Morgunblaðið - 04.09.2003, Blaðsíða 37

FRÉTTIR
MORGUNBLAÐIÐ FIMMTUDAGUR 4. SEPTEMBER 2003 37
STÓRMEISTARINN Hannes
Hlífar Stefánsson (2.560) hefur
tryggt sér sigur á Íslandsmótinu í
skák þótt enn sé
einni umferð
ólokið. Hann
sigraði Róbert
Harðarson
(2.285) í tíundu
og næstsíðustu
umferð í lands-
liðsflokki og er
1½ vinningi fyrir
ofan næsta
mann, stór-
meistarann Þröst Þórhallsson
(2.444). Sigur Hannesar á mótinu
var verðskuldaður, en þetta er
fimmti Íslandsmeistaratitill hans.
Hann hefur sigrað á mótinu öll árin
1998–2003, að undanskildu árinu
2000 þegar Jón Viktor Gunnarsson
varð Íslandsmeistari. Þröstur Þór-
hallsson sigraði einnig í sinni skák í
tíundu umferð, en andstæðingur
hans var Björn Þorfinnsson (2.349).
Þröstur er einn í öðru sæti á mótinu
og aftur er 1½ vinnings bil frá hon-
um í næstu menn þar fyrir neðan.
Eins og í mörgum fyrri umferðanna
var lítið um jafntefli í tíundu umferð:
Sævar Bjarnason
– Sigurður D. Sigfússon 1–0
Hannes Hlífar
– Róbert Harðarson 1–0
Þröstur Þórhallsson
– Björn Þorfinnsson 1–0
Davíð Kjartanss.
– Guðmundur Halldórss. ½–½
Stefán Kristjánsson
– Ingvar Ásmundsson 1–0
Ingvar Þ. Jóhanness.
– Jón V. Gunnarsson 1–0
Mesta athygli vekur sigur stiga-
lægsta keppandans á mótinu,
FIDE-meistarans Ingvars Þórs Jó-
hannessonar (2.247), gegn alþjóð-
lega meistaranum Jóni Viktori
Gunnarssyni (2.411). Frammistaða
Ingvars á mótinu í heild er reyndar
afar góð og mun hann fá dágóða
stigahækkun fyrir árangurinn.
Staðan fyrir lokaumferðina í lands-
liðsflokki er þessi:
1. Hannes H. Stefánsson 9 v.
2. Þröstur Þórhallsson 7½ v.
3.–4. Ingvar Þór Jóhannesson, Sæv-
ar Bjarnason 6 v.
5.–6. Stefán Kristjánsson, Róbert
Harðarson 5½ v.
7. Jón Viktor Gunnarsson 4 v.
8.–11. Björn Þorfinnsson, Davíð
Kjartanss., Guðm. Halldórsson,
Ingvar Ásmundsson 3½ v.
12. Sigurður D. Sigfússon 2½ v.
Að mati hins nýbakaða Íslands-
meistara var eftirfarandi skák hans
besta á mótinu.
Hvítt: Hannes Hlífar Stefánsson
Svart: Jón Viktor Gunnarsson
Enski leikurinn
1. c4 Rf6 2. Rc3 e5 3. Rf3 Rc6 4.
g3 Bc5 5. Bg2 d6 6. d3 h6 7. a3 a6 8.
b4 Ba7 9. 0–0 0–0 10. Bb2 Bg4 11.
h3 Be6 12. Hc1 Dd7 13. Kh2 Hab8
14. e3! b5 15. Rd2 Re7 16. e4! Re8?!
(Nýr leikur. Þekkt er 16 … Bd4
17. cxb5 axb5 18. Rf3 c5 19. Rxd4
cxd4 20. Rb1 Hfc8 21. f4 De8 22. Rd2
Kh8 23. Rf3 Hxc1 24. Bxc1 Rc6 25.
De1 Rh7 26. g4 f6 27. Dg3 og hvítur
vann (Jobava-Dydyshko, León ’01).
Til greina kemur fyrir svart að
leika 16 … bxc4!? 17. dxc4 Bd4
o.s.frv.)
17. f4 exf4 18. gxf4 f5 19. Rd5 bxc4
20. Rxc4 – (Sjá stöðumynd 1)
20 … fxe4?
(Best er 20 … Rg6, t. d. 21. Dh5
Kh7 22. Hce1 (22. Rde3 Re7) 22 …
Bxd5 23. exd5 Rf6 24. Df3 Re7 25.
Bxf6 Hxf6 26. He2 (26. Ra5) Bd4 og
hvítur á þægilegra tafl.)
21. dxe4 Rxd5
(Eftir 21 … Bxd5!? 22. exd5 Rf6 á
svartur betri varnarmöguleika.)
