Morgunblaðið - 09.09.2003, Blaðsíða 29

MINNINGAR
MORGUNBLAÐIÐ ÞRIÐJUDAGUR 9. SEPTEMBER 2003 29
✝ Stefán B. Asparskipstjóri fæddist
á Akureyri 3. júlí
1944. Hann lést á
heimili sínu 1. sept-
ember síðastliðinn.
Foreldrar hans voru
Björn Halldórsson
Aspar og Auður Jóns-
dóttir Aspar. Systkini
Stefáns eru Halldór,
f. 1940, Jón, f. 1942,
Birgir, f. 1943, Edda,
f. 1946, Torfi, f. 1947,
Gunnar, f. 1949 og
Birna, f. 1951.
Stefán kvæntist ár-
ið 1972 Rósu Rósantsdóttur en þau
slitu samvistum. Dætur þeirra eru
Sóley Björk, f. 1973, sambýlismað-
ur Helgi Örn Gunnarsson og Fann-
ey Ösp, f. 1977, báð-
ar búsettar í
Reykjavík. Stjúp-
dóttir Stefáns er Að-
alheiður Signý Óla-
dóttir, f. 1964, gift
Stefáni Jóni Stefáns-
syni, börn þeirra eru
Jóna Berglind, f.
1988 og Orri Snæv-
ar, f. 1990.
Stefán útskrifaðist
frá Stýrimannaskól-
anum í Reykjavík
1967 og starfaði
mestan hluta ævinn-
ar hjá Útgerðar-
félagi Akureyringa.
Útför Stefáns verður gerð frá
Akureyrarkirkju í dag og hefst at-
höfnin klukkan 13.30.
Í dag fylgjum við pabba okkar síð-
ustu sporin hér á jörð. Þung eru þau
spor en verða að sama skapi létt þeg-
ar við hittumst aftur á góðum stað.
Við beygjum höfuð okkar í sorg en
þakklætið fyrir þær góðu stundir sem
við fengum að njóta saman styrkir
okkur á erfiðu stundunum.
Elsku pabbi, okkur þykir svo mikið
vænt um þig.
Sóley og Fanney.
Í minningu kærs bróður.
Kallið kom óvænt þótt ég vissi að
hann væri mikið veikur. Hann var alla
tíð sjómaður, frá unglingsárum og allt
til loka þegar kallið kom. Hann var
það veikur í sumar að hann gat ekki
stundað sjóinn, spilað golf eða farið í
gönguferðir á fjöll, sem hann hafði
gert áður bæði á Íslandi og erlendis.
En þrátt fyrir alvarleg veikindi mátti
hann ekkert vera að því að vera sjúk-
lingur, áhugamálin voru ótalmörg og
hann sinnti þeim alveg fram á síðasta
dag, hafði t.d. komið sér upp heima-
síðu þar sem hann skrifaði greinar
um ýmisleg hugðarefni allt frá um-
gengni um auðlindina til umferðar-
mála og margt fleira. Í staðinn fyrir
gönguferðir settist hann upp í bílinn
sinn og keyrði eitthvað út í náttúruna.
T.d. fór hann oft inn í Kjarnaskóg,
hafði fundið þar góða laut, lagðist þar
í sólbað og las í bók, hlustaði á fuglana
og naut þess að vera einn í kyrrðinni.
Hann langaði að fara einn túr með
skipinu sínu, sem hann hafði verið
skipstjóri á svo lengi. Þrátt fyrir for-
tölur ætlaði hann sér að fara en þegar
til kom treysti hann sér ekki með. Og
nóttina eftir að skipið hans hélt út á
sjó sigldi hann á önnur mið.
Ef ég ætti mér eina ósk mundi ég
óska mér þess að ég ætti þó ekki væri
nema smábrot af því æðruleysi sem
hann bjó yfir.
Far þú í friði kæri bróðir og guð
veri með þér. Þín systir
Edda.
Minnisbrot um kæran bróður.
Allt er svo bjart í minningunni, í
litlu húsi, þar sem þétt var setið og
sofið, systkinahópurinn stóri eins og
heilsteypt keðja, 8 börn á 10 árum,
hver hlekkur svo mikilvægur en nú er
komið að því að kveðja einn úr hópn-
um, Stebba bróður.
Þegar ég er komin til vits og ára er
Stebbi unglingur og farinn að stunda
sjómennskuna en sjómennskan varð
hans ævistarf.
Á þessum árum sigldu togararnir
mikið til Bretlands með fiskinn og var
það kallað að fara í siglingu. Þegar
von var á Stebba úr siglingu var labb-
að út á klappir heima því að þar sást
langt út á sjóinn. Fylgst var með
togaranum sigla inn fjörðinn og þegar
skipið nálgaðist var hlaupið niðrá
bryggju. Þá mátti unglingurinn þola
það að „litla systir“ tók á móti honum.
