Morgunblaðið - 24.08.2003, Side 1

Frábær tilbo› fyrir allt skólafólk
Hoppukastalaland
Skiptibókamarka›ur
SÍ‹ASTI DAGURINN
Góður
árgangur
Talið að vín ársins í Evrópu
verði frábær B4
Ferill
Bjarkar
Safnkassi með upptökum
frá tíu ára ferli 14
Rannsakar
forn rit
Eike Schnall sat við skriftir á
Árnastofnun í heilt ár 12
STÆRSTU hluthafar í sjávarút-
vegsfyrirtækjunum SH og SÍF,
Landsbankinn og Íslandsbanki,
vilja að félögin verði sameinuð.
Telja hluthafarnir að sú sameining
hefði í för með sér samlegðaráhrif
sem myndu bæta rekstrarniður-
stöðu fyrirtækjanna um sem nemur
700–1.000 milljónum króna á ári.
Halldór J. Kristjánsson, banka-
stjóri Landsbanka, segist telja að
meirihluti hluthafa í báðum félögum
vilji að sameining félaganna verði
að raunveruleika. Hann segir að
gert sé ráð fyrir að sameining félag-
anna geti farið fram á jafnréttis-
grundvelli en nægur meirihluti hlut-
hafa í hvoru félagi um sig standi á
bak við ákvörðunina. „Takist sú
samstaða ekki verða hins vegar aðr-
ar leiðir farnar til að tryggja þetta
markmið,“ segir Halldór. Hann seg-
ir að arðsemi félaganna tveggja hafi
ekki verið nægjanleg og nauðsyn-
legt sé að leita ráða til að bæta
hana.
Hann segir að upphaflegt mark-
mið Landsbankans með fjárfestingu
í SH hafi verið að stuðla að þessari
sameiningu. Um áramót hófust
sameiningarviðræður á milli félag-
anna tveggja en í byrjun mars bár-
ust fregnir um að sú sameining
væri úr sögunni þar sem félögin
gátu ekki komist að niðurstöðu um
innbyrðisvægi hvors félags um sig í
nýju sameinuðu félagi.
Fyrirtækið verði hér og
undir stjórn Íslendinga
Halldór segir að með sameiningu
félaganna tveggja sé stefnt að því
að gera SH og SÍF að alþjóðlegu
matvælafyrirtæki með áherslu á
sjávarfang. Hann segir að áhersla
verði lögð á að félagið stækki; hugs-
anlega með enn frekari samruna við
önnur félög. Hann segir að þrátt
fyrir fyrirætlaða útrás telji hann
nauðsynlegt að félagið verði með
höfuðstöðvar á Íslandi og stjórn
þess í höndum Íslendinga. „Við höf-
um alltaf gengið út frá því, enda eru
hagsmunir innlendra framleiðenda
það ríkir og sérþekking það mikil
hér á landi, að þýðingarmikið er að
fyrirtækið lúti í aðalatriðum ís-
lenskri stjórn,“ segir Halldór.
Bjarni Ármannsson, forstjóri Ís-
landsbanka, segist telja að samein-
ing SH og SÍF sé leið til að ná fram
hagræðingu og þar með aukinni
arðsemi. Hann bendir auk þess á
aukna möguleika stærra sameinaðs
félags til þess að ástunda markaðs-
starf á alþjóðlegum mörkuðum.
Íslandsbanki og Landsbanki vilja sameina SH og SÍF
Samlegðaráhrif 700–
1.000 milljónir á ári

Stjórn fyrirtækisins/4
Halldór J.
Kristjánsson
Bjarni
Ármannsson
ÚTLIT er fyrir mjög mikla upp-
skeru á korni, kartöflum og úti-
ræktuðu grænmeti á Suðurlandi og
víðar. Byrjað er að þreskja korn,
þremur vikum fyrr en venjulega,
og grænmetið er sömuleiðis tíu
dögum til tveimur vikum á undan
því sem gerist í meðalári. Þá hefur
grasspretta verið með eindæmum í
sumar og í Hreppunum byrjuðu
bændur á þriðja slætti í vikunni.
Sumarið hefur verið hlýtt á Suð-
urlandi og það kemur fram í því að
gras og allur annar jarðargróður
sprettur óvenjuvel. Kristján Bj.
Jónsson ráðunautur segir að korn
hafi sprottið vel og kartöflur og
einnig hafi hann heyrt að gott útlit
væri fyrir uppskeru á grænmeti
sem ræktað er úti. Kornþresking
hófst á Þorvaldseyri undir Eyja-
fjöllum á fimmtudag. Byggið á
fyrstu ökrunum er fullsprottið og
útlit fyrir mjög góða uppskeru, að
sögn Ólafs Eggertssonar bónda.
