Morgunblaðið - 21.06.2003, Síða 6

FRÉTTIR
6 LAUGARDAGUR 21. JÚNÍ 2003 MORGUNBLAÐIÐ
BISKUP Íslands, Karl Sig-
urbjörnsson, vígir sr. Jón Að-
alstein Baldvinsson til vígslubisk-
ups á Hólum í
Hjaltadal á
morgun, sunnu-
dag. Verður
vígslan í Hóla-
dómkirkju og
hefst klukkan 16.
Prestastefna
hefst svo daginn
eftir á Sauð-
árkróki að lokn-
um aðalfundi
Prestafélags Íslands.
Sr. Svavar Jónsson mun lýsa
vígslu í Hóladómkirkju en vígslu-
vottar verða sr. Dalla Þórð-
ardóttir, sr. Davíð Baldursson,
Sigurd Osberg, fv. biskup í Túns-
bergi í Noregi, og Richard Clarke,
biskup anglíkönsku kirkjunnar í
Meath og Kildare á Írlandi. Að
auki koma að athöfninni vígslu-
biskuparnir sr. Sigurður Sigurð-
arson í Skálholti og sr. Sigurður
Guðmundsson á Hólum, sem var
settur vígslubiskup í stað sr. Bolla
Gústavssonar frá Laufási. Sr.
Ragnheiður Jónsdóttir þjónar fyrir
altari ásamt biskupi Íslands. Ritn-
ingarlestur annast Skúli Skúlason
rektor en kirkjukór Hóla- og Hofs-
óskirkna syngur undir stjórn Jó-
hanns Bjarnasonar organista. Ein-
söngvari verður Björg
Þórhallsdóttir.
Stefnumótun
á Prestastefnu
Prestastefnan verður sett mánu-
daginn 23. júní kl. 17 í Sauð-
árkrókskirkju. Þar flytur biskup
Íslands yfirlitsræðu og nýr kirkju-
málaráðherra, Björn Bjarnason,
flytur ávarp. Í tilkynningu frá
Biskupsstofu segir að helstu mál
Prestastefnu verði stefnumót-
unarvinnan sem Þjóðkirkjan hafi
staðið í síðasta árið. Að þeirri
vinnu hafi komið hátt í eitt þúsund
manns alls staðar af landinu. Einn-
ig verður rætt um endurskipulagn-
ingu prestakalla, svo og drög að
erindisbréfi presta og djákna.
Fyrr um daginn, hinn 23. júní,
fer fram aðalfundur Prestafélags
Íslands í bóknámshúsi Fjölbrauta-
skóla Norðurlands vestra á Sauð-
árkróki og hefst kl. 9.15.
Nýr vígslu-
biskup vígð-
ur á Hólum
á morgun
Sr. Jón A.
Baldvinsson
Á GARÐYRKJUBÝLINU Brún á
Flúðum búa hjónin Margrét
Böðvarsdóttir og Birgir Thor-
steinsson. Þau rækta venjulega
tómata í 2.200 fermetra gróð-
urhúsum en hafa einnig ræktað
svokallaða kirsuberjatómata lít-
illega í nokkur ár og var þessari af-
urð afar vel tekið af neytendum.
Það varð til þess að þau ákváðu að
auka ræktunina og var ráðist í að
byggja 1.100 fermetra gróðurhús á
síðastliðnu ári og er tegundin nú
ræktuð í 1.300 fermetrum. Af upp-
skeru þessa árs fóru fyrstu send-
ingarnar á markað síðast í mars og
verða þessir innlendu tómatar á
markaði fram í október.
Ránvespur halda
sníkjudýrum frá
Tómatarnir eru ræktaðir með
vistvænum vörnum eins og gerist
víða í gróðurhúsum hér á landi.
Sérstakar ránvespur (Eucarsia
formosa) halda niðri hverskonar
sníkjudýrum sem annars myndu
herja á plönturnar og því eru engin
eiturefni notuð. Þau hjón segja að
um 40% meiri vinna sé að framleiða
þessa tómata en venjulega tómata
og uppskeran sé ágæt. Verð til
framleiðenda má ekki vera lægra,
enda tilkostnaður mikill. Varan er í
beinni samkeppni við innflutning
frá Hollandi en talið er að 20 til 25%
af smásöluverði þar í landi séu ým-
iss konar styrkir á ýmsum stigum
framleiðslunnar, segja þessi dug-
miklu hjón. Búist er við að fram-
leiðslan á þessu ári verði um 85.000
öskjur en tómatarnir eru seldir í
250 gramma öskjum.
Að sögn Gunnlaugs Karlssonar,
framkvæmdastjóra Sölufélags
garðyrkjumanna, hefur sala á
kirsuberjatómötum aukist um 70%
á milli ára sem eru frábærar við-
tökur. Kirsuberjatómatar eru sæt-
ari á bragðið en venjulegir tóm-
atar, þeir eru vinsælir í salöt og
sem meðlæti með hvers konar kjöti.
Kirsuberjatómatar vinsælir
Hrunamannahreppi. Morgunblaðið.
