Morgunblaðið - 17.06.2003, Blaðsíða 14

ÚR VERINU
14 ÞRIÐJUDAGUR 17. JÚNÍ 2003 MORGUNBLAÐIÐ
www.markid.is • Sími: 553 5320 • Ármúla 40
ORLANDO
stækkanlegir barna línuskautar.
Skautinn stækkar með barninu.
Mjúk dekk og APEC legur.
Stærðir 25-29, 30-35 og 36-40
Verð kr. 9.900,
stgr. 9.405
fyrirtæki
í forystu í þróun
betri og þægilegri
línuskauta
Varahlutir og viðgerðaþjónusta
5% stgr. afsláttur
H
ön
nu
n:
G
un
na
r
S
te
in
þ
ór
ss
on
/
M
ar
ki
ð
/
06
. 2
00
3 línuskautar
Stærðir 36 - 47
Alls konar útfærslur
Verð frá kr. 10.500
til 21.000
„ÞAÐ er frekar rólegt yfir þessu
núna en það hafa verið bátar að
landa vítt og breitt í fjórðungnum
um helgina,“ segir Freysteinn
Bjarnason, útgerðarstjóri Síldar-
vinnslunnar í Neskaupstað. Um
helgina hafi aðallega komið vinnslu-
skip með frosin síldarflök til Nes-
kaupstaðar. „Veiðarnar minnkuðu
nú eitthvað innan lögsögunnar en
ég held að þær séu byrjaðar aftur.“
Freysteinn segir þó að fréttir af
aflabrögðum verði óljósar þangað
til skipin nálgist landið aftur. „Þeir
[skipstjórarnir] eru ekki mikið fyrir
að gefa upp aflatölur svona í
miðjum klíðum.“
Stór og fallegur fiskur
„Já, þetta er geysilega stór og
fallegur fiskur,“ segir Freysteinn
um gæði síldarinnar sem hefur bor-
ist á land. „Hún hefur verið full af
átu en étur sig einhvern tíma sadda
og við það minnkar í henni átan og
þá verður þetta mjög gott hráefni.“
Að sögn Freysteins er ætlunin að
reyna að vinna síld í flök næst þegar
bátarnir koma inn, mögulega að-
faranótt miðvikudags, og trúlega
verður það úr Ásgrími Halldórssyni
SF.
Freysteinn segir að Beitir NK,
skip Síldarvinnslunnar, hafi landað
á laugardag um 1.150 tonnum af síld
til bræðslu og Birtingur, annað skip
fyrirtækisins, og Ásgrímur Hall-
dórsson SF hafi landað á Þórshöfn.
Þegar Morgunblaðið náði tali af
Sigurbergi Haukssyni, skipstjóra á
Beiti NK, um hádegisbil í gær,
mánudag, voru þeir á siglingu í
gegnum suðurhluta Jan Mayen-lög-
sögunnar á leið í Síldarsmuguna.
Sigurbergur sagði að eitthvað væri
af skipum í íslensku lögsögunni, að-
allega togarar með flottroll, en svo
virtist sem síldin væri mest í sunn-
anverðri Síldarsmugunni. Hann
sagði að aðstæður væru góðar til
veiða en síldin væri þó mjög stygg
og erfitt að eiga við hana.
Mest af síld til Seyðisfjarðar
Samkvæmt upplýsingum frá
Samtökum fiskvinnslustöðva höfðu
íslensku skipin landað um 54.000
tonnum af síld í gær, eða rétt tæp-
um helmingi kvótans. Mestu hefur
verið landað hjá Síldarvinnslunni á
Seyðisfirði, 8.500 tonnum. Næst
kemur Síldarvinnslan í Neskaup-
stað með 7.200 tonn. 6.600 tonnum
hefur verið landað hjá Ísfélaginu í
Krossanesi og 6.400 hjá Eskju á
Eskifirði.
Alls hefur 152.000 tonnum af kol-
munna verið landað hér á landi á
vertíðinni. Þar af er afli íslenskra
skipa orðinn 96.400 tonn og er-
lendra 55.300 tonn. Mestu af kol-
munna hefur verið landað hjá
Loðnuvinnslunni á Fáskrúðsfirði,
41.700 tonnum. Þar af eru 34.000
tonn af erlendum skipum. Í Nes-
kaupstað hefur verið landað 36.800
tonnum og 21.000 tonnum hjá
Eskju á Eskifirði.
Morgunblaðið/Ágúst Blöndal
Landað úr Beiti NK.
Reyna að vinna síld í flök
PLASTBÁTASMIÐJAN Bátahöllin
ehf. í Snæfellsbæ hefur hannað og
hafið framleiðslu á bátum sem
nefnast Björn. Fyrirtækið hefur á
undanförnum árum sinnt viðhaldi
og umfangsmiklum breytingum á
plastbátum.
Bátarnir eru hraðfiskibátar frá
þremur brúttótonnum upp í tíu
brúttótonn og hefur Bátahöllin
þegar selt þrjá báta. Hönnun
bátanna gengur út á að ná sem
mestu lestarrými og bestu vinnu-
aðstöðu í samfloti við mikla og
góða sjóhæfni. Sem dæmi um
Birnina má taka þriggja tonna bát-
inn, Björn 690. Sá bátur er þilfars-
bátur búinn 370 hestafla vél með
hefðbundnum skrúfubúnaði. Bát-
urinn tekur sjö 380 lítra fiskiker í
lest, er með svefnaðstöðu fyrir tvo
menn og er búinn sex færarúllum.
Nýr hrað-
fiskibátur
frá Báta-
höllinni
Morgunblaðið/Alfons Finnsson
Hinn nýi bátur, Björn 690, frá Bátahöllinni ehf. í Snæfellsbæ.
GENGI
GJALDMIÐLA mbl.is
STJÖRNUSPÁ mbl.is