Morgunblaðið - 09.09.2003, Blaðsíða 31
MINNINGAR
MORGUNBLAÐIÐ ÞRIÐJUDAGUR 9. SEPTEMBER 2003 31
Ástkær móðir okkar, tengdamóðir, amma og
langamma,
ELÍN GUÐMUNDSDÓTTIR,
Droplaugarstöðum,
áður til heimilis á Hringbraut 108,
sem lést mánudaginn 1. september, verður
jarðsungin frá Dómkirkjunni miðvikudaginn
10. september kl. 15.00.
Guðmundur Jónasson,
Kristján Jónasson,
Sólrún Jónasdóttir, Ólafur Viggó Sigurbergsson,
Sigríður Jónasdóttir, Guðmundur Loftsson,
barnabörn og barnabarnabörn.
Innilegar þakkir sendum við öllum þeim, sem
sýndu okkur samúð og hlýhug við andlát og
útför föður okkar, tengdaföður og afa
LÁRUSAR G. LÚÐVÍGSSONAR,
Skólavörðustíg 16a,
Reykjavík.
Hildur Lárusdóttir von Schilling, Peter von Schilling,
Karólína Lárusdóttir Roberts,
Lúðvíg Lárusson, Margrét Guðmundsdóttir,
barnabörn og barnabarnabarn.
Lokað
í dag þriðjudag frá kl. 12 til 16 vegna jarðarfarar SIGURBJARTAR
GUÐJÓNSSONAR sem verður frá Árbæjarkirkju kl. 13.30.
Tanni ehf.
Höfðabakka 9.
Ástkær eiginmaður minn,
HARALDUR SIGURÐSSON,
Stífluseli 9,
lést á líknardeild Landspítalans í Kópavogi laugardaginn 6. september.
Margrét Margeirsdóttir.
Bróðir okkar
SVEINUNGI JÓNSSON
Frá Tóvegg
Hvammi - heimili aldraðra,
Húsavík,
sem lést á Heilbrigðisstofnun Þingeyinga,
Húsavík, fimmtudaginn 4. september, verður
jarðsunginn frá Húsavíkurkirkju miðvikudaginn
10. september kl. 14.00.
Fyrir hönd aðstandenda,
Adam Jónsson,
Rósa E. Jónsdóttir,
Sigurður Jónsson.
Maðurinn minn, faðir, tengdafaðir og afi,
SIGURBJÖRN SIGTRYGGSSON
fyrrverandi aðstoðarbankastjóri,
Reynimel 28,
Reykjavík,
sem lést laugardaginn 30. ágúst, verður
jarðsunginn frá Fossvogskirkju föstudaginn 12.
september kl. 13.30.
Ragnheiður Viggósdóttir,
Birna Sigurbjörnsdóttir, Jón Gunnlaugur Jónasson,
Hilmar Sigurbjörnsson,
Marta Jónsdóttir,
Hjalti Jónsson,
Ragnheiður Jónsdóttir,
Davíð Jónsson.
Elskuleg móðursystir okkar,
INGIBJÖRG SIGURÐARDÓTTIR,
Sunnuhlíð 1B,
Kópavogi,
lést sunnudaginn 31. ágúst sl. á Landspítala,
Hringbraut.
Jarðarförin hefur farið fram í kyrrþey að ósk
hinnar látnu.
Fyrir hönd aðstandenda.
Ólafur Tómasson, Rannveig Tómasdóttir,
Sigurður Björnsson, Margrét S. Björnsdóttir.
Ástkær eiginmaður minn, faðir okkar, afi og
langafi,
ÓSKAR INGI MAGNÚSSON
bóndi,
Brekku,
Skagafirði,
verður jarðsunginn frá Sauðárkrókskirkju
laugardaginn 13. september kl. 14.00.
Herfríður Valdimarsdóttir,
Guðrún Valdís Óskarsdóttir,
Magnús Ingi Óskarsson, Signý Jóhannesdóttir,
Rósa Margrét Hjálmarsdóttir,
Erla Hlín Hjálmarsdóttir,
afabörn og langafabörn.
