Morgunblaðið - 04.09.2003, Blaðsíða 15

HÖFUÐBORGARSVÆÐIÐ
MORGUNBLAÐIÐ FIMMTUDAGUR 4. SEPTEMBER 2003 15
NÝIR eigendur hafa nú tekið við
rekstri einkarekna leikskólans
Skerjagarðs í Skerjafirði en á leik-
skólanum er lögð áhersla á svokall-
að könnunarnám barnanna.
Leikskólinn Skerjagarður hét áð-
ur Skerjakot og var stofnaður fyrir
14 árum, en nýir eigendur eru Elín
Birna Kristinsdóttir leikskólastjóri
og Ólafur Pétursson. Þau segja
leikskólann lítinn og heimilislegan,
en þar eru tvær deildir fyrir rúm-
lega 40 börn á aldrinum 18 mánaða
til sex ára.
Á Skerjagarði er starfað eftir
hugmyndafræði Reggio Emilia þar
sem megináhersla er lögð á könn-
unarnám. Unnið er í litlum hópum
þar sem börnin nálgast viðfangs-
efnið frá sem flestum sjónar-
hornum. Uppeldisstarfið snýst um
að hvetja börnin svo þau verði virk-
ir, sjálfstæðir og umfram allt
ánægðir einstaklingar.
Leikskólinn Skerjagarður hefur
fengið nýja eigendur.
Leikskólinn Skerjagarð-
ur skiptir um eigendur
Reykjavík
HAFNARFJARÐARHÖFN hefur
sent Samkeppnisstofnun erindi
vegna meints stuðnings Reykjavík-
urhafnar við rekstur slippa. Ekki hef-
ur verið hægt að meta tap Hafnar-
fjarðarhafnar, eða fyrirtækja sem
þar starfa, en ljóst er að tapið er um-
talsvert.
Í kæru Hafnarfjarðarhafnar segir
að með ívilnunum Reykjavíkurhafn-
ar í garð Stáltaks sé Reykjavíkur-
höfn að „raska samkeppnisstöðu
þeirra fyrirtækja sem starfa á sama
sviði“ og jafnframt sé þar raskað
samkeppnisstöðu þeirra hafna sem
bjóða slíka þjónustu.
„Við teljum að þarna sé verið að
grafa undan sambærilegri starfsemi
annars staðar, meðal annars hjá okk-
ur,“ segir Már Sveinbjörnsson, fram-
kvæmdastjóri Hafnarfjarðarhafnar.
„Við höfum lagt út í fjárfestingar og
leigjum þær út til þessarar starfsemi,
og hún á mjög erfitt uppdráttar
vegna þess − að við teljum − að
Reykjavíkurhöfn greiðir niður að-
stöðu í slippnum.“
Sömu reglur gildi alls staðar
„Við sættum okkur ekki við annað
en að það gildi sömu reglur alls stað-
ar og menn búi við sama rétt og sömu
stöðu,“ segir Lúðvík Geirsson, bæj-
arstjóri Hafnarfjarðar. „Við viljum
auðvitað tryggja það að atvinnulíf og
starfsemi í Hafnarfirði geti fengið að
þróast með eðlilegum hætti.“
Hafnarfjarðarhöfn hefur lagt hálf-
an annan milljarð í að bæta hafnarað-
stöðuna, meðal annars til þess að
skapa aðstöðu fyrir starfsemi drátt-
arbrautar, segir Lúðvík. „Við erum
ekkert að styrkja eða styðja þá að-
stöðu, þetta er bara eins og hvert
annað hafnarmannvirki og menn
borga full gjöld fyrir þá aðstöðu.“
Kvörtun Hafnarfjarðarhafnar nær
til tímabilsins frá 1999 til dagsins í
dag. Ljóst er að hafnfirsk fyrirtæki
hafa orðið af talsverðum fjölda verk-
efna vegna meintra niðurgreiðslna
Reykjavíkurhafnar, en ekki er hægt
að segja nákvæmlega fyrir um tapið,
að sögn Más. „Þeir bjóða í verkin og
það er alltaf spurning hvort þeir
hefðu fengið öll verkin. En það er erf-
itt að átta sig á tjóninu,“ segir Már.
Gengur illa að fá verkefni
Lúðvík segir að ljóst sé að fyrir-
tækin hafi ekki keppt á sama grunni
um skipaviðgerðir og önnur sam-
bærileg verkefni. „Menn hafa misst
hér fjölda tækifæra og fjölda verk-
efna út úr bæjarfélaginu vegna
þessa.“
„Aðaltjónið liggur hjá okkar skipa-
viðgerðamönnum en okkar tjón
[Hafnarfjarðarhafnar] liggur í því að
þeir eiga erfitt með að greiða leigu af
þessu sem við leigjum þeim vegna
þess að þeim gengur illa að fá verk-
efni,“ segir Már.
Aðrar hafnir á landinu greiða niður
á svipaðan hátt og Reykjavíkurhöfn
og er gert ráð fyrir styrkjum til upp-
tökumannvirkja í til dæmis Vest-
mannaeyjum, Akranesi, Stykkis-
hólmi og Ísafirði, að sögn Más, en
hann segir að erindi Hafnarfjarðar-
hafnar til Samkeppnisstofnunar nái
eingöngu til Reykjavíkurhafnar.
Lúðvík segir að erindið hafi verið
sent til Samkeppnisstofnunar í lok
júlí, en honum vitanlega hafi stofn-
unin ekki svarað því. Hjá Samkeppn-
isstofnun fengust þau svör að erindið
hafi borist en ekki sé búið að taka það
til meðferðar og ekki ljóst á þessu
stigi hvenær það verði gert.
Niðurgreiðsla
skekkir sam-
keppnisstöðu
Höfuðborgarsvæðið
Morgunblaðið/Arnaldur
Ójöfn staða slippa í Reykjavík og Hafnarfirði er ástæða erindis sem Hafn-
arfjarðarhöfn hefur nú sent til Samkeppnisstofnunar.
Hafnarfjarðarhöfn kærir Reykja-
víkurhöfn til Samkeppnisstofnunar