Morgunblaðið - 08.07.2003, Qupperneq 18

AUSTURLAND
18 ÞRIÐJUDAGUR 8. JÚLÍ 2003 MORGUNBLAÐIÐ
Á VIRKJANASVÆÐINU við Kára-
hnjúka er nú unnið af fullum krafti að
gerð hjáveitu fyrir Jökulsá, en veita
þarf henni framhjá stíflustæðinu
sjálfu meðan stíflan er byggð. Þá er
nú verið að hreinsa ofan af stíflustæð-
inu, unnið við boranir á Teigsbjargi
og menn önnum kafnir við vegagerð
um allar heiðar.
Setja á bundið slitlag á veginn úr
Fljótsdal inn að virkjanasvæðinu og
er alls staðar á þeirri leið verið að
byggja upp veginn og bera í hann.
Bráðlega hefst fyrsti áfangi við lag-
færingu vegslóða frá Brú á Jökuldal
inn að virkjanasvæðinu, en um 30
milljónir kostar að gera veginn að til-
tölulega greiðfærri fjallaslóð. Þessi
spotti er um 20 km langur. Í sumar
verður 6 km kafli tekinn í gegn og lýk-
ur þeirri framkvæmd seint í haust.
2.700 fm frístunda-
aðstaða á fjöllum
Uppbygging vinnubúða Impregilo
gengur vel og eiga þær að vera til-
búnar í haust, en þá er gert ráð fyrir
að um 500 manns verði við vinnu á
svæðinu. Þá er stefnt að því að allur
húsakostur og tæki verði komin á
virkjunarstað. Nú eru 200 manns við
Kárahnjúka og mikið af mannskap á
leiðinni næstu vikurnar. Sem stendur
eru tveir um hvert herbergi í bráða-
birgðavinnubúðum Impregilo, en í
haust fær hver maður sitt íverupláss.
Impregilo-búðirnar eru steyptar
niður og verða eins og þokkalega
stórt þorp, með gatnakerfi og mynd-
arlegri 2.700 fm félagslegri aðstöðu.
Þar verða klúbbar, heilsurækt,
heilsugæsla og skóli, þar sem menn
geta unað sér í fríi á fjöllum. Enn er
unnið að vaktaskipulagi Impregilo, en
lítur út fyrir að fjögurra vikna vaktir,
með einni fríviku, verði ofan á. Þá er
einn frídagur í viku og reiknað með að
menn verji þeim degi á svæðinu.
Launakjör eru eins og gerist og
gengur með ýmsum hætti, en skv.
heimildum blaðamanns hefur venju-
legur verkamaður á stórum vörubíl
um 400 þúsund krónur í mánaðarlaun
skv. virkjunartaxta. Starfsmenn fá nú
fjögurra rétta máltíðir á kvöldin og
vinnuföt og íveruföt eru þvegin, en
það hefur ekki tíðkast í íslenskum
vinnubúðum til þessa. Láta bæði
starfsmenn Impregilo og Arnarfells
yfirleitt vel af vistinni á virkjanasvæð-
inu.
Deiliskipulag
vinnubúða auglýst
Í gær auglýsti sveitarfélagið Norð-
ur-Hérað nýtt deiliskipulag vinnu-
búða við Kárahnjúkavirkjun. Svæðið
er 200 ha og er gert ráð fyrir sjö af-
mörkuðum reitum fyrir vinnubúðir,
verktaka, athafnasvæði, skrifstofur
og verslunar- og þjónustusvæði. Gert
er ráð fyrir að öll mannvirki og um-
merki eftir þau verði fjarlægð fyrir 1.
október 2007.
Nú er verið að loka vinnusvæðum
virkjunarinnar fyrir ferðafólki, en
mikill ágangur hefur verið inn á stað-
inn undanfarnar vikur og mánuði.
Verður settur upp útsýnispallur aust-
an megin ár, þaðan sem sér vel yfir
athafnasvæðið. Að öðru leyti fara ekki
aðrir inn á svæðið en þeir sem eiga er-
indi.
Heldur kalt hefur verið á virkjun-
armönnum við Kárahnjúka síðustu
dagana, 5 stiga hiti í dagsbyrjun og
austangarri sem lítið lát virðist ætla
að verða á. Aðeins hafa komið tveir
verulega hlýir sólardagar og eru
menn orðnir langeygðir eftir íslensku
fjallasumri.
Undirbúningsframkvæmdir á virkjanasvæðinu
við Kárahnjúka í fullum gangi
Önnum kafnir við
boranir og vegagerð
Morgunblaðið/Steinunn Ásmundsdóttir
Nú er unnið að hjáveitugöngum sem Jökulsá verður veitt í meðan unnið verður við stíflustæðið og stífluna sjálfa.
