Morgunblaðið - 17.06.2003, Blaðsíða 8

FRÉTTIR
8 ÞRIÐJUDAGUR 17. JÚNÍ 2003 MORGUNBLAÐIÐ
Stjáni minn, hvort finnst þér betra að hafa rauðvín eða hvítvín með tíu milljörðum?
Námstefna kvenna í atvinnulífi
Hamhleypur
þinga á ný
Hamhleypur, nám-stefna Kvenna íatvinnulífi, verð-
ur haldin fimmtudaginn
19. júní næstkomandi í
húsakynnum Endur-
menntunar HÍ og Há-
skólabíói. Auk aðalfyrir-
lestrar verður boðið upp
á fjórar málstofur þar
sem fjallað verður um
konur og atvinnulífið frá
ýmsum hliðum.
Námstefnunni, sem er
samstarfsverkefni End-
urmenntunar og IMG
Deloitte er ætlað að efla
og virkja konur í atvinnu-
lífi og aðstoða þær við að
koma sér á framfæri.
Nú er námstefnan
Hamhleypur, konur í at-
vinnulífi haldin í annað
sinn, er líklegt að hún verði ár-
legur viðburður?
Miðað við mjög góðar undir-
tektir í fyrra og eindregnar ósk-
ir um að halda þessu áfram þá
stefnum við á að halda nám-
stefnuna árlega á kvenréttinda-
daginn, 19. júní.
Hvernig er nafn námstefnunn-
ar tilkomið?
Í íslenskri orðabók Bókaút-
gáfu Menningarsjóðs segir:
„Hamhleypa; 1 Sá sem getur
skipt um ham, tekið á sig ýmsar
myndir. 2 mikill verkmaður,
geysiduglegur og kappsamur
maður.“
Þetta orð var ein af hug-
myndunum sem kom upp í fyrra
þegar verið var að leita að nafni
á námstefnuna. Þegar svo farið
var að leita skýringa á orðinu
þótti það eiga mjög vel við.
Hvert er aðalþema námstefn-
unnar í ár?
Sem fyrr er námstefnunni
ætlað að færa konum verkfæri
sem nýtast þeim í starfi, auk
þess að koma á og efla tengsl-
anet.
Hvernig verður dagskrá nám-
stefnunnar háttað?
Eftir setningu námstefnunnar
fáum við til okkar gestafyrirles-
ara sem verður með okkur fram
að hádegi, dr. Judith B. Stroth-
er. Dr. Strother kemur frá
Bandaríkjunum og er doktor í
tæknifræði og málvísindum.
Hún er deildarforseti framhalds-
náms í tækni- og stjórnunarboð-
skiptum við Florida Institute of
Technology í Melbourne. Hún er
einnig varaforseti Virtual Lang-
uages Inc., fyrirtækis sem sér-
hæfir sig í ensku fyrir viðskipti
og flug í gegnum vefinn. Dr.
Strother mun flytja erindi sem
ber heitið: „Using language to
Bridge the Gender Gap“ eða
Tungumálið notað til að brúa
kynjabilið. Erindið snýr að sam-
skiptum í viðskiptum og mun
Dr. Strother meðal annars ræða
um það hvernig konur geta kom-
ist áfram í heimi viðskipta og at-
vinnulífs, sem stundum hefur
verið kallaður karlaheimur, án
þess að hætta að vera þær sjálf-
ar. Hún segir engan
vafa leika á því að
kynin tjá sig á ólíkan
hátt og valdi það oft
misskilningi. Dr.
Strother bendir á
dæmi og lausnir á þessum
vandamálum í fyrirlestri sínum.
Næst á eftir erindi dr. Stroth-
er tekur við hádegisverður þar
sem lögð verður áhersla á
tengslamyndun og að virkja kon-
urnar. Eftir hádegisverðinn
brjótum við síðan námstefnuna
upp og skiptum henni í fjórar
málstofur. Þær bera heitin:
„Hvernig stækkar athafnasvæði
kvenna?“, „Af hverju að brjóta
sér nýja leið?“, „Eru völdin á Al-
þingi eða Verðbréfaþingi?“, „Er
vinnan lífið?“. Velt verður upp
frumkvöðlahugsuninni, hver séu
hin ríkjandi gildi og hvað stjórni
vali okkar og hvort raunveruleg
valdastaða kvenna liggi í stjórn-
málum, svo eitthvað sé nefnt.
Frummælendur eru fjöldi þjóð-
þekktra kvenna en að erindum
þeirra loknum gefst kostur á
fyrirspurnum og umræðum.
