Morgunblaðið - 29.06.2003, Blaðsíða 12

12 SUNNUDAGUR 29. JÚNÍ 2003 MORGUNBLAÐIÐ
Fyrirmyndarfólk
Níu ungmenni hlutu nemendaverðlaun fræðsluráðs Reykjavíkur á þjóðhátíðardaginn, 17. júní. Þau höfðu unnið til verðlaunanna hvert á
sinn hátt, með góðum námsárangri, góðum framförum, virkni í félagsstarfi, frábærri frammistöðu í listum eða íþróttum, félagslegri færni og
samskiptahæfni. Og er þá fátt eitt talið. Ragnhildur Sverrisdóttir talaði við þetta unga fyrirmyndarfólk.
BÁRA Dís Benediktsdóttir var tilnefnd fyrir samviskusemi,sjálfstæð vinnubrögð, vinnugleði, kurteisi og hug-myndaauðgi. „Mér finnst auðvitað heiður að vera fulltrúi
Ölduselsskóla, en ég hefði áreiðanlega haldið áfram á sömu
braut þótt ég hefði ekki fengið verðlaunin. Stundum fá þeir við-
urkenningu sem þurfa síst á henni að halda. Mér finnst fínt
þegar fólk fær viðurkenningu fyrir að yfirstíga einhverja erf-
iðleika.“
Bára Dís hefur verið alla sína skólagöngu í Ölduselsskóla og
er mjög ánægð með skólann sinn. Uppáhaldsfögin eru handa-
vinna, myndmennt og stærðfræði og hún segir það tóma vit-
leysu að stelpur eigi erfiðara með að læra stærðfræði en strák-
ar. „Ég held að myndmenntakennarinn hafi tilnefnt mig,“ segir
hún. „Myndmenntin er mjög skemmtileg, en ég fæst ekki mikið
við hana utan skólans.“
Hún var í nemendaráði skólans síðasta vetur og þar var nóg
að gera við skipulagningu alls konar skemmtana, ræðukeppni
og þátttöku skólans í hæfileikakeppninni Skrekki. Helsta
áhugamálið utan skólans er fótbolti. „Ég æfi með ÍR og hef allt-
af verið mikið í íþróttum. Svo var ég í tónskóla síðasta vetur og
lærði á hljómborð.“
Hún tekur undir að hún sé skipulögð og segist hafa nægar
frístundir fyrir utan skóla, fótbolta og tónlistariðkun. Í sumar
starfar hún í Vinnuskólanum og fer með ÍR í keppnisferðir í fót-
boltanum.
Bára Dís segist ekkert farin að velta því fyrir sér hvað hún
tekur sér fyrir hendur eftir að hún lýkur 10. bekk að ári. „Ég
veit ekkert í hvaða framhaldsskóla ég fer, en reikna með að fara
á náttúrufræðibraut í MS, MH eða MR. Það er ennþá heilt ár
eftir í Ölduselsskóla. Ég hef lítið hugsað út í hvað ég ætla að
gera í framtíðinni. Kannski læri ég verkfræði eða arkitektúr.“
„Hugmyndarík
og samviskusöm“
Bára Dís Benediktsdóttir, 9. bekk Ölduselsskóla
„Bára er fyrirmyndarnemandi, samviskusöm, vinnur sjálf-
stætt, smitar aðra nemendur af vinnugleði og er kurteis og ið-
in. Bára er hugmyndarík og á auðvelt með að skapa ýmis
listaverk. Hún á auðvelt með samstarf við alla og er jákvæð
fyrirmynd.“
Daníel Gunnarsson, skólastjóri Ölduselsskóla
EMMA Theodórsdóttir var tilnefnd til nemendaverð-launanna fyrir samskiptahæfni, dugnað og metnað í öllumsínum störfum. „Ég reyni að vera duglegur nemandi, ekki
óþekk, kurteis og mæta á réttum tíma í skólann,“ segir hún.
Emma hefur alltaf fengið góðar einkunnir í skólanum. Hún
hefur líka mikinn áhuga á íþróttum. „Ég er í skólaíþróttum og
ætla að fara að æfa frjálsar íþróttir. Svo var ég í badminton. Mér
finnst mjög gaman í boltakasti, en ég er löngu hætt því. Ég veit
ekki hvort ég fer í einhverjar boltaíþróttir seinna, en mér finnst
gaman í fótbolta.“
Emma segist hafa orðið undrandi þegar tilkynnt var í skól-
anum að hún hefði verið útnefnd fulltrúi hans til nemendaverð-
launanna. „Já, ég varð undrandi og líka glöð. Það var sagt að ég
væri fyrirmyndarnemandi og góður vinur allra. Vinir mínir í
skólanum voru líka glaðir. Klébergsskóli er ekki stór skóli og ég
á marga vini þar.“
Emma á fjögur systkini, tvö eldri og tvö yngri, sem voru líka
ánægð með verðlaunin sem féllu henni í skaut.
