Morgunblaðið - 04.09.2003, Blaðsíða 6

FRÉTTIR
6 FIMMTUDAGUR 4. SEPTEMBER 2003 MORGUNBLAÐIÐ
SAMNINGAR voru undirritaðir í
gær milli Latabæjar og Nickelod-
eon um framleiðslu og sýningu á 40
sjónvarpsþáttum um Latabæ í
Bandaríkjunum. Alls munu 100
manns starfa við framleiðslu þátt-
anna hér á landi og munu sýningar
þeirra ná til 86 milljóna heimila í
Bandaríkjunum. Í fréttatilkynningu
frá Latabæ segir að Nickelodeon sé
vinsælasta barnastöð í Bandaríkj-
unum, en hún er hluti af einni
stærstu fjölmiðlasamsteypu í
Bandaríkjunum, Viacom. Vörur
tengdar sjónvarpsefni Nickelodeon
velta um 2,5 milljörðum bandaríkja-
dala á ári og slái þættirnir um Lata-
bæ í gegn má búast við umtals-
verðum tekjum af sölu varnings, er
tengist þáttunum, í Bandaríkjunum
og víðar með frekari útbreiðslu
þeirra, að sögn Magnúsar Scheving,
aðalhugmyndasmiðs að gerð Lata-
bæjar.
Magnús undirritaði samninginn
fyrir hönd Latabæjar og Brown
Johnson, aðstoðarframkvæmda-
stjóri barnadeildar Nickelodeon,
fyrir hönd bandaríska fyrirtækisins.
Í samtali við Morgunblaðið sagði
Brown Johnson að umhverfið og að-
stæður í Bandaríkjunum væru sér-
staklega góðar núna fyrir markaðs-
setningu á barnaþáttum þar sem
hvatt væri á jákvæðan og skemmti-
legan hátt til hollari lífshátta.
„Jarðvegurinn fyrir þessar hug-
myndir er mjög frjór í Bandaríkj-
unum núna, í fullum blóma í raun,
því það hafa margar greinar birst í
fjölmiðlum undanfarna 6 mánuði um
offitu barna í Bandaríkjunum og
mataræði þeirra og að Bandaríkja-
menn séu almennt of feitir og hreyfi
sig of lítið. Ég tel að Latibær slái
einmitt rétta tóninn, því mér finnst
þættirnir ekki predika yfir börnun-
um heldur snúast þeir um að hafa
gaman af því að borða hollan mat og
hreyfa sig,“ segir Johnson.
Stefán Karl Stefánsson
leikur Glanna glæp
Að hennar sögn kemur Nickelod-
eon inn í samstarfið með aðstand-
endum Latabæjar með mikla
reynslu í gerð sjónvarpsþátta fyrir
börn, enda hefur fyrirtækið fram-
leitt ótal slíka þætti. Fyrirtækið
ákvað að semja um gerð 40 þátta af
Latabæ, sem að sögn Johnsons er
mjög mikið því yfirleitt semji
Nickelodeon ekki um framleiðslu á
meira en 13 til 20 þáttum í einu.
„Þetta leiðir vonandi til mikillar vel-
gengni, og ég held að það verði
raunin,“ segir Johnson.
Magnús Scheving hefur unnið að
hugmyndinni um Latabæ í 11 ár og
hefur að sögn lagt gríðarlega vinnu,
ásamt aðstoðarfólki sínu, í markaðs-
setningu á þessari hugmynd und-
anfarin ár. Hann segir samninginn
stórkostlegt tækifæri til að koma
hugmyndinni áfram og hann gefi
ótal tækifæri í framtíðinni. Fram-
leiðsla þáttanna hefst nú í nóvember
og er þessa dagana verið að ráða
fólk til starfa við gerð þáttanna.
„Þetta verða 40 hálftíma þættir
sem eiga að verða tilbúnir í sjónvarp
í júní á næsta ári. Það verða 100
manns sem vinna að þessum þáttum
hér á Íslandi, þ.e. tökur fara fram
hér á landi. Máni Svavarsson sér
um tónlistina og þeir eru að reyna
að fá mig til að leika álfinn en það er
ennþá spurningarmerki því ég er að
reyna að fá einhvern annan til þess.
