Morgunblaðið - 17.07.2003, Blaðsíða 20
Morgunblaðið/Helgi Garðarsson
Hólmaborgin SU 11 á Eskifirði í gær með fullfermi af kolmunna.
FISKVINNSLA Eskju hf. er komin
í sumarfrí enda er bolfiskkvóti fyr-
irtækisins búinn. Vinnslan hefst aft-
ur þegar nýtt kvótaár hefst 1. sept-
ember nk.
Í fiskvinnslunni hjá Eskju er þó
heilmikið um að vera, þar sem nú
standa yfir endurbætur á gólfi í
vinnusal, á kaffistofu og allri snyrti-
aðstöðu. Fiskvinnslan var byggð
fyrir þrjátíu árum og því kominn
tími á yfirhalningu.
Fyrir tíu dögum kláraði Hólma-
nesið síðustu veiðiferðina á yfir-
standandi fiskveiðiári og var bolfisk-
aflinn þá orðinn 1.942 tonn. Þar af
eru 1.726 tonn þorskur og aflaverð-
mætið um 202 milljónir króna. Nú
er unnið að þrifum á skipinu og
verður það gert klárt fyrir næsta
kvótaár.
Óveidd 70 þús. tonn
Kolmunnaveiðar Eskjuskipanna
Jóns Kjartanssonar og Hólmaborg-
arinnar hafa gengið ágætlega og
hafa þau landað um 35 þúsund tonn-
um sem farið hefur í bræðslu í mjöl
og lýsi. Fiskurinn er bæði veiddur í
færeyskri og íslenskri lögsögu og er
oft um 10 til 20 klst. sigling á miðin.
Hólmaborgin er með mesta kol-
munnakvóta á yfirstandandi vertíð,
60 þúsund tonn. Heildarkvóti Eskju
í kolmunna er rúm 105 þúsund tonn
á árinu og enn eru því óveidd um 70
þúsund tonn, sem reiknað er með að
taki skipin tvö það sem eftir er árs
að veiða.
Síldarvinnslan í Neskaupstað hef-
ur nú tekið á móti 53 þúsund tonn-
um af kolmunna, Loðnuvinnslan á
Fáskrúðsfirði 49 þúsund tonnum og
Eskja á Eskifirði 47 þúsund tonn-
um.
Bolfiskur í sumarfrí en kol-
munnaveiðar á fullu stími
Eskifjörður
Útgerðar-
sagan máluð
á síldar-
verkunarhús
SIGURFINNUR Sigurfinnsson,
listmálari frá Vestmannaeyjum, er
að endurgera listaverk sem hann
málaði á síldarverkunarhús Loðnu-
vinnslunnar hf. á Fáskrúðsfirði fyr-
ir tólf árum. Þar má sjá útgerð-
arsögu Kaupfélags Fáskrúðs-
firðinga og Loðnuvinnslunnar hf.
frá upphafi. Veggurinn er 260 fer-
metrar og er á hann málað, auk
skipanna, landslag úr Fáskrúðsfirði
og frönsk skonnorta á leið inn fjörð-
inn.
