Morgunblaðið - 04.09.2003, Blaðsíða 12

Áætlanagerð gagnrýnd í leyniskýrslu
bandaríska herráðsins
ILLA var staðið að áætlanagerð
fyrir uppbyggingarstarf í Írak og
leit að gereyðingarvopnum, að því
er segir í leynilegri skýrslu sem
unnin var fyrir meðlimi bandaríska
herráðsins og dagblaðið Wash-
ington Times komst yfir eintak af.
Í skýrslunni, sem var lögð fyrir
herráðið í síðasta mánuði, segir
einnig að George W. Bush Banda-
ríkjaforseti hafi síðla ágústmánaðar
2002 lagt blessun sína yfir áætl-
anagerðina um innrásina í Írak, og
að forsetinn hafi allan tímann hald-
ið Ísraelsstjórn upplýstri um
áformin.
Fréttir af innihaldi skýrslunnar,
sem ber titilinn „Aðgerðin Íraskt
frelsi – lexíur lærðar“, eru líklegar
til að eiga eftir að kynda undir
gagnrýni á það hvernig ríkisstjórn
Bush heldur á málum í Írak, er
mannfall í röðum bandaríska setu-
liðsins heldur stöðugt áfram og
kostnaðurinn við hernámið virðist
ætla að fara úr böndum.
Ekki nægur tími til
undirbúnings
Fréttirnar af hinni gagnrýnu
leyniskýrslu herráðsins birtust
sama dag og fjárlagaskrifstofa
Bandaríkjaþings gaf út skýrslu þar
sem varað er við því að ekki verði
hægt að halda úti hernámsliðinu í
Írak nema með því að fjölga í hern-
um, hætta ann-
arri starfsemi á
vegum hersins
utan Bandaríkj-
anna, eða ógilda
þær reglur sem
nú gilda um út-
skiptingu her-
sveita sem eru í
verkefnum er-
lendis.
Í leynilegu herráðsskýrslunni er
bent á vankanta á undirbúnings-
ferlinu fyrir það sem gera þyrfti í
Írak eftir að stríðsátökum lyki.
Þeir sem falið var að sinna áætl-
anagerð fengu ekki nægan tíma til
að setja saman nógu vel undirbúna
aðgerðaáætlun fyrir endur-
uppbygginguna.
„Það hversu seint skipulagðir
hópar voru myndaðir innan varn-
armálaráðuneytisins takmarkaði
tímann sem til umráða var til að
vinna nákvæmar áætlanir og skipu-
leggja ráðstöfun hersveita,“ skrifar
Washington Times upp úr skýrsl-
unni.
Um leit að gereyðingarvopnum í
Írak segir í skýrslunni, að „áætl-
anagerð hófst ekki tímanlega…til
að CentCom [yfirstjórn Banda-
ríkjahers á Persaflóasvæðinu sem
hafði herstjórnarlega umsjón með
innrásinni] væri í stakk búin að
sinna verkinu sem skyldi.“
Illa staðið að und-
irbúningi hernáms
Washington. AFP.
George W. Bush
ERLENT
12 FIMMTUDAGUR 4. SEPTEMBER 2003 MORGUNBLAÐIÐ
haustlitirnir komnir
í verslanir
2 nýjar spennandi palletur fyrir
augu og varir
Gréta Boða kynnir það nýjasta í vetrarförðun
fimmtudag, föstudag og laugardag
CHANEL útsölustaðir:
• Clara Kringlunni
• Hygea Kringlunni
• Hygea Laugaveg
• Hygea Smáralind
• Snyrtivöruverslunin Glæsibæ
Smáralind
ÞÝSKA listakonan Claudia Rogge
stillir sér upp inni í gagnsæja
vörubílnum sínum sem ber heitið
iL2 en í honum eru 66 myndir af
nöktum karlmannslíkömum sem
krjúpa.
Stytturnar eru úr trefjaplasti en
Rogge hefur ferðast með sýningu
sína um margar helstu borgir Evr-
ópu, til dæmis í Þýskalandi og
Frakklandi. Myndin var tekin í
London í gær. Reuters
List í
gagn-
sæjum
vörubíl
ENN dregur saman með stuðn-
ingsmönnum og andstæðingum
evrunnar í Svíþjóð en lands-
menn munu kjósa um upptöku
hennar 14. þessa mánaðar.