Stefán Karl Stefánsson leikari mun
leika Glanna glæp, því það er eng-
inn annar sem passar í það hlutverk
og það verður skrifað undir samn-
ing við hann á morgun [í dag] um að
leika í þáttunum.“
Áhersla lögð á að framleiða
þættina á Íslandi
Að sögn Magnúsar felur samning-
urinn í sér að Nickelodeon fær rétt
á sölu á vörum, sem tengjast þátt-
unum, í Bandaríkjunum en eigendur
Latabæjar fá réttindin annars stað-
ar í heiminum. „Það gerir þennan
samning mjög spennandi. Sjónvarp-
ið gefur í raun ekki miklar tekjur,
það er einkaleyfið sem gefur tekjur
og Nickelodeon er að fá 2,6 millj-
arða dollara í sölu á slíkum vörum,
þ.e. sölu á leikföngum, bolum, dúkk-
um og hverju sem nafni tjáir að
nefna. Við fáum hluta af tekjunum í
Bandaríkjunum og ef allt gengur vel
verður það dágóð summa,“ að sögn
Magnúsar.
Hann segir að þættirnir verði all-
ir framleiddir hér á landi og að gríð-
arleg áhersla hafi verið lögð á að
vinna þættina hér heima með þeim
Íslendingum sem koma að þeim. Að-
alhandritahöfundur Rugrats þátt-
anna, sem er þekktasti þáttur
Nickelodeon, mun starfa við gerð
þáttanna og stjórnendur brúða hafa
m.a. unnið við fræga brúðuþætti
sem gerðir hafa verið af fyrirtæki
Jim Henson, sem m.a. framleiddi
Prúðuleikarana. Þá er búið að velja
stúlku úr hópi 300 umsækjenda til
að leika Sollu stirðu og að sögn
Magnúsar er því spáð að hún verði
stórstjarna í Bandaríkjunum.
Framleiðsla þáttanna hefst í nóv-
ember og segir Magnús að kvik-
myndaverið verði líklega staðsett í
Garðabæ en fleiri bæjarfélög hafi
lýst yfir áhuga á að fá Latabæ til
sín.
Sjónvarpsþættir um Latabæ fara inn á 86 milljónir heimila í Bandaríkjunum
100 manns munu starfa við
gerð þáttanna á Íslandi
Morgunblaðið/Ásdís
Brown Johnson og Magnús Scheving við undirritun samninga milli
Nickelodeon og Latabæjar um gerð 40 sjónvarpsþátta.
MARGARETA Winberg, vara-
forsætisráðherra Svíþjóðar,
flytur opinn fyrirlestur á ensku
undir yfir-
skriftinni
„Feministic
Governance,
the Swedish
Example“,
föstudaginn 5.
september kl.
12–13 í Nor-
ræna húsinu.
Í fréttatil-
kynningu
kemur fram að Winberg, sem
fer með jafnréttismál í sænsku
ríkisstjórninni, muni fjalla um
hvað felist í jafnrétti kynjanna
og hvernig eina ríkisstjórnin í
heiminum starfi, sem kennir
sig við kvenfrelsi (feminist
government). Hún leitast enn-
fremur við að svara þeirri
spurningu hvort mögulegt sé
að samræma hið hefðbundna
sænska stjórnkerfi kvenfrels-
isáherslum, hvaða aðferðum
sænska ríkisstjórnin beiti að
þessu leyti og hver sé ávinn-
ingur beggja kynja af kven-
frelsi.
Árni Magnússon félagsmála-
ráðherra, sem fer með jafnrétt-
ismál af hálfu íslensku ríkis-
stjórnarinnar, mun flytja ávarp
í upphafi fyrirlestrarins. Fund-
arstjóri verður Helga Jóns-
dóttir borgarritari Reykjavík-
urborgar. Fyrirlesturinn er
haldinn á vegum Jafnréttis-
stofu og Stofnunar stjórnsýslu-
fræða og stjórnmála við Há-
skóla Íslands. Margareta
Winberg er stödd hér á landi í
boði sendiherra Svíþjóðar á Ís-
landi, Stígamóta og fleiri aðila,
en hún flytur erindi á þeirra
vegum nk. laugardag.
