna og manneklu getur safnið hins
vegar ekki tekið verkið að sér fyrr en með
haustinu, að sögn Ólafs Kvarans, safnstjóra
ur gagnvart safneigninni.“ Ólafur segir þá sem
standa að sýningum á listaverkum verða að meta
hvort þeir telji ráðlegt að setja órannsökuð verk
á sýningu. „Í flestum tilvikum liggur eigenda-
saga fyrir. En þetta verður að meta í hverju til-
felli fyrir sig.“ Ólafur segir ekki hægt að gera
kröfu á að eigendasaga liggi fyrir. „Aftur á móti
er mjög eðlilegt að þegar fólk kaupir verk í gall-
eríum að það fái óyggjandi sönnur fyrir því að
verkin séu eftir viðkomandi höfund. Einn þátt-
urinn í því er eigendasagan.“
Geta ekki rannsakað verk eignuð Nínu Tryggvadóttur fyrr en í haust
Verkefni hafa hlaðist upp
FRANSK-íslenska kvikmyndin
Stormy Weather eftir Sólveigu
Anspach var frumsýnd á
kvikmyndahátíðinni í Cannes í gær
fyrir fullu húsi.
Áður en sýning myndarinnar
hófst stigu leikarar og aðstand-
endur myndarinnar á svið og Sól-
veig ávarpaði kvikmyndahúsgesti.
Myndin, sem er að stórum hluta
tekin í Vestmannaeyjum, hefur
fangað athygli fjölmiðlafólks í
Cannes.
Hún er samstarfsverkefni
Frakka, Íslendinga og Belga og var
styrkt af Kvikmyndasjóði Íslands/
Kvikmyndamiðstöð. Baltasar Kor-
mákur er einn af framleiðendum
myndarinnar fyrir fyrirtækið Sögn
ehf. sem hann á og rekur í sam-
starfi við eiginkonu sína, Lilju
Pálmadóttur, og voru þau bæði við-
stödd frumsýninguna í gærkvöld.
Með tvö stærstu hlutverkin í
Stormy Weather fara Elodie
Bouchez, ein skærasta stjarnan í
Frakklandi um þessar mundir, og
Sigurlaug Jónsdóttir, betur þekkt
sem skáldkonan Didda, í sínu fyrsta
hlutverki. Baltasar Kormákur og
Ingvar E. Sigurðsson fara með
veigamikil hlutverk í myndinni og
margir Íslendingar leika smærri
hlutverk.
Frum-
sýning í
Cannes
Morgunblaðið/Halldór Kolbeins
Nokkrir af leikurum og aðstandendum Stormy Weather fyrir frumsýninguna í gær. F.v. Ingvar E. Sigurðsson,
franska leikkonan Elodie Bouchez, Sólveig Anspach ásamt dóttur sinni Clöru, Didda og Baltasar Kormákur.
FYRIRHUGUÐ hótelbygging við
Aðalstræti í Reykjavík þar sem
fundist hafa rústir skála frá land-
námsöld kom til umræðu á borg-
arráðsfundi í gær.
Sjálfstæðismenn óskuðu eftir
bókun þar sem þeir bentu meðal
annars á að fundur skálans kallaði á
allsherjarendurskoðun á byggingar-
framkvæmdum. Bæjarstæðinu væri
ekki sýnd virðing með því að
byggja þar hótel og nær væri að
láta fornleifarnar hafa forgang
vegna stórmerks sögulegs gildis
þeirra.
Bentu þeir meðal annars á þá leið
að breyta gamla bæjarstæðinu og
kirkjugarðinum handan götunnar í
Fornleifagarð Reykjavíkur, þar
sem sjá mætti grænar tóftir fyrsta
býlisins og hringlaga kirkjugarð
með upphlöðnum leiðum. Garðurinn
myndi meðal annars hafa aðdrátt-
arafl fyrir ferðamenn í Reykjavík.
Fulltrúi frjálslyndra í borgarráði
lét bóka að hann fagnaði því að
sjálfstæðismenn tækju í meginat-
riðum undir þau sjónarmið sem
komið hefðu fram í tillögu hans frá
árinu 2001 þar sem lögð var áhersla
á að varðveisla fornminja á svæðinu
og aðgengi að þeim yrðu aðalatriði
skipulagsins en þá hefði tillagan
hlotið litlar undirtektir borgar-
fulltrúa.
Fulltrúar Reykjavíkurlistans létu
bóka að ítrekað hefði verið fjallað
um menningarlegt gildi fornminj-
anna og vel færi saman að byggja
upp í miðbænum ásamt því að sýna
fornminjum sóma. Ljóst væri að
Reykjavíkurborg hygðist leggja í
mikinn kostnað svo að fornminjar
yrðu verndaðar og hafðar til sýnis
með umgjörð við hæfi.
Sögðu þeir fræðimenn mjög sátta
við fyrirhuguð áform eins og komið
hefði fram áður í borgarráði og það
væri fagnaðarefni að sjá þau áform
nú í uppbyggingu.
Hótelbygging við
Aðalstræti rædd
D-listi og
F-listi vilja
Forn-
minjagarð
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
IR
2
11
78

05
/2
00
3
Lagadeild • Viðskiptadeild • Tölvunarfræðideild
Námsráðgjöf
Alla virka daga kl. 10.00 - 11.30 er fastur viðtalstími þar
sem þú getur komið og rætt við námsráðgjafa
Háskólans í Reykjavík, kennara eða núverandi nemendur
um hvaðeina er lýtur að námi við skólann.
Þar fyrir utan getur þú hringt og pantað tíma í síma 510 6200
www.ru.is
Umsóknarfrestur er til 5. júní