Morgunblaðið - 17.06.2003, Blaðsíða 12

VIÐSKIPTI/ATHAFNALÍF
12 ÞRIÐJUDAGUR 17. JÚNÍ 2003 MORGUNBLAÐIÐ
UM 40 starfsmenn, flestir fyrrverandi starfsmenn
Verðbréfasviðs Búnaðarbankans, hafa flutt sig frá
Kaupþingi Búnaðarbanka til Landsbanka Íslands
að undanförnu, að sögn Sólonar R. Sigurðssonar,
bankastjóra Kaupþings Búnaðarbanka. Samtals
hafa því um 60 starfsmenn flust frá Kaupþingi Bún-
aðarbanka yfir til Landsbanka, en Landsbankinn
keypti nýlega Búnaðarbanka Lúxemborg með um
20 starfsmönnum.
Fljótlega eftir að tilkynnt var um sameiningu
Kaupþings banka og Búnaðarbanka Íslands í apríl
síðastliðnum kom fram að rúmlega 20 starfsmenn
Búnaðarbankans hefðu sagt upp og ráðið sig til
Landsbankans. Síðan þá hefur þeim fjölgað um á
annan tug.
Starfsfólki fækkað um 90
Sólon segist ekki geta sagt til um hvers vegna
þessi fjöldi starfsmanna hefur sagt upp störfum hjá
Kaupþingi Búnaðarbanka. Hugsanleg skýring sé
að þeir hafi haldið að þeir myndu missa vinnuna við
sameiningu bankanna. Þá sé einnig hugsanlegt að
vinskapur spili þar eitthvað inn í.
Auk þeirra sem sagt hafa upp hjá Kaupþingi
Búnaðarbanka hefur bankinn sagt um 30 öðrum
starfsmönnum upp störfum. Starfsfólki bankans
hefur því fækkað um í kringum 90 síðan samruni
Kaupþings og Búnaðarbanka var samþykktur.
Ráðningar úr fleiri en einni átt
Halldór J. Kristjánsson, bankastjóri Landsbank-
ans, segist ekki geta staðfest nákvæma tölu um
fjölda fyrrverandi starfsmanna Búnaðarbankans
sem hafi verið ráðnir til starfa hjá Landsbankan-
um. Hann segir að Landsbankinn hafi verið að
styrkja verðbréfa-, fjárfestinga- og fyrirtækjasvið
bankans, með nýráðningum, meðal annars með
fyrrverandi starfsmönnum Búnaðarbankans.
Ráðningarnar séu þó úr fleiri en einni átt. Hafa beri
þó í huga að hluti nýráðninganna sé vegna viðbót-
arstarfsemi vegna kaupanna á Búnaðarbanka Lúx-
emborg. Þá tekur hann fram að fjöldi nýráðninga
sé í stóru fyrirtæki eins og Landsbankanum í mán-
uði hverjum, vegna eðlilegrar starfsmannaveltu.
Alls um 90 starfsmenn hættir hjá Kaupþingi Búnaðarbanka
Um 40 ráðnir til
Landsbanka Íslands
Morgunblaðið/Jim Smart
Af þeim um 90 starfsmönnum sem hætt hafa
störfum hjá Kaupþingi Búnaðarbanka að undan-
förnu hafa um 40 flutt sig til Landsbankans.
Ekki
arður til
hluthafa
ÍAV
NÝR meirihlutaeigandi í Íslenskum
aðalverktökum, Eignarhaldsfélagið
AV ehf., mun leggjast gegn því, á
aðalfundi ÍAV 30. júní nk., að
greiddur verði 10% arður til hlut-
hafa í fyrirtækinu.
Stefán Friðfinnsson, forstjóri
ÍAV og stjórnarformaður EAV,
segir að ætlunin sé að halda fénu
inni í fyrirtækinu, en EAV gerði
yfirtökutilboð til minni hluthafa
sem rennur út á fimmtudaginn.
„Við gerum ráð fyrir að EAV verði
búið að eignast nærri því allt
hlutafé á aðalfundinum, þannig að
spurningin sé aðeins hvort fyrir-
tækið vilji greiða sjálfu sér þetta
fé,“ segir hann.
EAV býðst til að greiða hlut-
höfum sama verð og félagið greiddi
ríkinu fyrir 39,86% hlut, eða gengið
3,69.
Starfsleyfi Fjár-
verndar-Verðbréfa
afturkallað að hluta
FJÁRMÁLAEFTIRLITIÐ hefur
ákveðið að afturkalla starfsleyfi
verðbréfafyrirtækisins Fjárvernd-
Verðbréf hf. að hluta, þ.e. til eigna-
stýringar.
Í fréttatilkynningu frá Fjármála-
eftirlitinu í gær segir að Fjármála-
eftirlitið hafi á undanförnum miss-
erum haft til umfjöllunar málefni
Fjárverndar-Verðbréfa vegna ófull-
nægjandi eiginfjárstöðu félagsins.
Páll Gunnar Pálsson, forstjóri Fjár-
málaeftirlitsins, segir að vegna mál-
efna sem upp hafi komið við athugun
Fjármálaeftirlitsins hafi verið
ákveðið að afturkalla starfsleyfið að
hluta. Tilkynning þar um hafi verið
birt samkvæmt ákvæði í 10. grein
laga nr. 161 frá árinu 2002 um fjár-
málafyrirtæki.
