Morgunblaðið - 01.07.2003, Blaðsíða 4

FRÉTTIR
4 ÞRIÐJUDAGUR 1. JÚLÍ 2003 MORGUNBLAÐIÐ
RANNSÓKN er hafin á ástæðum
þess að litháensk flugvél flaug lágt yf-
ir byggðina í Þingholti á áttunda tím-
anum á sunnudagskvöld. Í fréttatil-
kynningu frá Rannsóknarnefnd
flugslysa (RNF) segir að unnið sé að
gagnaöflun vegna rannsóknar máls-
ins og að tekinn hafi verið vitnisburð-
ur af flugmönnum vélarinnar. Í til-
kynningunni segir að RNF muni
væntanlega senda frá sér bráða-
birgðaskýrslu um atvikið þegar rann-
sókn þess yrði lengra á veg komin.
Í Morgunblaðinu í gær gagnrýndi
Kristján Guðjónsson, nefndarmaður í
RNF, Flugmálastjórn fyrir að hafa
ekki tilkynnt RNF tafarlaust um at-
vikið. Í gærmorgun sendi Flugmála-
stjórn frá sér tilkynningu þar sem frá
því er greint að flugmálastjóri hafi
áréttað við flugstjórn að öll atvik
skyldu tilkynnt símleiðis til RNF eins
fljótt og auðið sé.
„Ég er sáttur við viðbrögð Flug-
málastjórnar að árétta það við sína
menn að tilkynna RNF um þessi at-
vik,“ segir Þormóður Þormóðsson,
formaður RNF.
Tildrög atviksins á sunnudag eru
þau að þegar flugvélin kom niður úr
skýjum eftir blint aðflug að flugbraut
19 (norður-suður) á Reykjavíkurflug-
velli sveigði hún til vinstri að braut-
arenda flugbrautar 24 (norðaustur–
suðvestur). Flugmaðurinn náði að
rétta hana af og náði að lenda á flug-
braut norður en var fyrirskipað að
taka aftur á loft þar sem hraði vél-
arinnar var of mikill. Samkvæmt til-
kynningu RNF fór flugmaðurinn ekki
eftir fyrirmælum flugturnsins í frá-
hvarfsfluginu en var að lokum beint á
ný til aðflugs á flugbraut 19 þar sem
vélin lenti heilu og höldnu.
Heimir Már Pétursson, upplýs-
ingafulltrúi Flugmálastjórnar, segir
að eftir atvikið á sunnudag hafi verk-
lagsreglur verið áréttaðar við flug-
stjórn. „Það er oft mat hjá flugum-
ferðarstjórum hvað sé atvik og hvað
sé alvarlegt atvik. Í þessu tilviki var
ekki tilkynnt strax með símtali. Þeir
[RNF] voru hins vegar búnir að
frétta þetta, í sjálfu sér í gegnum mig,
því ég sagði blaðamanni Morgun-
blaðsins að hringja í þá.“
Flugmennirnir tveir voru kyrrsett-
ir í gærmorgun en eru nú frjálsir
ferða sinna eftir yfirheyrslur hjá
RNF.
Rannsókn hafin á því þegar flugvél fór hættulega nálægt íbúðarbyggð
Fylgdu ekki
fyrirmælum
Morgunblaðið/Júlíus
Vélin sem lenti í aðflugsatvikinu við
Reykjarvíkurflugvöll.


       











     

  
     



 



 
 



 

 

  



    
   

 