22. exd5 Bf5 23. Ra5 Bb6 24. Rc6
Ha8 25. He1 Hf7 26. Dd2 Rf6 27. a4
a5
(Svörtu mennirnir eru komnir í
óvirka stöðu. Hann má ekki leyfa
hvíti að leika a4-a5, því að þá verður
hrókurinn bundinn við að valda
biskupinn á a7.)
28. bxa5 Bc5
(Nú fær hvítur tækifæri til að
leysa skákina upp á snotran hátt, en
28. – Ba7 gaf ekki miklar vonir um
björgun.)
29. Hxc5! dxc5 30. Re5 Dxa4 31.
Rxf7 Kxf7 32. d6! Hd8
(Eftir 32 … He8 33. Bxf6 Hxe1
34. Dxe1 Kxf6 (34. – gxf6 35. Bd5+)
35. De5+ Kg6 36. dxc7 verður fátt
um varnir hjá svarti.)
33. Bd5+ – (Sjá stöðumynd 2)
og svartur gafst upp. Eftir 33.
Bd5+ Kg6 34. He7 Dc2 35. Dxc2
Bxc2 36. Bxf6 gxf6 37. a6 (eða 37.
Bf7+) á hvítur auðunnið tafl.
Lenka efst í kvennaflokki
Lenka Ptácníková (2.215) er efst í
kvennaflokki fyrir lokaumferðina
eftir sigur gegn Önnu Björgu Þor-
grímsdóttur í níundu umferð móts-
ins. Guðfríður Lilja Grétarsdóttir
(2.058) hleypti hins vegar mikilli
spennu í baráttuna um Íslands-
meistaratitilinn með því að sigra
Hörpu Ingólfsdóttur (2.057). Þær
eru nú jafnar að vinningum og úrslit
lokaumferðarinnar ráða því hvor
þeirra hreppir titilinn, þar sem
Lenka keppir sem gestur á mótinu.
Í þriðju skák níundu umferðar átt-
ust við ungu stúlkurnar Hallgerður
Helga Þorsteinsdóttir og Elsa
María Þorfinnsdóttir og lauk skák-
inni með sigri þeirrar fyrrnefndu.
Staðan fyrir lokaumferðina:
1. Lenka 7½ v.
2.–3. Lilja og Harpa 6½ v.
4. Hallgerður H. Þorsteinsd. 3½ v.
5. Anna Björg Þorgrímsdóttir 2½ v.
6. Elsa María Þorfinnsdóttir ½ v.
Stefán stigahæstur
20 ára og yngri
Á nýjum stigalista Skáksam-
bands Íslands er Stefán Kristjáns-
son stigahæsti skákmaðurinn í
flokki 20 ára og yngri, en 10 efstu
eru:
1. Stefán Kristjánsson 2.420
2. Halldór B. Halldórsson 2.140
3. Sigurður Páll Steindórsson 2.115
4. Guðni Stefán Pétursson 2.065
5. Björn Ívar Karlsson 2.065
6. Dagur Arngrímsson 2.060
7. Guðmundur Kjartansson 2.025
8. Stefán Bergsson 2.025
9. Guðjón Heiðar Valgarðsson 1.905
10. Skúli H. Sigurðsson 1.850
SKÁK
Hafnarborg, Hafnarfirði
SKÁKÞING ÍSLANDS 2003
24.8.–4.9. 2003
Daði Örn Jónsson
Bragi Kristjánsson
Hannes Hlífar tryggði
sér meistaratitilinn
dadi@vks. is
Stöðumynd 1
Stöðumynd 2
Hannes Hlífar
Í SUMAR hófst nýr kafli í stuðn-
ingsstarfi Vímulausrar æsku –
Foreldrahúss til þess að hjálpa
unglingum og foreldrum þeirra.
Stuðningurinn er fyrir alla ung-
linga sem lokið hafa langtímameð-
ferð vegna vímuefnaneyslu eða
annarra erfiðleika. Lögð er
áhersla á að styrkja þann árangur
sem náðst hefur. Unnið er mikið
sjálfsræktarstarf í hópum og lögð
áhersla á fræðslu sem kemur til
með að nýtast við að byggja upp
bjartari framtíð.
Unnið með tilfinningar
Fræðslan felur í sér m.a. al-
menna tjáningu, unnið er með til-
finningar, aðstoðað við að sækja
um vinnu, kynntar eru námsbraut-
ir, hagsýni í fjármálum, hreyfing
og hollusta, að setja sér raunhæf
markmið og vinna að þeim. Menn-
ingarlífið er einnig skoðað og farið
í ævintýraferðir. Boðið er upp á
stuðning í sex mánuði til allt að
tveggja ára, segir í fréttatil-
kynningu.
