Morgunblaðið - 17.06.2003, Blaðsíða 53

ÍÞRÓTTIR
MORGUNBLAÐIÐ ÞRIÐJUDAGUR 17. JÚNÍ 2003 53
Í tilefni 10 ára afmælis klúbbsins býður afmælisnefnd
öllum að leika golf án endurgjalds alla föstudaga í júní
2003. Völlurinn okkar er krefjandi og margbreytilegur
níu holu völlur með ögrandi, náttúrulegum hindrun-
um, má þar nefna Varmá og Sauðá. Auk þeirra eru
hverir, hraun og tré sem torvelda leiðina. Verið vel-
komin á einstaklega skemmtilegan völl og njótið hans
með okkur.
Stjórn og afmælisnefnd GHG
Afmælistilboð
Golfklúbbs Hveragerðis
GEORGE Best hefur ráðist
harkalega að Sir Alex Ferguson,
knattspyrnustjóra Manchester
United, vegna framkomu hans
gagnvart David Beckham.
„Beckham hefur ætíð sýnt Man-
chester United mikla hollustu og
nú finnst mér framkoma knatt-
spyrnustjórans fyrir neðan allar
hellur. Hafa verður í huga að Sir
Alex á aðeins stuttan tíma eftir af
samningi sínum hjá Manchester
United og því finnst mér fárán-
legt að hann ætli að taka þessa
stóru ákvörðun um að selja Beck-
ham,“ sagði George Best, fyrrv.
leikmaður Manchester United og
norður-írska landsliðsins.
Best sendir
Ferguson
tóninn
HAUKUR M. Sveinsson hafn-
aði í sjöunda sæti í sterku
götuhjólreiðamóti í Køge í
Danmörku sl. sunnudag. 2.500
manns tóku þátt í keppninni
og voru hjólaðar nokkrar mis-
munandi langar leiðir, en leið-
in sem Haukur hjólaði var 165
km og sú lengsta. Um 500
keppendur hjóluðu þá leið og
var Haukur ræstur í svoköll-
uðum úrvalshópi ásamt 70
öðrum. Hann kom í mark 1,29
mín. á eftir fyrsta manni og
hélt um 37 km/klst. í með-
alhraða. Haukur, sem er 19
ára, hefur um langt árabil ver-
ið meðal sterkustu hjólreiða-
manna Íslands og er núver-
andi Íslandsmeistari bæði á
götu- og fjallahjólum.
Haukur
sjöundi
í Køge
New Jersey hafði forystunalengst af í leiknum, oftast fjög-
ur til tíu stig, og virtist sem allt væri
Nets í hag, en um
miðjan fjórða leik-
hluta hrundi leikur
liðsins saman og að-
gangsharðir leik-
menn Spurs gengu á lagið. Tim
Duncan og David Robinson (sem
leikið höfðu frábæra vörn allan leik-
inn) vörðu hvert skotið af öðru og
hirtu öll fráköst nærri körfunni, á
meðan Speedy Claxton og Steven
Jackson settu hvert skotið af öðru
niður körfuhringinn. Allt í einu hafði
æsispennandi leikur snúist við og
sanngjarn sigur Spurs var stað-
reynd.
Meistaratitill Spurs var sann-
gjarn. Liðið hafði besta árangurinn í
deildakeppninni og sló út Los Angel-
es Lakers og Dallas í úrslitakeppni
vesturdeildarinnar. Tim Duncan var
ekki aðeins leikmaður ársins í deild-
inni, hann var einnig kosinn leik-
maður lokaúrslitanna. Duncan var
eins og skrímsli í leiknum. Hann
skoraði 21 stig, tók 20 fráköst, sendi
tíu stoðsendingar og varði átta skot.
Hann skoraði 21 stig og tók 17 frá-
köst að meðaltali í leikseríunni gegn
New Jersey. „Það var stórkostlegt
að vinna titilinn á heimavelli. Við
höfum haft frábæran stuðning allt
keppnistímabilið.
Ég reyndi að einbeita mér að því
að hirða fráköst í lokin og þegar
Nets fóru að setja tvo leikmenn til
varnar þegar ég fékk knöttinn náði
ég að koma boltanum til Speedy og
Seven sem hittu vel,“ sagði Duncan
við fréttamann ABC-sjónvarps-
stöðvarinnar stax eftir leikinn.
Gregg Popovich, þjálfari Spurs,
var kosinn þjálfari ársins í deildinni
og þetta var annar meistaratitill
hans með liðinu (eftir meistaratitil-
inn 1999).
Popovich, sem venjulega er alvar-
legur maður eftir leiki, var hinn kát-
asti á blaðamannafundi eftir leikinn.
„Heyrðu, hvað er þetta,“ sagði hann
þegar blaðafulltrúi NBA-deildarinn-
