Morgunblaðið - 04.09.2003, Blaðsíða 31

MINNINGAR
MORGUNBLAÐIÐ FIMMTUDAGUR 4. SEPTEMBER 2003 31
hjarta, en þó gleðjumst við yfir öll-
um þeim tíma sem við fengum með
henni og minningunum sem við eig-
um um hana. Guð geymi þig amma,
þín barnabörn
Sóley og Sölvi Kristjánsbörn.
Trúðu á tvennt í heimi
tign sem æðsta ber:
Guð í alheimsgeimi,
Guð í sjálfum þér.
(Steingr. Thorsteinsson.)
Elsku hjartans amma.
Mikið eigum við eftir að sakna þín.
Þú varst svo falleg og góð og engin
orð fá því lýst hvað við elskum þig
heitt. Það er svo margt sem þú skil-
ur eftir hjá okkur, svo margar góðar
minningar, þú varst engill í manns-
mynd. Við vorum svo heppnar að fá
að vera svona nánar konu eins og
þér. Konu sem hafði svo jákvætt við-
horf til lífsins og sá alltaf það góða í
öllum. Þú hvattir okkur áfram í öllu
sem við tókum okkur fyrir hendur,
kenndir okkur að koma fram við
náungann eins og við vildum láta
koma fram við okkur og fyrst og
fremst að trúa á það góða í heim-
inum.
Elsku amma, með þessum orðum
kveðjum við þig og þökkum fyrir all-
ar þær góðu stundir sem við höfum
átt saman. Þú munt alltaf eiga stór-
an part í hjarta okkar.
Guð geymi þig, amma Sísý.
Sigríður, Elísabet Inger og Elín.
Kæra amma.
Vonandi líður þér betur uppi hjá
guði. Ég sakna þín af því að þú varst
alltaf svo góð við allt og alla. Elsku
amma vonandi hittumst við aftur.
Ástarkveðja,
Avanti Ósk Pétursdóttir.
Góð vinkona er látin. Kynni okkar
Sísýar eru orðin nokkuð löng. Ég
var 18 ára þegar við kynntumst. Við
vorum giftar bræðrum. Þau Sísý og
Kristján Ingi maður hennar voru að
koma frá Ameríku með tvö elstu
börn sín, þau Inger og Einar. Inger
var einstaklega fallegt barn, hafði
unnið fegurðarsamkeppni barna þar
yrtra, enda átti hún ekki langt að
sækja fegurðina, ég man hvað mér
fannst Sísý bæði flott og falleg þegar
ég sá hana fyrst. Við urðum fljótlega
góðar vinkonur og fórum við oft
saman út að skemmta okkur, við Ax-
el og Sísý og Ingi.
Sísý og Ingi gerðu stuttan stans
hér á landi í þetta skipti, þau bjuggu
hér í þrjú ár, þá var aftur haldið til
Ameríku. Sísý kom í nokkrar heim-
sóknir til Íslands áður en hún flutti
alkomin heim með fjögur börn. Ing-
er var þá gift úti og kom ekki með og
Einar, elsti sonurinn, festi ekki yndi
hér á landi og fór aftur út. Ég vissi
að það var sárt fyrir Sísý að missa
hann út en hún huggaði sig við að
hann væri hjá systur sinni. Sísý varð
síðar fyrir þeirri miklu sorg að vöru-
bíll ók á bíl Ingerar og dó hún sam-
stundis.
Við Sísý höfðum skrifast á meðan
hún bjó í Ameríku og þar ytra fædd-
ust þrjú yngri börnin, þau Pétur,
Kristján og Ellen, sem öll eru búsett
með fjölskyldur hér á landi. Mjög
gott samband var milli Sísýar, barna
hennar og barnabarna, á þeim bæn-
um ríkti aldrei neitt kynslóðabil og
dótturdætur hennar sóttu mikið í að
fá að gista hjá ömmu sinni. Enda var
Sísý góð manneskja og einstaklega
æðrulaus – sama hvað á gekk.
