Morgunblaðið - 04.09.2003, Blaðsíða 40
ÍÞRÓTTIR
40 FIMMTUDAGUR 4. SEPTEMBER 2003 MORGUNBLAÐIÐ
FÓLK
HELENA Ólafsdóttir, þjálfari
A-landsliðs kvenna í knattspyrnu,
hefur gert eina breytingu á leik-
mannahópi Íslands gegn Frökkum
í undankeppni EM. Björg Ásta
Þórðardóttir úr Breiðabliki hefur
dregið sig úr hópnum og í hennar
stað kemur Laufey Jóhannsdóttir
en hún leikur með Val. Leikurinn
fer fram 8. september næstkom-
andi í París. Ísland er í öðru sæti í
sínum riðli með 4 stig eftir tvo
leiki. Frakkar eru í þriðja sæti með
3 stig en frönsku stúlkurnar hafa
aðeins leikið einn leik í riðlinum.
Laugardaginn 13. september leikur
Ísland gegn Póllandi á Laugardals-
vellinum en Pólland er án stiga í
riðlinum.
SIR Bobby Robson, knattspyrnu-
stjóri Newcastle, hefur sagt sókn-
armanninum Carl Cort að hann
eigi enn framtíð hjá Newcastle.
Cort hefur leikið mjög lítið með lið-
inu síðustu ár en hann hefur glímt
við erfið meiðsli síðan hann kom
frá Wimbledon. „Cort mun leika
mikilvægt hlutverk fyrir okkur í
vetur. Ég hef mikla trú á honum en
hann hefur verið ótrúlega óheppinn
með meiðsli,“ sagði Robson.
ÞRÍR leikmenn úr 1. deild karla í
knattspyrnu taka út leikbann í 17.
og næstsíðustu umferð deildarinnar
um næstu helgi. Það eru Henning
Jónasson úr Aftureldingu, Zeid
Yasin úr Leiftri/Dalvík og Sveinn
Snorri Magnússon úr Stjörnunni.
RIO Ferdinand, leikmaður Man-
chester United, getur ekki leikið
með enska landsliðinu gegn Mak-
edóníu í Skopje á laugardaginn en
þjóðirnar mætast þar í undan-
keppni EM í knattspyrnu. Ferdin-
and hefur glímt við sýkingu í nýr-
um að undanförnu og eftir
læknisskoðun í gær var ákveðið að
hann færi ekki með liðinu til
Skopje.
JAMES Beattie, sóknarmaður
Southampton, hefur trú á því að
hann geti fest sig í sessi sem einn
af aðalsóknarmönnum enska lands-
liðsins. „Ef ég fæ tækifæri með
landsliðinu mun ég standa mig vel.
Eina sem ég get gert er að halda
áfram að leika vel fyrir Southamp-
ton og skora mörk fyrir félagið.
Vonandi fæ ég þá tækifæri með
landsliðinu,“ sagði Beattie.
RONALDINHO skoraði sitt
fyrsta deildamark fyrir Barcelona í
fyrrinótt þegar lið hans gerði jafn-
tefli, 1:1, við Sevilla á heimavelli
sínum, Nou Camp. Leikurinn var
einstakur að því leyti að hann hófst
5 mínútum eftir miðnætti en með
því gat Barcelona látið leikinn fara
fram áður en hollensku landsliðs-
mennirnir hjá félaginu færu til síns
heima vegna landsleiks. Leikurinn
gat ekki hafist fyrir miðnætti því
þá hefðu talist of fáir dagar á milli
leikja liðsins.
Dallas lék í vor til úrslita við SanAntonio Spurs í Vesturdeild
NBA-körfuknattleiksins, þannig að
ljóst má vera að
þarna er á ferðinni
eitt sterkasta lið
deildarinnar um
þessar mundir.
„Ég held að Jón hafi verið stutt
frá því að komast inn í nýliðavalinu
á dögunum. Ef til vill er þessi leið
betri fyrir hann. Það er þó rétt að
taka fram að þó svo hann sé búinn
að gera fimm ára samning þá er það
bara byrjunin. Hann er alls ekki
kominn í liðið og það er mikið eftir
hjá honum. Það er hans að vinna sig
inn í liðið – en óneitanlega er þetta
mjög góður áfangi hjá honum. Nú er
þetta allt í hans höndum og aðeins
hans.
