Morgunblaðið - 09.09.2003, Blaðsíða 40

40 ÞRIÐJUDAGUR 9. SEPTEMBER 2003 MORGUNBLAÐIÐ
ÍTALSKA verkefnið er nokkurs
konar endurvinnsla á samnefndri
breskri spennumynd frá árinu 1969,
sem fjallaði um stórkostlegt gullrán
og skartaði hinum orðheppna og
sjálfsörugga Michael Caine í aðalhlut-
verki. Í nýju útgáfunni hafa nokkrir
vel valdir leikarar verið kallaðir til,
Mark Wahlberg kemur í stað Caines í
hlutverki aðalræningjans en honum
til stuðnings er eðalleikarinn Edward
Norton, auk Donalds Sutherlands og
smærri stjarna, s.s. Charlize Theron,
Seths Greens, Jasons Stathams og
Mos Defs. Þessi leikarahópur myndar
uppistöðuna í spennumynd, sem á í
raun lítið sameiginlegt með forveran-
um annað en gullránið og tilkomu-
mikinn kappakstur nokkurra Austin
Mini-bíla, sem færir virðast í flestan
sjó. Það er einna helst þessi skemmti-
legi leikarahópur og þétt spennu-
framvinda sem gera kvikmyndina að
sæmilegri afþreyingu, en þó ber að
varast að rýna um of í fléttuna. Þar
eru nefnilega stórar gloppur sem lítið
vit reynist í þegar nánar er að gáð.
Kvikmyndin hefst á tilkomumiklu
ránsatriði, sem á sér stað í Feneyjum.
Þar hefur hópur atvinnuræningja
lagt á ráðin um stórkostlegt gullrán
og er útfærslan öll hin flóknasta. Úr
eru samstillt, húfur dregnar yfir höf-
uð, göt boruð á veggi og áður en
áhorfandinn veit af er ræningjahóp-
urinn stunginn af á hraðbát með gull-
ið innanborðs. Í þessu lipurlega ráns-
atriði er sviðsetningin í Feneyjum
nýtt skemmtilega og líflegur hetju-
hópur kynntur til sögunnar. Já, hetju-
hópurinn segi ég, því eins og í öðrum
ránsmyndum eru ræningjarnir nefni-
lega hetjur, og hér er reyndar gengið
lengra en góðu hófi gegnir í að búa til
þessi líka einstöku ljúfmenni úr ræn-
ingjunum. Þó svo að þeir hafi stundað
atvinnuglæpamennsku allt sitt líf
virðist sem þeir hafi aldrei þurft að
beina byssu að nokkurri lifandi veru,
og í þeirra hópi eru það tryggð og vin-
átta sem gilda. Aðalpaurinn og gæða-
blóðið Charlie (Mark Wahlberg) á sér
meira að segja trausta föðurfyrir-
mynd í elsta meðlimi grúppunnar,
hinum reynda John (Donald Suther-
land). Það kemur því á óvart þegar
einn meðlimur hópsins, Steve
(Edward Norton), snýr baki við fé-
lögum sínum með hrikalegum afleið-
ingum.
Það sem eftir lifir spennumyndar-
innar fer síðan í að undirbúa og út-
færa uppgjörið á milli Steves og ráns-
félaganna, en þá hefur Stella
(Charlize Theron), strangheiðarleg
og fögur dóttir Johns, bæst í hópinn.
Uppgjörið er dregið á langinn með
einkar langsóttum úrlausnum, og nær
órökvísin í handritinu í raun hámarki
þegar hópurinn leggur á ráðin með
inngöngu í lúxusvillu Steves, sem af
einhverjum ástæðum reynist nú hin-
um reyndu innbrotsþjófum óvinnandi
vígi (enda er villan útbúin þýsku ör-
yggiskerfi). Tíminn er þó nýttur að
hluta til í að byggja upp tengsl sögu-
persóna og útfæra flókinn eltingaleik
þar sem Austin Mini-bílarnir koma
sterkir inn. En þar sem óvænt og þétt
flétta er kjarninn sem góðar glæpa-
myndir verða að hafa reynist fremur
lítið spunnið í Ítalska verkefnið, þrátt
fyrir alla fyrirhöfnina og vandaða
áferðina. Leikararnir eiga stóran þátt
í að halda framvindunni gangandi en
þó aðeins að hluta til. Sérstaklega er
það Edward Norton sem veldur von-
brigðum en hann virðist ganga að
hlutverki dusilmennisins Steves með
hálfum huga, og ólíkt því sem maður á
að venjast þegar Norton er annars
vegar er túlkun hans hér kraftlaus.
