Morgunblaðið - 28.08.2003, Blaðsíða 43
ÍÞRÓTTIR
MORGUNBLAÐIÐ FIMMTUDAGUR 28. ÁGÚST 2003 43
Íslenska landsliðið í knattspyrnu
fer upp um þrjú sæti á nýjum
styrkleikalista Alþjóða knatt-
spyrnusambandsins, FIFA, og er
í 56. sæti en var í 59. sæti á listan-
um fyrir mánuði. Íslendingar
hafa undanfarin misseri fikrað
sig hægt og bítandi upp listann
og frá því Ásgeir Sigurvinsson
og Logi Ólafsson tóku við stjórn
landsliðsins af Atla Eðvaldssyni í
maímánuði hefur liðið hækkað
um 14 sæti eftir sigurleikina þrjá
– á móti Færeyingum og
Litháum.
Heimsmeistarar Bras-
ilíumanna eru sem fyrr í topp-
sæti listans og á eftir þeim koma
Frakkar, Spánverjar, Hollend-
ingar, Mexíkanar, Argent-
ínumenn, Tyrkir, Englendingar,
Bandaríkjamann og Þjóðverjar
sem eru í 10. sæti og falla um tvö
sæti en Þjóðverjar mæta Íslend-
ingum á Laugardalsvellinum 6.
september.
Danir eru í 15. sæti, Svíar í 20.
sæti, Norðmenn í 22. sæti, Finnar
í 43. sæti og Færeyingar eru í
118. sæti á listanum.
Ísland í 56. sæti FIFA-listans
Hópinn skipa tuttugu leikmennen fyrir leikinn við Færeyjar á
dögunum voru valdir átján leik-
menn og þeim nítjánda síðan bætt
við á síðustu stundu. Kristján Örn
bætist nú við þann hóp. „Við vildum
hafa vaðið fyrir neðan okkur varð-
andi Lárus Orra, en hann spilaði
um helgina og var í lagi eftir þann
leik. Við skoðum hann þegar hann
kemur heim eftir helgina og það
getur vel verið að við verðum tutt-
ugu í öllum undirbúningnum, það
metum við eftir leiki helgarinnar,“
sagði Logi í samtali við Morgun-
blaðið í gær.
Arnar kemur til greina
Spurður hvort einhverjir fleiri
hefðu verið við það að komast í
hópinn að þessu sinni sagði Logi:
„Arnar Gunnlaugsson lék auðvitað
mjög vel með KR í síðustu umferð
og ef hann heldur áfram að leika
vel er hann inni í myndinni hjá okk-
ur. Hann hefur verið í hópnum hjá
okkur og við vitum fyrir hvað hann
stendur og hvað hann getur.“
Logi sagði að íslensku leikmenn-
irnir færu að tínast til landsins á
mánudag og þriðjudag. „Einhverjir
leika á mánudeginum og koma heim
daginn eftir þannig að undirbúning-
urinn verður lengri en hann var á
móti Færeyingum,“ sagði Logi.
Landsliðshópurinn er þannig að
markverðir eru Árni Gautur Ara-
son, Rosenborg, og Birkir Krist-
insson, ÍBV.
Aðrir leikmenn eru: Rúnar Krist-
insson, Lokeren, Arnar Grétarsson,
Lokeren, Hermann Hreiðarsson,
Charlton Athletic, Helgi Sigurðs-
son, Lyn, Þórður Guðjónsson,
Bochum, Lárus Orri Sigurðsson,
WBA, Brynjar Björn Gunnarsson,
Nottingham Forest, Arnar Þór Við-
arsson, Lokeren, Pétur Hafliði
Marteinsson, Stoke City, Eiður
Smári Guðjohnsen, Chelsea, Heiðar
Helguson, Watford, Jóhannes Karl
Guðjónsson, Real Betis, Marel
Baldvinsson, Lokeren, Ívar Ingi-
marsson, Wolverhampton Wander-
ers, Ólafur Örn Bjarnason, Grinda-
vík, Indriði Sigurðsson, Lilleström,
Veigar Páll Gunnarsson, KR, og
nýliðinn Kristján Örn Sigurðsson,
KR.
Ásgeir Sigurvinsson og Logi Ólafsson velja 20 leikmenn fyrir leikinn við Þjóðverja
Kristján Örn nýr í
landsliðshópinn
Morgunblaðið/Kristinn
Logi Ólafsson og Ásgeir Sigurvinsson ganga af leikvelli á Tórsvelli í Þórshöfn í síðustu viku.
KRISTJÁN Örn Sigurðsson,
varnarmaður úr KR, er eini ný-
liðinn sem landsliðsþjálfararnir
í knattspyrnu, Ásgeir Sig-
urvinsson og Logi Ólafsson,
völdu í hóp sinn fyrir landsleik-
inn við Þjóðverja á Laugardals-
velli í undankeppni EM annan
laugardag, en hópurinn var til-
kynntur í gær.
EVRÓPUMEISTARALIÐ Íslands
skipað leikmönnum 18 ára og yngri í
handknattleik verður styrkt um 1,5
milljónir króna vegna árangurs síns,
að því er stjórn sjóðs ungra og efni-
legra íþróttamanna hjá Íþrótta- og
ólympíusambandinu (ÍSÍ) ákvað á
fundi sínum í fyrradag. Gert er ráð
fyrir að stjórn ÍSÍ staðfesti ákvörð-
unina í dag.
