Morgunblaðið - 17.07.2003, Blaðsíða 36
36 FIMMTUDAGUR 17. JÚLÍ 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
UNDIRRITAÐUR sér sig knúinn til
að svara níðgrein Jóns Magnúsar Ív-
arssonar „Eftirþankar Íslandsglímu“
sem hann skrifaði í Morgunblaðið
sunnudaginn 22. júní sl. þar sem hann
fjallar um Íslandsglímuna af sinni
kunnáttu. Þar kemur fram hvert at-
riðið á fætur öðru sem rangt er með
farið og eru allar hans staðreyndir
jafntrúlegar og áreiðanlegar og þau
atriði er ég ætla mér hér að rekja. Í
fyrsta lagi er dagsetning Íslands-
glímu röng, hún fór fram laugardag-
inn 26. apríl ekki laugardaginn 23.
apríl. Í öðru lagi er Jón Smári Ey-
þórsson en ekki Lárusson. Í þriðja
lagi segir Jón að Arngeir og Pétur
hafi verið léttustu menn mótsins, en
hið rétta er að Orri Ingólfsson var
langléttastur allra keppenda.
Íslandsglímuna dæmdu þrír af
okkar bestu dómurum og gerðu það
mjög vel. Það var aðeins einu sinni
um byltudóm að ræða, sem mætti
rökræða, og það geta menn einungis
eftir að hafa skoðað atvikið hægt á
myndbandi. Þannig að mótið var
mjög vel dæmt og þeim Herði Gunn-
arssyni yfirdómara, sem jafnframt
var kjörinn besti glímudómari keppn-
istímabilsins, Sigurjóni Leifssyni og
Arngrími Geirssyni til mikils sóma.
Mótið var einnig vel dæmt árið áður
en það verður ekki sagt um dómgæsl-
una árið 2001 sem var þáverandi yf-
irdómara til mikillar skammar og er
eina Íslandsglíma sem ég man eftir að
yfirdómari hafi orðið sér og íþróttinni
til skammar. Íslandsglíman 2003 var
mjög góð og glímumönnum til sóma.
Því er leitt til þess að vita að maður
sem telur sig sagnfræðing, en er að-
eins góður sögumaður eins og ágætir
glímumenn segja, sé að tjá sig um
hluti sem eru til þess eins fallnir að
setja svartan blett á okkar ágætu
þjóðaríþrótt. Ólafur Oddur Sigurðs-
son stóð sig mjög vel í harðri og
skemmtilegri keppni og var vel að
glímukóngstitlinum kominn og á ekki
þá gagnrýni skilið er Jón M. skrifar
og getum við í HSK verið mjög stolt
af honum sem Glímukóngi Íslands
2003. Maður spyr sig, hvaða tilgangur
er með slíkum skrifum að kasta rýrð á
þá ágætu glímumenn okkar, sem hafa
lagt mikið á sig til að viðhalda íþrótt-
inni. Jón hefur á undanförnum árum
skrifað níðgreinar um ágæta glímu-
menn sem ekki hefur verið svarað en
fyrir nokkrum árum svöruðu glímu-
menn í KR nokkrum greinum Jóns.
Þar á meðal var einn af okkar allra
bestu glímumönnum fyrr og síðar,
fimmfaldur Glímukóngur Íslands
Ólafur Haukur Ólafsson. Hann lýsti
meðal annars glímulagi Jóns M. Ív-
arssonar og var það ekki fögur lýsing
en því miður sönn. Þess vegna er ég
mjög ósáttur, þegar Jón, af öllum
mönnum, er að rakka glímumenn nið-
ur að ósekju.
Þá eru tillögur Jóns um breytingar
á glímulögunum sem komu fram í
grein hans alveg út í hött og til þess
eins fallnar að ákveðnir glímumenn
vinni ekki. Þessar tillögur þjóna eng-
um tilgangi nema þeim að maður
megi hanga í viðfangsmanni sínum.