KVIKMYNDIR
Háskólabíó, Laugarásbíó
Leikstjórn: F. Gary Gray.
Handrit: Donna og Wayne Powers, byggt
á handriti eftir Troy Kennedy-Martin.
Aðalhlutverk: Mark Wahlberg, Edward
Norton, Charlize Theron, Seth Green,
Jason Statham, Mos Def, Donald Suther-
land.
Lengd: 106 mín. Bandaríkin.
Paramount Pictures, 2003.
Ítalska verkefnið /The Italian Job Charlize Theron, Mark Wahlberg og Jason Statham á kafi í Ítalska verkefninu.
Heiða Jóhannsdóttir
Rýr afrakstur
VERT er taka þessa plötu, sem
inniheldur tónlist við kvikmynd Frið-
riks Þórs Friðrikssonar, Fálka, til
sérstakrar umfjöllunar enda inniheld-
ur hún nokkur lög
sem mér vitandi
hafa ekki komið fyr-
ir almenningseyru
annars staðar. Ber
þar hiklaust hæst
lag sem Megas
syngur á ensku en
einnig frumsamið lag aðalleikara
myndarinnar, Keiths Carradines,
sem hann samdi sérstaklega fyrir
myndina. Ber það nafnið „Northern
Light“.
Diskurinn hefst á sönglausu þema-
lagi eftir Hilmar Örn Hilmarsson sem
best er hægt að lýsa sem „Sigur Rós-
ar-legu“. Fremur átakalítil smíð.
Heyra má betur útfært tilbrigði við
stemmuna í enda plötunnar. Öllu
kjötmeira er verkið „Terra Firma“
sem finna má um miðbik hennar. Lag
Carradines er svo hér í tveimur út-
gáfum, sunginni og ekki sunginni.
Ósköp tilþrifalítið en um leið ágæt-
lega snoturt og settlegt, Lennonlegt
þriggja gripa popp. Lag Megasar er
hins vegar hiklaust það besta sem hér
er að finna. Það fyrsta sem maður
tekur eftir – merkilegt nokk – er
snjall trommuleikurinn sem lyftir lag-
inu upp. Lagið sækir þægilega á
mann og er eftirminnilegt. Og ensk-
an? Jú, pínu skrýtið en söngurinn jafn
„Megasarlegur“ og meistarinn á
vanda til. Eftir þetta koma þrjú raf-
væn popplög, það fyrsta runnið undan
rifjum Barða Jóhannssonar og Bang
Gang-verkefnis hans. Það er ótrúlegt
til þess að hugsa að fyrsta breiðskífa
Bang Gang, You, hafi komið út 1998.
Það hefur tekið tímann sinn að koma
annarri plötu út! En af laginu hér að
dæma, „Something Wrong“, hefur
biðin verið vel þess virði. Flott raf-
popp, raunar mjög flott. Rokkandi
tæknópopp Atingere er þá bara ágæt-
lega kalt og svalt. Lag Daníels Ágústs
Haraldssonar, „Sparks Fly“, er tor-
melt og stórt, þar sem óperuröddum,
rafhljóðum og strengjum ægir sam-
an, toppað af seiðandi rödd Daníels.
Forvitnilegt svo ekki sé nú meira sagt
og hitar mann dálítið fyrir bráðkom-
andi sólóplötu pilts, sem beðið hefur
verið eftir lengi, líkt og með Bang
Gang.
Einnig eiga múm, Mínus og Leaves
lög hér sem áður hefur verið fjallað
um.