"
!
#

SJÓNARVOTTUR sem Morgun-
blaðið hafði samband við, var
staddur á bíl nálægt Hljóm-
skálagarðinum þegar flugatvikið
átti sér stað á sunnudag. „Við
höfðum verið þarna fyrr um dag-
inn og þá var Fokkervél að koma
inn til lendingar á norður-suður
brautinni. Þá sáum við rétt aðeins
glitta í hana rétt fyrir ofan bílinn.
En þarna sem við vorum á leiðinni
á svipuðum slóðum sáum við þessa
litlu vél sem var greinilega á röng-
um stað. Það var þokusúld og vél-
in var ýmist sýnileg eða ekki.
Fannst eins og vélin væri í
beygju að flugbrautinni
Mér fannst eins og hún væri í
beygju; að hún væri að beygja til
austurs. Vélin var allt annars stað-
ar en maður er vanur að sjá flug-
vélar og miklu neðar en maður
hefði talið ráðlegt,“ segir sjón-
arvotturinn. „Það var greinilegt
að það var eitthvað öðruvísi en
það átti að vera.
Vélin var of mikið í austur og of
nálægt og mér fannst eins og hún
væri rétt fyrir ofan sameiginlegt
sendiráð Þýskalands og Bret-
lands.“
Hann segir að flug vélarinnar
hafi verið reikult og greinilega
hefði mátt sjá að flugmaðurinn
væri í vandræðum.
„Vélin allt annars staðar
en maður er vanur að sjá“
SAMGÖNGURÁÐHERRA
segir mikið hafa verið lagt í ör-
yggisþætti við endurbyggingu
Reykjavíkurflugvallar. „Það er
auðvitað hætta sem fylgir öllu
flugi. Þess vegna var lögð rík
áhersla á að endurbyggja
Reykjavíkurflugvöll þannig að
brautirnar og aðflugsbúnaður
væru eins og best er á kosið. Það
þarf auðvitað að leggja áherslu á
það að fyllsta öryggis sé gætt, “
segir Sturla Böðvarsson sam-
gönguráðherra. Hann segir at-
vikið mjög óheppilegt, sérstak-
lega í miðri umræðu um
flugvöllinn. Leggja þarf áherslu
á það að flugumsjón við völlinn
séu hinar ýtrustu.
Hætta
fylgir
öllu flugi
ÚTSENDIR reikningar Sím-
ans ná ekki til tunglsins og til
baka, eins og fram kom í frétt
Morgunblaðsins sl. föstudag,
27. júní. Í fréttinni, sem fjallar
um rafræna birtingu reikninga
frá Símanum um heimabanka,
er vitnað í tilkynningu sem
Kaupþing-Búnaðarbanki og
Síminn sendu frá sér. „Út-
sendir reikningar á hverju ári
vega rúm 60 tonn, og ef seðl-
arnir yrðu lagðir í eina röð
myndu þeir ná til tunglsins og
aftur til baka,“ segir orðrétt í
tilkynningunni.
Eitthvað hefur bankamönn-
um brugðist reikningslistin því
fullyrðingin stenst alls ekki.
Þær upplýsingar fengust hjá
Kaupþingi-Búnaðarbanka að
sennilega hefði skeikað um
nokkur núll í þessum útreikn-
ingum. Sé hverju einasta blaði
í reikningum ársins frá Síman-
um, alls 7,3 milljónum blaða,
raðað í einfalda röð verður sú
röð 217.047.600 sentimetrar að
lengd. Það jafngildir 2.170
kílómetrum.
Símareikningastaflinn næði
þannig ekki ýkja langt í átt að
tunglinu, hvað þá fram og til
baka. Hins vegar jafngilti
hann nær nákvæmlega flug-
leiðinni Keflavík–Kaupmanna-
höfn, þó ekki fram og til baka
heldur aðra leiðina.
Skeikaði um nokkur
núll í frétt frá Kaup-
þingi-Búnaðarbanka
Ná víst
ekki til
tungls-
ins
FRÁ 1. júlí verða engar helgarvaktir
hjá þremur starfsmönnum skurð-
lækningasviðs er stýra hjarta- og
lungnavél. Vélin er einkum notuð við
opnar hjartaaðgerðir, auk annarra
tilfella vegna aðgerða eða slysa.
Niels Christian Nielsen, starfandi
lækningaforstjóri Landspítalans,
segir við Morgunblaðið að þetta sé
liður í hagræðingaraðgerðum spítal-
ans. Reynt sé að forgangsraða með
því að draga úr þjónustu sem minnst
sé notuð og áhersla lögð á að sinna
