Morgunblaðið - 17.07.2003, Blaðsíða 23

LISTIR
MORGUNBLAÐIÐ FIMMTUDAGUR 17. JÚLÍ 2003 23
vinnupallar
Sala - leiga
Sími 577 2050 · Fax 577 2055 · GSM 824 2050 · www.formaco.is
Útsala Útsala
Sportfatnaður, barnafatnaður, tískufatnaður
Opið frá kl. 13-21 í kvöld
BRÚÐUBÍLLINN hefur verið á
ferðinni í sumar frá því í byrjun júní
en nú fer sýningum fækkandi og eru
aðeins fjórar sýningar eftir.
Í dag, fimmtudag, eru tvær sýning-
ar, sú fyrri kl. 10.00 á gæsluvellinum
við Njálsgötu og sú seinni kl. 14 á
gæsluvellinum í Safamýri.
Mánudaginn 21. júli er sýning kl. 14
í Brekkuhúsum í Grafarvogi og loka-
sýning sumarsins verður svo í Árbæj-
arsafni þriðjudaginn 22. júlí kl. 14.
Að sögn Helgu Steffensen, stjórn-
anda Brúðubílsins, hafa um tíu þús-
und áhorfendur notið sýninganna í
sumar og til marks um það er að allt
upplag leikskrár sem prentuð var í tíu
þúsund eintökum var uppurið í byrj-
un júlí.
Síðustu
sýningar
Brúðubílsins
INGIBJÖRG Guðjónsdóttir sópran,
Einar Jóhannesson klarínettuleikari
og Valgerður Andrésdóttir píanóleik-
ari halda tónleika í Þórshafnarkirkju
í kvöld kl. 20. Tónleikana nefna þau
Konuástir og karnival og eru þeir
opnunartónleikar Kátra daga í Þórs-
höfn sem standa fram yfir helgi.
„Við erum í þriggja tónleika röð á
vegum Félags íslenskra tónlistar-
manna. Þetta eru miðtónleikarnir,
því í vor vorum við á Akranesi og í
september verðum við á Hornafirði,“
segir Einar og bætir við: „Mér finnst
afar ánægjulegt hve mikil gróskan er
orðin í tónlistarflórunni á sumrin.
Sérstaklega finnst mér gaman að
geta lagt Þórshafnarbúum lið með
tónleikum okkar og tekið þátt í hinu
blómstrandi listalífi þar. Auk þess má
segja að okkur Ingibjörgu renni blóð-
ið til skyldunnar, því við eigum bæði
ættir að rekja til Þórshafnar,“ segir
Einar.
Spurður um yfirskrift tónleikanna
segist Einar eiginlega bara hafa
misst þessa skemmtilegu væmnu yf-
irskrift út úr sér, en vissulega vísi
hún til innihalds tónleikanna.
„Fyrsta verkið á efnisskránni er eftir
Franz Lachner og nefnist Fraun-
liebe-und leben en það er mjög gríp-
andi og fallegt. Síðan syngur Ingi-
björg íslenskan lagaflokk og ég er
með klarinettuívaf í lögunum Vor
hinsti dagur er hniginn eftir Jón Ás-
geirsson og Það kom söngfugl að
sunnan eftir Atla Heimi Sveinsson.
Þeir Jón og Atli bættu bara klarínett-
inu inn í lögin að okkar beiðni. Ég
verð síðan með fjögur íslensk þjóðlög
í útsetningu Þorkels Sigurbjörnsson-
ar. Við endum fyrri hluta tónleikanna
á aríu úr óperunni La Clemenza di
Tito eftir Mozart þar sem Ingibjörg
bregður sér í buxnahlutverk, þ.e.
syngur karlmannshlutverk sem lík-
lega var sungið af geldingi í denn.
Eftir hlé tek ég svo af mér slaufuna
og Ingibjörg fer í skræpóttan kjól og
við verðum með léttara efni,“ segir
Einar kíminn og bætir við: „Þá mun-
um við m.a. flytja tilbrigði við Karni-
val í Feneyjum fyrir klarínett og pí-
anó. Svo verðum við með þrjú
þjóðlög, bandarískt, breskt og
skoskt, sem breska tónskáldið John
McCabe hefur fært í búning og um-
samið. Síðan verða Ingibjörg og Val-
gerður með mjög skemmtilega syrpu
eftir Satie, Puccine og Spánverjann
Obradors. Tónleikunum lýkur síðan á
nokkrum lögum eftir Gershwin.“
Að sögn Ingibjargar má rekja
samstarf hópsins til tónleika sem þau
héldu í Sigurjónssafni fyrir tveimur
árum. „Við höfum alltaf haldið sam-
bandi síðan en fórum ekki að starfa
fyrir alvöru saman fyrr en upp úr síð-
ustu áramótum,“ segir Ingibjörg.
Auk tónleikanna nú í sumar mun
hópurinn spila í Salnum í febrúar á
næsta ári. „Þá munum við vonandi
geta frumflutt nýtt verk sem Tryggvi
M. Baldvinsson er að semja fyrir
okkur,“ segir Einar, en að hans mati
eru til býsna mörg verk fyrir þessa
hljóðfæra- og raddsamsetningu svo
þau eru bara rétt að byrja.
Morgunblaðið/Sverrir
Einar Jóhannesson klarínettuleikari, Ingibjörg Guðjónsdóttir sópran og
Valgerður Andrésdóttir píanóleikari.
Konuástir
og karnival