Ljósmynd/Sigurður Sigmundsson
INGIBJÖRG Sólrún Gísladóttir
sagðist í samtali við Morgunblaðið
sjá það fyrir sér að sá dagur gæti
komið að hún byði sig fram til for-
mennsku í Samfylkingunni. Ekki
væri stefnt að því fyrir landsfund
flokksins í haust en hún myndi
nýta vel tímann í sumar til að
hugsa um sína pólitísku framtíð.
„Margt getur breyst í pólitíkinni á
komandi árum og ég hef sjálf
sannreynt að pólitísk staða fólks
er einnig hverful,“ sagði Ingi-
björg Sólrún.
Hún sagðist í ræðu sinni á
flokksstjórnarfundi Samfylking-
arinnar á fimmtudag ætla að
sækja umboð sitt til landsfundar
varðandi trúnaðarstörf fyrir
flokkinn. Spurð hvað hún hefði átt
við með þessum orðum sagði Ingi-
björg Sólrún að hún vildi njóta
trausts almennra flokksmanna til
að starfa í þágu flokksins og
sækja umboð sitt til þeirra fremur
en til flokksstofnana. Engin
ástæða væri til að leggja í þessi
orð dýpri merkingu og þar gætu
ýmis trúnaðarstörf komið til álita.
Allt færi þetta eftir vilja flokks-
manna.
„Mikið hefur verið rætt um
stöðu mína og hlutverk innan
Samfylkingarinnar. Ég lít svo á
að það skýrist ekki fyrr en á
landsfundinum í haust. Ég var að
undirstrika við fólk að það yrði að
bíða eftir landsfundi,“ sagði Ingi-
björg Sólrún og vildi heldur engu
svara um hvort hún byði sig þá
fram til varaformennsku í flokkn-
um, en Margrét Frímannsdóttir
hefur sem kunnugt er gefið í skyn
að hún gefi ekki kost á sér í vara-
formannsstólnum áfram.
Eins og greint var frá í Morg-
unblaðinu í gær var á flokks-
stjórnarfundinum samþykkt til-
laga um að Ingibjörg Sólrún
myndi stýra svonefndum Fram-
tíðarhópi Samfylkingarinnar, sem
ætlað er að koma með tillögur og
skila greinargerð fyrir landsfund í
haust um heildarstefnu flokksins.
Ingibjörg Sólrún Gísladóttir um embætti formanns
Sá dagur getur komið
að ég bjóði mig fram
ÍSLENSKUSKOR Há-
skóla Íslands hefur um
nokkurra ára skeið
boðið nemendum á
landsbyggðinni upp á
fjarnám til BA-prófs. Í
því skyni er notast við
fjarfundabúnað og
möguleikar ýmiss kon-
ar kennsluhugbúnaðar
og netforrita nýttir.
Í dag útskrifast frá
Háskólanum fyrsti
nemandinn sem ein-
göngu hefur lagt stund
á fjarnám. Ragna
Heiðbjört Þórisdóttir,
sem býr á Laugum í
Þingeyjarsveit, braut-
skráist nú með BA-próf í íslensku
og fjölmiðlafræði. „Ég skráði mig í
íslenskunámið fyrir þremur árum
og tók fyrsta árið á venjulegum
hraða. Síðan bætti ég mjög mikið
við mig á öðru árinu, og þess vegna
gat ég útskrifast núna, því á þriðja
ári var skorið gríðarlega niður og
aðeins tveir áfangar í boði. Þá
ákvað ég að taka fjölmiðlafræðina
með. Ég skrapp til Reykjavíkur í
nokkrar vikur til að
kynnast fólkinu og fór
svo aftur norður. Það
gekk allt mjög vel upp
og ég náði að útskrif-
ast á þremur árum.“
Öll verkefni
og próf á Netinu
Ragna skilaði öllum
verkefnum og prófum
yfir Netið og sagði
það ekki hafa gert
hlutina erfiðari. Sam-
starfið við kennarana
hafi verið frábært, en
niðurskurður þrengi
stakk nemenda og
möguleikana í náminu.
„Þetta skerti alls ekki námsreynsl-
una, þó að þetta hafi verið skrýtið
fyrst. Kennararnir eru allir af vilja
gerðir. Margir hafa lagt mikið á sig
til að láta fjarnámið ganga upp.
Einn kennari sendi mér meira að
segja upptökur af fyrirlestrum sín-
um einu sinni í viku, þannig að ég
gæti lært áfangann hans, þrátt fyr-
ir að hann væri ekki í boði í fjar-
námi.
Þar að auki voru mikil samskipti
meðal nemendanna á sérstökum
spjallrásum, þannig að við nutum
þess mjög. Í rauninni held ég að
fjarnámið strandi alls ekki á kenn-
urum, það er mun frekar þörf á
meiri stuðningi frá ríkinu.“
Ragna, sem nú kennir íslensku
við framhaldsskólann á Laugum,
segist ekki vilja búa annars staðar.