Við Sísý fórum í nokkrar utan-
landsferðir með mágkonu okkar
Ingibjörgu og svilkonum. Alltaf var
jafngaman að vera í návist Sísýar.
Margar skemmtilegar ferðir fórum
við Sísý upp í Litlu-Skóga í Borgar-
firði með allan barnahópinn og hin
systkinin fimm komu með sín börn,
en tengdaforeldrar okkar keyptu
jörðina Litlu-Skóga í Stafholtstung-
um árið 1949.
Síðustu tvö árin voru Sísý erfið,
hún gekkst undir strangar lyfjameð-
ferðir og lá á spítala í allt sumar þar
sem hún fór í erfiðar rannsóknir.
Samt var hún alltaf glöð og þakklát
öllum sem heimsóttu hana. Elsku
Sísý, þín verður sárt saknað og votta
ég börnum, tengdabörnum og
barnabörnum mína dýpstu samúð.
Sísý mín, far þú í friði.
Þín
Edda.
Kær vinkona, Sigríður Ágústa
Söebech, er látin, og á hugann sækir
brot úr vísu, sem Bólu-Hjálmar orti
á 19. öld: Mínir vinir fara fjöld, feigð-
in þessa heimtar köld. Þótt Sísý væri
orðin gömul í árum talið var hún enn
ung, og ungt fólk kunni vel við sig í
návist hennar. Hún elskaði lífið og
kunni að njóta þess, og fólkið sitt
elskaði hún líka kvaðalaust, börnin
sín beggja vegna hafsins, barna-
börnin og börnin þeirra, tengdabörn
sín elskaði hún líka, og það leyndi
sér ekki hve vænt henni þótti um
okkur hin, sem vorum svo heppin að
mægjast henni. Hún hefur líka vitað,
að hún var okkur kær og gekk þess
ekki dulin hve mikils virði hún var
börnum sínum öllum. Dótturdætr-
um sínum, sonardætrum mínum, var
hún trúnaðarvinur, næstum önnur
móðir, og á vináttu þeirra við hana
bar aldrei skugga, Sísý amma varð
aldrei nein aukapersóna í lífi þeirra.
Litli drengurinn, sem er ekki nema
fimm ára, veit, að Sísý amma er ekki
heldur vinalaus núna, hann sagði
mér um daginn, að Jón afi hefði sótt
hana svo þau þrjú, hann, langamma
og Sísý, gætu talað meira saman, og
er ekki sagt að sannleikann skuluð
þér heyra af vörum barna og sak-
leysingja? Ég man svo vel eftir
fyrstu fundum okkar, ástir höfðu
tekist með börnunum okkar, og Ell-
en unnið hugi okkar allra. Með kurt-
eisi, elskusemi og einstökum sjarma
lauk Sísý upp hjörtum fjölskyldunn-
ar allrar á fyrsta fundi okkar. Það
var gott að koma til þeirra á Óðins-
götuna þar sem Sísý og Sveinn mað-
ur hennar og Eyþór og Ellen bjuggu
í sama túnfætinum, þær voru katta-
vinir mæðgurnar og sóttu nöfnin á
kisurnar sínar í þjóðsögur Íslend-
inga og Persa, kisan hennar Ellenar
hét Búkolla en Sísýar Panóra. Þriðja
kynslóð þeirrar göfugu læðuættar
varð uppáhaldskisa mömmu og
pabba, alin á rækjum og rjóma, hét
Fífa og dó í hitteðfyrra í hárri heið-
urskattaelli. Mæðgurnar höfðu heim
með sér frá Ameríku skjaldböku
sem heillaði litla telpu, hún dró nafn
af sjálfri Kleópötru, sem Cesar og
Antóníus unnu á Egyptalandi forð-
um og er enn að heilla litlar telpur, á
nú heima hjá barnungri sonardóttur
Sigríðar austur á Seyðisfirði.