Könnun, sem Demoskop annað-
ist og birt var í gær, sýndi, að þá
ætluðu 44% að greiða atkvæði
gegn evrunni, prósentustiginu
færri en fyrir viku, en 39%
hugðust samþykkja hana, fimm
prósentustigum fleiri en í síð-
ustu viku. Óákveðin voru 16%
en 20% fyrir viku. Á mánudag
sýndi Gallup-könnun, að 44%
voru á móti en voru 49% mánu-
deginum áður. 36% studdu evr-
una í stað 34%. Gert var ráð fyr-
ir, að yrði evran samþykkt,
kæmi hún í umferð í Svíþjóð 1.
janúar en Göran Persson for-
sætisráðherra sagði um síðustu
helgi, að yrði henni hafnað,
kæmi næsta tækifæri ekki fyrr
en 2010.
Kona for-
maður presta-
félagsins
INGEBORG Midttømme hefur
verið kjörin formaður norska
prestafélagsins og er hún fyrsta
konan til að gegna því embætti í
103 ára langri sögu þess. Í kosn-
ingum innan félagsins bar hún
sigurorð af annarri konu, Britu
Hardeberg. Midttømme, sem er
prestur í Ósló, hefur í raun haft
forystu fyrir félaginu síðasta
misserið en aðild að því eiga
2.400 prestar. Fyrsti norski
kvenpresturinn var vígður 1961
og töldu þá margir, að það bryti
í bága við kenningar Biblíunn-
ar. Af 11 biskupum norsku þjóð-
kirkjunnar eru nú tvær konur.
Loka
sendiráði
BRESKA stjórnin lokaði í gær
sendiráði sínu í Teheran í Íran
eftir að skotið hafði verið á það.
Áður hafði íranska stjórnin kall-
að heim sendiherra sinn í Lond-
on til skrafs og ráðagerða en
mikil spenna er í samskiptum
ríkjanna vegna handtöku ír-
anska sendimannsins Hade Sol-
eimanpours í Bretlandi. Hefur
Argentínustjórn krafist þess, að
hann verði framseldur henni en
hún sakar Soleimanpour, sem
var sendiherra Írans í Buenos
Aires 1994, um aðild að
sprengjutilræði í menningar-
miðstöð gyðinga í borginni það
ár. Varð það tugum manna að
bana.
Trufflurnar
brugðust
UPPSKERAN á jarðsveppum
eða trufflum í Frakklandi hefur
brugðist að miklu leyti vegna
hitanna í sumar og mikilla
þurrka. Telja sérfræðingar, að
hún muni ekki ná sér á strik
fyrr en eftir tvö ár og þá að því
gefnu, að aðstæður verði skap-
legri en á þessu ári. Þarf svepp-
urinn góðan raka til að þrosk-
ast. Ekki er enn ljóst hve mikil
uppskeran verður en á síðasta
ári var hún alls 35 tonn. Ástand-
ið nú gæti leitt til mikils inn-
flutnings á kínverskum truffl-
um en franskir matunnendur
segja, að þær séu ekki miklu
síðri en þær frönsku.
STUTT
Evran
í sókn í
Svíþjóð
BREZKIR leyniþjónustusérfræðing-
ar höfðu áhyggjur af því að í skýrslu
ríkisstjórnarinnar um gereyðingar-
vopnaeign Íraka, sem birt var í sept-
ember í fyrra, væri hættan sem af
þeim væri talin stafa nokkuð ýkt.
Kom þetta fram í vitnisburði fyrrver-
andi leyniþjónustustarfsmanns fyrir
Hutton-nefndinni svonefndu, sem
rannsakar tildrög andláts efnavopna-
sérfræðingsins Davids Kellys.
Leyniþjónustumaðurinn, sem
kominn er á eftirlaun, Brian Jones að
nafni, tjáði rannsóknarnefndinni að
hann hefði gripið til þeirra „mjög svo
óvenjulegu“ ráða að skrifa yfirmönn-
um sínum bréf til að koma á framfæri
áhyggjum síns starfshóps af því að
sjónarmið hans myndu ekki skila sér í
lokagerð skýrslunnar.
Jones, sem þar til fyrir skömmu
stýrði deild innan leyniþjónustu
brezka varnarmálaráðuneytisins sem
sinnti greiningu á leyniþjónustuupp-
lýsingum um efna-, sýkla- og kjarn-
orkuvopn, sagði sitt lið ekki hafa beð-
ið um að umdeildasta fullyrðingin í
skýrslunni – um að Írakar gætu beitt
efna- og sýklavopnum á innan við 45
mínútum – yrði fjarlægð úr texta
hennar.
„Á engu stigi málsins fórum við
fram á að þessar upplýsingar yrðu
ekki hafðar með í skýrslunni. Við
töldum þetta mikilvægar upplýsing-
ar,“ sagði Jones. En bætti við, að sér
hefði fundist orðalagið á fullyrðing-
unni „svolítið sterkt“.
Jones sagði að sumir í hans starfs-
hópi hefðu talið að í skýrslunni, sem
var unnin af Sameiginlegu leyniþjón-
ustunefndinni (JIC) sem sótti ráð um
framsetningu hennar á skrifstofu
Tonys Blairs forsætisráðherra, hefðu
„viss atriði“ verið „brýnd um of“.
„Það sem ég hafði áhyggjur af var
að efna- og sýklavopnaeign Íraka
væri ekki alveg rétt lýst […] Það voru
ekki nægjanlegar upplýsingar fyrir-
liggjandi um að umtalsverð fram-
leiðsla [á þessum vopnum í Írak]
hefði farið fram,“ bar Jones.
Jones sagði að á sinni deild hefðu
menn haft á tilfinningunni að skrif-
stofa Blairs hefði haft áhrif á gerð
skýrslunnar. Blair og fulltrúar hans
hafa haldið því mjög ákveðið fram, að
leyniþjónustumenn hafi stýrt gerð
skýrslunnar.
Kelly gleypti verkjatöflur
Réttarlæknirinn Richard Allan bar
fyrir rannsóknarnefndinni í gær að
Kelly hefði gleypt hugsanlega ban-
vænan skammt af verkjatöflum.
Michael Page, lögreglufulltrúi sem
átt hefur þátt í lögreglurannsókninni
á andláti Kellys, bar að hann væri
„eins viss og ég get verið“ um að
Kelly hefði svipt sig lífi og að enginn
annar hefði aðstoðað hann við sjálfs-
vígið.
Höfðu áhyggj-
ur af orðalagi
Lundúnum. AP.
Leyniþjónustumenn vitna í Kelly-máli
♦ ♦ ♦
AÐ minnsta kosti fimm létust og
meira en þrjátíu særðust þegar tvær
sprengjur sprungu í lestarvagni í bæ í
Suður-Rússlandi skammt frá landa-
mærum Tétsníu. Talsmaður ráðu-
neytis fyrir neyðartilvik sagði að
a.m.k. 32 hefðu brennst og fengið í sig
sprengjuflísar og að margir af þeim
hefðu verið táningar á leið í háskólann
í bænum Pjatígorsk.
„Allt hristist og skalf. Hið eina sem
ég man er að það var mikið af ryki alls
staðar og allt skalf,“ sagði Ílja Kam-
yshanov, ein hinna særðu, í viðtali við
rússneska sjónvarpsstöð.
Yfirvöld höfðu í gær ekki enn kennt
tétsneskum uppreisnarmönnum um
árásina en þeir hafa staðið fyrir fjölda
tilræða að undanförnu sem hafa kost-
að meira en 150 manns lífið.
ITAR-TASS-fréttastofan greindi
frá því að tveimur heimatilbúnum
sprengjum hefði verið komið fyrir
undir lestinni og að lögregla hefði
handtekið særðan mann sem reyndi
að flýja af vettvangi en hann er grun-
aður um tilræðið.
Fimm létust
er lest var
sprengd
Moskvu. AFP.