Hún segist hafa verið dálítið feimin að stíga á svið í Ráðhúsi
Reykjavíkur til að taka við verðlaununum. „Ég fékk viðurkenn-
ingarskjal og bókina Engill í Vesturbænum. Ég er ekki búin að
lesa hana, því ég er með svo margar bækur í gangi núna,“ segir
hún og viðurkennir að hún sé bókaormur. „En ég ætla að byrja á
bókinni fljótlega.“
Uppáhaldsfög Emmu í skólanum eru landafræði og stærð-
fræði. „Lestrartímarnir eru líka skemmtilegir,“ segir bókaorm-
urinn.
Sundtímarnir eru einu kennslustundirnar sem henni þykja
ekki mjög skemmtilegar.
Emma er 10 ára, svo hún hefur enn nægan tíma til að ákveða
hvað hún ætlar að verða þegar hún verður stór. „Núna langar
mig dálítið að verða kokkur. Ég er nú ekki farin að elda neitt, en
ég hef spælt egg og hjálpað mömmu að baka kökur.“ 
„Góður félagi
og vinnur vel“
Emma Theodórsdóttir, 5. bekk Klébergsskóla
„Emma er ákaflega duglegur námsmaður. Hún vinnur vel
hvort sem er einslega eða í hóp. Stundar íþróttir af kappi
jafnt í skóla sem utan. Þrátt fyrir mikinn metnað í öllu sem
hún tekur sér fyrir hendur, tekur hún tapi og áföllum. Emma
er góður félagi og til fyrirmyndar í allri framkomu.“
Starfsmenn Klébergsskóla
YOUSEF Ingi Tamimi var tilnefndur tilnemendaverðlaunanna fyrir glaðlegaog jákvæða framkomu, alúð og sam-
viskusemi. „Það er alltaf gott að fá hrós fyr-
ir að standa sig vel. Ég ætla að leggja enn
meira á mig á næsta ári og ég vona líka að
þá verði enn fleiri tilnefndir til þessara verð-
launa. Það þarf að hvetja fólk, lyfta því upp
og segja við það: „Þú getur þetta.“ Allir eru
sérstakir, hver á sinn hátt. Mér finnst gott
að vita að það er fylgst með mér, gott að
finna að ég er ekki bara eitthvert peð í skól-
anum, ég er í raun skólinn. Og þó ég fái
verðlaun fyrir samviskusemi og alúð, þá er
alveg eins mikil ástæða til að verðlauna og
hvetja einhvern annan, sem stendur sig til
dæmis vel í stærðfræði.“
Yousef Ingi lagði ýmislegt af mörkum inn-
an Seljaskóla sl. vetur. „Við erum þrír vin-
irnir sem settum upp heimasíðu skólans síð-
asta haust og höfum séð um hana. Við
hjálpum líka skólastjóranum og kennurum,
til dæmis með tölvukerfið. Við setjum upp
nýjar tölvur, skrúfum saman skrifborð og
fleira af því tagi,“ segir Yousef Ingi og
hljómar eins og tæknifróður húsvörður.
„Pabbi er tölvunarfræðingur og ég hef lært
allt af honum. Hann er sérfróður ráðgjafi
okkar vinanna.“
Skólafélagar hans óskuðu honum til ham-
ingju, þegar tilkynnt var við skólaslit að
hann hefði verið útnefndur sem fulltrúi
Seljaskóla til nemendaverðlauna. „Þeir eru
stoltir af mér. Ég finn ekki neina öfund.
Fjölskyldan var líka mjög ánægð með
þetta.“
Fyrir utan viðurkenningarskjalið fékk
hann bókina Milljón holur eftir Louis Sach-
ar. „Þetta er strætisvagnabókin, eins og ég
kalla hana,“ segir Yousef Ingi og gefur þá
skýringu að bókin liggi gjarnan frammi í
strætisvögnum. „Ég hef gluggað í hana í
strætó og leist vel á. Ég á það hins vegar til
að verða bílveikur, svo lesturinn gekk hægt.
Núna get ég lesið hana heima.“
Yousef Ingi á fjögur systkini og er næst-
yngstur. Hann segist fá þokkalegar einkunn-
ir í skólanum, en sé ekki dúx.
Aðspurður hvort hann sé búinn að skipu-
leggja framtíðina svarar hann hiklaust: „Það
er allt planað hjá mér! Núna í sumar er ég
að læra svifflug, síðan fer ég í 10. bekk,
næsta sumar ætla ég að taka einkaflug-
mannspróf og svo ætla ég í Kvennaskólann.
Eftir stúdentinn ætla ég að verða flugmaður
eða lögreglumaður.“
Þótt verkefnin séu næg gefur Yousef Ingi
sér líka tíma til að starfa innan skátahreyf-
ingarinnar. „Ég er búinn að vera skáti lengi
og ætla ekkert að hætta því.“
„Alúð og samviskusemi“
Yousef Ingi Tamimi, 9. bekk Seljaskóla
„Yousef hefur sérlega glaðlega og jákvæða framkomu gagnvart samferðafólki sínu jafnt nemendum sem starfsfólki. Með viðmóti sínu hefur hann aflað sér trausts og virðingar þeirra er hann
umgengst. Yousef sinnir því sem fyrir hann er lagt af alúð og samviskusemi. Það er ómetanlegt fyrir skólasamfélagið að hafa einstakling eins og Yousef sem smitar frá sér jákvæðni og er virkur í
öllu því sem hann tekur sér fyrir hendur.“
Þórður Kristjánsson, skólastjóri Seljaskóla
DONN Eunicevar tilnefndtil nem-
endaverðlaunanna
fyrir félagslega
færni og góðan
námsárangur. „Ég
var hissa að fá þessi
verðlaun og dálítið
feimin í Ráðhúsinu.
Mamma tók mynd af
mér í Ráðhúsinu
með aðstoð-
arskólastjóranum.
Ég ætla að halda
áfram að vera dug-
leg í skólanum.“
Donn er níu ára
gömul. Hún flutti
hingað til lands með
fjölskyldu sinni frá
Filippseyjum fyrir
rúmum fjórum ár-
um. „Þá fór ég í leik-
skólann Ösp og svo
fór ég í Fellaskóla.
Ég fór líka í sum-
arskóla til að læra
íslensku,“ segir hún.
Íslenskuna hefur hún lært mjög vel. „Ég er dugleg að læra
að lesa og er búin að lesa 35 blaðsíður í verðlaunabókinni,
sem heitir Engill í Vesturbænum. Ég fer líka oft á bókasafnið
og fæ lánaðar bækur.“
Lestur er uppáhaldsfagið hennar í skólanum og henni
finnst líka mjög gaman í frímínútum. Þar fyrir utan er mynd-
listin skemmtilegust. „Mér finnst gaman að teikna. Stundum
teikna ég og föndra heima hjá mér með systur minni.“
Systir hennar er ári yngri en hún og hún á líka fimm ára
bróður. „Mamma sagði að vonandi fengi systir mín líka svona
verðlaun. Hún vill að ég verði læknir þegar ég verð stór.
Kannski verð ég læknir, eða listakona.“
Þegar Donn er spurð hvað hún geri í frítímanum stendur
ekki á svörum, því hún er greinilega skipulögð. „Á laugar-
dögum fer ég alltaf í Kolaportið og svo fer ég oft með bróður
mínum í Play Station-tölvuleik. Á sunnudagsmorgnum fer ég
alltaf með afa og ömmu í sund. Afi kenndi mér að telja.“
Í sumar ætlar hún að leika sér mikið og í haust fer hún
með fjölskyldunni í heimsókn til Filippseyja.
„Fróðleiksfús
og hjálpsöm“
Donn Eunice Patambag Cruz, 3. bekk Fellaskóla
„Donn er óvenjulega fróðleiksfús, vinnusöm, hjálpsöm við
aðra nemendur og gerir námslegar kröfur til sjálfrar sín. Hún
hefur annað móðurmál en íslensku og hefur sýnt góðar fram-
farir í íslensku sem öðru tungumáli. Að auki hefur Donn sýnt
góða félagslega færni og góða frammistöðu í myndlist. Að
mati stjórnar Foreldrafélags Fellaskóla á þessi nemandi skilið
sérstakt hrós.“
Stjórn Foreldrafélags Fellaskóla