Morgunblaðið - 09.09.2003, Blaðsíða 2

FRÉTTIR
2 ÞRIÐJUDAGUR 9. SEPTEMBER 2003 MORGUNBLAÐIÐ
HÓTA OR UPPBOÐI
Grímsnes- og Grafningshreppur
krefur Orkuveitu Reykjavíkur um
ógreidd fasteignagjöld vegna eigna í
sveitarfélaginu og hefur hótað OR
uppboði á eignum Orkuveitunnar á
Nesjavöllum verði OR ekki við
greiðsluáskorun hreppsins. Um er
að ræða skuld upp á 8 til 9 milljónir
króna, en OR telur sér ekki skylt að
greiða fasteignagjöld í hreppnum.
Misstu heimilið í bruna
Eldur kom upp í íbúðarhúsi í
Flétturima í gær og er íbúðin gjör-
ónýt, sem og innbúið. Ekki er talið
ólíklegt að kviknað hafi í út frá
þurrkara. Þetta er í annað skiptið
sem kviknar í hjá fjölskyldunni.
Lítið hlaup í Skaftá
Lítið hlaup hófst í Skaftá á sunnu-
dag, en það var strax í rénun í gær.
Vatnamælingamenn frá Orkustofn-
un segja að einungis hafi verið um
„hálft“ hlaup að ræða þar sem vatns-
magnið var einungis um helmingur
af því sem venjan er í hlaupi í ánni.
Talið er að um leka á jarðhitavatni
úr Skaftárkötlum hafi verið að ræða,
auk þess sem mikið hefur rignt á
svæðinu undanfarið.
50% fleiri í örorkumat
Umsóknum um örorkumat hefur
fjölgað mikið undanfarið ár og hefur
fjölgunin verið um 50% þegar
þriggja mánaða tímabil í ár er borið
saman við sama tíma í fyrra. Sam-
bærileg aukning hefur orðið á um-
sóknum um endurhæfingarlífeyri.
Tryggingayfirlæknir segir erfitt að
átta sig á skýringum á þessari aukn-
ingu, en bendir á langtíma-
atvinnuleysi sem eina skýringu.
Ísraelar breyti afstöðu sinni
Yasser Arafat, leiðtogi Palest-
ínumanna, sagði í gær að Ahmed
Qurei, forseti palestínska þingsins,
hefði samþykkt að taka við embætti
forsætisráðherra palestínsku heima-
stjórnarinnar. Qurei sagði að til-
gangslaust væri að skipa nýjan for-
sætisráðherra ef Ísraelsstjórn
breytti ekki afstöðu sinni til Arafats
og palestínsku þjóðarinnar. Hann
setti einnig það skilyrði fyrir því að
taka við embættinu að hann nyti
stuðnings Bandaríkjastjórnar.
Óskað eftir hjálp í Írak
George W. Bush Bandaríkja-
forseti hvatti til þess í ræðu í fyrra-
kvöld að þjóðir heims veittu Banda-
ríkjamönnum og Bretum meiri
aðstoð í Írak og sagði þörfina mikla.
Bretar sendu þangað 1.200 hermenn
til viðbótar í gær.
Y f i r l i t
Í dag
Sigmund 8 Viðhorf 28
Viðskipti 12 Kirkjustarf 33
Erlent 13/14 Minningar 28/31
Höfuðborgin 15 Bréf 32
Akureyri 16 Dagbók 34/35
Suðurnes 17 Kvikmyndir 40
Landið 19 Fólk 40/45
Neytendur 20 Bíó 42/45
Listir 21/22 Ljósvakar 46
Forystugrein 24 Veður 47
* * *
TRYGGVI Jónatansson, fyrrverandi bóndi á
Litla-Hamri í Eyjafirði, er 100 ára í dag. Tryggvi
býr nú á dvalar- og hjúkrunarheimilinu Hlíð á
Akureyri, sjónin er orðin léleg og heyrnin sömu-
leiðis en hann er hins vegar andlega hress. „Ég
er nú ekki mikið kalkaður,“ sagði Tryggvi og hló
þegar Morgunblaðið heimsótti hann í gær.
Tryggvi hefur gaman af því að kasta fram vís-
um, en sagði það reyndar há sér að hann væri
farinn að gleyma. „Maður er misjafn. Ég þreytist
stundum svo fljótt og er eiginlega með verra
móti í dag,“ sagði Tryggvi. Hann fór reyndar
með einn fyrripart, og sagði blaðamann vessgú
verða að botna, en ekkert varð úr því.
„Ég var með blandað bú – ég var nú enginn
stórbóndi,“ segir Tryggvi þegar hann er spurður
út í búskapinn. Hann var sem sagt með kýr og
kindur „og svo átti ég góð hross“.
