Morgunblaðið - 07.08.2003, Síða 41

ÍÞRÓTTIR
MORGUNBLAÐIÐ FIMMTUDAGUR 7. ÁGÚST 2003 41
FABIO Capello, hinn kunni knatt-
spyrnuþjálfari hjá ítalska liðinu
Roma, sem er með lið sitt í æf-
inga- og keppnisferð í Mexíkó,
gagnrýnir aðferð þá sem Alþjóða-
knattspyrnusambandið, FIFA,
notar til að raða landsliðum niður
á styrkleikalistann.
Capello segir að listinn sé alls
ekki trúverðugur og segi ekki
rétt um styrkleika liða á honum.
Hann tók til dæmis stöðu lands-
liðs Mexíkós á listanum, en liðið
er í fimmta sæti á eftir Brasilíu,
Frakklandi, Spáni og Hollandi.
„Ég hef ekki trú á því að lands-
lið Mexíkó sé sterkara og leiki
betri knattspyrnu en landslið
Englands, Ítalíu, Tyrklands,
Þýskalands og Argentínu. Ítalska
landsliðið er sterkt, en það er í
fjórtánda sæti á listanum,“ sagði
Capello.
Það er hægt að bæta við nokkr-
um landsliðum sem Capello
nefndi ekki en eru fyrir aftan
Mexíkó, eins og landsliðum Tékk-
lands og Kamerún.
Ísland í sama sæti
Íslenska landsliðið er í 59. sæti
á lista FIFA, sem var gefinn út
upp úr miðjum júlí, eða í sama
sæti og það var í í júní.
Capello gagn-
rýnir FIFA-listann
Riðlarnir eru sex í undankeppniHM í Túnis og eru þannig skip-
aðir – leikið er á tímabilinu 7. til 25.
janúar 2004:
1. riðill: Litháen, Grikkland, Eist-
land, Búlgaría.
2. riðill: Tyrkland, Lettland, Kýp-
ur.
3. riðill: Bosnía, Slóvakía, Holland.
4. riðill: Noregur, Rúmenía og
Færeyjar.
5. riðill: Austurríki, Hvíta-Rúss-
land og Ítalía.
6. riðill: Finnland, Makedónía og
Belgía.
Sigurvegararnir í riðlunum kom-
ast í úrslitakeppni, sem átján þjóðir
taka þátt í.
Þrjár efstu þjóðirnar
á EM beint á HM
Það verður ekki ljóst fyrr en eftir
Evrópukeppni landsliða í Slóveníu,
sem fer fram í janúar og mars 2004,
hvaða tólf þjóðir taka þátt í úrslita-
keppninni um níu HM-farseðla, en
Evrópa hefur 13 sæti í HM.
Þrjár þjóðir sem taka þátt í EM
geta tryggt sér HM-farseðil, þar sem
þrjú efstu sætin í EM í Slóveníu gefa
sæti á HM í Túnis – fjögur ef Króatía
er í einu af þremur efstu sætunum.
Löndin sem taka þátt í EM eru Ís-
land, Svíþjóð, Þýskaland, Danmörk,
Rússland, Tékkland, Úkraína, Pól-
land, Serbía-Svartfjallaland, Spánn,
Ungverjaland, Frakkland, Sviss,
Portúgal, Slóvenía og heimsmeistar-
arnir frá Króatíu.
12 þjóðir frá EM og sex úr und-
ankeppninni keppa um níu sætin
sem eru laus fyrir Evrópu, sem verð-
ur með þrettán lið á HM í Túnis.
Leikið verður heima og heiman 29./
30. maí og 5./6. júní 2004.
Fyrst verða landsliðin átján í úr-
slitakeppninni sett í tvo styrkleika-
flokka, eftir árangri á EM. Liðin níu,
sem verða í styrkleikaflokki A, leika
fyrst á útivelli.
Dregið í riðla
fyrir HM 2005
DREGIÐ hefur verið í riðla í Evrópu fyrir undankeppni heimsmeist-
aramótsins í handknattleik karla 2005, sem verður í Túnis. Ísland
sleppur við riðlakeppnina og fer beint í úrslitaleiki um HM-sætin,
en alls taka þrettán Evrópulönd þátt í HM og hafa heimsmeistarar
Króatíu þegar tryggt sér rétt til að taka þátt í keppninni í Túnis.
ÞÓRÐUR Guðjónsson skoraði
bæði mörk Bochum þegar liðið
sigraði Dortmund, 2:0, í æfinga-
leik þýsku 1. deildarliðanna í
knattspyrnu í fyrrakvöld. Þetta
var sannkallaður bræðraleikur
því Þórður og Bjarni Guðjóns-
synir léku með Bochum og í liði
Dortmund var Jóhannes Karl
Guðjónsson, sem æfir með liðinu
og bíður niðurstöðu viðræðna
Dortmund og Real Betis um kaup
eða leigu þýska liðsins á honum.
Leikurinn var stuttur, tvisvar
35 mínútur. Þórður spilaði allan
tímann og skoraði mörkin með
tveggja mínútna millibili undir
lok fyrri hálfleiks. Síðara markið
skoraði hann eftir að markvörður
Dortmund varði frá Bjarna, bróð-
ur hans. Bjarni lék fyrri hálfleik-
inn með Bochum en Jóhannes
Karl spilaði allan tímann með
Dortmund.
Þórður skoraði tvö í bræðraleik
Íslensku piltarnir leika við Ung-verja annað kvöld, Slóvaka á laug-
ardag, Þjóðverja á mánudag, Rússa
á þriðjudag og Slóvena á fimmtudag.