Ástkær eiginkona mín, móðir og dóttir,
SALÓME J. JÓNSDÓTTIR,
Flateyri,
verður jarðsungin frá Fossvogskirkju fimmtu-
daginn 11. september kl. 13.30.
Fyrir hönd aðstandenda.
Grétar Arnbergsson,
Ásdís E. Grétarsdóttir,
Jón S. Jónsson.
í þessu daglega amstri, elda, baka,
kaupa gjafir eða velja fatastærðir á
krakkana. Ég dáðist alltaf að því
hvað hún gat „reddað“ öllu, eins og
t.d. fyrir jólin þegar hún setti allt í
gang. Þá bakaði hún, gerði frúmasí
og trifflé og örugglega sitthvað fleira
sem ég kann ekki að nefna og endaði
svo með að baka tvöfalda uppskrift
af vanilluhringjum handa okkur
Nonna og allt þetta gerðist á meðan
ég sat við eldhúsborðið og velti vöng-
um yfir jólafötunum á börnin. Einu
sinni sá ég hana setja sósulit og bök-
unardropa í súkkulaðikökuna sem
hún var að baka í bústaðnum, af því
að kakóið var búið. Þegar ég gapti af
undrun sagði hún bara: „Við meikum
það í sveitinni“. Hún geymdi aldrei
neitt til morguns sem hún gat gert
samdægurs, heldur framkvæmdi
strax.
Dilja varð mér fljótt miklu meira
en bara tengdamóðir, hún varð minn
besti vinur og reyndist mér ávallt
vel. Alltaf gátum við leitað til hennar
varðandi umönnun barnanna og það
var hún sem flutti inn og sá um heim-
ilið þegar við fórum utan. Á þeim
stundum fór hún sem stormsveipur
yfir húsið og garðinn líka og allt varð
hreint og fínt. Ótrúleg kona. En við
ferðuðumst líka mikið saman, ýmist
öll saman eða bara við tvær með
krakkana og eru allar sólarlanda-
ferðirnar ógleymanlegar í huga mín-
um og barnanna.
Diljá hélt vel utan um sitt fólk og
vildi hafa alla saman. Í því skyni
lagði hún ríka áherslu á hinar ýmsu
hefðir eins og t.d. á sautjánda júni
fyrir hádegi, þá urðu allir að fara nið-
ur í bæ og sjá þegar kransinn var
settur við styttuna eða þegar kveikt
var á jólatrénu á Austurvelli og svo á
Ægisíðuna í heitt súkkulaði og
jólasmákökur á eftir. Að maður tali
nú ekki um lambalærið á sunnudög-
um eða páskadagsmorgun í bústaðn-
um. Þar var maður vakinn með
páskaeggi og allir sem komu í heim-
sókn fengu páskaegg með málshætti.
Ég mun minnast Diljár tengda-
móður minnar með þakklæti í huga
fyrir allt sem hún gerði fyrir mig í
þau tuttugu og þrjú ár sem við áttum
saman, fyrir allt sem hún kenndi mér
en ekki síst fyrir vináttuna sem var
mér afar mikilvæg og dýrmæt.
Hennar er sárt saknað.
Sá er eftir lifir
deyr þeim sem deyr
en hinn dáni lifir
í hjarta og minni
manna er hans sakna.
Þeir eru himnarnir
honum yfir.
(Hannes Pétursson.)
Hrafnhildur (Habbý).
Mig langar með nokkrum orðum
að þakka þér elsku amma mín fyrir
allt sem þú hefur gefið mér.
Á góðum stað í hjarta mínu á ég
yndislegar minningar úr barnæsk-
unni með ykkur afa vestur á Ægisíðu
eða í sumarbústaðnum uppi í Gríms-
nesi.