Fyrirlest-
ur um jafn-
réttis-
stefnu Svía
Margareta
Winberg
RAINBOW Warrior, flaggskip
umhverfisverndarsamtakanna
Greenpeace, kom inn á Faxaflóa í
gær samkvæmt upplýsingum frá
Landhelgisgæslunni. Að sögn
Eriku Augustinsson, talsmanns
grænfriðunga, mun Rainbow
Warrior væntanlega koma til
hafnar í Reykjavík á hádegi í dag.
Fulltrúar Greenpeace koma
hingað til lands til að mótmæla
vísindaveiðum Íslendinga á
hrefnu og hyggjast þeir halda
blaðamannafund um borð í skip-
inu á morgun og sigla með blaða-
mennina um Faxaflóann. Þá er
áætlað að skipið fari hringferð
um landið til að kynna málstað
samtakanna.
Rainbow
Warrior
kemur til
Reykjavík-
ur í dag
Greenpeace/Grace
STJÓRN Fjórðungssambands
Vestfjarða ákvað í gær að fela lög-
manni sambandsins að kæra fjár-
drátt fyrrverandi framkvæmda-
stjóra sambandsins til lögreglu.
Framkvæmdastjórinn sagði upp
störfum á þriðjudag eftir að hann
varð uppvís að því að hafa dregið
sér hátt í sjö milljónir króna á
þessu og síðasta ári. Maðurinn
hefur greitt til baka stærstan
hluta fjárins, eða rúmar fimm
milljónir, og skuldbundið sig til að
greiða það sem eftir er innan fárra
daga.
Endurskoðandi komst að
málinu við gerð ársreiknings
Upp komst um málið er endur-
skoðandi var að ganga frá árs-
reikningi fyrir fjórðungsþing Vest-
firðinga sem halda á um næstu
helgi. Fyrst sáu menn að 2,2 millj-
ónir höfðu farið milli reikninga á
síðasta ári, og framkvæmdastjór-
inn greitt þá upphæð til baka um
áramótin, samkvæmt bókhaldinu.
Síðan bað stjórnarformaðurinn
endurskoðandann að skoða bók-
hald þessa árs og þá kom í ljós að
4,6 milljónir höfðu farið milli
reikninga.
Þetta er í annað sinn sem fjár-
dráttur kemur upp hjá fjórðungs-
sambandinu. Fyrri framkvæmda-
stjóri dró sér rúmar 6 milljónir á
tveimur árum og lét af störfum ár-
ið 2001. Þess má geta að rekstr-
artekjur fjórðungssambandsins
hafa síðustu ár verið 16–17 millj-
ónir króna á ári þannig að í ljósi
þess hefur fjárdrátturinn numið
stórum hluta af veltunni.
Gríðarlegt áfall
Guðni Jóhannesson, stjórnarfor-
maður sambandsins, sagði við
Morgunblaðið að þetta mál væri
gríðarlegt áfall fyrir sambandið og
hann persónulega. Fullt traust
hefði verið borið til framkvæmda-
stjórans og í ljósi fyrri atburða
hefðu menn ekki getað ímyndað
sér að annað eins gæti gerst. Ljóst
væri að ábyrgð stjórnar væri
nokkur en ekki hefði verið talin
ástæða til að horfa yfir öxl fram-
kvæmdastjórans dags daglega.
Sagði Guðni það liggja fyrir að
breyta yrði vinnubrögðum við
rekstur og bókhald Fjórðungssam-
bandsins í framtíðinni. Á komandi
fjórðungsþingi yrði væntanlega
fjallað um það að fela Atvinnuþró-
unarfélagi Vestfjarða aukin verk-
efni fyrir sambandið.
Fjórðungssamband Vestfjarða
Fjárdráttur
framkvæmda-
stjóra kærður