Kemur ekki á óvart
Ingólfur Arnarson, starfsmaður
Fjárverndar-Verðbréfa, hefur haft
með þessi málefni félagsins að gera
að undanförnu. Hann segir að
ákvörðun Fjármálaeftirlitsins komi
ekki á óvart. Meginástæðan fyrir því
að á þennan veg sé komið fyrir Fjár-
vernd-Verðbréfum sé sú, að fyrir
nokkru hafi myndast skekkja í fjár-
vörslu félagsins, sem ekki hafi komið
í ljós fyrr en stemmt hafi verið af.
Það hafi verið leiðrétt en athuga-
semdir Fjármálaeftirlitsins snúi að
þessum mismun.
Hann segir að Fjárvernd-Verð-
bréf muni snúa sé að öðru en fjár-
vörslu og eignastýringu. Félagið
muni snúa sér að miðlun, þ.e. kaup-
um og sölu verðbréfa, og fyrirtækja-
þjónustu. Eignastýring hafi aldrei
verið stór hluti af starfseminni, en sé
hins vegar mjög dýr. Umsvifin þurfi
að vera mikil til að þau borgi sig.
Heppilegra hefði verið að hafa þenn-
an þátt með í starfseminni, en engin
áhersla verið lögð á það, a.m.k. ekki
til að byrja með.
Að sögn Ingólfs hefur endurskipu-
lagning á rekstri Fjárverndar-Verð-
bréfa gengið vel og segir hann að
efnahagsreikningur félagsins sé að
komast í betra horf en hafi verið.
Í janúar síðastliðnum var tilkynnt
að Kauphöll Íslands hefði sagt upp
aðildarsamningi Fjárverndar-Verð-
bréfa. Í tilkynningu frá Kauphöllinni
sagði að ástæða uppsagnar aðildar-
samningsins hefði verið viðvarandi
vanefndir á greiðslu aðildargjalda.
Verðbréfaskráning Íslands sagði í
kjölfarið einnig upp aðildarsamningi
Fjárverndar-Verðbréfa.
Á MORGUN kl. 10.15 hefjast
Ólympíuleikar ungra frumkvöðla
en að þeim standa Impra nýsköp-
unarmiðstöð ásamt Junior
Achievement Ísland með stuðningi
Nýsköpunarsjóðs atvinnulífsins.
Í fréttatilkynningu frá IMPRU
segir að Ólympíuleikarnir séu nú
haldnir í annað skipti, en þeir eru
skipulagðir af Careers Scotland.
Fimmtán lönd taka þátt en auk Ís-
lands keppa Skotland, Nýja-
Sjáland, Bandaríkin, Ástralía,
Suður-Afríka, England, Wales,
Spánn, Rússland, Norður-Írland,
Noregur, Þýskaland, Pakistan og
Belgía.
Keppnin fer fram í hverju landi
fyrir sig og verða staðirnir tengd-
ir saman með tölvum.
Fyrir Íslands hönd keppir eitt
lið og samanstendur hópurinn af
sex þátttakendum á aldrinum 16
til 18 ára. Þátttakendurnir koma
frá framhaldsskólum í Reykjavík
og Garðabæ en keppnin verður
haldin hjá Impru nýsköp-
unarmiðstöð, Iðntæknistofnun
Keldnaholti.
„Keppnisliðin fá það hlutverk
að finna lausn á ákveðnu verkefni
sem felur í sér vísindi, tækni og
frumkvöðlahugsun og hefur þýð-
ingu um allan heim en verkefnið
er ekki gefið upp fyrr en keppnin
hefst. Keppendur þurfa að nýta
hæfileika sína til að koma fram
með nýstárlega hugmynd, búa til
frumgerð, skrifa stutta við-
skiptaáætlun og kynna verkefnið
fyrir dómnefnd frá NASA, Banda-
rísku geimferðastofnuninni, en
þetta er allt gert á aðeins 24
klst.,“ segir í tilkynningunni.
Veitt verða tvenn verðlaun,
annars vegar fyrir sigur í keppn-
inni og hins vegar fyrir frumleika
og nýsköpun. Tilkynnt verður um
sigurliðið næstkomandi fimmtu-
dag, 19. júní, kl. 14.10.
Íslendingar á Ólympíu-
leikum frumkvöðla
KAUPÞING Búnaðarbanki hf.
hefur ráðið bankana Barclays
Capital og Svenska Handelsbank-
en til að sjá um fyrstu skulda-
bréfaútgáfu sameinaðs banka. Frá
þessu er sagt í The Wall Street
Journal.
Þar segir jafnframt að um sé að
ræða skuldabéf í evrum með
breytilegum vöxtum sem bank-
arnir kynna nú fyrir fjárfestum
víða í Evrópu.
Hreiðar Már Sigurðsson for-
stjóri Kaupþings Búnaðarbanka
segir í samtali við Morgunblaðið
að upphæð lánsins sé 200 milljónir
evra, eða tæplega 17,5 milljarðar
íslenskra króna sem nota eigi
einkum til endurfjármögnunar
eldri lána. Hann segir að útboðinu
eigi að ljúka á næstu þremur vik-
um. Þá kemur jafnframt í ljós
hvaða kjara hinn sameinaði banki
mun njóta.
Fyrsta skuldabréfaútgáfa Kaupþings Búnaðarbanka
Um 17,5 milljarðar króna