Morgunblaðið - 28.08.2003, Blaðsíða 15
ERLENT
MORGUNBLAÐIÐ FIMMTUDAGUR 28. ÁGÚST 2003 15
ÓDÝRT
HÖFÐABAKKI 9 112 REYKJAVÍK
SÍMI: 544 5330 FAX: 544 5335
en gott
Við bjóðum
14
34
/
TA
K
T
ÍK
n
r.
4
0
C
Stærð:
D: 50 cm
B: 30/40 cm
H: 180 cm
Stál-
skápar
fyrir
vinnustaði
kr. 7.719,-
Verð frá
Stálskápar
(Fyrsti skápur
kr. 8.840,-)
STJARNFRÆÐINGAR, stjörnuspekingar og margt
áhugafólk um himinhnettina beindu í gær sjónum sín-
um að Mars en þá var reikistjarnan rauða nær jörðu en
hún hefur verið frá því Neanderthalsmenn voru uppi
fyrir um 60.000 árum. Stjörnuspekingar spáðu margir
stríðum og öðrum ófögnuði en Mars heitir eftir róm-
verska stríðsguðinum. Þessi bólivíski indíáni með lama-
dýrið sitt fékk tækifæri til að skoða Mars í stjörnusjón-
auka við Titicaca-vatn en þar uppi í fjöllunum eru
skilyrðin mjög góð vegna þess hve loftið er þunnt.
Reuters
Indíáni í návígi við Mars
SÆNSKI farsímarisinn Ericsson
hefur hótað því að flytja bæði fram-
leiðslu sína og höfuðstöðvar úr landi
ef Svíar hafna evrunni í þjóðarat-
kvæðagreiðslu sem fram fer 14.
september. Byrjað var að taka við
utankjörfundaratkvæðum á hinum
1.500 pósthúsum Svíþjóðar í gær.
Forstjóri Ericsson, Carl-Henric
Svanberg, segir í viðtali við Dagens
Nyheter að starfsemi fyrirtækisins
verði dregin saman ef andstæðingar
evrunnar sigra í baráttunni en skoð-
anakannanir hafa ítrekað sýnt að
meirihluti Svía vill ekki skipta á
krónunni og evrunni.
„Ég er viss um að við getum byggt
Ericsson upp og gert það að sterku
fyrirtæki ef við höfum höfuðstöðvar
þess hér. En þá býst ég líka við að
niðurstaðan verði „já“ [við evrunni],“
sagði Svanberg.
Hann segir að keppinautar Erics-
son í álfunni standi betur að vígi þar
sem þeir þurfi ekki að glíma við
áhættuna sem fylgir gjaldeyrisvið-
skiptum og bendir á að þeir, t.d. hið
þýska Siemens, franska Alcatel og
finnska Nokia, séu öll á evrusvæð-
inu. „Þegar við þróum nýja vöru get-
um við alltaf valið á milli: ættum við
að gera það í sænsku verksmiðjunni,
frönsku, þýsku eða japönsku? Þegar
allt kemur til alls mun Svíþjóð
standa illa að vígi þegar þessar
ákvarðanir verða teknar ef við segj-
um „nei“,“ sagði Svanberg.
Stjórnarformaður Electrolux
mótfallinn evru
Á seinni hluta tíunda áratugarins
hótaði fyrirtækið að flytja höfuð-
stöðvar sínar til London til að mót-
mæla því viðskiptaumhverfi sem rík-
isstjórnin hafði búið fyrirtækjum, en
ekkert varð úr því. Könnun sem birt
var í tímaritinu Affärsvärlden í gær
sýnir að 92% forstjóra í iðnfyrirtækj-
um vilja evruna. Aðeins þrír af
hundraði þeirra segjast munu segja
nei í atkvæðagreiðlsunni.
Samt sem áður eiga andstæðingar
evrunnar sér einnig sterka stuðn-
ingsmenn úr viðskiptalífinu. Þannig
er stjórnarformaður raftækjarisans
Electrolux, Rune Anderson, afar
mótfallinn því að Svíar taki upp evru.
„Margir iðnrekendur telja að mynt-
bandalag Evrópusambandsins veiti
gott eftirlit en við í „Nei“-hreyfing-
unni teljum að frjáls markaður og
sjálfstæður seðlabanki séu betri eft-
irlitsaðilar,“ sagði Anderson í viðtali
við sænska ríkisútvarpið í gær.
Hann segist telja að frjáls mark-
aður sé sterkara afl en skriffinnsku-
veldið í Brussel og að meiri áhersla
verði lögð á aukinn hagvöxt ef Svíar
standi utan myntbandalagsins. Þó
telur hann að ef Bretar ákveði að
taka upp evru eigi Svíar einnig að
skoða þann möguleika.
Sænska stórfyrirtækið Ericsson lýsir áhyggjum sínum
Hóta að flytja úr landi
hafni Svíar evrunni
Stokkhólmi. AFP.