Tryggvi hefur orð á því að margt gamalt fólk
telji heiminn fara versnandi en tekur hins vegar
ekki svo djúpt í árinni. Segir þó slæmt hve gæð-
unum er misskipt „og það eru svo margir sem
stela af því sem þeim er trúað fyrir“.
Tryggvi reyndi sitthvað annað en búskapinn;
var til dæmis í eyrarvinnu í Reykjavík á sínum
tíma og segir það erfiðustu vinnu sem hann hafi
lent í. „Það tók allt upp í sólarhring að losa
togarana þegar þeir komu fullir af fiski. Karl-
arnir voru svo gigtveikir sumir að þeir sögðust
liggja í rúminu heilan sólarhring á eftir.“
Þá kveðst hann hafa verið á Korpúlfsstöðum
þegar húsið þar var byggt. „Ég vann reyndar
ekki við bygginguna heldur úti. Ég var talinn
verkstjóri og man að kaupið var 25 krónur á
mánuði.“
Tryggvi var tvö ár syðra, þá var hann um tíma
á Siglufirði en hefur lengst af dvalið í Eyjafirði.
Þegar Tryggi er spurður hvort hann hafi verið
heilsuhraustur í gegnum tíðina svarar hann: „Ja,
ég veit ekki hvað ég á að kalla það. Ég hef lík-
lega verið fjórtán sinnum á sjúkrahúsi. Ég varð
fyrir slysi og hrundi bæði á líkama og sál. Það
fór í sundur görn og ég fékk lífhimnubólgu og
þurfti þá að vera lengi á sjúkrahúsi. Ég var lengi
að ná mér.“ Hann segir langt síðan þetta var en
kveðst sannfærður um að hann hafi fengið lækn-
ingu þessa meins frá þeim fyrir handan, eins og
hann segir. „Einu sinni kvaddi ég hjúkrunarkon-
una og þegar ég sleppti á henni hendinni var eins
og einhver straumur færi um mig.“
Þá var hann á sínum tíma á Landspítalanum í
fótaðgerðum. Tryggvi er nefnilega með staurfót
og búið er að skipta um lið í hinum. „Það er
býsna mikil bæklun að vera með staurfót. Ég var
hestamaður og við tamningar og eftir að ég fékk
staurfótinn var erfitt að fara á bak. Ég átti að
vísu góðan hest sem var eins og hugur manns og
hann gat ég teymt að þúfu og komst þannig á
bak. En ég hætti að keyra bíl, sem var auðvitað
vitleysa.“
Hefur lengi fylgst með fréttum
Tryggvi segist lengi hafa fylgst með fréttum.
Nú getur hann hins vegar ekki lengur horft á
sjónvarp en hann hlustar á útvarp og spólur.
Eiginkona Tryggva var Rósa Kristjánsdóttir
frá Hrísey og varð þeim fjögurra barna auðið.
Eldri sonurinn er látinn, sá yngri býr á Akureyri
og tvær dætur búa í sveit, önnur meira að segja
á Litla-Hamri. „Hin býr í Grænuhlíð sem er
lengst frammi í Saurbæjarhreppi. Nei, ég má
víst ekki taka svona til orða lengur – þetta er allt
orðið sameinað,“ segir gamli maðurinn og hlær
hátt.
En hvers vegna skyldi hann vera orðinn svona
gamall? Tryggvi svarar því: „Ja, hver veit það?
Maður var hraustur, ég var grenjaskytta og lá
úti; var mikið úti og svo át ég líka góðan mat í
gamla daga. Það var nú ekki verið að neita fit-
unni þá!“
Tryggvi segist alltaf hafa gengið mikið og
þakkar því meðal annars hve gamall hann er orð-
inn. „Ég hef nú verið talinn hálfsérvitur. Hef til
dæmis stundum verið í óbyggðum á afmælum
mínum; á sjötíu ára afmælinu var ég inni í
Grána, hann er við Geldingsá. Ég vildi bara kom-
ast burt frá heimsins glaumi! Það veit enginn hve
mikil hvíld er í því að vera laus frá öllum hávað-
anum.“
Morgunblaðið/Kristján
Tryggvi er hinn hressasti þrátt fyrir árin 100.
Tryggvi Jónatansson á Akureyri er 100 ára í dag
Það er hvíld í því að
vera laus við hávaða
Akureyri. Morgunblaðið.
SALA og áhugi á póstsíunarþjón-
ustu hjá Friðriki Skúlasyni ehf.
hefur vaxið mjög að undanförnu
eftir að illskeyttir tölvuormar
trufluðu tölvusamskipti. Friðrik
Skúlason segir að fólk og fyr-
irtæki geri sér í auknum mæli
grein fyrir að nauðsynlegt sé að
verjast veirum og tölvuormum.