Fáskrúðsfjörður
AUSTURLAND
20 FIMMTUDAGUR 17. JÚLÍ 2003 MORGUNBLAÐIÐ
„UMSETNINGIN er rosaleg,“ sagði
Sigurþór Hreggviðsson, hafnarstjóri
á Eskifjarðarhöfn, þegar Morgun-
blaðið innti hann eftir umsetningu og
gæftum. „Ég hélt einu sinni að Eski-
fjörður væri nafli alheimsins og þótt
ég hafi komist á aðra skoðun um
stundarsakir held ég hreinlega að
þetta sé rétt hjá mér. Við skulum
bara skoða síðastliðið ár, en þá var
Eskifjörður hæsta löndunarhöfn á
Íslandi. Á land komu 187 þúsund
tonn það árið og 184 þúsund tonn á
Norðfjörð. Í vörum, mjöli, lýsi og
fleiru, fóru um höfnina 195 þúsund
tonn sem er bara næst við Reykjavík
ef við tökum álið út úr. Segðu svo að
það sé ekkert um að vera á Eski-
firði!“
Sigurþór segir mikla skipaumferð
á Eskifirði. „Ingunn frá Akranesi var
til dæmis að landa hér í gær og
Mánafoss var hér í fyrradag með 105
gáma út. Jón Kjartansson og Hólma-
borgin landa öllu sínu hér og Hólma-
nesið hefur gert út á trolli frá Eski-
firði síðan í vetur og er yfirleitt um
tvo sólarhringa að fylla sig. Við erum
með 9% af kvótanum í loðnu og svo
náttúrulega gífurlegan kolmunna og
síld. Þetta er aðalmagnið. Þorskur-
inn er aukaatriði og það er ekki mikið
af trillum núna, þeir eru búnir að
leigja kvótann og farnir í sumarfrí.“
Búkollurnar streyma
upp úr Dettifossi
Undanfarið hefur miklu af vinnu-
vélum verið skipað upp á Eskifirði og
fara þær inn að Kárahnjúkavirkjun.
„Já það er nú líkast til, búkollurnar
streyma upp úr Dettifossi,“ segir
Sigurþór. „Við fengum í vor tvo rúm-
lega 100 tonna krana á höfnina sem
eru hér tiltækir þegar á þarf að halda
við uppskipun af þessari stærðar-
gráðu. Um daginn kom stærsta Pilo-
tervél sem hefur komið til Íslands og
hún var það stór að við hefðum getað
dansað inni í skóflunni á henni. Verst
að við sáum aldrei hjólin, en þau voru
inni í gámum. Við verðum bara að
fara upp í Kárahnjúka og skoða þau.
Það kemur fólk úr öllum fjórðungn-
um að horfa á þegar verið er að landa
þessum ósköpum.“
Sigurþór segir höfnina ágætlega í
stakk búna fyrir umsvif af þessari
stærðargráðu. „Það er ekkert mál,“
segir hann. „Og það er einn einasti
starfsmaður við höfnina á Eskifirði,
nefnilega ég. Ég er hafnarstjóri,
viktarmaður, útimaður og allt saman.
En höfnin er í toppstandi þótt auð-
vitað þurfi alltaf eitthvað viðhald. Nú
á að fara að reka niður 80 metra stál-
þil sunnan við bræðslubryggjuna.
Það verk var boðið út nýlega og í
haust á að vera búið að reka þilið nið-
ur, setja bráðabirgðafestingar og
loka bryggjunni þannig að hægt sé
að liggja við hana.“
Á föstudag kemur Dettifoss til
Eskifjarðar með fleiri vinnuvélar í
Kárahnjúkavirkjun. Og Kristján
Lúðvíksson trillukarl kemur daglega
og landar sínum þorski, fyrir nú utan
allt annað sem að höfninni kemur. Þá
er bara eftir að spyrja Sigurþór út í
margumrædda, alþjóðlega umskip-
unarhöfn. Verður hún ekki á Eski-
firði? „Auðvitað verður hún á Austur-
landi,“ svarar hann að bragði. „Gæti
eins orðið á Eskifirði eða Seyðisfirði,
sem er opinn fjörður og gott að sigla
inn hann. Þetta yrðu gífurleg umsvif
og þyrfti að setja upp alveg nýtt batt-
erí fyrir slíka umskipunarhöfn. Þetta
er í farvatninu og búið að vera lengi.