STJÓRNVÖLD í Íran reyndu
að kaupa í nokkrum löndum,
þar á meðal Frakklandi, kjarn-
orkubúnað, sem jafnt má nota í
hernaðarlegum sem friðsam-
legum tilgangi. Kemur þetta
fram í franskri skýrslu en þar
segir, að Íranir hafi haft áhuga
á búnaði til að endurvinna plú-
ton en það er aftur notað í
kjarnavopn. Var skýrslan
kynnt í maí á fundi 40 ríkja,
sem berjast gegn útbreiðslu
kjarnavopna.
Íranir halda því sjálfir fram,
að kjarnorkuáætlanir þeirra
séu eingöngu í friðsamlegum
tilgangi en Bandaríkjastjórn
sakar þá um að nota þær sem
skálkaskjól fyrir framleiðslu
kjarnavopna. Eftir öðrum
heimildum er haft, að Íranir
hafi í nokkur ár reynt að verða
sér úti um ýmsan kjarnorku-
búnað í ýmsum löndum og hef-
ur það verið áhyggjuefni innan
Alþjóðakjarnorkustofnunar-
innar.
Jensby
gagnrýndur
HART er sótt að Svend Aage
Jensby, varnarmálaráðherra
Danmerkur, og hafa nokkrir
þingmenn stjórnarandstöðunn-
ar krafist þess, að hann segi af
sér. Ástæðan er sá atburður í
Írak er danskur hermaður var
skotinn og tveir óvopnaðir
Írakar. Jensby sagði fyrst, að
danski hermaðurinn hefði fallið
í vopnaviðskiptum við Íraka en
daginn eftir gaf hann í skyn, að
hann hefði látist vegna voða-
skots. Nefndi hann ekki dauða
Írakanna en þá voru þó komnar
fram upplýsingar um, að
dönsku hermennirnir hefðu
skotið félaga sinn, sem þeir
héldu að væri íraskur þjófur.
Héldu þeir það sama um Írak-
ana, sem voru þó aðeins óvopn-
aðir fiskimenn.
Danska stjórnin hefur ákveð-
ið að greiða skaðabætur vegna
atviksins og nema þær alls
rúmlega 800.000 ísl. kr.
Skiptast þær milli fjölskyldna
Írakanna tveggja, sem voru
drepnir; fjölskyldu manns, sem
var alvarlega særður; þeirra,
sem voru handteknir, og eig-
anda flutningabíls, sem dönsku
hermennirnir eyðilögðu.
Drap sex
vinnufélaga
MAÐUR sem var við það að
missa vinnuna óð inn í vöruhús
bílavarahlutaverzlunar í Chic-
ago í gær og hóf skothríð á
vinnufélaga sína. Lágu sex
manns í valnum áður en varði,
eftir því sem yfirvöld greindu
frá. Árásarmaðurinn sjálfur dó
líka, að sögn sjúkrahússtarfs-
fólks.
„Reiður starfsmaður sem
annað hvort stóð til að segja
upp eða hafði verið sagt upp
kom aftur á vinnustaðinn og hóf
skothríð,“ sagði Pat Camden,
talsmaður lögreglunnar. Reynt
hefði verið að fá manninn til að
gefast upp en hann hafnaði því.
Sagði Camden lögreglumenn
hafa hleypt af byssum sínum er
þeir réðust til inngöngu í bygg-
inguna. Nánari upplýsingar
lágu ekki fyrir.
STUTT
Reynt að
kaupa
kjarnorku-
búnað
ÞAÐ eru gömul sannindi og ný;
hamingjan fæst ekki keypt fyr-
ir peninga. Nú hefur vísinda-
rannsókn sem unnin var við
Háskóla Suður-Kaliforníu
(USC) í Los Angeles staðfest
þetta.
Þar að auki leiddu niðurstöð-
ur rannsóknarinnar það í ljós,
að fólk verður ekki hamingju-
samara af því að verða ríkara.
„Margir eru haldnir þeirri
skynvillu að eftir því sem við
eignumst meiri peninga, þeim
mun hamingjusamari verðum
við,“ segir Richard Easterlin,
hagfræðingur við USC sem
rýndi í niðurstöður Allsherjar-
félagskönnunarinnar, General
Social Study, viðhorfskönnunar
sem gerð hefur verið árlega
meðal 1.500 Bandaríkjamanna
síðan árið 1975.
„Hamingjan (...) fæst oftast
með því að eyða góðum stund-
um með ástvinum og með góðri
heilsu,“ segir í niðurstöðum
rannsóknarinnar.
Rannsóknarskýrslan, sem
ber titilinn „Hamingjan út-
skýrð“, verður gerð aðgengileg
síðar í vikunni á vef bandarísku
vísindaakademíunnar, Pro-
ceedings of the National Aca-
demy of Sciences
(www.pnas.org).
Hamingjan
ekki höndl-
uð með
peningum
Los Angeles. AFP.