Morgunblaðið - 28.08.2003, Blaðsíða 35

FRÉTTIR
MORGUNBLAÐIÐ FIMMTUDAGUR 28. ÁGÚST 2003 35
Haustlitirnir
komnir í verslanir
Einnig kynnum við nýjan
maskara „Mascara Allogeant
Recourbant“ sem lengir og
sveigir augnhárin.
Útsölustaðir:
Clara Kringlunni, Snyrtiverslunin Glæsibæ, Andorra
Hafnarfirði, Snyrtistofan Neroli Skólavörðustíg,
Stella Bankastræti, Snyrtistofan Guerlain
Óðinsgötu, Hygea Kringlunni, Hygea Laugavegi,
Hygea Smáralind og Hár og heilsa Akureyri.
Kynning í dag, fimmtudag
og á morgun, föstudag
Kringlunni
Rangt farið með ljóð
Rangt var farið með ljóð og það
eignað öðrum höfundi í minningar-
grein sunnudaginn 24. ágúst. Ljóðið er
eftir Guðfinnu Þorsteinsdóttur, Erlu
skáldkonu, og er í bókinni Hélublóm,
sem út kom 1937. Beðist er velvirð-
ingar á þessum mistökum.
Rétt er ljóðið þannig:
Vertu alltaf hress í huga
hvað sem kann að mæta þér.
Lát ei sorg né böl þig buga.
Baggi margra þungur er.
Treystu því að þér á herðar
þyngri byrði’ ei varpað er
en þú hefir afl að bera.
Orka blundar næg í þér.
Grafðu jafnan sárar sorgir
sálar þinnar djúpi í.
Þótt þér bregðist besta
vonin,
brátt mun lifna önnur ný.
Reyndu svo að henni’ að hlynna
hún þó svífi djarft og hátt.
Segðu aldrei: „vonlaus vinna“!
Von um sigur ljær þér mátt.
Dæmdu vægt um veikan bróður
veraldar í ölduglaum,
þótt hans viljaþrek sé lamað
þótt hann hrekist fyrir straum.
Sálarstríð hans þú ei þekkir,
þér ei veist hvað mæta kann,
þótt þú fastar þykist standa
þú ert veikur eins og hann.
Samson eignarhaldsfélag ehf.
Í Morgunblaðinu í gær var greint
frá viðskiptum eignarhaldsfélaga í eigu
Björgólfs Guðmundssonar og Björg-
ólfs Thors Björgólfssonar með hluta-
bréf í Samson eignarhaldsfélagi ehf. Í
fréttinni sagði að eftir kaup félags í
eigu Björgólfs Guðmundssonar á
8,55% hlut í Samson af félagi í eigu
Björgólfs Thors, sé eignarhlutur
beggja félaga í Samson 42,5%. Hið
rétta er að hvort félag fyrir sig á eftir
viðskiptin 42,5% hlut í Samson eign-
arhaldsfélagi, þ.e. annars vegar félag í
eigu Björgólfs Guðmundssonar og hins
vegar félag í eigu Björgólfs Thors.
Magnús Þorsteinsson er eigandi
15% hlutar í Samson eignarhaldsfélagi.
Ekki ókeypis hjá Símanum
Vegna fréttar í Morgunblaðinu í
gær, með undirfyrirsögninni „Og
Vodafone íhugar að kæra Símann
vegna ókeypis búnaðar“, vill Heiðrún
Jónsdóttir, upplýsingafulltrúi Lands-
símans, taka fram að Síminn býður
ekki ókeypis búnað með ADSL-teng-
ingu. „Það gerir hins vegar Og Voda-
fone, fyrir sambærilegan búnað,“ segir
hún.
„Síminn er með tilboð á þráðlausu
interneti á kr. 2.490. Tilboð Símans,
þar sem þráðlaus búnaður er boðinn á
2.490 kr. miðast við 12 mánaða bind-
ingu að ADSL 1.500 eða hraðari teng-
ingu hjá Símanum Internet. Hvað
varðar meinta kæru Emax á hendur
Símanum er rétt að taka fram að kær-
an hefur enn ekki borist félaginu og því
ekki gerlegt að svara meintum ávirð-
ingum,“ segir Heiðrún.
Sérhæfð þjónusta
Ranglega var haft eftir Magnúsi I.
Bæringssyni, formanni atvinnumála-
nefndar Stykkishólms, í Morgun-
blaðinu á föstudaginn að þægilegra
væri að fá iðnaðarmenn frá Reykjavík í
kjölfar bættra samgangna á svæðinu.
Hið rétta er að Magnús sagði auðveld-
ara að fá ýmsa sérhæfða þjónustu frá
Reykjavík en ekki iðnaðarmenn. Beð-
ist er velvirðingar á þessum mistökum.
Röng dagsetning
Rangt var farið með dagsetningu
fyrsta fyrirlesturs lögfræði- og fé-
lagsvísindatorgs Háskóla Akureyrar á
blaðsíðu 8 miðvikudaginn 27. ágúst.
Verður fyrirlesturinn haldinn þriðju-
daginn 2. september. Beðist er velvirð-
ingar á mistökunum.
