Morgunblaðið - 28.05.2003, Page 6
FRÉTTIR
6 MIÐVIKUDAGUR 28. MAÍ 2003 MORGUNBLAÐIÐ
AUKNAR líkur eru á að áformum verði frestað
um byggingu húss fyrir þrjú ráðuneyti, dóms- og
kirkjumálaráðuneyti, umhverfisráðuneyti og heil-
brigðis- og tryggingaráðuneyti, á svokölluðum
stjórnarráðsreit við Sölvhólsgötu.
Að sögn Ólafs Davíðssonar, ráðuneytisstjóra í
forsætisráðuneytinu, hefur þó ekki verið tekin
ákvörðun um frestun byggingarframkvæmdanna
en í ljósi þeirra stórframkvæmda sem eru fram-
undan aukast líkurnar á að sú verði niðurstaðan.
Unnið er að áætlunum um flutning á starfsemi
umræddra ráðuneyta í annað húsnæði, a.m.k. til
bráðabirgða.
Fyrir stuttu auglýstu Ríkiskaup eftir leigu-
húsnæði fyrir heilbrigðisráðuneytið. Þarf það að
vera um það bil tvö þúsund fermetrar að stærð
og vera miðsvæðis í Reykjavík og er gert ráð
fyrir að húsnæðið sé fullbúið til notkunar sem
skrifstofuhúsnæði en þó án lauss búnaðar.
Ákveðið að flytja dómsmála-
og umhverfisráðuneyti
Hagstofan flutti sl. vetur úr Skuggasundi í
Borgartún og kom í ljós að sögn Ólafs að hús-
næðið í Skuggasundi hentar vel fyrir dóms-
málaráðuneytið. Hefur verið ákveðið að flytja
skrifstofu ráðuneytisins þangað.
Þá hefur verið ákveðið að umhverfisráðuneytið
flytji í húsnæðið á Lindargötu 9, sem hentar
nokkuð vel fyrir starfsemi þess, að sögn Ólafs.
Þar er fyrir starfsemi fjármálaráðuneytis að
stórum hluta, en hún kæmist þá inn í Arnarhvol
ef dómsmálaráðuneytið færi.
Ólafur segir einnig ljóst að fyrr eða síðar þurfi
að flytja samgönguráðuneytið og félagsmála-
ráðuneytið úr Hafnarhúsinu. „Við erum farnir að
líta í kringum okkur að hentugu húsnæði fyrir
heilbrigðisráðuneytið ef niðurstaðan verður sú að
fresta þessari byggingu, þannig að við verðum
því þá ekki óviðbúnir.
Tvö ráðuneyti eru sem sagt að flytja annað,
við erum að líta í kringum okkur hvað varðar
þriðja ráðuneytið en ákvörðun verður væntan-
lega tekin í tengslum við fjárlagagerð,“ segir
hann.
Byggingu fyrir ráðuneyti á stjórnarráðsreit í Reykjavík hugsanlega frestað
Þrjú ráðuneyti flytjast
SÍÐLA sumars kemur á mark-
að ný tegund skófatnaðar sem
ætlað er að auka öryggi gang-
andi vegfarenda í hálku og við
blautar aðstæður. Einnig mun
fyrirtækið framleiða öryggis-
skó fyrir iðnaðarmenn. Óskar
Jónsson hefur undanfarin þrjú
ár þróað þessa tegund skófatn-
aðar og notað harðkornadekk
sem fyrirmynd.
„Ég hef verið að þróa nýja
tegund skósóla fyrir skófatnað
undir vörumerkinu Green
Diamond. Þetta er búið að vera
langt og strangt þróunarferli,“
segir Óskar. „Sólarnir eru
blandaðir harðkornum til að ná
betra gripi í bleytu og hálku.
Þetta er íslensk uppfinning byggð á
sömu hugmynd og harðkornadekkin
sem framleidd eru í dag víðsvegar
erlendis. Þarna er hugmyndin út-
færð fyrir skófatnað,“ segir Óskar.
Óskar starfaði við skóframleiðslu
í tíu ár í Portúgal og rekur fyr-
irtækið Green Diamond Traction
Solution.
Hann stefnir að því að skórnir
komist í verslanir í sumar. „Ísland er
tilraunamarkaður og hentar vel til
þess. Í kjölfarið mun ég síðan leita
að dreifingaraðilum erlendis. Það er
stefnt á að fara með þetta út um all-
an heim, skref fyrir skref,“ segir
Óskar.