Því hafi möguleikinn á fjarnámi
reynst henni afar vel. „Laugar eru
frábær staður og framhaldsskólinn
er í mikilli sókn. Þarna koma
krakkar alls staðar að af landinu og
umhverfið er mjög þægilegt.
Sú staðreynd að ég gat stundað
nám mitt í heimasveit minni gerði
það að verkum að ég gat unnið á
daginn og búið hér með fjölskyld-
unni minni en neyddist ekki til að
flytja í burtu til að komast í nám.
Þetta er gríðarlega mikilvægt
byggðamál. Ég vil búa á lands-
byggðinni og þetta er frábær leið til
þess. Sveigjanleikinn sem þessu
fylgir er einnig sérstaklega góður
fyrir konur sem þurfa á símenntun
að halda meðfram barnauppeldi
eða vinnu.“
Lauk háskólaprófi í tveimur
greinum í gegnum fjarnám
Ragna Heiðbjört
Þórisdóttir
STJÓRN Samtaka iðnaðarins hefur
sent frá sér ályktun þar sem stjórn-
völd eru hvött til að standa við gefin
fyrirheit um uppbyggingu tækni-
menntunar í landinu. Eins og Morg-
unblaðið greindi frá í gær þarf
Tækniháskólinn að hafna rúmlega
70% umsókna við tæknideild skólans
vegna fjárheimilda.
Samtök iðnaðarins benda á að nú
sé mikil þörf fyrir tæknimenntað
fólk vegna uppbyggingar í iðnaði.
Að sögn Stefaníu Katrínar Karls-
dóttur, rektors Tækniháskólans, er
skólinn nú að berjast fyrir auknu
fjármagni svo hann geti annað eft-
irspurn atvinnulífsins.
„Það er mikill skortur á verk- og
tæknimenntuðu fólki sem við erum
tilbúin að mennta en til þess þurfum
aukið fé svo við getum innritað þá
einstaklinga sem velja tækninám.
Það er okkar hlutverk að bjóða
upp á tækninám og því er erfitt að
standa frammi fyrir því að þurfa að
hafna þessum mikilvæga hópi um-
sækjenda. Ég er mjög ánægð að sjá
þessa ályktun frá Samtökum iðnað-
arins. Ég skora á ríkisstjórn og ráða-
menn að standa við fyrirheit um að
efla verk- og tæknimenntun í land-
inu,“ segir Stefanía Katrín.
Tækniháskólinn óskar
eftir auknu fjármagni
Mikil þörf
fyrir tækni-
menntaða
ÞAÐ vakti nokkra kátínu meðal veg-
farenda sem áttu leið um Reykjavík-
urveg í Hafnarfirði að olíuflutninga-
bíll frá Skeljungi hafði orðið olíulaus
á gatnamótunum við Hjallahraun,
aðeins spölkorn frá bensínstöð fé-
lagsins.
Gunnar Kvaran, yfirmaður kynn-
ingardeildar Skeljungs, segir að
eldsneytismælirinn í bílnum hafi
svikið bílstjórann og ranglega sýnt
að næg olía væri á bílnum. Svo var þó
ekki og við gatnamótin drap hann á
sér. Aðeins nokkrir tugir metra voru
að bensínstöðinni og þar gat bílstjór-
inn fengið olíu á brúsa. Búið er að
gera við olíumælinn. Spurður um
hvort bílstjórinn hafi ekki verið
vandræðalegur segir hann að svo
þurfi ekki að vera. „Þetta getur gerst
á svona bílum eins og öllum öðrum.“
Olíubíllinn
varð olíulaus
♦ ♦ ♦
BÍLSTJÓRI hjá Íslandspósti hefur
játað þjófnað á verðmætasendingu
sem fór um pósthúsið í Keflavík í síð-
ustu viku. Megnið af verðmætunum
hefur komist til skila.
Í tilkynningu frá Íslandspósti segir
að samkvæmt póstlögum sé fyrirtæk-
inu óheimilt að gefa upplýsingar um
einstakar sendingar, innihald þeirra,
viðtakendur eða sendendur. Ekkert
verður því látið uppi um innihald
sendingarinnar eða verðmæti hennar.
Að sögn Áskels Jónssonar, fram-
kvæmdastjóra markaðs- og sölusviðs
Íslandspósts fór sendingin um póst-
húsið í Keflavík og átti sendingin að
skila sér á áfangastað á þriðjudaginn í
síðustu viku. Um var að ræða svokall-
aða tryggða ábyrgðarsendingu sem
er skráð á sérstakan hátt. Hægt er að
rekja feril sendingarinnar og féll fljót-
lega grunur á einn af bílstjórum þess.
Málið var tilkynnt til lögreglunnar í
Keflavík á fimmtudag og sama dag
var maðurinn handtekinn. Sam-
kvæmt upplýsingum frá lögreglu
sýndi hann samstarfsvilja og játaði
brotið. Maðurinn sat þrjá daga í
gæsluvarðhaldi en var síðan settur í
farbann til 15. ágúst nk.
Skráningin
felldi grun á
bílstjórann
♦ ♦ ♦