Morgunblaðið - 17.06.2003, Blaðsíða 4

FRÉTTIR
4 ÞRIÐJUDAGUR 17. JÚNÍ 2003 MORGUNBLAÐIÐ
Uppsagn-
ir Jökuls
til fram-
kvæmda
1. júlí
STARFSMÖNNUM Jökuls
ehf. á Raufarhöfn var í gær
tilkynnt að áður boðaðar upp-
sagnir hjá fyrirtækinu kæmu
til framkvæmda frá og með 1.
júlí nk. Jafnframt var þeim
tilkynnt að rösklega 20
starfsmönnum yrði boðin
endurráðning. Við endurráðn-
ingar verður byggt á starfs-
aldri starfsmanna hjá fyrir-
tækinu, segir í fréttatilkynn-
ingu frá Jökli.
Að sögn Guðnýjar Hrundar
Karlsdóttur sveitarstjóra á
Raufarhöfngefur þetta sveit-
arfélaginu nokkru lengri tíma
en ella til að finna úrræði í
atvinnumálum sveitarfé-
lagsins. „Ég er mjög bjartsýn
á að það náist,“ segir hún.
„Það mun koma betur í ljós í
næstu viku hvaða úrræðum
verður beitt, en ég hef fulla
trú á að við finnum lausn á
vandanum.“
Uppsagnir starfsfólks Jök-
uls frá 28. maí voru sem
kunnugt er dregnar til baka
eftir athugasemdir ASÍ varð-
andi það hvernig staðið var
að þeim. Á fundum með
fulltrúum Verkalýðsfélags
Raufarhafnar og trúnaðar-
mönnum Jökuls, sem haldnir
voru í síðustu viku eftir at-
hugasemdir ASÍ, kom ekkert
nýtt fram sem fallið var til að
bæta úr rekstrarvanda Jökuls
og var því starfsfólkinu, 50
manns, sagt upp frá og með
1. júlí.
Ákveðið hefur verið að dag-
ana 18. og 19. júní verði
fulltrúar frá Svæðismiðlun
Norðurlands eystra á Rauf-
arhöfn til þess að veita starfs-
fólkinu allar tiltækar upplýs-
ingar og aðstoð, segir í
fréttatilkynningu.
SAFNAHÚSIÐ Eyrartúni verður
opnað á Ísafirði í dag. Þetta er eitt af
þremur menningarhúsum Ísafjarðar
og hýsir bókasafn, héraðsskjalasafn,
listasafn Ísafjarðar, ljósmyndasafn
og rannsóknaraðstöðu, m.a. fyrir þá
sem vinna verkefni sem tengjast
Vestfjörðum. Auk þess verður sýn-
ingarsalur sem er fyrst og fremst
hugsaður fyrir listasafn Ísafjarðar
sem hefur starfað síðan 1963.
Safnahúsið er í húsnæði gamla
sjúkrahússins á Ísafirði en kostn-
aðurinn við endurbætur á því nemur
um 130 milljónum króna.
Að sögn Halldórs Halldórssonar,
bæjarstjóra Ísafjarðarbæjar, hefur
Safnahúsið mikla þýðingu fyrir
landsvæðið. „Þetta er gríðarlega öfl-
ugt safn. Aðstaðan fyrir öll söfnin
stækkar mikið. Það bætir möguleika
á öllum sviðum. Til dæmis eru um
130 manns á þessu svæði í háskóla-
námi og það gerir miklar kröfur til
bókasafns. Nú getum við mætt þess-
um kröfum miklu betur,“ segir Hall-
dór.
Safnahúsið er í húsnæði gamla
sjúkrahússins og verður opið fyrir
almenning milli klukkan 15 og 18 í
dag en útlán, þjónusta og önnur
starfsemi hefst á morgun.
Safnahúsið Eyrartúni á Ísafirði verður opnað í dag
Hefur mikla þýðingu
fyrir landsvæðið
Ljósmynd/Halldór Sveinbjörnsson
Elín Magnfreðsdóttir
bókavörður raðar
bókum í hillur í nýj-
um húsakynnum
bókasafnsins sem eru
í húsnæði gamla
sjúkrahússins.
SAMÞYKKT Alþjóðahvalveiðiráðs-
ins í gær um að stofna sérstaka
nefnd til að fjalla um verndun allra
hvalastofna í samstarfi við náttúru-
og dýraverndarsamtök er bakslag
fyrir þjóðir, sem hafa unnið að því, að
fá hvalveiðar í atvinnuskyni sam-
þykktar. Þetta er skoðun formanns
íslensku sendinefndarinnar, Stefáns
Ásmundssonar, sem sækir ársfund
hvalveiðiráðsins í Berlín.
Ekki í samræmi
við stofnsamning
Hann segir að þessi nefnd færi
kastljós Alþjóðahvalveiðiráðsins enn
þá frekar frá því að vera stjórnunar-
stofnun um hvalveiðar á algjöra frið-
un hvalastofna. Kröftunum verði
dreift enn meira á allt sem viðkomi
hvölum, eins og verndun sjávar, í
stað þess að einblína á stjórnun veiða
og viðhaldi hvalastofnsins.