Stebbi, Stebbi hér er ég, farið var um
borð og skipið skoðað, síðan í land
með sjóurunum, rúntað í leigubíl og
farið inn á bar, þar var systirin sett
uppá háan barstól og settur stór jarð-
arberjashake fyrir framan hana,
þarna gat lífið ekki orðið betra, hvað
þessi systir var stolt af þessum bróðir
sínum. Þegar Stebbi kom úr sigling-
unum kom hann aldrei tómhentur
heim. Eitt sinn var það skólataska,
hjólaskautar og hvít leðurstígvél.
Þegar í þessi stígvél var komið máttu
prinsessurnar í ævintýrunum vara
sig. Einu sinni bað Stebbi „litlu syst-
ur“ (sem þá var orðin táningur) að
hjálpa sér með að velja jólagjöf handa
kærustunni, stakk hún þá uppá hár-
kollu, það væri svo þægilegt að geta
bara sett kollu á hausinn og þurfa
ekkert að greiða sér, einhverra hluta
vegna hitti þetta ekki beint í mark hjá
kærustunni.
Eftir að við urðum fullorðin má
segja að Stebba hafi tekist að halda
systkinahópnum saman með golfi.
Hann (ásamt fleirum) stóð fyrir golf-
móti hjá Útgerðarfélagi Akureyringa
og þar tók maður sín fyrstu handtök í
golfinu. Í fyrsta sinn sem „litla systir“
fékk fugl var dreginn upp fleigur og
skálað fyrir því. Hjá Stebba mátti
maður aldrei taka upp krónu, hann
var alltaf fyrri til og sagði það er búið
að ganga frá þessu, svona var hann
gjafmildin uppmáluð. Læt ég þessum
hugrenningum um kæran bróður lok-
ið.
Dætrunum Sóleyju og Fanneyju
bið ég blessunar í sorginni, einnig
Helga, Rósu, Heiðu og fjölskyldu og
Tomma hans góða vini.
Blessuð sé minning Stebba
Birna (litla systir).
Það sem gerir góða starfsmenn að
frábærum er þegar þeir leggja sig
meira fram og ná betri árangri en
hægt er að ætlast til. Stefán Aspar
skipstjóri á Árbak EA var slíkur mað-
ur.
Mest alla sjómannstíð sína var
Stefán skipstjóri á ísfisktogurum ÚA
sem afla landvinnslu félagsins hráefn-
is. Stefán tók þetta hlutverk sitt föst-
STEFÁN B.
ASPAR
um tökum og var mjög umhugað að
allur frágangur og gæði fisksins sem
hann kæmi með í land væri til fyr-
irmyndar og stæðist ströngustu kröf-
ur. Stefán gat sér fljótlega orð sem
góður sjómaður og sá sem kunni til
verka. Það eru ófáir sjómenn hjá ÚA,
og annars staðar, sem hafa notið leið-
sagnar Stefáns á hinum ýmsu sviðum
sjómennskunnar og mannlífsins. Það
er eftirtektarvert hvað Stefán bar
mikla umhyggju fyrir þeim sem
minna máttu sín og eru nokkur dæmi
þess að Stefán hafi tekið menn upp á
sína arma og aðstoðað þá við að sigr-
ast á tímabundnum erfiðleikum. Þar
sýndi Stefán af sér meiri náungakær-
leika en við eigum að venjast.
Stefán hóf sjómannsferil sinn fyrir
meira en fjörutíu árum á síðutogur-
um. Árið 1969 fór hann sína fyrstu
túra sem stýrimaður hjá ÚA og
nokkrum árum síðar var hann búinn
að ávinna sér það traust að hann var
orðinn skipstjóri. Stefán var af þeirri
kynslóð sjómanna sem hófu lífsstarfið
á síðutogurunum við frumstæðar að-
stæður og muna því tímana tvenna til
sjós. Það varð hlutskipti Stefáns að
leggja Harðbaki gamla en hann var
síðasti síðutogarinn sem var gerður
út hjá ÚA. Af Harðbak lá leiðin á
skuttogarana Sólbak og Hrímbak og
þaðan á Árbak sem hann stýrði til
dánardægurs. Allir sem kynntust
Stefáni voru ríkari af vináttu hans og
lífspeki.
Fyrir hönd starfsmanna ÚA og
Brims sendi ég dætrum Stefáns og
fyrrverandi eiginkonu samúðar-
kveðju og óska þess að minning um
góðan dreng megi sefa sorgina og
vera þeim huggun sem eiga um sárt
að binda vegna fráfalls Stefáns.
Guðbrandur Sigurðsson.
Það var fyrir tæpum átta árum sem
ég kynntist Stefáni Aspar en þá tók
hann við skipstjórn á Árbak EA 5. Þá
þekkti ég Stefán aðeins af orðsporinu
góða sem alla tíð fylgdi honum.
Traustur og áreiðanlegur eru orð sem
lýsa honum afar vel, líka vandaður og
sanngjarn, en orðið sem helst kemur í
hugann á mér er góður. Góður skip-
stjóri, góður félagi og góður maður.
Þetta voru gæfu- og gæftaár sem
hann stýrði Árbak enda lagði Stefán
sig allan fram í því sem hann tók sér
fyrir hendur, ekki síst þeim hlutum er
vörðuðu öryggi áhafnarinnar.