ar sagði að tími hans væri útrunninn
á sviðinu. „Ég er ekki Phil Jackson.
Þetta er Gregg Popovich sem við
erum að tala um hér og það er ekki
svo oft sem ég hef tækifæri á að vera
í þessari stöðu. Ég vil fleiri spurn-
ingar! Ungu leikmennirnir okkar
tóku mun meiri framförum en við
höfðum þorað að vona í upphafi
keppnistímabilsins og það gerir okk-
ur kleift að vinna þennan meistara-
titil. Tim Duncan og David Robinson
voru hinsvegar lykilmenn fyrir okk-
ur í kvöld og þeir sýndu báðir hversu
titillinn var mikilvægur fyrir þá.“
Það hlýtur að vera sárt fyrir leik-
menn Nets að hafa tapað þessum
leik, eftir að hafa verið afslappaðra
og baráttuglaðara liðið á vellinum
lengst af. „Við misstum einbeit-
inguna sem lið í lokin og það reynd-
ist nóg fyrir þá. Við gátum hreinlega
ekki skorað, hvað sem við reyndum,“
sagði vonsvikinn Jason Kidd, sem
barðist hetjulega fyrir Nets allan
leikinn. Þjálfari Nets, Byron Scott,
tók í sama streng í leikslok.
„Vörn þeirra í fjórða leikhlutanum
setti okkur út af laginu í sókninni og
við náðum ekki að róa okkur niður
og setja rétt upp. Við erum með ungt
lið og með meiri reynslu verðum við
með í baráttunni um meistaratitilinn
næsta ár.“ Loks er að geta þess að
David Robinson mun nú leggja
keppnisskóna á hilluna eftir frábær-
an leikferil.
Robinson er einn vinsælasti leik-
maðurinn í deildinni og hann hefur
eytt miklum tíma og peningum und-
anfarin ár í ýmisskonar félagasam-
tök í San Antonio. Hann gaf til dæm-
is níu milljónir dala í uppbyggingu
einkaskóla fyrir fátæk börn í borg-
inni og eyðir miklum tíma í að fylgj-
ast með rekstri hans. Robinson á
skilinn mikinn heiður fyrir allt það
sem hann hefur gert fyrir deildina,
lið sitt og San Antonio borg. „Ég er
svo sannarlega lánsamur að vera
partur af svo góðum leikhópi eins og
við höfum. Ég kveð körfuboltann á
akkúrat réttum tíma og gæti ekki
verið ánægðari með lífið en í kvöld,“
sagði Robinson við fréttamenn sem
fylltu viðtalsherbergið í SBC-höll-
inni. Þegar Robinson gekk frá svið-
inu til búningsherbergis Spurs var
hann hylltur með lófataki af frétta-
mönnum, sem sýnir hversu vel hann
er liðinn af öllum. Jafnvel af al-
ræmdum og svarstýnum blaða-
mönnum! Þetta var fimmti sigur
vesturdeildarliðsins í röð í lokaúr-
slitunum og verður ekki séð fyrir um
breytingu á því á næsta keppnis-
tímabili. Sex bestu lið vesturdeild-
arinnar munu öll koma sterkari til
leiks í haust og er nú kannski kom-
inn tími til að raða liðum í úrslita-
keppnina eftir árangri, án tillits til
hvort þau eru í vestur- eða austur-
deild. Það hefði svo sannarlega verið
skemmtilegra að horfa á tvö bestu
liðin úr vesturdeildinni en að þurfa
að horfa upp á enn ein lokaúrslitin
þar sem austurdeildarliðið mætir til
að fylla út leikskýrsluna.
AP
Tim Duncan, sem var valinn leikmaður úrslitakeppninnar, og David Robinson fagna meistaratitli
San Antonio Spurs, eftir að liðið lagði New Jersey Nets í spennandi leik í fyrrinótt.
Spurs í gang á réttum tíma
EFTIR mikinn barning og erfiðleika við að skora stig sat San Anton-
io Spurs loks uppi sem meistari í NBA-deildinni eftir góðan sigur á
New Jersey Nets, 88:77, í sjötta leik liðanna í lokaúrslitunum á
sunnudag. Leikurinn var geysispennandi lengst af, en 19 stig Spurs
í röð í fjórða leikhlutanum gerðu út um leikinn. Þetta er annar
meistaratitill Spurs og um leið sá liðið á eftir David Robinson, sem
nú mun leggja skóna á hilluna, en hann hefur sannarlega verið góð-
ur sendiherra deildarinnar.
Gunnar
Valgeirsson
skrifar frá
Bandaríkjunum