Hann segir að bæði verði fram-
leiddir skór og stígvél fyrir almenn-
ing og einnig fyrir ýmsar starfs-
stéttir, s.s. almennan iðnað,
fiskiðnað, einkennisskór, bændur og
fleiri. „Hluti af skólínunni er tilbú-
inn. Ég er að vonast til að koma
þessu inn í allar helstu verslanir á
landinu og í sérverslanir með örygg-
isskó.“
Óskar segir að aðeins verði notað
gæðaefni í framleiðsluna. „Við erum
að búa til skó úr hágæða efnum,
leðri jafnt sem fóðri inni í skónum,
en samt erum við ódýrari en sam-
bærilegir skór á markaðnum í dag.“
Hálkuslys kveikjan
Hann segir að ástæðan á bakvið
framleiðslu skónna sé að slys í
hálku, aur og bleytu séu afar algeng.
„Samkvæmt skýrslum frá Vinnu-
eftirliti ríkisins eru slys af völdum
falls á jafnsléttu mjög algeng á
vinnustöðum. Þrír flokkar orsaka
skera sig úr í vinnuslysaskrá Vinnu-
eftirlitsins. Þeir eru að hinn slasaði
hafi orðið fyrir höggi, fallið á jafn-
sléttu og fallið af hærri stað. Þessir
þrír þættir taka til meira en 50%
allra skráðra slysa á Íslandi og kosta
einstaklinga, atvinnurekendur og
þjóðfélagið hundruð milljóna á ári
hverju,“ segir Óskar og bendir jafn-
framt á að ekki sé ætlunin að fram-
leiða hátískuskó heldur framleiða
skó sem auka öryggi og þægindi.
Skór með harð-
kornasólum á
markað síðsumars
Skór með harðkornasóla.
DAGLEGAR reykingar meðal
nemenda í 10. bekk í grunnskólum
Hafnarfjarðar hafa dregist saman
undanfarin ár. Árið 1998 reyktu
30% tíundu bekkinga daglega en
17% í fyrra, að því er fram kemur í
skýrslu um vímuefnanotkun sem
Rannsókn og greining vann fyrir
Hafnarfjarðarbæ. Hlutfallslega
fleiri drengir en stúlkur í þessum
hópi reykja daglega, 21% drengja
en 13% stúlkna. Í 9. bekk reyktu
8–9% nemenda daglega í fyrra og í
8. bekk var hlutfallið 3% eða svipað
og hjá sömu árgöngum á landsvísu.
Hlutfallslega færri nemendur í 8.
og 9. bekk í Hafnarfirði höfðu í fyrra
drukkið áfengi einhvern tímann um
ævina samanborið við jafnaldra
þeirra í Reykjavík en hlutfallslega
fleiri nemendur í 10. bekk borið
saman við jafnaldra í Reykjavík. Á
bilinu 50–55% áttundu bekkinga,
60–65% níundu bekkinga og 77–
82% tíundu bekkinga í Hafnarfirði, í
Reykjavík og á landinu segjast ein-
hvern tímann hafa drukkið áfengi.
Ölvun síðustu 30 daga er hlut-
fallslega algengari meðal áttundu,
níundu og tíundu bekkinga í Hafn-
arfirði en jafnaldra þeirra í Reykja-
vík og á landinu í heild. 41% drengja
og 38% stúlkna í 10. bekk í Hafn-
arfirði höfðu orðið drukkin einu
sinni eða oftar á tímabilinu. Í
Reykjavík og á landinu í heild er
hlutfallið meðal stúlkna 29–32% og
meðal drengja 23–24%.
Könnunin var lögð fyrir alla nem-
endur í áttundu, níundu og tíundu
bekkjum í grunnskólum í Hafnar-
firði vorin 2001 og 2002.
Skýrsla um vímuefnanotkun hafnfirskra unglinga
Dregið hefur úr
reykingum síðustu ár
PHARMACO afhenti í gær 2,5 millj-
ónir króna til stuðnings verkefninu
Heilsa, hegðun og þroski 5 ára
barna, en það er rannsóknarverkefni
sem miðar að því að kanna heilsufar
og einkenni geð- og þroskaraskana
hjá börnum. Sjálfseignarstofnunin
Barnarannsóknir framkvæmir rann-
sóknina en talið er að hún muni kosta
um 5 milljónir króna. Áður hafði
fengist fjárstuðningur að upphæð 2,2
milljónir frá opinberum aðilum og
styrktarfélögum.