Dagskrárstjóri er Oddur H.
Bragason. Allar nánari upplýsing-
ar er að fá í Foreldrahúsinu eða á
heimasíðu þess, www.foreldrahus-
.is.
Stuðningsstarf Vímulausrar æsku
MEÐLIMIR fimmta flokks KR í
knattspyrnu fengu óvænta heim-
sókn á æfingu nýlega. Þar var á
ferðinni Eyjólfur Sverrisson,
fyrrverandi atvinnumaður í
knattspyrnu og landsliðsmaður,
sem færði hverjum þeirra vegg-
spjald með mynd af íslenska
knattspyrnulandsliðinu, auk þess
sem hann brá á leik og sýndi
strákunum atvinnumannatakta.
Veggspjaldið er gjöf frá Heklu
hf. sem er einn aðalstyrktaraðili
íslenska landsliðsins.
Eyjólfur áritaði veggspjöldin
og ræddi við piltana um fyrri
landsleik Íslands og Þýskalands í
riðlakeppni Evrópumeistaramóts-
ins í knattspyrnu. Leikurinn fer
fram á Laugardalsvelli laugar-
daginn 6. september nk. Í
tengslum við hann hefur Hekla
efnt til happdrættis sem kallast
„Touran-landsleikurinn“ og er
vinningurinn ferð fyrir sjö á síð-
ari landsleik liðanna í Hamborg í
október.
Allir þeir sem reynsluaka
Volkswagen Touran hjá Heklu
geta tekið þátt í happdrættinu en
vinningshafinn verður dreginn út
þegar fyrri leikurinn fer fram,
segir í fréttatilkynningu.
Eyjólfur heimsækir unga KR-inga
NÚ um helgina verða seldir
pennar til styrktar starfi aðildar-
félaga Krabbameinsfélags Ís-
lands, en slík sala er orðin árviss.
Selt verður við verslanir og geng-
ið í hús þar sem því verður við
komið. Allur ágóði rennur til að-
ildarfélaga Krabbameinsfélags
Íslands en það eru svæðisbundin
krabbameinsfélög og stuðnings-
hópar sem stofnaðir hafa verið til
að sinna fræðslu og félagslegri
þjónustu við þá sem hafa fengið
krabbamein.
Undanfarin ár hefur verið unn-
ið að því að efla starf svæðis-
bundnu félaganna. Hafa nokkur
þeirra þegar tekist á við verkefni í
heimabyggð sinni, einkum á sviði
fræðslu og forvarna. Hefur það
gefið mjög góða raun og fleiri fé-
lög hafa hug á að fara út á þessa
braut. Stuðningshóparnir hafa
unnið mikið og óeigingjarnt starf í
þágu krabbameinssjúklinga og
aðstandenda þeirra og hefur það
haft ómetanlega þýðingu, segir í
fréttatilkynningu. Pennasölunni
er ætlað að styðja við þessa starfs-
þætti.
Pennasala Krabba-
meinsfélagsins er
um helgina
MORGUNBLAÐINU hefur borist
eftirfarandi ályktun frá AFLI
Starfsgreinafélagi Austurlands:
„Stjórnarfundur AFLS Starfs-
greinafélags Austurlands, haldinn á
Egilsstöðum þriðjudaginn 2. sept-
ember 2003, harmar þá stöðu sem
komin er upp á vinnusvæðinu við
Kárahnjúka. Mikið áhyggjuefni er
að aðstæður starfsmanna eru í engu
samræmi við íslensk lög og reglu-
gerðir og einnig að kjarasamningar
skuli vera brotnir, sérstaklega á er-
lendum starfsmönnum á svæðinu.
Ljóst er að þrátt fyrir mikla vinnu
verkalýðshreyfingarinnar við að
tryggja að kjarasamningum sé fylgt,
hvað varðar lágmarkskjör, aðbúnað
og fleira, þá bendir allt til að verk-
takar séu ennþá að brjóta á starfs-
mönnum.
Ennfremur er það áhyggjuefni að
eftirlitsaðilum á svæðinu hafi ekki
verið búin þau skilyrði sem nauðsyn-
leg eru til að fylgjast með að lög og
reglugerðir séu virtar. Því er skorað
á stjórnvöld, sérstaklega ráðherra
dóms- og kirkjumála, félagsmála og
umhverfismála að auka fjárveitingar
til þeirra eftirlitsaðila á Austurlandi
sem sinna þurfa þessu gríðarstóra
verkefni.“
Harmar stöðu
við Kárahnjúka