Og nú hrannast upp í huga mínum
allar þessar fallegu minningar eins
og myndbrot á hægum hraða; sam-
veran um jólin, eða ferðir okkar í
sundlaugina, bakaríið og fiskbúðina,
allt saman stórkostleg ævintýri í
barnshuganum, af því að þú amma
mín varst með í för.
Alltaf leyfðir þú okkur krökkunum
að máta fínu fötin þín og skartgrip-
ina – svo héldum við stórkostlegar
tískusýningar fyrir þig og þú hlóst
og brostir eins og engill. Ég man líka
að eitt sinn þegar við Einar frændi
komum rennandi blaut og köld úr
fjöruferð niðri við Ægisíðuna þá
breiddir þú yfir okkur í sófanum og á
meðan hrollurinn var að fara úr okk-
ur hélstu í hendurnar okkar og við
horfðum á bíómynd í sjónvarpinu og
fengum brjóstsykur hjá þér sem þú
áttir alltaf til í töskunni þinni. Þannig
varst þú alltaf til staðar amma mín,
svo blíð og góð.
Ég man líka þegar Sigríður Birta
kom í heiminn, þá varst þú með þeim
fyrstu að koma upp á fæðingardeild
og óska okkur Pétri til hamingju og
segja mér hvað þú værir stolt af mér.
Ég vildi að ég hefði áttað mig á því,
hvað þú varst í rauninni orðin lasin
og að ég hefði getað kvatt þig betur,
amma mín. En ég veit að þú vissir
hvað mér þótti ofboðslega vænt um
þig og vona að þú vitir að ég vildi að
ég hefði komið til þín í heimsókn síð-
ustu daga þína, en það þýðir ekki að
tala um það núna og ætla ekki að
svekkja mig á því, alls ekki, og ég
veit að þú hefðir ekki viljað að ég
gerði það.
Ég á þessa kvöldbæn sem er í
uppáhaldi hjá mér og ætla að minn-
ast þín í hvert skipti sem ég fer með
hana með Birtu minni.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Elsku afi og fjölskylda, megi guð
vera með okkur öllum og gefa okkur
styrk á þessari erfiðu stundu.
Thelma G. Jónsdóttir.
Amma Diljá var geislandi og lífs-
glöð kona sem naut þess að lifa lífinu.
Hún var mikill listunnandi og fag-
urkeri í alla staði og lét fátt framhjá
sér fara í listviðburðum líðandi
stundar. Amma var heimskona, ferð-
aðist víða með afa Bjarna og nutu
þau þess að skoða, borða góðan mat
og vera til. Ávallt smekkleg og óað-
finnanleg til fara og í framkomu. Í
minningunni er hús ömmu og afa á
Ægisíðunni bækistöð stórfjölskyldu.
Við ólumst þar upp mörg barnabörn-
in og voru það forréttindi að geta
hlaupið upp á milli hæða úr kjallar-
anum og heimsótt Guðrúnu lang-
ömmu með púddurnar sínar á mið-
hæðinni, afa og ömmu á efri hæðinni
og frændsystkinin í risinu. Þetta var
stórt fjölskylduhús við sjóinn. Amma
var mikil húsmóðir og hugsaði vel
um ungana sína og sá til þess að
hefðir skyldu hafðar í heiðri. Með ný-
lagt hár, bleikar neglur og varalit í
stíl reiddi hún fram dýrindis kræs-
ingar við öll tækfifæri á háhæluðum
inniskóm. Gestrisni hennar var ein-
stök. Hún elskaði að hafa fólk í
kringum sig og fólk fann það með
hlýrri nærveru hennar. Það er mikill
missir að ömmu Diljá. Hún var
drottningin okkar og fyrirmynd.
Minningin um frábæra ömmu lifir
um ókomna tíð.
Diljá, Sveinbjörg og
Borgþór (Bonni).
Fleiri minningargreinar um Diljá
Esther Þorvaldsdóttur bíða birt-
ingar og munu birtast í blaðinu
næstu daga.