GUÐJÓN H. Sveinsson skoraði í
gærkvöld 1.400. mark ÍA frá upp-
hafi á Íslandsmótinu, efstu deild. ÍA
er þriðja félagið sem nær þessum
markafjölda en KR hefur skorað
1.494 mörk og Valur 1.420.

GUÐJÓN og Þórhallur Hinriks-
son, sem gerði fyrra mark KR gegn
Val í gærkvöld, höfðu ekki skorað
mark í úrvalsdeildinni í tæp þrjú ár.
Báðir skoruðu þeir síðast fyrir lið
sín í deildinni í ágúst árið 2000, Guð-
jón gegn Grindavík og Þórhallur
gegn Fylki.

JÓN Oddur Halldórsson úr Reyni
á Hellissandi er fulltrúi Íslands á
Evrópumeistaramóti fatlaðra í
frjálsum íþróttum sem nú stendur
yfir í Assen í Hollandi. Jón Oddur,
sem fékk tvenn silfurverðlaun á HM
fatlaðra á síðasta ári, keppir í 200
metra hlaupi á morgun og í 100
metra hlaupi á föstudag.

STABÆK, lið Tryggva Guð-
mundssonar í Noregi, er illa statt
fjárhagslega. Stabæk skuldar 25
milljónir norskra króna en það eru
um 300 milljónir íslenskra króna.
Sænska liðið Elfsborg stendur
þessa dagana í stríði við Stabæk en
liðið hefur enn ekki fengið þær 40
milljónir sem það á eftir að fá vegna
sölu Stabæks á Tobias Linderoth til
Everton en leikmaðurinn var á mála
hjá Elfsborg áður en hann gekk í
raðir norska liðsins.

TENNISKONAN Anna Kourni-
kova frá Rússlandi getur ekki tekið
þátt í Wimbledon-mótinu sem hefst
23. júní. Anna á við meiðsli í baki að
stríða.

KAISERSLAUTERN byrjar
næstu leiktíð í þýsku 1. deildinni í
knattspyrnu með þrjú stig í mínus.
Félagið braut að mati þýska knatt-
spyrnusambandsins svokallaðar
leyfisreglur og verður að gjalda
þess með fyrrgreindum afleiðing-
um.
FÓLK
HJÁLMAR Jónsson nýtti vel fyrsta
tækifæri sitt í byrjunarliði Gautaborg-
ar í sænsku úrvalsdeildinni í knatt-
spyrnu á þessu tímabili. Gautaborg tók
á móti Örebro í gær og fékk Hjálmar
góða dóma fyrir frammistöðu sína í
stöðu vinstri bakvarðar. Gautaborg
vann leikinn, 4:0, og gerði út um hann
á fyrstu 10 mínútunum með því að
skora þrívegis. Með sigrinum komst
Gautaborg úr hópi neðstu liða en
Örebro, sem er í fimmta sæti, missti af
tækifæri til að saxa á efstu liðin. „Fyrri
hálfleikurinn er það besta sem liðið
hefur sýnt frá því ég tók við því,“ sagði
Bo Johansson, þjálfari Gautaborgar og
fyrrum landsliðsþjálfari Íslands, en
hann tók við liðinu fyrir þetta tímabil
og það hafði aðeins sigrað tvisvar í níu
deildaleikjum undir hans stjórn.
Hjálmar nýtti
tækifærið