NBA-liðin mega vera með 17 leik-
menn á undirbúningstímabilinu og
fimmtán yfir veturinn. Öll eru liðin
með fleiri leikmenn á mála hjá sér
og það er ekkert óalgengt að þeir
sem ekki komast inn í fimmtán
manna hópinn fari til stórliða í Evr-
ópu.“
- Verður Jón Arnór þá í Evrópu í
vetur?
„Nei, ég hef enga trú á því. Ég
held að hann spili í NBA-deildinni í
Bandaríkjunum. Það er ekki flókn-
ara en það. Hins vegar er það auð-
vitað enginn heimsendir fyrir hann
þó hann komist ekki í leikmanna-
hópinn núna. Hann er bara 21 árs
gamall og það eru hlutir á borðinu
sem bíða eftir honum og hægt verð-
ur að grípa til komist hann ekki í
leikmannahóp Dallas í vetur. Hann
er altént ekki á leið í KR verði hann
ekki í leikmannahópi Dallas á næstu
leiktíð.“
Hefur mikla náttúrulega
hæfileika
Sigurður er ekki aðeins umboðs-
maður heldur hefur hann þjálfað
talsvert og þekkir því íþróttina
ágætlega. Spurður um hvað það
væri sem Jón Arnór hefði fram yfir
marga aðra sagði hann: „Fyrir það
fyrsta hefur hann mikla náttúrulega
hæfileika og er gríðarlega mikill
íþróttamaður. Hann hefur mikla
tækni og það sem sker hann frá
mörgum öðrum ungum leikmönnum
er hvað hann á óskaplega auðvelt
með að laga sig að leik mótherjanna.
Hann leikur venjulega á því plani
sem mótherjinn leikur. Þess vegna
er ég sannfærður um að hann verði í
NBA í vetur. Þegar hann leikur með
þannig leikmönnum þá eykur hann
við sig og fer upp á þeirra „plan“.
Þetta eru ótrúlegir hæfileikar og
annað sem má nefna í sambandi við
hann er mikill sprengikraftur sem
er ekki algengt hjá hvítum mönn-
um. Þetta er meðfætt hjá honum,
hann hefur ekki náð þessu með lyft-
ingum og látum, hann er bara svona
– með þennan blökkumannakraft.“
Með báða fætur á jörðunni
„Enn eitt kemur honum vel í
íþróttum og það er skapgerð hans,“
segir Sigurður um Jón Arnór.
„Hann er með mjög gott keppnis-
skap. Hann fer aldrei yfirum á
stressi, virðist alltaf vera tilbúinn
og svo notar hann skapið í leikinn,
ekki í einhverja vitleysu. Hann er
mjög geðgóður og með báða fætur á
jörðunni og hann veit að haldi hann
því þá nær hann langt.
Jón sagði reyndar í gærkvöldi
[þriðjudagskvöld] þegar búið var að
skrifa undir að hann vissi ekki í
hvorn fótinn hann ætti að stíga og
það er auðvitað eðlilegt, en hann
kemst fljótt á jörðina aftur.“
Sigurður sagðist ekki vita ná-
kvæmlega hvernig launamálum
væri háttað í NBA en sagði þó ljóst
að vel væri gengið frá öllu varðandi
tryggingar og eftirlaunasjóði og
annað hjá NBA. „Ég vil nú sem
minnst tala um launin, enda þekki
ég þau ekki alveg. Það eru ákveðin
lágmarkslaun sem allir í NBA fá og
þó ég viti ekki nákvæmlega hver
þau eru núna þá er óhætt að segja
að þau eru vel við unandi.“
- En hvernig byrjaði þetta ferli
allt saman?
