Morgunblaðið - 17.06.2003, Blaðsíða 51
ÍÞRÓTTIR
MORGUNBLAÐIÐ ÞRIÐJUDAGUR 17. JÚNÍ 2003 51
ÍTÖLSKU Evrópumeistararnir í
knattspyrnu, AC Milan, hafa hafnað
tilboði frá ensku bikarmeisturunum
Arsenal í markvörðinn Christian
Abbiati. Tilkynnt var á heimasíðu
AC Milan að Abbiati yrði um kyrrt í
röðum félagsins. „AC Milan og
Christian Abbiati hafa á síðustu
dögum, í samvinnu, hafnað risa-
tilboði frá Arsenal, var sagt á síð-
unni. Abbiati mátti verma vara-
mannabekkinn hjá AC Milan í vetur
en hinn brasilíski Dida hefur verið
aðalmarkvörður liðsins. Arsenal er
þessa dagana að svipast um eftir
arftaka Davids Seamans, sem er
farinn til Manchester City.
Meiri líkur virðast á að Arsenal
fái Harry Kewell, ástralska sókn-
armanninn frá Leeds United. Í gær
fékk Kewell heimild frá Leeds til að
ræða við Arsenal um mögulegan
samning en hann hefur neitað að
skrifa undir nýjan samning við
Leeds. Arsene Wenger, knatt-
spyrnustjóri Arsenal, er mjög
spenntur fyrir því að fá Kewell í
sinn hóp.
„Staðan er þannig að Harry þarf
að ákveða hvað hann vill. Ef hann
vill spila í Meistaradeild Evrópu,
mun hann eflaust ræða málin ít-
arlega við Arsenal. Við höfum gert
allt sem við getum og boðið honum
mjög góðan samning. Telji hann að
sá samningur sé ekki nógu góður,
og vilji ekki spila lengur með Leeds,
er það hans val,“ sagði John
McKenzie, stjórnarformaður Leeds,
við blaðið Independent í morgun.
AC Milan hafnaði risa-
boði frá Arsenal í Abbiati
Þetta gekk sæmilega hjá okkur íkvöld þó svo mér hafi fundist
vanta heldur meiri ákveðni fram á
við hjá okkur. En á meðan við sköp-
um okkur einhver færi þá vonar
maður að það komi að því að við nýt-
um þau betur en við höfum gert í
sumar. Til að skora þarf að skapa sér
færi og það erum við að gera,“ sagði
varnarjaxlinn.
„Síðari hálfleikur var mun betri
hjá okkur, vörnin stóð fyrir sínu og
þegar þannig er getum við sótt hratt
á mótherja okkar og það gerðum við í
kvöld. Þetta var líka úrslitaleikur
fyrir okkur, annaðhvort var að ná í
öll stigin og vera með í þessari bar-
áttu á toppnum eða dragast full langt
aftur úr efstu liðunum. Við urðum að
fá öll þrjú stigin og það gerðum við,
tókum þau stig sem í boði voru og er-
um ánægðir með það,“ sagði Kristján
Örn.
Gengur oft
erfiðlega hérna
„Svona er þessi fótbolti og því mið-
ur gekk þetta ekki hjá okkur í kvöld,“
sagði vonsvikinn fyrirliði Vals, Sig-
urbjörn Hreiðarsson, eftir tapið.
„Mér fannst fyrri hálfleikur nokk-
uð í jafnvægi og við vorum betri
fyrstu tuttugu mínúturnar í þeim síð-
ari, eða þar til við skoruðum. Þá
bökkuðum við of mikið í stað þess að
halda áfram að leika eins og við höfð-
um gert. Þetta vill stundum gerast
og við settum þetta alls ekki svona
upp,“ sagði Sigurbjörn.
Hann hefur verið nokkuð lengi að í
knattspyrnunni. „Þetta er oft ansi
hreint erfitt hjá okkur hérna á KR-
vellinum. Ég er búinn að vera í þessu
í ellefu ár og við höfum yfirleitt farið
halloka hérna. En það munaði sára-
litlu í dag að okkur tækist að snúa því
við,“ sagði fyrirliðinn.
Þess má geta að KR og Valur hafa
nú mæst 123 sinnum í deildarkeppni
og hefur KR sigraði 47 sinnum, 35
sinnum hefur orðið jafntefli og valur
hefur 41 sinni fagnað sigri. Á heima-
velli KR hafa liðin mæst sautján
sinnum, KR unnið sjö leiki, sex hafa
endað með jafntefli og Valur hefur
fjórum sinnum unnið. Markatalan í
leikjum liðanna á KR-vellinum er
24:10.