LEIÐRÉTT
ÁRNEFND SVFR fyrir Norðurá
fer nk. mánudag upp í Borgarfjörð
til að veiða dálítið í ánni og loka
síðan húsum fyrir veturinn. Jón G.
Baldvinsson, árnefndarmaður og
fyrrum formaður SVFR, telur það
afrek ef það nást 1.500 laxar á
land í sumar, en í fyrra veiddust
þar 2.217 laxar. Jón segir minna
af laxi í ánni en í fyrra, þótt nóg sé
af honum, og auk þess hafi stór-
furðulegar aðstæður gerbreytt öll-
um veiðiskap í sumar.
Ofan á allt saman herma fregnir
að mun meiri lax sé í ánni í sumar,
a.m.k. frammi á dal, heldur en í
fyrra. Til vitnis um það sé telj-
arinn í Glanna sem sýni 2.500 laxa
skráða á móti 1.700 á sama tíma í
fyrra.
„Ég ætla ekkert að segja um
þennan teljara, hann telur og tel-
ur en við bara finnum ekki allan
þennan lax þarna fyrir ofan. Samt
er mikill lax, en dreifingin er með
ólíkindum. Ég hef aldrei séð
Norðurá jafnvatnslitla og hún var
orðin í júlí og auk þess náði hún
því nokkrum sinnum að verða allt
að 20 gráðu heit. Oft var vatnshit-
inn hærri heldur en lofthitinn og
lax tekur afar illa við svoleiðis
kringumstæður. Á meðan á þessu
stóð, alveg til 10. ágúst, safnaðist
laxinn saman í nokkra djúpa hylji,
t.d. Veiðilækjarkvörn og Hóla-
bakshyl, þar sem hann hafði dýpi,
skjól og eitthvað súrefni. Þar voru
hrúgur af fiski, en síðan þegar
loks rigndi og fiskur átti að dreifa
sér, var talsvert um að lax kæmi
alls ekki í þekkta staði, t.d. Vað-
klöpp, Hreimsstaðahyl og fleiri.
Auk þess tók hann enn illa, bæði
vegna hitans og einnig vegna þess
að mest af honum hafði verið lengi
í ánni,“ sagði Jón.
Dauðir laxar
Jón sagði ástandið í ánni hafa
verið svo slæmt um tíma að vart
hefði orðið við laxadauða. Um
miðjan júlí, er vatnhæðin var hvað
minnst og hitinn mestur, tuttugu
gráður í vatni og 27 stig í lofti,
hefði hann sjálfur séð 6–8 laxa
dauða víðs vegar um ána. „Þetta
hafa kannski verið laxar sem hafði
verið sleppt og verið þess vegna
illa fyrir kallaðir. Þeir verið slapp-
ir eftir viðureignir og þurft næði
og aðstæður til að ná sér á ný, en
það geta þeir ekki í tuttugu stiga
heitu vatni. Ég sá tvo dauða í
Gaflhyl, einnig í Stekkjarfljóti,
Veiðilækjarkvörn, í Svuntunni og
víðar. Ég náði einu hræinu uppúr
Gaflhylnum, en það bara datt í
sundur, enda hálfsoðið í mollunni.
Vissulega hefur ástandið batnað
eftir 10. ágúst og menn spyrja
hvort laxinn hefði ekki átt að taka
betur eftir að það fór loks að rigna
af og til og hækka í ánni. Ég veit
ekki, hitinn var svo mikill svo
lengi og þó að ástandið batnaði,
hefur vatnshitinn samt áfram ver-
ið mjög hár, enda ágústmánuður
verið með eindæmum hlýr,“ bætti
Jón við.
Þverá fékk meiri vætu
Jóni er bent á, að á sama tíma
og Norðurá hefur hrapað í heild-
arveiði hafi nágrannaáin, Þverá/
Kjarrá, verið aflahæsta á landsins
í allt sumar og skilað mun meiri
heildarveiði en Norðurá þrátt fyr-
ir að gefa 773 löxum minni heild-
arveiði sumarið 2002. „Mér er
sagt að göngur hafi verið mjög
góðar í Þverá í sumar og það sama
má raunar segja um Norðurá
þrátt fyrir allt, hins vegar fékk
Þverá miklu meiri rigningu heldur
en Norðurá, við vorum aftur og
aftur að horfa á demburnar hinum
megin. Norðurá fær aldrei rign-
ingu sem heitið getur þegar aust-
an- og suðaustanáttir eru ríkjandi,
öðru máli gildir um Þverá. Demb-
urnar voru oft að teygja sig til
okkar, en það slokknaði á þeim við
Borgarfjarðarbrú. Það var sama
með árnar vestur á Mýrum, þær
fengu ekkert heldur. Það var aftur
og aftur skraufþurrt hjá okkur á
meðan demburnar buldu á Þver-
árhlíðinni,“ sagði Jón.
Laxar drápust í hitanum
Lax þreyttur í Gaflhyl í Norðurá. Áin hefur gefið mun færri laxa en í fyrrasumar.
ERU
ÞEIR AÐ
FÁ’ANN?