þjónustu sem mikil eftirspurn sé eft-
ir. Bendir hann á að spítalinn hafi
náð að spara um 150 milljónir króna
með fækkun vakta frá því að samein-
ing spítalanna átti sér stað.
Að sögn Niels er ár liðið frá því að
þessar helgarvaktir á hjarta- og
lungnavélinni voru teknar upp og
síðan þá hefur vélin nokkrum sinn-
um verið notuð þá daga. Aðspurður
hvað gert verði ef upp komi neyð-
artilvik um helgar, segir Niels að þá
verði reynt að hafa upp á fólki til að
fullmanna skurðlækningastofu, líkt
og gert hafi verið áður. Hann segir
að reynt hafi verið að milda þessa
sparnaðaraðgerð með því að hafa
dagvaktir um helgar en starfsmenn
hafi ekki fallist á það.
Önnur þjónusta tengd hjartaað-
gerðum er heldur ekki til staðar um
helgar á Landspítalanum, þ.e. bak-
vaktir á æðaþræðingarstofu þar sem
boðið er upp á bráðaþjónustu við
kransæðavíkkanir.
Hjartavélin ekki í
gangi um helgar
ÞJÓÐVERJI og Breti voru dæmdir
í sjö mánaða fangelsi í Héraðsdómi
Reykjavíkur í gær fyrir innflutning
á þremur kílóum af hassi til lands-
ins í þremur ferðum, síðast 1. júní
sl.
Mennirnir, sem eru búsettir á
Spáni, 47 og 50 ára, játuðu skýlaust
brot sitt, þ.e. að hafa staðið að inn-
flutningi á 2.985,18 g af hassi til Ís-
lands frá Spáni í ágóðaskyni. Þjóð-
verjinn keypti hassið ytra og
pakkaði því í niðursuðudósir til að
villa um fyrir lögreglu og tollgæslu
og skipulagði för beggja hingað til
lands, m.a. með því að kaupa flug-
farseðla og gistingu fyrir þá hér á
landi.
Hugðist hann sjá um sölu efnisins
hérlendis en Bretinn tók við efninu
af honum á Spáni og flutti það hing-
að til lands 1. júní gegn loforði um
peningaþóknun. Fundu tollverðir
efnið í farangri hans á Keflavík-
urflugvelli.
Til frádráttar fangelsisrefsing-
unni dregst gæsluvarðhald sem
mennirnir hafa setið í frá 1. júní sl.
Þeir voru dæmdir til að borga skip-
uðum verjendum sínum samtals 430
þúsund krónur í málsvarnar- og
réttargæsluþóknun. Þá var og fíkni-
efnið, sem fannst í farangri Bret-
ans, 2.985,18 g af hassi, gert upp-
tækt.
Bretanum var auk framangreinds
brots gefið að sök að hafa snemma
árs og í apríl flutt hingað til lands í
tveimur ferðum frá útlöndum a.m.k.
100 og allt að 200 g af hassi og selt
það ónefndu fólki í veitingahúsum í
Reykjavík.
Þjóðverji og Breti dæmdir í fangelsi
Niðursuðudósirnar fullar af hassi.
Fluttu inn hass í
niðursuðudósum
STARFSMENN Veðurstofu Íslands segja
að sími Veðurstofunnar hafi ekki stoppað
alla helgina en þangað hringdi fjöldi
fólks til að lýsa óánægju sinni með hversu
illa rættist úr veðurspánni. Víða á land-
inu var grenjandi rigning og þungbúið
þvert ofan í góðviðrisspá helgarinnar. Að
sögn Þorsteins V. Jónssonar veðurfræð-
ings komu símtölin aðallega frá fólki sem
hafði drifið sig af stað í útilegu í þeirri
trú að veðrið yrði gott og var að vonum
vonsvikið. „Spáin fór í vaskinn að þessu
sinni. Þetta gerist stundum og óheppilegt
að það skyldi bera upp á helgi þegar fólk
er líklegra til að drífa sig út úr bænum.
Ef þetta hefði gerst í miðri viku er lík-
legra að menn hefðu verið heima hjá sér
og þá hefði þetta ekki komið eins að
sök,“ segir Þorsteinn.
Spárnar fyrir næstkomandi helgi eru ekki ýkja bjartsýnar. Á fimmtudag á
að snúast upp í norðlægar áttir með kólnandi veðri og vætutíð, einkum þó á
Norðurlandi, og ef spár rætast má búast við rigningu fram yfir helgi.
Góðviðrisspá helgarinnar brást
Símar rauðglóandi
Morgunblaðið/Jim Smart