Morgunblaðið - 17.07.2003, Blaðsíða 11

FRÉTTIR
MORGUNBLAÐIÐ FIMMTUDAGUR 17. JÚLÍ 2003 11
STEINN á fjalli heitir útgefandi nýs
útivistarkorts yfir Esjuna. Þar er að
finna leiðarlýsingar á 40 gönguleið-
um á og um Esju þar sem til-
greindur er göngutími, hækkun,
vegalengd og hversu erfið hver leið
er.
Sigursteinn Baldursson stendur á
bak við útgáfuna og segist hann
hafa ráðist í hana þar sem hann
fékk ekki aðra vinnu og sá að kortið
gat bætt úr þörf á upplýsingum fyr-
ir þá sem vildu leggja í sívinsælar
Esjugöngur. Og til að kynna kortið
sérstaklega lét hann útbúa nokkur
kort í plast og fljóta þau nú í heitu
pottum sundlauga höfuðborg-
arsvæðisins þar sem menn geta
kynnt sér efnið.
Sigursteinn áætlar að um 15 þús-
und manns gangi árlega á Esju,
einkum á Þverfellshorn. Hann segir
gönguleiðirnar hins vegar margfalt
fleiri enda fjallið 18 km langt og um
11 km milli norðurs og suðurs. Þá
segir hann Esjuna ekki aðeins gott
gönguland heldur megi finna þar
um 100 klifurleiðir. „Það er von mín
að Esja verði gerð að fólkvangi en
Esjan er án efa eitt fjölbreytilegasta
og vinsælasta útivistarsvæði lands-
ins. Öræfastemmning er nánast við
hvert fótmál þrátt fyrir að höf-
uðborgin sé innan seilingar,“ segir
hann m.a. í kynningu á kortinu.
Auk leiðarlýsinga og viðvarana
við varasömum stöðum á fjallinu er
birtur listi yfir útbúnað göngu-
manna og nokkrar ábendingar til
göngumanna áður en lagt er af
stað. Kortið segir Sigursteinn vera í
minningu vina sinna, Guðmundar
Jökuls Jenssonar og Þorsteins Ív-
arssonar sem fórust af slysförum á
fjöllum.
Esjukortið nýja fæst í bóka-
verslunum, sportbúðum og á bens-
ínstöðvum.
Nýtt kort af Esju með 40 gönguleiðum
Morgunblaðið/Arnaldur
Kortin voru m.a. sett í plast og fljóta þau í heitu pottunum við sundlaugar höfuðborgarsvæðisins til kynningar.
TILLAGA að deiliskipulagi fyrir
vinnubúðasvæðið við Kárahnjúka
hefur verið auglýst. Tillagan er unn-
in að beiðni Landsvirkjunar fyrir
sveitarfélagið Norður-Hérað.
Nær deiliskipulagið yfir um tvö-
hundruð hektara svæði á flatlendi
sunnan Lambafellstagls. Allar bygg-
ingar á svæðinu gegna tímabundu
hlutverki og verða fjarlægðar að
framkvæmdum loknum. Allt jarð-
rask skal jafna og skila yfirborði
jarðvegs í sömu hæð og var áður en
framkvæmdir hófust.
Svæðið er í um 650 metra hæð yfir
sjó, á grjótbornum hálsi milli fyrir-
hugaðra Kárahnjúka– og Sauðár-
dalsstíflna. Svæðið er í um 110 kíló-
metra fjarlægð frá Egilsstöðum.
Mest byggt fyrir Impregilo
Viðamesta vinnubúðasvæðið verð-
ur á vegum ítalska verktakans
Impregilo. Þar er gert ráð fyrir um
700 íbúa byggð. Íbúðarhús verða af
ýmsum gerðum; svefnskálar, einbýli,
tvíbýli eða fjórbýli. Ýmiss konar
þjónusta verður á svæðinu, svo sem
mötuneyti, þvottahús, félagsmið-
stöð, íþróttamiðstöð, verslun, skóli
og heilsugæsla.
Af öðrum byggingum á svæðinu
má nefna vinnubúðir annarra verk-
taka, skrifstofur og athafnasvæði.
Ekki er til staðfest aðalskipulag af
svæðinu, en sérstakt svæðisskipulag
var staðfest af umhverfisráðherra í
ágúst í fyrra.
Deiliskipulag við
Kárahnjúka
ÍSLENSKU menntasamtökin
munu afhenda verðlaun fyrir fram-
úrskarandi árangur á sviði mennta-
mála þann 8. ágúst næstkomandi en
verðlaunin verða afhent samhliða
ráðstefnu sem samtökin standa fyr-
ir 7.–12. ágúst, að því er fram kem-
ur í fréttatilkynningu frá samtök-
unum.
Verðlaunin verða veitt í þremur
flokkum; til einstaklinga á sviði
menntunar og menntastofnana, for-
eldra eða stofnana sem vinna með
foreldrum í þágu menntamála og
annarra einstaklinga eða stofnana
sem styðja málstað menntunar.
Einstaklingar sem hljóta verðlaun
verða heiðraðir með viðurkenninga-
skírteini, listaverki og peningaverð-
launum að verðmæti 100 þúsund en
stofnanir fá viðurkenningarskírteini
og listaverk.
Verðlaunaafhendingin fer fram
við kvöldverð sem Verslunarráð Ís-
lands hefur skipulagt fyrir aðila úr
viðskiptalífinu en heiðursgestur þar
verður dr. Howard Gardner. Gardn-
er er upphafsmaður kenninga um
fjölgreindir og verður hann aðalfyr-
irlesari á ráðstefnu samtakanna.
Menntasamtökin
veita verðlaun