Urðum að
fá öll stigin
Kristján Örn Sigurðsson, besti maður KR
KRISTJÁN Örn Sigurðsson var eins og klettur í vörn KR í leiknum
við Val í gærkvöldi, steig vart feilspor í leiknum og trúlega hans
besti leikur í sumar. Hann var að vonum kampakátur eftir leikinn
enda þrjú stig í höfn og KR-ingar komnir á topp deildarinnar.
Valsmenn komu greinilega velstemmdir til leiks í gærkvöldi,
byrjuðu mun betur en röndóttir
heimamenn en það
var reyndar ekki
lengi því fljótlega
tóku gestgjafarnir
völdin á vellinum
þó svo þeim tækist ekki að skapa
sér mörg verulega hættuleg mark-
tækifæri. Nokkur sáust þó, en þau
nýttust ekki.
Valsmenn fengu þó besta færið í
fyrri hálfleik þegar Jóhann Möller
var einn fyrir miðju marki, fékk
boltann frá Bjarna Ólafi Eiríks-
syni, en Jóhanni brást bogalistin
og önduðu heimamenn léttar.
Nokkrum mínútum áður átti
Bjarki Gunnlaugsson glæsilega
kollspyrnu sem Ólafur Þór Gunn-
arsson varði mjög vel. Hann hélt
uppi merki Hlíðarendapilta í fyrri
hálfleik og varði þá á stundum
ágætlega, meðal annars skalla frá
Kristjáni Erni Sigurðssyni.
Annars einkenndist fyrri hálf-
leikur af dálítið miklum langspyrn-
um sem samherjar áttu erfitt með
að hemja enda völlurinn blautur og
háll og því vænlegra að leika
knettinum stutt á milli samherja.
Hins vegar hefðu menn að ósekju
mátt skjóta meira að marki, sér-
staklega þegar haft er í huga
hversu háll völlurinn var.
Valsmenn voru vel skipulagðir,
léku ákveðna og ákafa vörn og
sóttu síðan hratt þegar færi gafst.
KR-ingar komust í raun ekki mikið
áleiðis þó svo stundum hafi munað
litlu að úr yrði þokkaleg færi.
Sigurvin Ólafsson var nærri bú-
inn að koma heimamönnum yfir í
upphafi síðari hálfleiks þegar hann
komst inn fyrir vörn Vals eftir
snilldarsendingu frá Veigari Páli
Gunnarssyni. Ármann Smári
Björnsson náði að komast fyrir
skot Sigurvins. Á sömu mínútu
varði Ólafur skot Garðars Jó-
hannssonar.
Valsmenn sóttu í sig veðrið og
Hálfdán Gíslason datt á vítateigs-
línunni og virtist sem um brot
hefði verið að ræða en dómarinn,
sem átti raunar ekki góðan dag, sá
ekki ástæðu til að dæma.
Tíu mínútum síðar sá dómarinn
ástæðu til að dæma aukaspyrnu á
KR, rétt utan teigs og úr spyrn-
unni skoraði Sigurbjörn, fyrirliði
Vals, með þrumuskoti. Tíu mín-
útur liðu þar til Þórhallur Hinriks-
son jafnaði fyrir KR og Veigar
Páll gerði síðan sigurmarkið
stundarfjórðungi síðar. Skömmu
áður gerði hann raunar annað
mark, sérlega glæsilega var að því
staðið hjá honum, en aðstoðardóm-
arinn lyfti flaggi sínu til merkis
um að hann hefði verið rangstæð-
ur. Trúlega alrangur dómur en
markið dæmt af engu að síður.
Á lokasekúndum leiksins komst
Einar Þór Daníelsson í dauðafæri
en Ólafur Þór varði skot hans.
KR-ingar léku ágætlega á köfl-
um í gær, en þó voru ákveðnir
menn sem náðu sér alls ekki á
strik eins og gengur og gerist.