Að málstofunum loknum verð-
ur boðið upp á kaffi og þá mun
Valgerður Sverrisdóttir iðnaðar-
ráðherra flytja ávarp. Fundar-
stjóri, María Ellingsen, flytur
samantekt en að því loknu mun
Helga Braga skemmta ráð-
stefnugestum og boðið verður
upp á léttar veitingar.
Er námstefnunni ætlað að
höfða til ákveðins hóps fólks?
Nei, námstefnan er ætluð öll-
um, en einkum þó konum á öll-
um sviðum atvinnulífsins.
Hver myndir þú segja að væri
helsta breytingin sem orðið hef-
ur á stöðu kvenna í atvinnulífinu
síðastliðin 10 ár?
Konur eru orðnar mun sýni-
legri úti í atvinnulífinu, við erum
náttúrulega komin með fleiri
konur í valdastöður. Mér finnst
þetta þó hafa gengið miklu hæg-
ar fyrir sig heldur en ég hefði
átt von á, hefði maður rætt þetta
fyrir 10 árum og séð svo stöðuna
í dag hefði maður bú-
ist við öðru.
Hvernig skráir
maður sig á námstefn-
una?
Hægt er að skrá sig
á námstefnuna á netinu, slóðin
er http://endurmenntun.hi.is/
skraning.asp?ID=331v03 eða
með því að hringja í IMG eða
Endurmenntun.
Ráðstefnugjaldið er 18.800
krónur, í því eru innifaldar allar
veitingar, námsgögn og annað
sem tilheyrir deginum. Dagskrá-
in hefst klukkan 9 og lýkur
klukkan 18.
Hildur Elín Vignir
 Hildur Elín Vignir fæddist í
Reykjavík, 13. júlí 1967. Hún
varð stúdent frá Verslunarskóla
Íslands 1987; lauk B.ed.-prófi frá
KHÍ 1991 og prófi í námsráðgjöf
frá HÍ 1993. Hún hefur starfað
hjá IMG frá árinu 2000 en var áð-
ur fræðslustjóri Íslandsbanka
1998–2000 og fræðslufulltrúi og
síðar fræðslustjóri Eimskips
1995–1998. Hildur Elín er gift
Einar Rúnari Guðmyndssyni
verkefnastjóra hjá Íslandsbanka
og eiga þau eitt barn, Einar
Vigni Einarsson, tveggja ára.
Fyrir á Hildur Elín dótturina Jó-
hönnu Maríu Skarphéðinsdóttur,
11 ára.
Fyrir konur á
öllum sviðum
atvinnulífs
BLÁFÁNINN var dreginn að húni
með viðhöfn við Stykkishólmshöfn
föstudaginn 13. júní. Stykkishólms-
höfn er fyrsta höfn landsins sem
flaggar slíkum fána og er það mikil
viðurkenning fyrir höfnina um að
þjónusta og snyrtimennska sé í há-
vegum höfð.
Bláfáninn hefur þann tilgang að
stuðla að verndun umhverfis smá-
bátahafna og baðstranda. Til þess
að mega flagga Bláfánanum þurfa
hafnaryfirvöld á hverjum stað að
hafa uppfyllt strangar kröfur um
hreinlæti og verndun umhverfisins,
bætt öryggismál og aðstöðu í höfn-
inni og veita fræðslu um náttúru- og
umhverfisvernd. Öll þessi skilyrði
hefur Stykkishólmshöfn uppfyllt.
Það var Ólöf Guðný Valdimars-
dóttir, formaður Landverndar, sem
afhenti hafnaryfirvöldum fánann.
Sturla Böðvarsson samgönguráð-
herra flutti ávarp og þakkaði Land-
vernd fyrir að taka að sér að fylgja
Bláfánanum á Íslandi og stuðla með
því að bættri umgengi og meira ör-
yggi í höfnum. Sturla sagði að mikil
hugarfarsbreyting hefði orðið varð-
andi umgengni við hafnir og að-
stöðu. Nú væri keppst við að ásýnd
hafnanna væri góð og reynt að upp-
fylla kröfur um betri þjónustu og
öryggi. Hann sagðist viss um að
höfnum á Íslandi þar sem Bláfáninn
væri dreginn að húni mundi fjölga
mjög á næstu árum.
Bláfáninn, tákn um öryggi, þjónustu og verndun umhverfis
Fyrst
íslenskra
hafna með
Bláfánann
Stykkishólmi. Morgunblaðið.
Morgunblaðið/Gunnlaugur Árnason
Ólöf Guðný Valdimarsdóttir, formaður Landverndar, Sturla Böðvarsson
samgönguráðherra, Óli Jón Gunnarsson bæjarstjóri og Konráð Ragn-
arsson hafnarvörður flagga Bláfánanum við Stykkishólmshöfn.