Það er því með eftirsjá og miklum
söknuði sem ég kveð þennan prýð-
ismann. Dætrum Stefáns og aðstand-
endum öllum sendi ég mínar innileg-
ustu samúðarkveðjur.
Gylfi Svafar Gylfason.
Það er leitt að kveðja góðan vin og
samstarfsmann, enn á besta aldri, en
fráfall Stefáns Aspar er staðreynd
sem við verðum að sætta okkur við.
Áhöfnin á Árbak minnist Stefáns
sem einstaks ljúfmennis og félaga og
þökkum fyrir að hafa fengið að starfa
undir hans styrku stjórn.
Hann var aflakló sem bar virðingu
fyrir skipi og áhöfn. Hvort sem það
var skipstjórn í verstu veðrum eða að
bera mikinn afla að landi. Sérstakt
lag hafði Stefán á að laða fram það
besta í áhöfnini og leið okkur einstak-
lega vel undir hans stjórn. Til marks
um ánægju áhafnarinnar þótti það
fréttnæmt ef skipsrúm losnaði.
Í dag kveðjum við Stefán og færum
dætrum hans og aðstandendum öllum
innilegar samúðarkveðjur.
Áhöfnin á Árbak.
Sími 562 0200
Erfisdrykkjur
Elskulegur eiginmaður minn, faðir, tengdafaðir
og afi,
ARI F. GUÐMUNDSSON
fyrrv. starfsmannastjóri Landsbankans,
Birkihæð 8,
Garðabæ,
lést á Landspítala Hringbraut að morgni
laugardagsins 6. september.
Katla Ólafsdóttir,
Fríða Aradóttir,
Atli Arason,
Vilborg Aradóttir,
Guðmundur Arason,
tengdabörn og barnabörn.
Ástkær eiginmaður minn, faðir, tengdafaðir, afi
og langafi,
SNÆBJÖRN HJÖRLEIFUR
ÞORVARÐARSON,
frá Þiljuvöllum,
Dvalarheimilinu Helgafelli,
Djúpavogi,
lést miðvikudaginn 3. september.
Útför hans fer fram frá Beruneskirkju föstudaginn
12. september kl. 14.00.
Fyrir hönd aðstandenda,
Ingibjörg Guðmundsdóttir,
Kristín Snæbjörnsdóttir,
Unnþór Snæbjörnsson,
Hlífar Már Snæbjörnsson,
Alda Snæbjörnsdóttir,
Þórður Viðar Snæbjörnsson.
Móðir mín, tengdamóðir, amma og
langamma,
JÓHANNA DAGMAR BJÖRNSDÓTTIR
frá Brunnum Suðursveit,
Keldulandi 21,
Reykjavík,
andaðist sunnudaginn 31. ágúst.
Útförin fer fram frá Mosfellskirkju miðviku-
daginn 10. september kl. 15.00.
Harald Sigurbjörn Holsvik, Gígja Sólveig Guðjónsdóttir,
Guðjón Dagbjörn Haraldsson, Valbjörg Þórðardóttir,
Guðrún Dagmar Haraldsdóttir, Grétar Ólafsson
og barnabarnabörn.
Maðurinn minn, faðir okkar, tengdafaðir og afi,
SIGVALDI BÚI BESSASON
trésmiður,
Goðheimum 23,
Reykjavík,
lést á Landakotsspítala sunnudaginn
7. september.
Jarðarförin fer fram frá Langholtskirkju fimmtu-
daginn 11. september kl. 13.30.
Blóm og kransar afþakkaðir en þeim, sem vildu minnast hans, er bent á
Landssamtök hjartasjúklinga.
Ásdís Erla Gunnarsdóttir Kaaber,
Jón Magngeirsson, Margrét Snorradóttir,
Gunnar Sigvaldason, Aðalheiður Ósk Sigurðardóttir,
Ástríður Sigvaldadóttir, Kristinn Páll Ingvarsson,
Þórarinn Sigvaldason, Jóhanna Jóhannesdóttir,
Kristinn Sigvaldason, Guðrún Jóhannesdóttir,
barnabörn og barnabarnabörn.
Elskulegur faðir okkar, tengdafaðir, afi og
langafi,
JÓSAFAT J. LÍNDAL,
fyrrverandi sparisjóðsstjóri,
andaðist á Hjúkrunarheimilinu Sunnuhlíð í
Kópavogi laugardaginn 6. september.
Erla Líndal,
Jóhanna Líndal Zöega, Tómas Zöega,
Kristín Líndal, Jónas Frímannsson,
Jónatan Ásgeir Líndal, Helga Þorbergsdóttir,
barnabörn og barnabarnabörn.
Elskuleg móðir okkar, tengdamóðir, amma og
langamma,
SIGRÚN LÚÐVÍKSDÓTTIR,
Fífilgötu 10,
Vestmannaeyjum,
andaðist á Landspítalanum við Hringbraut
föstudaginn 5. september.
Útförin fer fram frá Landakirkju laugardaginn
13. september kl. 14.00.
Hildur Ólafsdóttir,
Eydís Ólafsdóttir,
Skúli Ólafsson,
Bjarni Ólafsson,
tengdabörn, barnabörn
og barnabarnabörn.