Byrjað er að steypa niður skúra í
vinnubúðir Impregilo skammt frá
virkjanasvæðinu við Kárahnjúka.
Þar verða nokkur hundruð manns
til heimilis og 2.700 fm frístundaað-
staða til að stytta fólki stundir.
Kárahnjúkar
þvælast á milli þessara staða. Það
hefur komið fyrir að menn hafa
beðið eftir affermingu í sjö til átta
klukkutíma og það þýðir auðvitað
að við þurfum að rukka Impregilo
fyrir endalausan biðtíma og okkar
skipulag riðlast allt. Við erum núna
með gámabíl með lyftu og ef við
þurfum að bíða lengi sendum við
hann á milli til að losa bílana. Það
þýðir ekkert annað en að bjarga sér
sjálfur, því ekki er hægt að geyma
bílana uppfrá heilu dagana.“
Vöruflutningabílstjóri sem ekur
mikið með vörur inn á virkj-
anasvæðið segir að það sé alveg
sama hvern hann hitti þar, þar séu
allir alltaf að bíða eftir einhverju,
eða einhverjum. Hann segir ítölsku
verkamennina vera í yfirvinnu-
banni og þeir megi því ekki vinna
eftir klukkan sex á daginn. Flutn-
ingabílarnir komi oft síðari hluta
dags inn eftir og þá séu vélamenn
hættir störfum. Hann nefnir sem
dæmi að fimm flutningabílar með
tengivagna hafi farið inn úr nýlega
með eldhús, en þegar á virkj-
anasvæðið var komið um miðjan
dag, hafi komið í ljós að aðeins þrjú
þeirra átti að losa þar og hófst þá
bið eftir affermingu. Hin tvö höfðu
átt að verða eftir á Adit 2 og var því
snúið við með þau. Þar biðu menn
eftir losun til klukkan tíu um kvöld-
ið uns starfsmaður Landflutninga
sem var á gámabíl með lyftu, kippti
eldhúsunum af bílunum.
Bjarki Guðmundsson segir að í
dag verði fundur hjá Landflutn-
ingum með starfsmönnum og yf-
irmönnum frá Samskipum, þar sem
fara á ofan í saumana á málinu.
Samskip gerði á sínum tíma samn-
ing við Impregilo um að annast alla
flutninga að virkjanasvæðinu.
Auk Landflutninga eru Samskip
með verktakana Malarvinnsluna og
Jón Hlíðdal, hvoru tveggja fyr-
irtæki á Egilsstöðum, í þessum
flutningum.
FLUTNINGABÍLSTJÓRAR eiga í
erfiðleikum með að fá bíla sína los-
aða á virkjanasvæðinu við Kára-
hnjúka. Þannig eru dæmi um að bíll
með matvæli hafi eftir rúmlega 5
klukkustunda bið við Kárahnjúka
verið kallaður til baka í Egilsstaði
og menn hafi þurft að þvælast fram
og til baka um Fljótsdalsheiði með
vinnuskúra og eldhús, þar sem ekki
var ljóst hvert hvað átti að fara
þegar á staðinn var komið.
„Impregilo er með einn einasta
kranamann á svæðinu til að af-
ferma alla flutningabílana,“ sagði
Bjarki Guðmundsson hjá Land-
flutningum á Egilsstöðum í samtali
við Morgunblaðið. „Þetta eru þrír
staðir þarna upp frá sem losað er á
og kallast þeir Adit 1 við Gren-
isöldu, virkjanasvæðið sjálft er Adit
3 og Adit 2 er þarna mitt á milli.
Þessi eini kranamaður þarf að
Ítrekaðar tafir á losun flutningabíla á virkjanasvæðinu við Kárahnjúka
Það eru allir
alltaf að bíða
eftir einhverju
Egilsstaðir
LÚPÍNAN vex víða við þjóðvegi
landsins og í þessu tilfelli umvefur
hún hámarkshraðaskilti við Eski-
fjörð. Bæjarstjórn Fjarðabyggðar
veltir vöngum yfir því hvort stemma
eigi stigu við hröðum vexti jurtarinn-
ar í sveitarfélaginu, en menn eru
hreint ekki á sama máli um hvort
lúpínan eigi að vera eða fara.