„Ég er svo gleyminn að ég man
ekki hvenær þetta byrjaði allt sam-
an. Í raun byrjaði þetta fyrir tæpum
tveimur árum þegar ég reyndi að
koma honum inn í háskóla í Banda-
ríkjunum. Það voru nokkur ljón á
þeim vegi þannig að ekkert varð af
því. Þegar hann gaf það út að hann
vildi gerast atvinnumaður fór hann
til Skyliner sem bauð honum smán-
arsamning. Ég spurði hann þá hvort
hann vildi ekki gera þetta af fullri
alvöru og sannfærði hann um að það
væri traust fyrir hann að fara í
gegnum mig og mína tengiliði. Þeg-
ar hann sagði já hafði ég samband
við umboðsmann sem vinnur á
NBA-umboðsskrifstofu og sagði
honum frá Jóni og að ég hefði trú á
að hann gæti náð langt. Hann vildi
vita hversu langt og ég sagði að ef
engin breyting yrði á þróuninni hjá
Jóni þá teldi ég að hann gæti náð
alla leið í NBA. Hann trúði mér
enda höfum við unnið lengi og vel
saman. Skrifstofan hans tók því Jón
Sigurður Hjörleifsson, umboðsmaður Jóns Arnórs Stefánssonar, er sann-
færður um að Jón komist í leikmannahóp Dallas Mavericks í NBA-deildinni
Jarðbundinn og
fékk ríka hæfi-
leika í vöggugjöf
SIGURÐUR Hjörleifsson er um-
boðsmaður Jóns Arnórs Stef-
ánssonar körfuknattleiksmanns
sem í fyrrakvöld gerði fimm ára
samning við Dallas Mavericks í
NBA-deildinni. Sigurður segist
ánægður með að Jón skuli vera
kominn að í NBA, en allt sé ekki
búið enn því leikmannahópurinn
er stór og aðeins megi nota
fimmtán leikmenn yfir veturinn.
Morgunblaðið/Jim Smart
Jón Arnór Stefánsson körfuknattleiksmaður sem nú hefur
komist á samning hjá NBA-liðinu Dallas.
Skúli Unnar
Sveinsson
skrifar
JÓN Arnór Stefánsson er fæddur 21. sept-
ember árið 1982 og hefur leikið 60 leiki í úr-
valsdeild með liði KR, þar af eru 20 leikir í
úrslitakeppni. Hann lék fyrst með KR í úr-
slitakeppninni vorið 2000, alls 8 leiki, þegar
liðið varð Íslandsmeistari. Var lykilmaður
liðsins tímabilin 2000-2001, 2001-2002.
Meðaltöl með KR.
Stig: 17,4
Fráköst: 4,1
Landsleikir.
A-lið: 26
U-2- lið: 9
Drengja- og unglingalið:10
Leikir með TBB Trier
Meðaltöl með TBB Trier: 25
Stig: 13,2
Fráköst: 2,8
Stoðsendingar: 2,7
Jón Arnór
Stefánsson
NBA-leikmenn eru á meðal
launahæstu íþróttamanna
heims en eigendur liðanna
29 sem eru í deildinni verða
að halda launakostnaði leik-
manna undir ákveðnu launa-
þaki en sú upphæð tekur
breytingum frá ári til árs. Í
samningum samtaka leik-
manna við eigendur liðanna
er tekið fram að lágmarks-
laun leikmanna sem eru að
stíga sín fyrstu spor í deild-
inni eru rúmlega 30 millj-
ónir kr. eða um 367 þúsund
Bandaríkjadalir. Sé miðað
við það að Jón Arnór verði
út samningstíma sinn hjá
Dallas, þ.e. næstu fimm ár-
in, og á þeim tíma fái hann
ávallt lágmarkslaun lítur
reiknisdæmið þannig út í
milljónum íslenskra króna:
2003–2004: 30
2004–2005: 46,2
2005–2006: 52,4
2006–2007: 54,4
2007–2008: 56,4
Alls 239,4 milljónir ísl. kr.
Þess ber að geta að samn-
ingar leikmanna við NBA-
deildina eru endurnýjaðir
með reglulegu millibili og
má gera ráð fyrir að þessar
tölur verði mun hærri þegar
fram líður.
Um 240 milljónir
kr. á fimm árum?
HERBERT Arn-
arson, leikmaður
úrvalsdeildarliðs
KR, fer í speglun á
hné á föstudaginn
en hann hefur verið
meira og minna
meiddur frá því í
Valsmótinu fyrir ári
síðan. Herbert sagði
í gær að hann væri
tvístígandi um
framhaldið hjá sér.
„Ég hef ekki verið
góður í hnénu í
rúmt ár og eftir
þessa aðgerð get ég
metið stöðuna en
vonandi get ég verið
með í vetur með liði
KR,“ sagði Herbert
en hann lék ekkert
með KR fyrir áramót
á síðustu leiktíð en
hóf að leika á ný í
byrjun þessa árs.
Herbert er 33 ára
gamall og hefur leik-
ið með liði KR und-
anfarin ár en áður
lék hann með ÍR, Val
og Grindavík hér á
landi en hann var
einnig atvinnumaður
í Belgíu og Hollandi
um tíma. Herbert Arnarson
Óvissa hjá Herberti
um framhaldið