Morgunblaðið - 17.07.2003, Blaðsíða 45

Verður það Stiflerinn sem heldur uppi stuðinu í Kringlubíói annað kvöld?
ÓVISSUSÝNINGAR eru orðnar
reglulegt uppátæki hjá bíóhúsum
landsins. Eru þá jafnan sýndar
myndir sem beðið er með mikilli
eftirvæntingu en gestir algjörlega
í óvissu um hvaða mynd verður
sýnd. Ýmist eru gefnar upp
nokkrar myndir sem valið verður
úr eða þá alls ekkert upp gefið.
Sambíóin standa fyrir óvissu-
sýningu á morgun í Kringlubíói.
Verður þá sýnd ein af eftirfar-
andi þremur myndum; topp-
myndin í Bandaríkjunum um
þessar myndir Sjóræningjar Kar-
íbahafsins, Lara Croft 2: Vagga
lífsins eða Bandaríska bakan 3:
Brúðkaupið. Allar eru þær meðal
helstu sumarmynda ársins og
tvær síðarnefndu hafa ekki einu
sinni verið frumsýndar vest-
anhafs.
Fyrstnefnda, toppmyndin
vestra, er nýjasta stórmyndin úr
smiðju Jerry Bruckheimer. Mynd-
in er ekta sjóræningjamynd með
Johnny Depp og Orlando Bloom í
aðalhlutverkum. Löru Croft og
Bandarísku bökuna þarf vart að
kynna en fyrri myndirnar hafa
þegar notið vinsælda hérlendis.
Óvissa í Sambíóum
Óvissusýningin er í Kringlubíói
og hefst kl. 22.
FÓLK Í FRÉTTUM
MORGUNBLAÐIÐ FIMMTUDAGUR 17. JÚLÍ 2003 45
Bang, bang þú ert dauður
(Bang, Bang You’re Dead)
Drama
Bandaríkin 2002. Myndform VHS. Bönn-
uð innan 16 ára. (87 mín.) Leikstjórn Guy
Ferland. Aðalhlutverk Thomas Cav-
anagh, Ben Foster.
EITT heitasta og um leið eldfi-
masta viðfangsefni í bandarískum
kvikmyndum um þessar mundir teng-
ist skólaofbeldi og þá gjarnan þeim
hörmulegu fjöldamorðum sem ungir
nemendur hafa framið á samnemend-
um sínum og kennurum. Margar leið-
ir hafa verið farnar til að nálgast við-
fangsefnið. Michael
Moore beitir áróð-
urstækninni, gerir
heimildarmynd, þar
sem markmiðið er
að færa sönnur fyr-
ir þeirri kenningu
að Bandaríkjamenn
séu einfaldlega
skotglaðari en ann-
að fólk sökum ofbeldishneigðar
stjórnvalda þar í landi í gegnum ald-
irnar. Gus Van Sant afræður að taka
enga afstöðu í umdeildri nálgun sinni
að sama efni í sigurmyndinni á Cann-
es Elephant. Í þessari litlu en einkar
áhrifaríku sjónvarpsmynd frá Show-
time er tekin skýr afstaða, og það með
unga fólkinu, gegn hinum eldri; skóla-
yfirvöldum, foreldrum og öðrum for-
ráðamönnum. Þeirra er sökin á því –
samkvæmt myndinni – að ástandið í
skólum Bandaríkjanna er orðið eins
skelfilegt og það er. Og aðalvandinn.
Ekki einhverjir ofbeldisdýrkandi
vandræðaunglingar eins og einmitt
forráðamennirnir hafa ákveðið, í fá-
fræði, sinnuleysi og fljótfærni. Nei,
aðalvandinn er djúpstætt og landlægt
einelti sem „vinsælu“ nemendurnir;
þ.á m. íþróttatöffarararnir og klapp-
stýrurnar hafa komist upp með að
stunda gagnvart samnemendum sín-
um, þeim sem minna mega sín. Þar
liggur stóra meinið að mati handrits-
höfundar myndarinnar, William
Mastrosimone, og einnig í leikritinu
sem myndin heitir eftir, en mennta-
skólanemar um gervöll Bandaríkin
hafa sett það upp undanfarið og vakið
sterk viðbrögð.
Tom Arnold, frábærlega leikinn af
bráðefnilegum Ben Foster, söguhetja
myndarinnar, er vandræðaunglingur
– í augum skólayfirvalda og foreldra –
vegna þess að hann á að hafa sent fyr-
irliða fótboltaliðsins í skólanum
sprengjuhótun. Þar með er Arnold
úrskurðaður hættulegur samnem-
endum sínum, án þess að nokkuð hafi
verið sannað á hann. En það er eitt-
hvað mikið að hjá honum, því eitthvað
varð þess valdandi að hann gjör-
breyttist, fylltist vonleysi og heift í
garð samnemenda sinna. Er hann
næsti fjöldamorðingi, eða bara dæmi
um dreng sem dæmdur er fyrir það
eitt að vera öðruvísi, í andófi við
ríkjandi strauma? Enginn veit, því
enginn hefur gefið sér tíma til að
hlusta á hann, ekki frekar en annað
ungt fólk sem er í vanda statt – rétt
eins og Marilyn Manson benti á í
Bowling for Columbine og hitti al-
gjörlega naglann á höfuðið.
Gallinn við þessa annars áhrifaríku
mynd er að hún er fullmikið skólabók-
ardæmi, eins og hún hafi verið samin
með námskrá í huga. En um leið verð-
ur það kannski stóri kostur hennar
því hún er hreint tilvalið námsefni og
skora ég á kennara – í efsta stigi
grunnskóla og menntaskóla því
myndin er bönnuð innan 16 ára fyrir
einhverra hluta sakir – að sýna nem-
endum myndina. Burtséð frá gæðun-
um veltir myndin nefnilega upp mjög
svo forvitnilegum spurningum.
Spurningum sem hreinlega nauðsyn-
legt er að nemendur hvarvetna í
heiminum velti vöngum yfir, ræði
saman um og finni svör við.
Skarphéðinn Guðmundsson
Myndbönd
Skólabókar-
dæmi um
skólaofbeldi
AKUREYRI • REYKJAVÍK • KEFLAVÍK