Undanúrslit og úrslit mótsins fara
síðan fram dagana 16.–17. ágúst.
Tólf lið taka þátt í úrslitakeppn-
inni en í hinum riðlinum eru Portú-
gal, Króatía, Svíþjóð, Frakkland,
Serbía-Svartfjallaland og Danmörk.
Íslenska liðið bar sigurorð af Dönum
og Litháum í undanriðli sem leikinn
var í Litháen í júní.
„Þetta verður mjög erfitt og við
vitum ekki mikið um andstæðinga
okkar. Það er þó ljóst að Þjóðverj-
arnir eru afar sterkir því þeir hafa
tvívegis unnið þennan aldursflokk á
Hela Cup í Þýskalandi. Ungverjana
unnum við fyrir tveimur árum í leik
um bronsverðlaunin á því móti en
um hina mótherjana vitum við ekk-
ert nema úrslit leikja. Rússarnir töp-
uðu fyrir Portúgal í undankeppninni
en Slóvenarnir unnu sterkan riðil
mjög sannfærandi. Slóvakar eru síð-
an með sem gestgjafar,“ sagði Heim-
ir.
Strákarnir hafa æft mjög vel fyrir
ferðina. „Undirbúningurinn hefur
verið góður, þetta eru metnaðarfullir
strákar sem eru tilbúnir að leggja
mikið á sig til að ná árangri. Við æfð-
um af krafti í Reykjavík um versl-
unarmannahelgina og á Akureyri
helgina þar á undan, og höfum spilað
æfingaleiki við KA, Val og Fram.
Það er talsverð reynsla í hópnum,
Ásgeir, Andri, Árni Þór, Arnór,
Björgvin, Ívar og Pálmar hafa allir
spilað talsvert í 1. deildinni og sumir
orðnir lykilmenn í sínum liðum,“
sagði Heimir.
Hann valdi 16 leikmenn til ferð-
arinnar og þeir eru eftirtaldir:
Markverðir: Björgvin Gústavsson,
HK, Pálmar Pétursson, Val, Þórður
Þórðarson, Haukum.
Aðrir leikmenn: Árni Björn Þór-
arinsson, KA, Árni Þór Sigtryggs-
son, Þór, Ásgeir Örn Hallgrímsson,
Haukum, Arnór Atlason, KA, Ingvar
Árnason, Val, Andri Stefan, Hauk-
um, Jóhann Gunnar Einarsson,
Fram, Ragnar Hjaltested, Víkingi,
Einar Ingi Hrafnsson, Aftureldingu,
Hrafn Ingvarsson, Aftureldingu,
Kári Kristján Kristjánsson, ÍBV,
Sigfús Páll Sigfússon, Fram, og Ívar
Grétarsson, Selfossi.
Tveir leikmenn sem léku með í
undankeppninni meiddust og kom-
ust ekki með, þeir Pálmar Sigurjóns-
son og Davíð Guðnason, báðir úr
Víkingi.
Morgunblaðið/Kristinn
Ásgeir Örn Hallgrímsson er leikreyndasti leikmaður íslenska liðsins í Slóvakíu.
Piltalandsliðið
á leið til Kosice
PILTALANDSLIÐ Íslands í handknattleik fer í dag til Kosice í Slóvak-
íu þar sem það tekur þátt í úrslitakeppni Evrópumeistaramóts 18
ára og yngri. Íslenska liðið er þar í sterkum riðli en Heimir Ríkharðs-
son, þjálfari, sagði við Morgunblaðið í gær að markmiðið væri að ná
öðru af tveimur efstu sætum riðilsins og komast þar með í undan-
úrslit mótsins. „Takist okkur að ná þessu markmiði yrði það stór-
kostlegur árangur,“ sagði Heimir.
Gullmót Hansínu Jens
Opið kvennamót verður
haldið sunnudaginn
10. ágúst að Kiðjabergi.
Mótið verður punktamót hæst gefið 28.
Glæsileg verðlaun fyrir 1. til 5. sæti frá
Gullsmiðju Hansínu Jens.
• Einnig verða veitt verðlaun fyrir besta skor.
• Nándarverðlaun á 3. (12) braut og 7. (16) braut.
• Lengsta teighögg (á braut) á 2. og 11. braut.
Einnig verður dregið úr skorkortum í mótslok allra
viðstaddra keppenda. - Keppnisgjald 2.500 kr.
Skráning í skála s. 486 4495.
STAFFAN Johansson, landsliðs-
þjálfari í golfi, valdi fyrir helgina þá
kylfinga sem taka þátt í Evrópu-
keppni einstaklinga síðar í mánuðin-
um. Það má segja að þjálfarinn velji
fremur ung lið að þessu sinni. Fjórir
karlar fara til Nairn í Skotalandi og
keppa þar 20.–23. ágúst og tvær
stúlkur fara til Shannon á Írlandi en
þar verður keppt 27.–30. ágúst. Tveir
ungir kylfingar úr GR fara, þeir Birg-
ir Már Vigfússon og Guðmundur
Ingvi Einarsson auk Heiðars Davíðs
Bragasonar úr GKj og Sigurpáls
Geirs Sveinssonar úr GA.
Stúlkurnar sem valdar voru til far-
arinnar eru Helena Árnadóttir úr GA
og Nína Björk Geirsdóttir úr GKj.
Staffan velur unga
kylfinga í landsliðið