Morgunblaðið - 17.06.2003, Blaðsíða 46
46 ÞRIÐJUDAGUR 17. JÚNÍ 2003 MORGUNBLAÐIÐ
! " # BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
SONJA skrifar í Moggann og segist
vera 85 ára og hætt að aka bíl og er
það að sjálfsögðu hennar mál. Þá
leggur hún til að hæfni eldri borg-
ara verði könnuð um leið og þeir
komast á ellilaun og þeir prófaðir.
Ég vil benda þessari ágætu konu á
að það eru ekki eldri borgarar sem
valda slysum, þó að þeir geti lent í
þeim eins og aðrir. Það er aldurs-
hópurinn 17 til 20 ára, unga fólkið í
hraðakstrinum, sem er tekið á tvö-
földum hámarkshraða.
Hún segist geta farið í strætó og
það eigi fólk að gera. Ég fer tvisvar
í mánuði á Borgarspítala og ef ég
færi í strætó yrði ég að taka fjóra
vagna og fara á Hlemm tvisvar. Ég
fer í Laugardalslaug og hef gert frá
því hún var opnuð og það er eins, ég
yrði þá að taka fjóra vagna um
Hlemm. Ég fer með konuna á Land-
spítala og þar kemst maður hvergi
nærri í strætó og ekki er ástandið
til fyrirmyndar á lóðinni þar, því
þar er hvergi hægt að leggja bíl.
Ekki er ástandið betra hér í hverf-
inu við Sogaveginn í verslunarmál-
um. Þegar ég kom hér í hverfið fyr-
ir 40 árum voru hér fimm mat-
vöruverslanir og tvær fiskbúðir,
mjólkurbúð og brauðbúð. Þær eru
nú allar farnar. Ein flutti í vest-
urbæinn en stórmarkaðir selja nú
vöruna.
Og enn við Sonju og strætó. Ekki
liggur beint við að fara í strætó að
versla og ekki er fyrir gamalt fólk
að bera mikið upp brekkuna ef farið
er í Hagkaup í Skeifunni að versla
héðan af Sogavegi. Þannig er
strætó út í hött fyrir mig og ekki
hótinu skárra en námskeiðin fyrir
þá sem komast á ellilaun.
Ég er búinn að vera í umferðinni í
bráðum 60 ár án stóróhappa og svo
er sjálfsagt um fleiri, en maður veit
aldrei hvenær óhappið hendir, það
gerir ekki boð á undan sér eins og
sagt er. Við þessi gömlu getum í
mörgum tilfellum valið okkur tíma
til að fara út og líka leiðir.
Ég fer oft á Grandann mér til
gamans og þá fer ég milli 10 og 12,
eða uppúr kl. 13 og þá má segja að
ég sigli eftir stórbaug því ég fer
valdar leiðir.
Sonja talar um bensín og er það
rétt en hún talar ekki um trygg-
ingar á bílum sem er stærsti lið-
urinn að borga fyrir bíl sem er sára-
lítið notaður en verður þó að borga
fullt verð. Tryggingafélögin gætu
kannski komið til móts við gamla
fólkið og gefið góðan afslátt í lok
tryggingaársins ef menn sem aka
svona lítið væru tjónlausir eftir árið
og það gæti þá líka ýtt undir að
menn vandi sig í umferðinni.
Ég vona að Sonju gangi vel að
ferðast í strætó þó það passi ekki
alltof vel fyrir mig og vil biðja hana
að hætta að hugsa um að breyta
umferðarlögunum. Ég óska henni
alls hins besta um ókomin ár.
GUÐMUNDUR BERGSSON,
Sogavegi 178, Reykjavík.
Sonja hættir
að aka bíl
Frá Guðmundi Bergssyni
ER EKKI viðeigandi að snúa sér að
Rússum, þar sem þeir eru orðnir
samfélagslegir vinir okkar, fyrst
Kaninn vill ekkert með okkur hafa
að gera lengur í varnarmálum? Ég
vil meina, og Kaninn líka, að það sé
ekki lengur ástæða til að óttast
Rússa, og að við þurfum engum her-
þotum á að halda til varnar landinu.
Það verðum við Íslendingar að
skilja, og það er það sem Kaninn er
að reyna að innprenta okkur.
Árið 1992 vildu Rússar hafnar-
aðstöðu og fyrirgreiðslu á Írlandi
fyrir Atlantshafsfiskveiðiflota sinn.
Stöndum við Íslendingar ekki nú
betur að vígi með að veita Rússum
aðgang að höfnum okkar, og liggur
ekki land okkar betur við fiskveiði-
svæðum Atlantshafsins en Írland?
Eða eru þeir kannski keppinautar
okkar í fiskiðnaði?
Nú þegar hefur hafist samstarf á
norðurslóðum, sem var umfjöllunar-
efni Ólafs Ragnars Grímssonar, for-
seta Íslands, í setningarræðu hans á
Norðurþingi (Northern Forum As-
sembly) 25. apríl síðastliðinn (sbr.
grein í Morgunblaðinu). Á þinginu í
Pétursborg í Rússlandi var fjallað
um framtíð samstarfs á norður-
slóðum og því er sem sagt samvinna
Íslands og Rússlands þegar hafin.
Eigum við því ekki að söðla um og
snúa okkur að Rússum?
PÁLL HANNESSON,
Ægisíðu 86, Reykjavík.
Norðurslóðir að
Rússlandi meðtöldu
Frá Páli Hannessyni
GUNNAR Dal varð áttræður hinn 4.
júní síðastliðinn. Hann er fjölhæfur
rithöfundur og afkastamikill. Ég
heillaðist af bókunum Indversk
heimspeki, Grísk heimspeki og
Heimspeki Vesturlanda.
Hann þýddi bókina spámaðurinn.
Hún var gefin Vigdísi, þegar hún
gerðist forseti. Mér finnst Gunnar
Dal vera einn af okkar bestu rithöf-
undum og ég á honum mikið að
þakka. Með þakklæti óska ég honum
alls hins besta.
Guð blessi hann.
SIGURÐUR ELÍAS
ÞORSTEINSSON,
Tunguseli 1, Minni-Ási, Hveragerði.
Gunnar Dal
Frá Sigurði Elíasi Þorsteinssyni