„Við teljum þessa samþykkt ekki
rúmast innan stofnsamnings Al-
þjóðahvalveiðiráðsins og vorum mik-
ið á móti þessu,“ segir Stefán. Öll
japanska sendinefndin hafi í kjölfar-
ið gengið út af fundinum ásamt
fulltrúum um tíu sendinefnda ann-
arra þjóða, þar á meðal Norðmanna.
Íslenska sendinefndin sat hins vegar
sem fastast og taldi Stefán enga
ástæðu til að yfirgefa salinn. „Við
sátum enn þá í salnum og ég las yf-
irlýsingu þess efnis að við vonuð-
umst til að hægt væri að gera stjórn-
unarráðstafanir varðandi framtíðar
hvalveiðar í atvinnuskyni, sem við
viljum ýta áfram innan ráðsins, en
þetta er að sjálfsögðu bakslag fyrir
þá vinnu.“
Kynna vísindaáætlun
Stefán segir að finna þurfi nýjar
leiðir til að þoka áfram vinnu varð-
andi veiðar í atvinnuskyni. Hins veg-
ar tengist sú vinna ekki kynningu ís-
lensku sendinefndarinnar fyrir
vísindanefnd á áætlun Íslendinga
um hvalveiðar í vísindaskyni. Sú
kynning er á dagskrá ársfundarins á
miðvikudag en Stefán segir að málið
geti tafist fram á fimmtudag, sem sé
síðasti dagur fundarins.
„Við höfum skýran rétt til að
stunda veiðar í vísindaskyni og lagt
áætlun fyrir vísindanefndina þar
sem gagnlegt er að fá umræðu um
veiðarnar,“ segir Stefán en reiknar
með, að fenginni reynslu Japana, að
málið verði einnig tekið upp í hval-
veiðiráðinu sjálfu, sem sé hinn póli-
tíski vettvangur. „En vísindaáætlun-
in verður ekki til umræðu með þeim
hætti að greidd verði um hana at-
kvæði. Henni verður hvorki hafnað
né hún samþykkt. Þetta er einfald-
lega áætlun sem við setjum fram til
umræðu innan vísindanefndarinnar
en ekki til ákvörðunar hvalveiðiráðs-
ins.“
Ræða þarf framtíð hvalveiða
Eftir að fundi lýkur á fimmtudag
segir Stefán að íslenskir stjórnmála-
menn þurfi að setjast niður og
ákveða næstu skref varðandi hval-
veiðar í ljósi umræðunnar innan Al-
þjóðahvalveiðiráðsins.
Nokkuð var um mótmæli fyrir ut-
an fundarstað hvalveiðiráðsins í gær
en þau fóru friðsamlega fram að
sögn Stefáns. Jón Egill Egilsson,
sendiherra Íslands í Berlín, sagði að
um 30 mótmælendur hefðu verið fyr-
ir utan norrænu sendiráðin. Svo lítið
fór fyrir þeim að hann hafi ekki orðið
þeirra var þegar hann var við vinnu í
sendiráðinu.
Alþjóðahvalveiðiráðið samþykkti að stofna nefnd um hvalavernd
Dreifir kastljósi ráðsins

Berlínarfrumkvæðið/16
BORGARRÁÐ samþykkti í gær að
fara út í framkvæmdir við bygg-
ingu nýs frjálsíþróttahúss við aust-
urenda Laugardalshallar.
Að sögn Jónasar Egilssonar, for-
manns Frjálsíþróttasambands Ís-
lands, hefur bygging frjálsíþrótta-
húss verið í umræðunni í tvö ár en
húsið mun bjóða upp á að haldin
séu alþjóðleg frjálsíþróttamót hér
á landi.
Engin almennileg inniaðstaða
fyrir frjálsíþróttafólk í dag
Frjálsíþróttahúsið verður
9.546 m² á þremur hæðum en til
samanburðar má hafa að Laug-
ardalshöllin er 6.538 m². Gert er
ráð fyrir 200 metra hlaupahring
með fjórum brautum en sex braut-
um á beinu köflunum, þ.e. fyrir 60
og 100 metra hlaup. Í miðjum
hringnum yrði slétt gólf og fyrir
utan hringinn æfingaaðstaða.
„Þetta hús á eftir að hafa gíf-
urlega þýðingu fyrir frjáls-
íþróttahreyfinguna. Við höfum
ekki haft neina almennilega innan-
hússaðstöðu. Ég hef stundum spurt
hvar sé meiri þörf fyrir innanhúss-
aðstöðu heldur en í nyrstu höf-
uðborg í heimi? Við höfum lengi átt
frjálsíþróttafólk á heimsmæli-
kvarða þrátt fyrir aðstöðuleysi. Nú
er loksins verið að viðurkenna
þennan árangur,“ segir Jónas.
Teikningar af húsinu liggja fyrir
og útboð á framkvæmdum verður á
næstu dögum. Gert er ráð fyrir að
framkvæmdir hefjist í sumar og að
húsið verði tilbúið í ársbyrjun
2005.
Bygging nýs frjálsíþróttahúss í Laugardalnum samþykkt í borgarráði
Tölvuteikning/Tark
Bygging mun tengja Laugardalshöllina og nýju íþrótta- og sýningarhöllina
í Laugardal. Reykjavíkurborg mun leigja húsið.
Gífurlega
þýðingarmikið