Að lokum þetta, minn gamli vinur
Jón Magnús Ívarsson: eftir að ég
frétti af grein þinni óbirtri bað ég þig í
vinsemd að rífa grein þína eða alls
ekki ræða hana né birta nema meðal
glímumanna, að öðrum kosti myndi
ég ekki sitja undir fleiri níðgreinum
af þinni hálfu. Það eru aðeins ein stór
mistök sem ég hef gert í glímunni, en
það var þegar ég varð þess valdandi
að þú varst endurkjörinn formaður
GLÍ og ég barðist fyrir því að tryggja
endurkjör þitt þegar menn vildu
losna við þig. Því skal ég einnig lofa
þér að ég mun ekki standa í meiri
blaðaskrifum við þig hverju sem þú
kannt að svara mér.
Þinn gamli vinur,
KJARTAN LÁRUSSON,
varaformaður
Glímudómarafélags Íslands.
Íslandsglíman 2003
Frá Kjartani Lárussyni:
ÞAÐ voru flestir ef ekki allir sem
voru í framboði í kosningunum á
þessu ári sem vildu fá að minnsta
kosti ein jarðgöng í sitt kjördæmi
sama í hvaða flokki þeir voru nema í
Reykjavík, þar minntist enginn á
vegagerð frekar en snöru í hengds
manns húsi, eins og það kæmi engum
við þótt höfuðborg landsins væri sam-
bandslaus við landsbyggðina. Vegur-
inn út úr borginni var lagfærður úr
gömlum hestatroðningum á fyrri
hluta síðustu aldar þegar bílar komu
til sögunnar og útaf fyrir sig er það
ekki slæmur vegur svo langt sem
hann nær en hann er engan veginn
fær um að þjóna því hlutverki miðað
við alla þá umferð sem þar er. Hann
er tvær akreinar sem er alltof lítið.
Þar eru stórhættulegir framúrakstr-
ar og ekki hefur veginum á beygjunni
við Skálatún verið breytt ennþá þótt
þar hafi orðið stórslys þegar bílar úr
gagnstæðum áttum hafa rekist sam-
an og báðir verið á miðjum vegi og
tvöföldun vegarins með aðskildum
akreinum aldrei komist lengra en á
síður Mogga eftir að slys hafa orðið.
En þessi vegur er rétt fyrir þá í Mos-
fellsbyggð og þá sem aka Þingvalla-
rúntinn á sunnudögum. Það eru fleiri
en Reykvíkingar sem aka þennan
veg, t.d. Seltirningar, Kópavogsbúar,
Garðbæingar Álftnesingar, Hafnfirð-
ingar og allt fólkið af Suðurnesjum
þegar það fer vestur og norður þann-
ig að meirihluti landsmanna fer um
þennan veg og allir sem sækja
Reykjavík heim akandi af vestur- og
norðurhluta landsins. Einu sinni datt
einhverjum snillingi í hug að gera brú
af Gelgjutanga yfir Elliðaárnar og
hafa veginn í fjörunni en sem betur
fer leist engum á þessa hugmynd
nema honum. Rætt hefur verið um
brú yfir sundin sem ekki er þó talin
góður kostur nema að hún er ódýrari
kostur en jarðgöng og enn hafa þeir
ekki komist að því hvar hún á að vera,
frekar en hvar eigi að grafa verði farið
í göng. Það á að grafa göng, ekki ein-
breið heldur minnst tvær akreinar í
hvora átt og eins að tvöfalda veginn á
Kjalarnesi og í Hvalfjarðargöngum,
þá dugar það kannski fram á miðja
öldina miðað við sömu þróun í umferð
og var seinni hluta síðustu aldar. Ég
skora á alþingismenn að taka þetta
mál fyrir strax þegar þing kemur
saman því það er þjóðarskömm
hvernig staðið hefur verið að umferð-
armálum höfuðborgar Íslands. Mál er
að linni. Nógu slæmt er að allt gatna-
kerfi Reykjavíkur sé í skötulíki.
GUÐMUNDUR BERGSSON,
Sogavegi 178, Rvk.
Jarðgangaár
Frá Guðmundi Bergssyni: