Morgunblaðið - 04.09.2003, Blaðsíða 18

AUSTURLAND
18 FIMMTUDAGUR 4. SEPTEMBER 2003 MORGUNBLAÐIÐ
KOSIÐ verður um nýja sveitarstjórn í sameinuðu sveit-
arfélagi Búða- og Stöðvarhrepps 20. september nk. Þá
verður einnig kosið um nafn á hið nýja sveitarfélag.
Eins og gengur hafa verið deildar meiningar um
hvort sameiningin væri hreppunum til hagsbóta og
menn einkum tilgreint bága fjárhagsstöðu Stöðv-
arhrepps í því sambandi. Búðahreppur hefur hins veg-
ar verið að ná sér á strik fjárhagslega eftir örðugleika
vegna byggingar íþróttamannvirkja í bænum.
„Þessi rök voru fyrst og fremst notuð af þeim sem
þekktu ekki reikninga sveitarfélaganna,“ segir Guð-
mundur Þorgrímsson, oddviti Búðahrepps. „Þeir sem
vissu um hvað var verið að tala vita að við hér í Búða-
hreppi erum komin á réttara ról fjárhagslega en und-
anfarið, en samt sem áður svo langt frá að teljast það
vel í sveit sett að við höfum næga peninga til að gera
allt milli himins og jarðar. Það er ekkert sveitarfélag
þannig í dag.
Ég er sannfærður um að við hér á Búðum erum ekki
verr sett eftir sameiningu heldur en fyrir. Það er mín
bjargfasta trú og vissa að samfélagið í Búðahreppi og
Stöðvarhreppi er mörgum sinnum betur í stakk búið
eftir sameiningu vegna þess að við fáum mikla peninga
inn í þetta frá Jöfununarsjóði sveitarfélaga á næstu
þremur til fjórum árum sem ekki hefðu komið ella.
Hvort það er til að bjarga anganum hér eða á Stöðv-
arfirði skiptir ekki máli í mínum huga.“ Guðmundur
segir sparnað í yfirstjórn verða verulegan, en hún
verður á Fáskrúðsfirði.
Uppbygging í sjónmáli
Íbúar á Fáskrúðsfirði eru nú um 600 talsins og segir
Guðmundur hafa fjölgað í bænum á árinu.
„Ég finn vaxandi bjartsýni hjá bæjarbúum vegna
framkvæmdanna hér fyrir austan. Leiguíbúðir eru all-
ar fullar og bið er eftir húsnæði. Eitt hús er nú í bygg-
ingu, það fyrsta í ein sautján ár.“
Guðmundur segir uppbygginguna hefjast fyrir al-
vöru þegar Fáskrúðsfjarðargöng verða tekin í notkun.
„Þá verður vendipunktur hjá okkur,“ segir hann. „Ég
held að þá fari menn að togast á um búsetu fólks sem
ætlar að búa hér fyrir austan og vinna við álverið á
Reyðarfirði. Ég sé fyrir mér að okkar sveitarfélag
muni koma sér á framfæri sem fyrsta flokks fjöl-
skylduvænt sveitarfélag. Við höfum mjög góða þjón-
ustu á mörgum sviðum og verðum þannig í sveit sett að
vera aðeins til hliðar við hringveginn fyrir austan og
ekki í þeirri hringiðu sem maður upplifir til dæmis á
Egilsstöðum. Hér verður áfram rólegt og samfélagið
þétt.“
Einhæft atvinnulíf heyrir sögunni
til með tilkomu Fáskrúðsfjarðarganga
Atvinnulífið á Fáskrúðsfirði skortir fjölbreytni að
mati oddvitans. Fyrir utan landbúnaðinn í sveitinni
stendur Loðnuvinnslan undir miklum meiri hluta
byggðarlagsins. „Það er ekki gaman fyrir konur sem
vilja komast út á vinnumarkaðinn að hafa þann eina
möguleika að binda á sig hanskana og labba út í frysti-
hús,“ segir Guðmundur. „Með því að göngin opnast
myndast þó fjölbreytnin og það er ekki víst að við þurf-
um endilega að hafa hana hér heima fyrir, hún kemur á
svæðið og við sköpum svo fólki skilyrði til að búa í fjöl-
skylduvænu sveitarfélagi.“
Fáskrúðsfirðingar ósáttir
við þjónustu olíufélaganna
Búðahreppur sendi nýlega erindi til Samkeppnis-
stofnunar þar sem spurt er um réttmæti þess að olíufé-
lögin þrjú, Shell, Olís og Esso reki sameiginlega bensín-
og olíusölu á Fáskrúðsfirði og bjóði ekki upp á sjálfsölu
á bensíni, eins og er í öllum öðrum bæjarfélögum
eystra, utan Eskifjarðar. Nota Fáskrúðsfirðingar tæki-
færið og taka bensín í öðrum sveitarfélögum á ferðum
sínum til að njóta afsláttar sem þeim stendur ekki til
boða heima fyrir.
Að sögn Guðmundar setur Skeljungur kostnað við
uppsetningu sjálfsala fyrir sig, en Esso hefur lýst bréf-
lega að það sé ekki í veginum af þeirra hálfu.
„Spurningin er hvort olíufélögin telji það ekki skipta
máli að setja hér upp sjálfsafgreiðslu af því þau eru öll
um einu bensínstöðina á staðnum. Það er alveg klárt að
þessi gagnrýni beinist ekki að Söluskála Stefáns Jóns-
sonar hér í bænum, heldur viljum við að olíufélögin
rétti okkar hlut. Samkeppnisstofnun er nú með málið á
sínu borði samhliða víðtækri athugun sinni á samráði
olíufélaganna.“
Breytingar í nýju sveitarfélagi Búða- og Stöðvarhrepps
Fjölbreytnin kemur
með göngunum
Fáskrúðsfjörður
Morgunblaðið/Steinunn Ásmundsdóttir
Guðmundur Þorgrímsson, oddviti Fáskrúðsfirðinga,
segir sameininguna við Stöðvarhrepp jákvæða og gefa
mikla möguleika.
FLUGFÉLAG Íslands hefur aukið
sætaframboð milli Egilsstaða og
Reykjavíkur um ríflega 50% frá því
fyrir ári. Nú eru flognar fjórar ferðir
á hverjum virkum degi og þrjár á
helgidögum.
Í fréttatilkynningu frá félaginu
kemur fram að eftirspurn eftir flugi
á þessari flugleið hafi aukist mjög
eftir að framkvæmdir fóru í gang
eystra. Þá hafi almennur áhugi vaxið
á svæðinu ásamt eftirspurn í dags-
ferðir á Kárahnjúkasvæðið, svo
dæmi sé tekið.
Forsvarsmenn Flugfélagsins gera
ráð fyrir að eftirpurn eigi enn eftir
að aukast þegar framkvæmdaþungi
á Austurlandi vex á næstu mánuðum
og misserum.
Tæplega fjörutíu prósenta
aukning milli mánaða
Í ágústmánuði var slegið met í far-
þegaflutningum um Egilsstaðaflug-
völl. 9.165 farþegar fóru þá um völl-
inn og er það 36,9% aukning á milli
mánaða. 52.184 farþegar hafa farið
um Egilsstaðaflugvöll það sem af er
árs og er það 22% aukning frá fyrra
ári. Lendingar hafa aukist um rúm
9% og vöruflutningar einnig aukist
markvert.
Met í flutning-
um í ágúst
Sætaframboð Flugfélagsins milli
Egilsstaða og Reykjavíkur aukið
Egilsstaðir
ÞAÐ er ýmislegt sem grær á há-
lendinu.
Þannig hefur lengi verið rækt-
aður hvítlaukur í garði landvarða
í Drekagili og hér vaxa furur og
litaglaður blómgróður framan við
búðir Arnarfells við Kárahnjúka.
Þar um slóðir vex að öðru leyti
venjulegur íslenskur fjallalág-
gróður.
Blómlegt hjá
Arnarfells-
mönnum
Morgunblaðið/Steinunn Ásmundsdóttir
Kárahnjúkar
Í FYRRAKVÖLD hélt Norðlenska
matborðið hf. (Norðlenska) fund
með sauðfjárbændum á Austur-
landi. Tilefni fundarins var að skýra
frá því að ekki verður slátrað í slát-
urhúsinu á Fossvöllum í haust.
Sigurjón Bjarnason er fram-
kvæmdastjóri Sláturfélags Austur-
lands. „Ástæðan er sögð sú að ekki
fæst nægilega mikið sláturfé af
svæðinu Eyjafirði, Þingeyjarsýslum
og Austurlandi til að bæði sé hægt
að reka sláturhús á Fossvöllum og
Húsavík, segir Sigurjón.
„Þar sem Húsavíkurhúsið hefur
útflutningsleyfi og slátrun þar er
verulega hagkvæmari pr. kíló en á
Fossvöllum, verður Fossvallaslátur-
húsinu lokað.“
Sigurjón segir aðdraganda
ákvörðunarinnar ekki langan, því
stefnt hafi verið að því að slátra í
báðum húsunum og ekki betur vitað
en að fé myndi skila sér frá nægi-
lega mörgum til að það yrði nauð-
synlegt. Ástæður þess að svona hafi
farið séu margþættar. „Í fyrsta lagi
hafa nokkrir austfirskir bændur
ekki skipt við Sláturfélag Austur-
lands og Kaupfélag Héraðsbúa síð-
ustu árin og þannig komið nokkur
skörð í hópinn fyrir. Í öðru lagi er
sama sagan í Eyjafirði, þar fer
bændum fækkandi sem slátra hjá
Norðlenska.
Féð af Austurlandi er samt sem
áður um 50% af heildarinnleggi á
Húsavík og vegur því þungt hjá
Norðlenska.“
Austfirskir
bændur
verða að
fara með fé
sitt norður
Egilsstaðir