BRYNJAR Björn Gunnarsson sat
á varamannabekk Nottingham For-
est þegar liðið vann Coventry á úti-
velli í ensku 1. deildinni í gærkvöldi.
KANADAMENN fögnuðu óvænt-
um gullverðlaunum í 100 m grinda-
hlaupi kvenna á HM í frjálsíþróttum
í París þegar Perdita Felicien kom
fyrst í mark á besta tíma sem náðst
hefur í greininni á árinu, 12,53 sek-
úndum. Önnur í mark kom Brigitte
Foster frá Jamaíku á 12,57 og þriðja
varð bandaríska stúlkan Miesha
McLelvy á 12,67.
ALLIR verðlaunapeningarnir þrír
sem í boði voru í kúluvarpi kvenna
fóru til landa sem eitt sinn tilheyrðu
Sovétríkjunum. Rússinn Svetlana
Krivelyova vann gullið, varpaði
20,63 metra. Nadezhda Ostapchuk
frá Hvíta-Rússlandi fékk silfrið,
varpaði 20,12. Vita Pavlysh frá
Úkraínu hlaut bronsið með 20,08.
ÞESS má geta að þetta eru fyrstu
gullverðlaun Krivelyova á stórmóti
síðan hún vann gullið í kúluvarpi
kvenna á Ólympíuleikunum í Barce-
lona fyrir 12 árum.
BRASILÍSKI sóknarmaðurinn
Giovane Elber gekk í gær til liðs við
frönsku meistarana Lyon frá Þýska-
landsmeisturum Bayern München.
Monaco og Lyon voru í kapphlaupi
um að fá þennan 31 árs gamla leik-
mann í sínar raðir og á endanum
ákvað Elber, sem er 31 árs gamall,
að ganga að tilboði Lyon.
FÓLK
BANDARÍKJAMAÐURINN Tom Pappas stóð uppi sem
sigurvegari í tugþraut á heimsmeistaramótinu í frjáls-
íþróttum, hlaut 8.750 stig, fékk 116 stigum meira en
heimsmethafinn Roman Sebrle frá Tékklandi, en
keppni lauk í gærkvöldi. Þriðja sætið kom í hlut hins
unga Dmítrís Karpovs frá Kasakstan, Karpov önglaði
saman 8.374 stigum í greinunum tíu og setti landsmet.
Þetta er í fyrsta sinn síðan á heimsmeistaramótinu í
Gautaborg fyrir átta árum að Bandaríkjamaður vinnur
tugþrautarkeppnina. Þá vann Dan O’Brien, þáverandi
heimsmethafi, örugglega. Síðan hefur Tékkinn Tomás
Dvorák verið óstöðvandi og unnið á þremur síðustu
mótum. Hann varð fjórði að þessu sinni með 8.242 stig
og var langt frá sínu besta.
Ana Guevara frá Mexíkó vann öruggan sigur í 400 m
hlaupi kvenna. Hún hljóp á 48,89 sekúndum sem er
besti tími sem náðst hefur í greininni á þessu ári.
Hicham El Guerrouj, heimsmethafi í 1.500 metra og
míluhlaupi karla frá Marokkó, vann sín fjórðu gull-
verðlaun í 1.500 m hlaupi á heimsmeistaramóti, er
hann kom fystur í mark í greininni á HM í París. El Gu-
errouj hljóp vegalengdina á 3.31,77 mínútum og var
tæpum sex sekúndum frá eigin heimsmeti.
Heimamenn unnu silfurverðlaun þegar Frakkinn
Mehdi Baala varð annar á 3.32,31 mín. og þriðja sætið
kom í hlut Úkraínumannsins Ívans Heshko, sem hljóp á
3.33,17 mín. og var þriðjungi úr sekúndu á undan Paul
Korir frá Kenýa. Langt er liðið síðan Kenýamenn hafa
ekki unnið til verðlauna í 1.500 m hlaupi karla á stór-
móti í frjálsíþróttum.
Pappas vann gull í tugþrautinni
Tom Pappas, heimsmeistari í tugþraut.
ENSKU meistararnir í Manchest-
er United rétt mörðu nýliðana í
Wolves þegar liðin mættust á Old
Trafford í gær. John O’Shea
gerði eina mark leiksins og var
þetta fyrsta mark hans fyrir
United.
Ruud van Nistelrooy náði sem
sagt ekki að skora þar sem hann
var í strangri gæslu varn-
armanna Úlfanna enda hafði
kappinn skorað í tíu leikjum í
röð fyrir United og því full
ástæða til að hafa gætur á hon-
um.
Þó svo að meistararnir væru
meira með boltann fengu nýlið-
arnir fullt af færum og geta
Unitedmenn talist heppnir að
hafa krækt í öll þrjú stigin.
Sol Campbell kom Arsenal af
stað með marki skömmu eftir
leikhlé í leik liðsins við Aston
Villa og átti kappinn fínan leik,
og tími til kominn, segja margir.
Markaskorarinn mikli Thierry
Henry bætti síðara markinu við á
lokamínútu leiksins og kom Ars-
enal í efsta sætið á betri mar-
kamun en United en bæði eru lið-
in með fullt hús stiga.
Liverpool og Tottenham gerðu
markalaust jafntefli og hafa
menn orðið áhyggjur af marka-
leysi Liverpool sem hefur aðeins
tvö stig úr fyrstu þremur leikj-
unum í deildinni og er búið að
skora einu sinni.
Meistararnir
rétt mörðu nýliðana