Morgunblaðið/Helgi Garðarsson
50 km há-
markshraði á
lúpínuvexti
Eskifjörður
NÝTT veiðihús var opnað við Breið-
dalsá um helgina. Það er Þröstur
Elliðason sem á húsið, en hann er
jafnframt leigutaki Breiðdalsár og
keypti fyrir nokkrum árum jörðina
Eyjar sem á land að ánni neðarlega
í Breiðdalnum.
Nýja veiðihúsið er samtengt íbúð-
arhúsinu á Eyjum og er 350 fm að
stærð. Eldra húsið er 15 fm og þar
hafa veiðivörður og leiðsögumenn
aðstöðu.
Þeir sem hyggjast veiða í Breið-
dalsá kaupa með veiðileyfinu gist-
ingu og fæði í veiðihúsinu. Sex til
átta stangir eru leyfðar í ánni á lax-
veiðitímanum og einnig veiðast frá
500 og upp í 1000 bleikjur í henni á
ári. Silungsveiðileyfin kosta frá 3
þúsund krónum og stöngin í lax frá
25 þúsund krónum. Að auki er svo
fæði og gisting sem er á bilinu 7 til
11 þúsund krónur á sólarhring.
Þröstur, sem á Veiðiþjónustuna
Strengi, segir húsið vera með annað
útlit og meiri glæsibrag en almennt
þekkist í íslenskum veiðihúsum.
Boðið er upp á átta tveggja manna
herbergi, þ.á.m. 25 fm svítu og eru
öll herbergin með stórum baðher-
bergjum, gervihnattasjónvarpi og
nettengingu. Þá er gott vöðlu- og
þurrkherbergi í húsinu og fiskimót-
taka með stórum kæli. Úr setustofu
og borðstofu er útsýni um mikla
glugga yfir dalinn og ána og flugu-
hnýtingahorn er í setustofunni. Úti
má finna stóra verönd með grill-
aðstöðu og húsgögnum, heitan pott
og gufubað.
Þröstur segist einnig ætla að
leggja áherslu á að markaðssetja
húsið utan hefðbundins veiðitíma.
Hann sér það fyrir sér sem miðstöð
skotveiðimanna á haustin, silungs-
veiðimanna snemmvors og fundaað-
stöðu fyrir smærri hópa sem vilja
láta fara vel um sig.
Laxveiðina selur Þröstur bæði á
innlendum og erlendum markaði og
segir Breiðdalsána orðna ágætlega
þekkta í stangveiðiheiminum. Að
jafnaði er um þriðjungur veiði-
manna við ána útlendingar og
margir þeirra sterkefnaðir. Því
þurfi að uppfylla kröfur þeirra um
aðbúnað.
Sleppir seiðum
undan stórlaxi
Þröstur byrjaði fyrir sex árum að
sleppa laxaseiðum í tilraunaskyni í
Breiðdalsá. „Ég byrjaði að sleppa
3000 laxaseiðum og hef svo smátt og
smátt verið að þreifa mig áfram
með þetta,“ segir Þröstur. „Það er
sýnt að sleppingar hér skila árangri,
því veiðin hefur aukist um 20–30% á
ári síðan ég byrjaði. Í vor sleppti ég
80 þúsund gönguseiðum og það er
stefnt að því í framtíðinni að sleppa
yfir 100 þúsund gönguseiðum ár-
lega. Meðaltalsveiðin í ánni er um
100 laxar, sem er náttúrulegur stofn
árinnar, en við náum að auka veið-
ina með seiðasleppingum og veidd-
um í fyrra 340 laxa. Við búumst við
að í framtíðinni verði veiði nokkuð
stöðug á 500 til 1000 löxum árlega.
Meðalþyngd fiskanna er í hærri
kantinum og hefur farið hækkandi
þvert á það sem er að gerast annars
staðar í landinu. Ég legg enda
áherslu á að nota í fiskiræktinni
seiði undan stórlaxi. Þröstur segist
ekki hafa orðið var við eldislax í
ánni seinni árin.
Ofarlega í Norðurdal, sem er hlið-
ardalur úr Breiðdal, er verið að
ljúka byggingu fiskeldisstöðvar í
samvinnu við Guðmund Björgúlfs-
son á Tungufelli. Þar verður seiða-
eldi til sleppingar í veiðiár Strengja,
sem eru nú átta talsins, og ætla
Tungufellsmenn að vera þar með
bleikjueldi. Starfsemin er að hefjast
og er stefnt að fullri nýtingu í árs-
lok.
Ljósmynd/Páll Baldursson
Um helgina var opnað nýtt og glæsilegt veiðihús við Breiðdalsá. Í henni
veiðast nú á fjórða hundrað laxar árlega.
Nýtt veiðihús opnað
við Breiðdalsá
Egilsstaðir