Vörn KR var sterk og örugg, eng-
inn þó eins og Kristján Örn sem
var eins og klettur og Valsmenn
komust einfaldlega ekki fram hjá
honum, sama hvað reynt var. Veig-
ar Páll gekk greinilega ekki alveg
heill til skógar en lét það þó ekki
koma í veg fyrir aðdáunarverða
baráttu. KR-ingar hljóta að bíða
þess tíma að hægt verði að nota
Veigar Pál sem fremsta miðju-
mann, fyrir aftan framlínuna, en í
því hlutverki lék hann mjög vel í
fyrra og nýtist liðinu örugglega
enn betur þar en úti á hægri
vængnum. Raunar brá hann sér
stund og stund í þá stöðu í gær-
kvöldi og þá skapaðist alltaf hætta.
Hjá Val voru Ármann Smári og
Sigurbjörn bestir auk Ólafs Þórs
markvarðar.
Morgunblaðið/Árni Torfason
Ármann Smári Björnsson, varnarmaðurinn sterki hjá Val, skýlir boltanum fyrir KR-ingnum Bjarka
Gunnlaugssyni í leiknum á KR-velli í gærkvöld.
KR-völlur Vals-
mönnum erfiður
EKKI sóttu Valsmenn gull í greipar KR-inga í vesturbæinn í gær
frekar en síðustu 12 árin þegar liðin hafa mæst á KR-velli. Vest-
urbæingar unnu 2:1 í gærkvöldi eftir að gestirnir úr austurbænum
höfðu komist yfir og var það tíunda markið sem Hlíðarendaliðið ger-
ir á KR-velli frá upphafi en þriðja mark félagsins þar síðustu tólf ár-
in. Valsmenn byrjuðu Íslandsmótið með tveimur fræknum sigrum
en hafa nú tapað þremur leikjum í röð. KR skaust hins vegar á topp
deildarinnar þar sem KA náði aðeins í eitt stig á Akranesi.
Skúli Unnar
Sveinsson
skrifar
KR 2:1 Valur
Leikskipulag: 4-4-2 Landsbankadeildin,
5. umferð
KR-völlur
Mánudaginn, 16. júní
2003.
Aðstæður:
Gola, rigning og blautur en
góður völlur.
Áhorfendur: 1.753.
Dómari:
Jóhannes Valgeirsson,
KA, 2.
Aðstoðardómarar:
Einar Örn Daníelsson,
Guðmundur H. Jónsson
Skot á mark: 15(8) – 8(5)
Hornspyrnur: 9 – 4
Rangstöður: 10 – 3
Leikskipulag: 4-4-2
Kristján Finnbogason
Sigþór Júlíusson M
Gunnar Einarsson M
Kristján Örn Sigurðsson MM
Kristinn Hafliðason M
Veigar Páll Gunnarsson M
(Jökull I. Elísabetarson 89.)
Sigurvin Ólafsson M
(Jón Skaftason 87.)
Þórhallur Örn Hinriksson
Einar Þór Daníelsson
Garðar Jóhannsson
(Sigurður Ragnar Eyjólfsson 66.)
Bjarki Gunnlaugsson
Ólafur Þór Gunnarsson MM
Hjalti Þór Vignisson
Ármann Smári Björnsson M
Guðni Rúnar Helgason M
Bjarni Ólafur Eiríksson M
Stefán Helgi Jónsson
Baldvin Hallgrímsson
(Matthías Guðmundsson 52.)
Sigurbjörn Hreiðarsson M
Sigurður Sæberg Þorsteinsson
Jóhann Georg Möller
(Ólafur Helgi Ingason 70.)
Hálfdán Gíslason
(Arnór Gunnarsson 73.)
0:1 (64.) Valur fékk aukaspyrnu á silfurfati rétt utan við vítateig hægra megin.
Sigurbjörn Hreiðarsson, fyrirliði Vals skoraði með föstu skoti, boltinn
fór alveg upp undir þverslá hægra megin.
1:1 (74.) KR-ingar fengu hornspyrnu frá hægri og Sigurvin Ólafsson tók spyrn-
una. Sendi boltann á kollinn á Þórhalli Hinrikssyni sem skallaði í net-
ið.
2:1 (80.) Sigurvin tók aukaspyrnu úti á hægri kanti, sendi laglega sendingu inn
á vítateiginn þar sem Veigar Páll Gunnarsson náði fyrstur til boltans
og skallaði fallega í netið.
Gul spjöld:
Sigurður Sæberg Þorsteinsson, Val (27.) fyrir brot.
Sigurbjörn Hreiðarsson, Val (57.) fyrir brot.
Veigar Páll Gunnarsson, KR (66.) fyrir mótmæli.
Þórhallur Örn Hinriksson, KR (78.) fyrir brot.
Rauð spjöld: Engin.