Býst hann við að þresking á byggi
hefjist almennt eftir viku og verði
víða um land þremur vikum á und-
an því sem venjulegast er. Ólafur
var að slá tveggja raða bygg í 22
stiga hita á föstudaginn. Georg Ott-
ósson, garðyrkjubóndi á Jörfa á
Flúðum, segir að sumarið sé með
betri ræktunarsumrum og útlit fyr-
ir góða uppskeru á öllum tegundum
útiræktaðs grænmetis.
Einstök spretta á öllum jarðargróðri á Suðurlandi í sumar
Morgunblaðið/Sigurður Sigmundsson
Jón Viðar Finnsson, bóndi á Dalbæ í Hrunamannahreppi, slær í þriðja sinn á þessu sumri.
Útlit fyrir metuppskeru
NEMENDUR í norskum
framhaldsskólum munu bráð-
um geta lesið heilaga ritningu
um leið og þeir fylgjast með
nýjustu tísku og öðrum dægur-
flugum neysluhyggjunnar. Það
er að segja fái útgefandinn þá
ósk sína uppfyllta að birta aug-
lýsingar í nýrri Biblíuútgáfu.
„Við ætlum að dreifa Bibl-
íunni ókeypis í framhaldsskól-
um ef við fáum leyfi til að
prenta hana með auglýsing-
um,“ sagði Dennis Bakke, tals-
maður GratisBibel-útgáfunnar.
Sagði hann fyrirhugað að vera
með auglýsingar á 40 síðum,
það væri alls ekki svo mikið í
jafnstóru riti.
„Ég sé bara ekkert athuga-
vert við að blanda saman trú og
viðskiptum,“ sagði Bakke.
Nokkrir skólar hafa sýnt mál-
inu áhuga. Biblíur með auglýs-
ingum tíðkast í Vesturheimi en
GratisBibel, sem er útibú frá
bandaríska fyrirtækinu Ad-
Bible, vill ríða á vaðið í Evrópu.
Auglýst í
Biblíunni
Ósló. AFP.
ÞRÍR breskir hermenn féllu og einn
særðist hættulega eftir átök við hóp
manna í miðborg Basra í Írak í gær-
morgun. Hermennirnir voru á ferð í
bíl sínum þegar óþekktir menn í
hvítum Toyota-pallbíl hófu skothríð
á þá. Fjórir nærstaddir Írakar særð-
ust en ekki er vitað um mannfall
meðal árásarmannanna.
Lögreglan í Bagdad handtók
snemma í gærmorgun tíu manns í
Al-Amiriyah-hverfi, þar á meðal tvo
fyrrverandi liðsmenn leyniþjónustu
Íraks og fyrrverandi félaga í Fed-
ayeen-sérsveitum Saddams. Hún
lagði auk þess hald á tugi riffla, þrjár
handsprengjubyssur, ýmis önnur
vopn og skotfæri, falsaðar númera-
plötur og TNT-sprengiefni auk
tveggja bíla. Um 150 lögreglumenn
tóku þátt í aðgerðunum og sagði yf-
irmaður þeirra, Ahmed Ibrahim, að
þær hefðu verið algerlega á hendi
Íraka sem ekki hefðu þurft aðstoð
bandarískra hermanna.
Breska sendiráðinu ógnað
Breska sendiráðið í Bagdad var
rýmt daginn eftir mannskæða árás á
skrifstofu Sameinuðu þjóðanna í
borginni í liðinni viku, viðvörun mun
hafa borist um að árás á bygginguna
væri fyrirhuguð. Aðalfulltrúi SÞ í
Írak, Sergio Vieira de Mello, lét lífið
í árásinni á skrifstofuna og var lík
hans flutt á föstudag til ættjarðar
hans, Brasilíu.
Næstráðandi og landi Vieira de
Mellos, Ramiro Lopes da Silva, hef-
ur til bráðabirgða tekið við starfinu.
Nokkrir starfsmenn SÞ hófu á ný
störf í Bagdad í gær. Notast þeir
fyrst um sinn við tjöld á lóð Canal-
hótelsins þar sem skrifstofan var.
Þrír Bretar
felldir í Basra
Skrifstofa SÞ hefur aftur störf í Írak
Basra, Bagdad. AFP, AP.
STOFNAÐ 1913 227. TBL. 91. ÁRG. SUNNUDAGUR 24. ÁGÚST 2003 PRENTSMIÐJA ÁRVAKURS HF. mbl.is