Sigríður Söebech átti til merkis-
fólks að telja, Elín Eiríksdóttir móð-
ir hennar var skáld gott, Eiríkur
Kúld faðir Elínar var bóndi og
kirkjusmiður á Ökrum. Í sumar tíndi
Ellen skeljar handa mömmu sinni í
Akrafjöru og færði henni þær í
sjúkrastofuna. Mikið var indælt að
skoða gömlu kirkjuna hennar Sísýar
og fólksins hennar og ganga um fjör-
una, sem henni þótti svo vænt um. Í
kirkjugarðinum á Ökrum hvílir móð-
ir hennar hjá foreldrum sínum, Ei-
ríki og Sigríði, nafn hennar og
Ágústínu föðurömmu sinnar var
Sísý gefið í skírninni og hét hún Sig-
ríður Ágústa. Hún ólst að nokkru
leyti upp hjá Ágústínu á Akureyri og
unni mjög ömmu sinni, föður sinn
Pétur Söebech dáði hún ævinlega,
og fluttist að norðan til foreldra
sinna í Danmörku þar sem Pétur
stundaði danskan sjó.
Sigríður gafst Kristjáni Einars-
syni verkfræðingi, syni Guðrúnar
Guðlaugsdóttur bæjarfulltrúa og
Einars Kristjánssonar húsasmíða-
meistara.
Þau settust að í Bandaríkjunum
og þar fæddust þeim fjögur mann-
vænleg börn. Ellen og Kristján
þekkja allir sem yndi hafa af músík,
Pétur Pétur þjóðfræðing og lista-
mann á Seyðisfirði þekkja líka
margir. Einar elsti sonurinn er bú-
settur vestan hafs. Elsta barnið Ing-
er fæddist hér á landi en átti alltaf
heima í Ameríku, öllum fegurri með
sitt rauða hár, yndisleg stúlka, svo
ljúf og góð. Hún varð móður sinni og
systkinum harmdauði þegar hún
fórst í bílslysi fyrir nokkrum árum.
Allir þekkja harmljóðið sem Krist-
ján orti henni og Ellen syngur svo
yndislega, When I think of angels I
think of you. Elín Eiríksdóttir orti
forðum Ef engill ég væri með vængi
þá væri ég hjá þér í nótt. Sigríður
Söebech var okkur vinum sínum
hjartfólgin, hún var mildur mann-
vinur og dýravinur, öllum ljúf og
hálpsöm og vildi hvers manns vand-
ræði leysa. Ég heyrði hana aldrei
kvarta en þeim mun oftar gladdi hún
mig með brosi og huggunarorðum.
Hún var engill í lifanda lífi og þannig
lifir hún í minningunni.
Ragnheiður Ásta.
Elsku Sísý mín.
Þú sagðir þegar við kvöddumst
síðast uppi á sjúkrahúsi að þér fynd-
ist alltaf eins og þú ættir eitthvað í
mér. Mér þótti svo vænt um að
heyra það.
Alveg frá því að ég kynntist þér
fyrst, fannst mér eins og ég þekkti
þig.
Það var alltaf svo einlægt og fal-
legt samband á milli okkar, því
þannig varst þú. Sparaðir aldrei fal-
legu orðin. Varst alltaf elskuleg, kær
og hvetjandi. Fólk eins og þú er góð
fyrirmynd fyrir okkur hin. Ég tel
mig mjög lánsama að hafa kynnst
þér og notið þinnar einstöku hlýju
og skemmtilegu nærveru í öll þessi
ár. Það verður óneitanlega mikið
tómarúm þegar kona eins og þú
hverfur úr fjölskylduboðunum.
Elsku Sísý, Guð gefi þér himneska
hvíld og ástkæra móttöku. Þín vin-
kona
Þórgunna.
Sonur okkar, stjúpsonur, bróðir og mágur,
BIRGIR LORANGE
forritari,
lést á heimili sínu Ternehaven 72, Roskilde,
Danmörku, hinn 28. ágúst sl.
Blóm eru vinsamlega afþökkuð, en þeim, sem
vilja minnast hans, er bent á Styrk, félag
krabbameinssjúklinga og aðstandenda þeirra,
sími 896 5808; Krabbameinsfélag Íslands, sími
540 1990 og Ísblóm, Háaleitisbraut.