Tilgangur rannsóknarinnar er að
afla þekkingar um útbreiðslu og
hugsanlega áhættuþætti geð- og
þroskaraskana hjá 5 ára börnum,
þannig að forvarnir og meðferð geti
orðið markvissari.
Um er að ræða forkönnun á þessu
og næsta ári sem nær til 300 reyk-
vískra barna en hún er undanfari
stærra verkefnis þar sem kanna á
tíðni geð- og þroskaraskana hjá 5 ára
börnum á Íslandi. Þar er gert ráð
fyrir að heill árgangur verði með eða
á bilinu 4–5.000 börn, að sögn Stein-
gerðar Sigurbjörnsdóttur, barna-
læknis og eins af aðstandendum
rannsóknarinnar. „Hegðunarvanda-
mál og geðraskanir verða æ meira
áberandi í heilbrigðiskerfinu og því
teljum við verðugt að skoða þau sér-
staklega hjá forskólabörnum.“ Hún
nefnir sem dæmi að tíðni einhverfu
hjá börnum hafi aukist síðustu ár og
ekki sé vitað af hverju.
Lítið vitað um vanda-
mál yngri barna
Steingerður segir að mun minna
sé vitað um geðraskanir og hegðun-
arvandamál hjá þessum hópi en hjá
eldri börnum en mikilvægt sé að
greina slík vandamál snemma svo
meðferð geti hafist.
Framkvæmd könnunarinnar hófst
í apríl og þegar hafa fengist 70 börn
til að taka þátt í henni. Steingerður
segir foreldra hafa tekið vel í rann-
sóknina og fáir neitað þátttöku. Hún
fer þannig fram að spurningalistar
eru sendir foreldrum og leikskólum
og ef fram koma vísbendingar um
frávik í þroska eru þau börn greind
nánar.
Pharmaco veitir
Barnarannsókn-
um 2,5 milljónir
Morgunblaðið/Jim Smart
Steingerður Sigurbjörnsdóttir barnalæknir, Páll Magnússon, formaður stjórnar Barnarannsókna, Róbert
Wessman, forstjóri Pharmaco, og Haukur Valdimarsson, sitjandi landlæknir.
Kanna geð- og þroska-
raskanir 5 ára barna
KARLMAÐUR var handtek-
inn í fyrradag grunaður um að-
ild að stórfelldu fjársvikamáli
hjá Landssímanum. Var hann í
gær úrskurðaður í gæsluvarð-
hald til 2. júní. Er hann fjórði
maðurinn sem handtekinn er
vegna málsins.
Hjá embætti Ríkislögreglu-
stjóra fást ekki frekari upplýs-
ingar um manninn að svo
stöddu. Málið er áfram í rann-
sókn hjá lögreglunni.
Fjórði
maður-
inn hand-
tekinn
ALÞJÓÐLEG ráðstefna Flugörygg-
issamtaka Evrópu, JAA, fer fram í
Reykjavík dagana 29. maí – 3. júní
nk. á Nordica-hóteli.
Í tilkynningu frá Flugmálastjórn
Íslands segir að reikna megi með að
um 250 manns sæki ráðstefnuna,
þ.á m. margir af helstu forystu-
mönnum flugöryggismála í Banda-
ríkjunum og Evrópu. Má þar nefna
Thilo Smith, stjórnarformann
EASA, nýrrar flugöryggisstofnunar
í Evrópu, Michael Ayral, fram-
kvæmdastjóra flugmála hjá Evrópu-
sambandinu, John Hickley, formann
bandarísku sendinefndarinnar,
Klaus Koplin, forstjóra JAA og Erik
van Nuffel, stjórnarformann JAA
auk fulltrúa flugmálayfirvalda í Kan-
ada og víðar.
Á ráðstefnunni verður fjallað um
mikilvægustu viðfangsefni á sviði
flugöryggismála í heiminum í dag.
Þá verður framtíð JAA-samstarfsins
rædd í ljósi stofnunar EASA og
hvernig auka megi samræmingu
reglna á milli Bandaríkjanna og Evr-
ópu.
Um 250 á alþjóð-
legri ráðstefnu
um flugöryggi