Óþægindin sem þessi óværa valdi
geti verið það mikil að nauðsyn-
legt sé að grípa til ráðstafana í
tíma áður en skaðinn sé skeður.
Friðrik segir að sú holskefla
tölvuorma sem helltist yfir í lok
ágúst sé ekki alveg yfirstaðin.
Daglega hafi fyrirtækinu borist
meira en 100.000 tilkynningar frá
því tölvuormurinn W32/Sobig.-
F@mm gerði vart við sig og bú-
ast megi við óbreyttu ástandi til
10. september, þegar hann eigi að
hætta að virka. Friðrik sagði að
áhrif ormsins væru þó miklu
minni nú en í upphafi vegna þess
að búið væri að hreinsa flestar
sýktar tölvur sem hefðu sent orm-
inn frá sér. Hann sagði að til-
kynningar væru sendar á alla vef-
þjóna um sýktar tölvur og nú
væru mjög fáar tölvur sýktar á
Íslandi. Þorrinn af öllum tilkynn-
ingum sem bærust í dag kæmi að
utan.
Friðrik sagði að engar nýjar út-
færslur hefðu enn borist af Sobig-
tölvuorminum, en menn hefðu
vissar áhyggjur af því að höfund-
ur ormsins, sem virtist vera nokk-
uð snjall forritari, færi aftur af
stað. Hann hefur ekki enn fundist.
Hins vegar er búið að handtaka
tvo menn sem búið hafa til nýjar
útfærslur af Msblaster-tölvuorm-
inum. Annar var handtekinn í
Bandaríkjunum en hinn í Rúmen-
íu. Talið er að þeir eigi yfir höfði
sér allt að 15 ára fangelsi.
Sobig-tölvuormurinn veldur ennþá skaða hjá fólki
Stóraukin sala og áhugi
á póstsíunarþjónustu
Mjög fáar tölvur
eru enn sýktar
hér á landi
LÖGREGLA og tollgæsla í Vest-
mannaeyjum fundu um 50 grömm af
amfetamíni og eitt gramm af hassi
eftir leit á tveimur skipverjum togar-
ans Stíganda VE á sunnudagskvöld.
Mennirnir voru með efnið í pakkn-
ingum innvortis, en það fannst eftir
röntgenmyndatöku á Heilbrigðis-
stofnun Vestmannaeyja.
Fíkniefnahundurinn Tanja fann
lykt í einum klefa togarans og voru
þrír skipverjar færðir í röntgen-
myndatöku á Heilbrigðisstofnun-
inni. Tveir þeirra reyndust vera með
aðskotahluti innvortis sem síðar kom
í ljós að voru pakkningar sem inni-
héldu fíkniefni. Voru þeir handteknir
en þeir hafa áður komið við sögu lög-
reglu vegna fíkniefnamála. Togarinn
Stígandi VE var að koma úr ferð frá
Englandi.
50 grömm af
amfetamíni
tekin af
skipverjum
NETNOTKUN landsmanna var
mjög mikil í síðustu viku, sam-
kvæmt upplýsingum frá fyrirtæk-
inu Modernus, sem gerir vikuleg-
ar mælingar á umferð á íslenskum
vefjum.
Uppsöfnuð notkun miðlanna í
samræmdri vefmælingu fyrirtæk-
isins mældist rétt tæplega 740.000
heimsóknir í vikunni. Þar af
tengdust rúmlega 143 þúsund
gestir, eða tölvur, mbl.is, sem er
7,3% aukning frá vikunni á undan.
Segir á heimasíðu Modernus að
um sé að ræða Íslandsmet í áhorfi
á einn vef.
Alls tengdust 143.324 tölvur vef-
setrinu www.mbl.is í liðinni viku í
761.669 stökum innlitum. Fjöldi
sóttra síðna nam alls 2.653.080,
sem gerir 18,51 síðu á gest.
Sama tölvan aðeins mæld
einu sinni innan vikunnar
Um er að ræða svonefnda ein-
kvæma gestamælingu innan vik-
unnar, sem þýðir að sama tölva er
einungis mæld einu sinni innan
vikunnar.
Þess skal getið að annar stærsti
vefur landsins, leit.is, sem oftast
fylgir mbl.is eins og skugginn,
fékk 102.269 gesti í vikunni.
Á heimasíðu Modernus segir að
mbl.is sé á stærð við Politiken.dk
og aðeins 10.078 gestum muni nú
á vefjunum.
Í ljósi stöðu mbl.is á íslenska
netmarkaðinum beri þó fremur að
bera mbl.is saman við tölur efsta
vefjarins í Danmörku, en það er
vefur Microsoft þar í landi,
msn.dk, sem 826.158 manns sóttu
heim.
Íslands-
met hjá
mbl.is í
netnotkun

Mæling Modernus/27