Kjartan Lorange, Elsa Sig. Lorange,
Magnús Jón Sigurðsson, Sigríður Edda Ólafsdóttir,
Alda Björk Sigurðardóttir, Hans Pétur Jónsson,
Ásta Kristín Lorange, Pétur Jónsson,
Linda Guðrún Lorange, Sigurður Birgir Baldvinsson,
Kjartan Ingi Lorange, Ingibjörg Svansdóttir.
Ástkær eiginmaður minn, faðir okkar, tengda-
faðir og afi,
HÁRLAUGUR INGVARSSON,
Hlíðartúni,
Biskupstungum,
lést mánudaginn 1. september.
Jarðarförin auglýst síðar.
Guðrún Guðmundsdóttir,
börn, tengdabörn og barnabörn.
Hjartkær móðir mín, tengdamóðir, amma og
langamma,
BIRGITTA GUÐMUNDSDÓTTIR,
Kleppsvegi 30,
sem lést aðfaranótt föstudagsins 29. ágúst,
verður jarðsungin frá Dómkirkjunni föstu-
daginn 5. september kl. 13.30.
Guðmundur E. Sigvaldason, Halldóra Þorsteinsdóttir,
barnabörn og barnabarnabörn.
Elskulegur faðir okkar, tengdafaðir, afi, langafi
og langalangafi,
THEODÓR LAXDAL
fyrrverandi bóndi í Túnsbergi
á Svalbarðsströnd,
Melasíðu 2c,
Akureyri,
verður jarðsunginn frá Svalbarðskirkju föstu-
daginn 5. september kl. 14.00.
Freydís Laxdal, Ævarr Hjartarson,
Sveinberg Laxdal, Guðrún Fjóla Helgadóttir,
Helga Laxdal,
Svavar Páll Laxdal, Arlene Reyes Laxdal,
Lilja Laxdal,
Pétur Ásgeirsson, Kristín Alfreðsdóttir,
barnabörn, barnabarnabörn
og barnabarnabarnabörn.
Elskulegur eiginmaður minn, faðir okkar,
tengdafaðir, afi og langafi,
RUNÓLFUR ÓTTAR HALLFREÐSSON
skipstjóri,
Krókatúni 9,
Akranesi,
verður jarðsunginn frá Akraneskirkju föstu-
daginn 5. september kl. 14.00.
Blóm og kransar afþakkaðir, en þeim, sem vilja
minnast hans, er bent á Sjúkrahús Akraness eða aðrar líknarstofnanir.
Ragnheiður Gísladóttir,
Gísli Runólfsson, Soffía Sóley Magnúsdóttir,
Sigurveig Runólfsdóttir, Kristján Guðmundsson,
Sigurjón Runólfsson, Brynja Guðmundsdóttir,
Runólfur Runólfsson, Júlía Jaroensuk,
Ragnheiður Runólfsdóttir, Magnús Þór Hafsteinsson,
afabörn og langafabörn.
Ástkær eiginkona mín, móðir og dóttir,
SALÓME J. JÓNSDÓTTIR,
Flateyri,
lést á Landspítalanum aðfaranótt miðviku-
dagsins 3. september.
Fyrir hönd aðstandenda,
Grétar Arnbergsson,
Ásdís E. Grétarsdóttir,
Jón S. Jónsson.
Eiginmaður minn, faðir okkar og afi,
ÁRNI GUÐJÓNSSON
lögfræðingur,
Fjarðarseli 35,
Reykjavík,
lést á hjúkrunarheimilinu Skógarbæ mánudaginn 1. september.
Steinunn Gunnlaugsdóttir,
Sigríður Árnadóttir, Ari Gunnarsson,
Elísabet Árnadóttir,
Guðjón Árnason, Sólveig Pétursdóttir,
Árdís Gunnur Árnadóttir, Stefán Jóh. Baldvinsson,
Halldór Árnason,
barnabörn og barnabarnabörn.