Er ekki bara málið hver fer að und-
irbúa sig og verður fyrstur?“
Hafnarstjórinn segir
umsetninguna rosalega
Eskifjörður
KRISTJÁN Lúðvíksson trillukarl
var að koma að landi með rúmt
tonn af þorski eftir daginn. „Þetta
hefur nú verið upp undir tonnið
og gæftir ekkert mjög góðar á
handfæri í sumar, sérstaklega
ekki í júní. Maður lifir í voninni
um að þetta glæðist fram í miðjan
ágúst,“ sagði Kristján. „Það hafa
verið ríkjandi austan- og norð-
austanáttir sem var nú talið að
væru fremur hagstæðar, en hefur
ekki verið gott á færi. Ágætis lína
samt. Ég veiði suður við Gerpi
núna, tvær, þrjár mílur úti.“
Kristján segir ekki marga
trillukarla á sjó um þessar mund-
ir, það séu þrír sem rói frá Eski-
firði. Hann rær á tæplega sex
tonna trillu og hefur einn mann
með sér.
Þorskurinn sem Kristján veiðir
fer beint á fiskmarkað Austur-
lands á Eskifirði.
Morgunblaðið/Helgi Garðarsson
Kristján Lúðvíksson segir fremur lítið hafa fiskast undanfarið. Hann kom
með rúmt tonn af þorski í land og fer fiskurinn beint á markað á Eskifirði.
Þorskurinn tregur
Eskifjörður
FRAMKVÆMDIR við nýja hafn-
argarðinn á Vopnafirði ganga vel.
Það er Suðurverk sem er með verk-
ið og nota til þess afar stóra trukka
af Caterpillar-gerð og veitir ekki af
þar sem dýpið er rúmir 8 metrar
þar sem mest er. Verkinu skal lokið
eigi síðar en 31. janúar 2004.
Morgunblaðið/Jón Sigurðarson
Það er 8 metra dýpi þar sem hafnargarðurinn á að koma.
Unnið við nýjan hafnargarð
Vopnafjörður
KAUPFÉLAG Héraðsbúa mun inn-
an skamms hefja framkvæmdir við
nýja byggingavöruverslun á Reyðar-
firði. Verður hún í þúsund fermetra
skemmu sem KHB á við Hafnargötu
og verður endurbyggð að miklu leyti.
Byko opnaði byggingavöruverslun
við Búðareyri á Reyðarfirði í vor og
virðist sem fyrirtæki keppist við að
koma sér fyrir á Reyðarfirði, áður en
framkvæmdir við álver hefjast. Eins
og fram hefur komið í Morgun-
blaðinu, ætlar eigandi Nesbakka í
Neskaupstað að byggja matvöru-
verslun á Reyðarfirði og KHB ætlar
sömuleiðis að stækka og hugsanlega
byggja yfir sína matvörubúð á staðn-
um. Lengi hefur staðið til að byggja
einhvers konar verslunarmiðstöð á
staðnum og munu hugmyndir þar að
lútandi nú vera komnar á siglingu að
nýju.
Byggingavöru-
deild KHB í sam-
keppni við BYKO
Reyðarfjörður
20 tonn verða
að 60 tonnum
HREPPSNEFND Vopnafjarðar-
hrepps hefur samþykkt að úthlutað-
ur byggðakvóti sem sveitarfélagið
hefur fengið frá sjávarútvegsráðu-
neytinu, alls 20 tonn, verði úthlutað
til Brettings NS-50, sem er í eigu
Tanga hf.
Samþykktin byggist á því að
Tangi auki þessar aflaheimildir um
50% og úthluti þeim síðan aftur til
smábáta sem skráðir eru á Vopna-
firði samkvæmt reglunni tonn á móti
tonni. Einnig er það skilyrði sett að
aflanum sé landað hjá Tanga á um-
sömdu verði. Þannig fáist alls 60
tonn fyrir 20 tonn til vinnslu í fisk-
iðjuveri Tanga.
Vopnafjörður
♦ ♦ ♦
MÁR Hólm og Emil
Thorarensen, starfs-
menn við þorskeldi Eskju hf., voru
að taka þrjú tonn af
loðnu um borð sem
gefa átti eldisþorskinum.
Morgunblaðið/Helgi Garðarsson
Már Hólm og Emil Thorarensen, starfsmenn við þorskeldi Eskju hf., voru
að taka 3 tonn af loðnu um borð sem gefa átti eldisþorskinum.
Þorskinum gefið að éta
Eskifjörður