Í heild hið sæmilegasta samansafn
af framsækinni íslenskri dægurlaga-
tónlist – og framlag Megasar og
Carradines gefur plötunni söfnunar-
lega vigt.
Tónlist
Fálka-
söngvar
Ýmsir
Fálkar
Smekkleysa
Tónlist úr kvikmyndinni Fálkum.
Flytjendur eru Hilmar Örn Hilmarsson,
múm, Keith Carradine, Mínus, Megas,
Leaves, Bang Gang, Hilmar Örn Hilm-
arsson, Atingere og Daníel Ágúst Har-
aldsson.
Arnar Eggert Thoroddsen
Morgunblaðið/Árni Sæberg
Keth Carradine, aðalleikari Fálka,
samdi lagið „Northern Light“.
FÓLK Í FRÉTTUM
Stóra svið
LÍNA LANGSOKKUR e. Astrid Lindgren
Aðalæfing fö 12/9 kl 13 - kr. 1.000
Forsýning lau 13/9 kl 14 - UPPSELT
FRUMSÝNING su 14/9 kl 14 - UPPSELT
Lau 20/9 kl 14 - UPPSELT,
Su 21/9 kl 14.
Lau 27/9 kl 14,
Su 28/9 kl 14,
Lau 4/10 kl 14,
Su 5/10 kl 14.
ÖFUGU MEGIN UPPÍ e. Derek Benfield
Lau 13/9 kl 20,
Lau 20/9 kl 20.
PÚNTILA OG MATTI e. Bertolt Brecht
Fö 19/9 kl 20
Fi 25/9 kl 20
Su 28/9 kl 20
Nýja sviðið
KVETCH e. Steven Berkoff
Í samstarfi við Á SENUNNI
Mi 10/9 kl 20 - UPPSELT,
Fi 11/9 kl 20 - UPPSELT,
Fö 12/9 kl 20 - UPPSELT.
Síðustu sýningar
NÚTÍMADANSHÁTÍÐ - Sex danshöfundar
frumflytja sex sólódansa
Lau 13/9 kl 20,
Su 14/9 kl 20.
Aðeins þessar sýningar
Litla sviðið
Miðasala: 568 8000
Miðasalan er opin kl. 13-18 og fram að sýningu sýningardaga. Sími miðasölu opnar kl. 10 virka daga.
Fax 5680383 midasala@borgarleikhus.is
Sala áskriftarkorta og afsláttarkorta stendur yfir
Sex sýningar: Þrjár á Stóra sviði, og þrjár aðrar að eigin vali. kr. 9.900
Tíumiðakort: Notkun að eigin vali kr. 16.900
Komið á kortið: Fjórir miðar á Nýja svið/Litla svið. Kr. 6.400
VERTU MEÐ Í VETUR
RÓMEÓ OG JÚLÍA e. Shakespeare
í samstarfi við VESTURPORT og ÍD
Lau 13/9 kl 20. - UPPSELT
Allra síðasta sýning
IÐNÓ
fim, 18. sept kl. 21,
sun, 21. sept kl. 21,
fim, 25. sept kl. 21.
föst, 26. sept kl. 21.
Gríman 2003
„BESTA LEIKSÝNING ÁRSINS,“
að mati áhorfenda
Félagsheimilið Hnífsdal,Ísafirði
lau 13. sept kl. 21. Örfá sæti
Miðasölusími í IÐNÓ 562 9700
og sellofon@mmedia.is
FÖSTUDAGINN 12/9 - KL. 20 UPPSELT
SUNNUDAGINN 14/9 - KL. 20 UPPSELT
SUNNUDAGINN 21/9 - KL. 20 UPPSELT
MÁNUDAGINN 22/9 - KL. 20 ÖRFÁ SÆTI LAUS
ATHUGIÐ SÝNINGUM FER FÆKKANDI!
Grennri
BOGENSE TAFLAN
Örugg hjálp í baráttunni við aukakílóin
AUGLÝSINGADEILD
netfang: augl@mbl.is eða sími 569 1111